WAKUWAʼIPA SÜNAIN ANOUJAA

Watüja süpüleerua tü karaloʼutakat Anainjatka atuma pukuwaʼipa waneepia

Kamalainsü wamüin tü video jee tü pütchi asakinnakalü anain suluʼu tia karaloʼutakat. Anasü maʼin tü pütchikat «Eeshii wayuu eekai namüin», «Tü paaʼinrajatkat» otta «Pünaʼla sooʼomüin». ¿Kasa amaa jalouijeetka pümüin suluʼujee süpüla pikirajüin wayuu süka? (Mt 28:19, 20).

Suluʼu JW Library jutatüsü tü karaloʼutakat «Anainjatka atuma pukuwaʼipa waneepia». Suluʼu tü ayaakuaakat eeʼiyatünüsü tü wotonkot «Kojuyasü pütchi otta video, shiʼipa 1».

Video otta kojuyasü pütchi. Nnojorüle pikirajüin sükajee tia karaloʼutakat suluʼu püserulaatse, ¿eesüche süpüla puusütüin sünain tü videokot jee tü kojuyasükat pütchi? Aa, eesü süpüla. Püchajaa tü karaloʼutakat suluʼu jw.org jee shiale suluʼu JW Library. Piʼitaa clic sünain wanee shiʼipa saʼakajee tü pienchisükat shiʼipa. Püshakatireetka süpüla piʼrüin tü pütchikat «Kojuyasü pütchi otta video». Yala eesü tü video jee tü enlace eekat suluʼu tü ekirajaayakat (ayaakuaa 1).

Eesü süpüla püneeküin «Edición impresa». Eesü süpüla paaʼinrüin tia pikirajapa wayuu süka tia karaloʼutakat suluʼu JW Library jee pütüjaweere saaʼu jamüin shiyolojo suluʼu tü karaloʼuta eʼinprimiijünakat. Suluʼupa pia wanee ekirajaaya, iipünaa shikialuʼujee, pukonoto eere tü apünüinsükat puntochon, püneeka eere sümüin «Edición impresa». Anasü paaʼinrüle tia pütüjaweere saaʼu jamüin sünainpünaaka sünülia tü pütchikat sümaa tü pikirajakalü anain. Süpüla puʼwanajaain süchikuaʼa, pukonoto eere tü apünüinsükat puntochon eere sümüin «Edición digital» jee shiale pukonotuin tü kasa koʼoyookat wünaapünaa shikialuʼujeeka.

Suluʼu JW Library jaʼyasü tü karaloʼutakat «Anainjatka atuma pukuwaʼipa waneepia». Suluʼu tü ayaakuaakat eeʼiyatünüsü tü wotonkot «¿Yapasüche taya?» otta tü wotonkot «Noota».”

«¿Yapasüche taya?». Suluʼusü shia shiʼipa pienchi. Tia süpülajatü natüjaain saaʼu na wekirajüinkana tü achuntunakat namüin süpüla naküjain pütchi namaa na wawalayuukana jee süpüla woutiisain naya (ayaakuaa 2).

Noota. Aküjünüsü yala sooʼomüin tü pütchi ekirajünakalü anain. Sajaʼlajaayamüin wanee noota eesü wanee enlace süpüla püleʼejüin suluʼu tü ekirajaayakat (ayaakuaa 2).

Pikiraja chi pikirajüinkai jaʼyakai aaʼu kooʼomüin nunoula sünain süpüshuaʼa tü karaloʼutakat, jaʼitashi woutiisain nia süpülapünaa kettaain nutuma tia karaloʼutakat. Eesü süpüla püshajüin tü oora pülatirakat sünain pikirajüin nia, jeʼratuain puuyantüin nümaʼanamüin jee püshajüin pikirajüin nia. Pümaale wanee wawala sünain ekirajaa, eesü süpüla niyaawajüin tü oora nülatirakat pümaa sünain ekirajaa pümaa.