Salmos
David purahéi.
24 Jehová mbaʼe hína ko yvy ha opa mbaʼe oĩva pype,+
imbaʼe hína ko yvy ha umi oikovéva pype.
2 Ñandejára omoĩ ilugárpe ko yvy umi mar ári,+
ha okoloka hendápe porã umi rrío ári.
3 ¿Máva piko ikatu ojupi Jehová montáñape?+
¿Máva piko ikatu oĩ pe lugár sagrádope?
4 Ñandejára heʼi: “Pe persóna ndojapóiva mbaʼeve ivaíva ha ikorasõ potĩva.+
5 Jehová ovendesíta peichagua persónape,+ ha ojapóta hesehápe hustísia,*
pórke Ñandejára haʼe hína isalvadór.+
6 Koʼãichagua persóna oñemoag̃ui Ñandejárare,*
haʼekuéra oipota oguerohory chupekuéra Jacob Jára. (Sélah)
7 Peẽ okẽ, peñembotuichavéke,+
pejeavri porãke peẽ okẽ yma guare,
oike hag̃ua pe Rréi tuicha omandáva.+
8 ¿Mávapa ko Rréi iñimportantetéva?
Péva Jehová hína, haʼe peteĩ gerréro poderóso.+
Gerrahápe ndaipóri oñekompara vaʼerã Jehováre.+
9 Peẽ okẽ, peñembotuichavéke,+
pejeavri porãke peẽ okẽ yma guare,
oike hag̃ua pe Rréi tuicha omandáva.
10 ¿Mávapa ko Rréi iñimportantetéva?
Jehová hína umi ehérsito yvagapegua ruvicha, haʼe hína pe Rréi ipoderóso ha iñimportantetéva.+ (Sélah)