15 Péro napehendúiramo Jehová pende Jára ñeʼẽ, ha napeñatendéiramo pekumpli hag̃ua entéro imandamientokuéra ha iléi ameʼẽva peẽme koestedía, upéicharõ entéro koʼã maldisión penderupytýta:+

36 Jehová pendegueraháta peẽme ha pe rréi peiporavo vaʼekuépe peteĩ nasión ndapeikuaáivape peẽ ni pende tuakuéra ypykue.+ Ha upépe peservíta umi ótro dióspe, umi dios ojejapóva yvyra ha itágui.+

6 Ha 9 áño ogoverna haguépe Hosea, pe rréi de Asiria ojagarra Samaria.+ Upémarõ ogueraha umi israelítape hetãgui+ Asíriape, ogueraha chupekuéra oiko hag̃ua Halá ha Habórpe, oĩva rrío Gozán kóstape,+ ha umi medokuéra siudápe.+

21 Pe rréi de Babilonia ojuka chupekuéra Riblápe, opytáva Hamat territóriope.+ Péicha Judápe ojegueraha prisionéroramo hetãgui.+

36 Nde puévlo opekáramo ne kóntrape (pórke ndaipóri ningo yvypóra ndopekáiva),+ ha ndepochyeterei hendivekuéra ha reheja rei chupekuéra iñenemígo poguýpe, ha umi ogueraha vaʼekue chupekuéra prisionéroramo peteĩ lugárpe, tahaʼe ag̃ui térã mombyry,+ 37 ha upéi ohechakuaa ojavy hague hikuái pe nasión ojegueraha haguépe prisionéroramo, ha ojevy ne rendápe ha ojerure asy ndéve nembaʼeporã hag̃ua hendivekuéra pe nasión oĩháme prisionéroramo, ha heʼi hikuái: ‘Ropeka ha tuicha rofalla, ivaieterei ningo la rojapo vaʼekue’,+ 38 ha oĩ aja pe nasión ojegueraha haguépe chupekuéra prisionéroramo,+ ojevy hikuái ne rendápe ipyʼaite guive+ ha hekove* kompletoite reheve, ha oñemboʼe ndéve ko yvy remeʼẽ vaʼekue gotyo umi ituakuéra ypykuépe, ko siuda reiporavo vaʼekue+ ha ko óga amopuʼã vaʼekue gotyo nde rérape g̃uarã, 39 upéicharõ ehendumíkena iñemboʼekuéra yvága guive, pe lugár nde reikoha guive, ha avei ojerure asy jave ndéve nembaʼeporã hag̃ua hendivekuéra. Ejapókena hustísia hesehapekuéra,+ ha eperdonamína nde puévlo opeka vaʼekuépe ne kóntrape.