Salmos
Pe odirihíva musikokuérape g̃uarã. “Anína cherundi” tóno rehe. David purahéi. Miktam.* Saúl omondórõ guare unos kuánto kuimbaʼe David rógape opeska hag̃ua hese ojuka hag̃ua chupe.+
59 Ñandejára, chesalvána che enemigokuéragui.+
Cheprotehemína ani hag̃ua ojapo mbaʼeve cherehe umi oúva cheataka.+
2 Chesalvána umi hénte añágui,
ani reheja chejuka umi asesíno.*
Péro nde reikuaa Jehová ndahaʼeiha apuʼã haguére ne kóntrape ni apeka haguére.+
4 Ndajapóiramo jepe mbaʼeve ivaíva, haʼekuéra ojeprepara ha odipara oúvo cheataka hag̃ua.
Ñandejára, emañamíntena la oikóva cherehe, cherendúna ajerure jave ndéve chepytyvõ hag̃ua.
5 Jehová, ndéngo hína umi ehérsito yvagapegua ruvicha, nde hína Israel Jára.+
Epáyna ha ekastiga umi tetãme,
ani rembyasy umi hénte aña ha itraisionérovape.+ (Sélah)
7 Ehendumína umi mbaʼe vai heʼíva hikuái,
ijuru haʼete voi espáda.+
Haʼekuéra heʼi: “Avave ningo ndoikuaamoʼãi ñande jaʼéva”.+
9 Ñandejára nde chemombarete, asegíta ahaʼarõ nde chepytyvõ.+
Nde hína peteĩ lugár isegúro porãva* ajeprotehe hag̃ua.+
10 Ñandejára, nde ningo cherayhu ha núnka nderefalláiva chendive,* nde katuete chedefendéta.+
Che avyʼáta ahechávo mbaʼéichapa operde umi che enemígo.+
11 Péro ani rejuka chupekuéra una vetépe, ani hag̃ua ko puévlo pyaʼeterei hesarái la rejapóvagui.
Eipuru raẽ nde podér rembodipara hag̃ua umi hénte añáme.
Toperde hikuái pórke nde Jehová oreprotehe peteĩ eskúdoicha.+
12 Umi hénte aña heʼi heta mbaʼe vai, upéicha opeka ne kóntrape.
Haʼekuéra ijapu ha omaldesi hapichápe.
Aipota haʼekuéra jeýnte osẽ vai oñemombaʼeguasu haguére.+
13 Ipahápe, ehechauka ndepochyha ha ehundiete chupekuéra.+
Tomanomba hikuái ha ani opyta ni peteĩ.
Ñandejára, eikuaauka chupekuéra nde regovernaha Jacob puévlope ha ko yvy tuichakuére.+ (Sélah)
15 Toiko tokorre upérupi ohekávo algúna kósa hoʼu hag̃ua.+
Péro ani reheja hyg̃uatã hikuái ni otopa peteĩ lugár oke hag̃ua.
16 Che katu apurahéita amombeʼu hag̃ua nde ndepoderosoha.+
Pyharevete vyʼápe amombeʼúta nde reporohayhu ha nderefallaiha avavéndi.
17 Ñandejára, nde ningo chemombarete, upévare apurahéita romombaʼeguasu hag̃ua.+
Ñandejára, nde ningo peteĩ lugár isegúro porãva ikatuhápe ajeprotehe, nde rehechauka chéve cherayhuha ha núnka nderefallái chendive.*+