25 Rehapypaite vaʼerã umi idioskuéra raʼanga.+ Ani reipota nembaʼerã pe pláta ni pe óro oĩva hesekuéra, ha ndereguerahái vaʼerã nembaʼerã,+ ani ág̃a reʼa ñuhãme upevakuére, pórke Jehová nde Járape ombojeguaru umíva.+

2 Umi nasión peẽ peipeʼátavagui hína ijyvy pehundipaite vaʼerã entéro lugár haʼekuéra oipurúva oadora hag̃ua idioskuérape,+ tahaʼe oĩva umi montáña ijyvatévape, umi sérrope, térã umi yvyramáta guasu guýpe. 3 Peẽ pehundipa vaʼerã chuguikuéra umi altár, pemonguʼi vaʼerã umi kolúmna sagráda,+ pehapy vaʼerã umi póste sagrádo, ha peikytĩmbaite vaʼerã umi idioskuéra raʼanga.+ Péicha opytáta tesaráipe umi idioskuéra réra upe lugárgui.+