17 Abrán orekórõ guare 99 áño, Jehová ojechauka* chupe ha heʼi: “Che hína Ñandejára Todopoderóso. Eikókena che aipotaháicha ha ani rejapo ivaíva.

8 Ndéngo koʼág̃a peteĩ extranhéro+ pe yvy reikohápe, péro che ameʼẽmbaitéta ndéve ha umi ne familiarépe Canaán yvy kompletoite, ha opytáta chupekuéra hetaiterei tiémpore. Ha che haʼéta Idioskuéra”.+

9 Ojerovia rupi, haʼe oiko extranhéroicha pe yvy oñepromete vaʼekuépe chupe, oikoramoguáicha tetã ahénope.+ Ha oiko óga kárpape+ Isaac ha Jacob ndive, Ñandejára opromete vaʼekue avei chupekuéra omeʼẽtaha upe yvy.+

13 Enterove haʼekuéra osegi ojerovia omano meve, ndohecháiramo jepe oñekumpliha upe tiémpope umi mbaʼe oñepromete vaʼekue.+ Chupekuéra g̃uarã haʼete ohecháva umíva mombyry+ guive, ha ovyʼaiterei hikuái upe esperánsare. Omombeʼu hikuái opavave renondépe haʼeha extranhéro ha por un tiémponte oikoha upe yvýpe.