17 Ndovaléi peneinhústo pehusga jave umi extranhéro ha umi ityreʼỹvape,+ ha peipurukáramo peteĩ viúdape peteĩ mbaʼe, ndapejagarrái vaʼerã chugui ijao de garantía.+

 3 Pedefendéna* umi hénte iñumíldevape ha umi ityreʼỹvape.+

Pehecha tojejapo hustísia umi ojedespresiávape ha umi ndorekóivape avave odefende vaʼerã chupekuéra.+

9 “Péicha heʼi Jehová, umi ehérsito yvagapegua ruvicha: ‘Peporohusga hustísia teetépe,+ ha pejoayhueterei*+ ha pejoporiahuvereko. 10 Ani pembotavy pe viúda ha pe mitã tyreʼỹme, pe extranhérope ni pe imboriahúvape, ha ani pekalkula pende pyʼapýpe pejapo hag̃ua ivaíva ojuehe’.

27 Pe adorasión* ipotĩva ha ndaikyʼáiva ñande Ru Ñandejára renondépe haʼe hína kóva: ñañangareko umi viúdare+ ha umi ityreʼỹvare+ ohasa asy jave,+ ha ñañatende meme ani hag̃ua ko múndo ñanemongyʼa.+