21 Ha Moisés oipyso ipo pe mar ári+ ha Jehová ogueru peteĩ yvytu atã oipejúva ésteguio. Upe yvytu oipeju upe pyhare pukukue ha mbeguekatúpe pe y oĩva márpe ojeavri.+ Ha pe mar ojeavri haguépe opyta iséko pe yvy.+ 22 Upéicha rupi, umi israelita ohasa pe mar, yvy isekohárupi.+ Pe y katu opyta peteĩ múroicha umi israelita derécha ha iskiérda gotyo.+

17 Upe aja umi saserdóte ogueraháva Jehová Árka del Pákto opyta oñemboʼy peteĩ hendaitépe, pe yvy isekohápe+ Jordán mbytépe. Opyta hikuái upépe enterovete umi israelita ohasapa peve pe Rrío Jordán yvy isekohárupi.+

13 Upe rire ohupi pe ao+ hoʼa vaʼekue Elíasgui, ha ou jey opyta pe Jordán oríllape. 14 Upémarõ oinupã pe y Elías aokuépe ha heʼi: “¿Moõ piko oĩ Jehová, Elías Jára?”. Ha oinupãvo pe y, ojeavri pe rrío, ha Eliseo ohasa upérupi.+