25 Upéi Saúl oho isoldadokuérandi oheka hag̃ua Davídpe.+ David oikuaáre upéva, oho pe itakua+ oĩvape pe desiérto de Maónpe. Ha Saúl ohendúvo upéva oho avei hapykuéri Maónpe, pe desiérto ruguáre.

2 Maónpe+ oĩ vaʼekue peteĩ karai ipláta hetaitereíva. Haʼe oreko 3.000 ovecha ha 1.000 kavara. Haʼe oho jepi ombaʼapo pe siuda héravape Carmelo,+ ha upépe oñapĩ ijovechakuérape. 3 Pe karai héra Nabal+ ha hembireko héra Abigaíl.+ Ko kuñakarai iporãiterei, haʼe iñarandu ha imbaʼerechakuaa, péro iména ijarhél ha oporotrata vai.+ Nabal ningo Caleb familiare.+