Salmos
Pe odirihíva musikokuérape g̃uarã. Coré raʼykuéra+ purahéi. Asegún Alamot* ojapoháicha.
46 Ñandejára ningo ñandeprotehe ha ñanemombarete.+
Haʼe pyaʼe ñanepytyvõ jahasa asy jave.+
2 Upévare ñande ni michĩmi ndajakyhyjemoʼãi oikóramo jepe peteĩ yvyryrýi,
ni umi montáña hoʼapáramo ha opyta mar ruguápe.+
3 Ha pe mar ipochýrõ ha oñepyrũrõ pe y ojejapete ápe ha pépe,+ ha omonguʼepa umi montáña,
ni upeichavérõ ndajakyhyjemoʼãi. (Sélah)
4 Ñandejára Ndaijojaháiva tavernákulo ningo sagrádo ha tuichaiterei,
haʼete peteĩ rrío osyrýva Ñandejára siudápe ha ombovyʼáva umi hénte oikóvape upépe.+
5 Ñandejára oĩ upe siudápe,+ upe lugár ndaikatúi oñehundi.
Ñandejára koʼẽ mboyve guive oúta odefende upe siuda.+
6 Ha umi tetãnguéra tesaparápe ojecha ha umi goviérno oñehundi.
Ñandejára oñeʼẽ hatã ha umi hénte oñepyrũ okyhyjepa.+
7 Jehová oĩ ñanendive, haʼe hína umi ehérsito yvagapegua ruvicha.+
Jacob Jára ningo peteĩ lugár isegúro porãva* ikatuhápe jajeprotehe. (Sélah)
8 Peẽ voi peju pehecha umi mbaʼe Jehová ojapóva,
haʼe ningo ojapo ko yvy ape ári umi mbaʼe tuichaitereíva ha ñanesorprendéva.
9 Ndaiporimoʼãvéima ni peteĩ gérra ko yvy ape ári,+
pórke Ñandejára omopẽ umi flécha ha umi lánsa,
ha ohapy umi kárro* ojepurúva gerrahápe.
10 Haʼe heʼi: “Peñentregántema ha peasepta che haʼeha Ñandejára.
11 Jehová oĩ ñanendive, haʼe hína umi ehérsito yvagapegua ruvicha.+
Jacob Jára ningo peteĩ lugár isegúro porãva ikatuhápe jajeprotehe.+ (Sélah)