Salmos
David purahéi.
144 Toñemombaʼeguasu Jehovápe,
haʼe ningo peteĩ Ita Guasu+ chéve g̃uarã,
ha chentrena añorairõ hag̃ua ha cheprepara aha hag̃ua gerrahápe.+
2 Ñandejára cherayhueterei ha ndofallái chendive.*
Haʼe peteĩ lugár isegúro porãva ha siémpre chesalva.
Ñandejára chéve g̃uarã peteĩ lugár ikatuhápe ajeprotehe.*
Haʼe hína che eskúdo ha che añemoag̃ui hese oñangareko hag̃ua cherehe.+ Ñandejára omoĩ umi puévlo che poguýpe.+
3 Jehová, peteĩ yvypóra ningo ndahaʼéi mbaʼevete ereko hag̃ua chupe enkuénta.
Umi hénte ndahaʼéi mbaʼeve nde reiko hag̃ua repena hesekuéra.+
6 Pe ára tovera ha tohesapepa pe yvága, péicha umi che enemígo odiparapáta.+
Epoi hesekuéra nde flécha ha sarambi ejapo hesekuéra.+
7 Ñandejára, che aime peteĩ mar pochýpe,
eipyso nde po yvága guive ha cheguenohẽ koʼágui,
chesalvána umi extranhérogui.+
8 Haʼekuéra ombotavy hapichápe,
ohupi ipo derécha ohura hag̃ua péro ijapu hikuái.
9 Ñandejára, apurahéita ndéve peteĩ músika pyahu.+
Che apurahéita romombaʼeguasu hag̃ua ha ambopúta pe árpa tuicháva.*
10 Pórke nde reipytyvõ umi rréipe ogana* hag̃ua.+
Ñandejára, nde resalva nde siérvo Davídpe pono ojejuka chupe espádape.+
11 Chepytyvõna, chesalvána umi extranhérogui,
haʼekuéra ombotavy hapichápe,
ohupi ipo derécha ohura hag̃ua péro ijapu hikuái.
12 Péicha ore família oĩ porãta, umi mitãkuimbaʼe okakuaáta umi yvyramáta tuichávaicha.
Ha umi mitãkuña ojoguáta umi kolúmna iporãvape oĩva de adórno umi palásiope.
13 Ore yvy oprodusi porãta ha ore depósito henyhẽtéta opa mbaʼe roñotỹvagui.
Ore ovechakuéra hetavéta ohóvo, ñepyrũrã peteĩnte rorekóta, ha upéi 1.000, ha upéi katu 10.000 voi.
14 Ore rymba vakakuéra ndoperdemoʼãi imemby,* síno onase porãmbáta.
Umi kállere ndaiporimoʼãi avave hasẽva ni ojaheʼóva osufri haguére.
15 ¡Ovyʼa umi puévlo oikóva péicha!
¡Ovyʼa pe puévlo oadoráva Ñandejára Jehovápe!+