18 Che hína Jehová, ha aipeʼáta chuguikuéra umi tovilléra porã porã,

umi sínta omoĩva iñakãre ha umi adórno* omoĩva ijehe,+

19 umi namichãi, pulséra ha ivelokuéra.

20 Aipeʼáta chuguikuéra umi téla porã porã omoĩva iñakãre, umi kadenaʼi orekóva itovilléra, isínto,

iperfumekuéra ryru ha iñamuléto.

21 Avei umi namichãi omoĩva itĩre ha umi kuãirũ,

22 ivestidokuéra oipurúva fiestahápe, umi ijao joʼaha, imánto ha ikartéra,

23 umi ijespehoʼi,+ ijao de líno,

umi turvánte* ha umi vélo.

Ymave ningo nde remonde vaʼekue ao pytã asýva,

rejajaipa umi adórno de órope,

ha repintapa voi nde resa* reñemoporã hag̃ua.

Péro reiete reñemoporã,+

pórke nderrechasáma umi iñakãraku vai vaʼekue nderehe,

haʼekuéra ndereka* oikóvo ndejuka hag̃ua.+