ATÜJAINJANA WAYA EKIRAJAA | TALATA MAʼIN PAAʼIN SÜNAIN EKIRAJAA WAYUU
Pütanala saaʼin wayuu pikirajapa
Oonooinjana waya nümaa Jeʼwaa süka süpüshuaʼa waaʼin (Pr 3:1). Wekirajapa wanee wayuu anasü süntüle suluʼumüin naaʼin tü nikirajakalü anain. ¿Jamüsü süpüla wountuin tia?
Nnojoishii wekirajüinjatüin neʼe sünain tü sümakat tü Bibliakat, wakaalinjainjachi chi wekirajüinkai süpüla niʼitaainjatüin suluʼu nukuwaʼipa tü nikirajaakalü anain nüchiki Jeʼwaa jee aleewainjachi nia nümaa. Pükaalinja nia süpüla niyaawatüin saaʼu süpülajatüin anain nukuwaʼipa tü nikirajaakalü anain nüchiki Jeʼwaa otta aleewain nia nümaa. Sükajee tü nuluwataakalü anain nia Jeʼwaa, niyaawateerü aaʼu aipüralin maʼin Jeʼwaa, lotuin maʼin nukuwaʼipa jee kamaneein maʼin nia. Püsakira nia sünain jamüin naaʼin sutuma nikirajaain sünain tü Bibliakat jee müleka nunoujale sünain. Pükaalinjüinjachin nia süpüla niyaawatüin aaʼu jameerüin maʼin nukuwaʼipa müleka nükayalaale suulia tü kasa mojukat nümüin Jeʼwaa. Talateerü maʼin paaʼin sutuma alin maʼin Jeʼwaa nüpüla chi pikirajüinkai.
SÜCHIKIJEE JÜNAJÜIN TÜ VIDEOKOT TALATA PAAʼIN SÜNAIN EKIRAJAA WAYUU. ATÜJAINJACHI PIA EKIRAJAA WAYUU: PÜTANALA SAAʼIN WAYUU PIKIRAJAPA, JUSOUTA SHIʼIPAJEE TÜÜ:
¿Jamüsü süsakitka Neeta Jade süchiki tü naashajaakalü achiki paala?
¿Kasa saaʼinraka Neeta süpüla shiyaawatüin aaʼu Jade alin maʼin shia nüpüla Jeʼwaa sükajee tü nuchuntakat sümüin?
Watanarüle naaʼin na wekirajüinkana, keeʼireejeerü maʼin naaʼin naʼyataain nümüin Jeʼwaa.
¿Kasa süküjaka Neeta sümüin Jade süpüla shiiʼiyatüinjatüin alin Jeʼwaa süpüla?