2 Pe rréi siervokuéra oĩva pe rréi palásio rokẽme oñakãity ha oñesũ Hamán renondépe, pórke pe rréi heʼi kuri ojejapo vaʼerãha upéicha. Péro Mardoqueo noñakãitýi ni noñesũi henondépe. 3 Upémarõ pe rréi siervokuéra oĩva pe rréi palásio rokẽme heʼi Mardoquéope: “¿Mbaʼéreiko nderejapói pe rréi omandáva?”. 4 Káda día haʼekuéra oporandu chupe upéva, péro haʼe nopenái hesekuéra. Upémarõ haʼekuéra oho omombeʼu Hamánpe, ikatu hag̃uáicha ojehecha ojeheja reítantepa Mardoqueo ojapóva,+ pórke Mardoqueo heʼi kuri chupekuéra judioha.+

5 Hamán ohechárõ guare Mardoqueo noñakãitýi ni noñesũiha henondépe, ipochyeterei opytávo.+