25 Jeroboán raʼy Nadábgui+ oiko rréi Israélpe 2 áño ogoverna haguépe rréi Asá de Judá, ha Nadab ogoverna Israélpe 2 áñore. 26 Haʼe osegi ojapo ivaíva Jehová renondépe itúa ojapo haguéicha ha opeka avei haʼéicha,+ ha ojapo umi mbaʼe vai itúa ojapoka vaʼekue Israélpe.+ 27 Ha Ahíya raʼy Baasá, haʼéva Isacar rogaygua opuʼã Nadab rehe ñemihaitépe. Ha Baasá oataka chupe Guibetónpe,+ oĩva umi filisteo poguýpe, upérõ Nadab ha kompletoite Israel omongora kuri Guibetón ojagarra hag̃ua. 28 Ha Baasá ojuka chupe ha opyta rréiramo hekovia, 3 áño ogoverna haguépe Asá rréi de Judá. 29 Baaságui oiko rire rréi ojukapaite Jeroboán rogayguápe, ndohejái oikove ni peteĩ Jeroboán rogaygua. Ojukapaite chupekuéra Jehová heʼi haguéicha isiérvo Ahíya pe silonita rupive.+