Salmos
Pe odirihíva musikokuérape g̃uarã, Nehilótpe* g̃uarã. David purahéi.
5 Jehová, cherendumína por favór,+
hetaitéma ningo chepyahẽ asy.
2 Che Jára, nde hína che Ruvicha, cherendumína.
Che siémpre añemboʼe ha ajerure asy ndéve chepytyvõmi hag̃ua.
3 Jehová, nde katuete cherendúta añeʼẽ jave ndéve pyharevete.+
Pyharevete amombeʼúta ndéve umi mbaʼe chekevrantáva+ ha ahaʼarõta rekontesta chéve.
4 Che aikuaa porã ndéve nandegustaiha umi mbaʼe vai ojejapóva.+
Che aikuaa nde ndereguerohoryiha umi iñañávape.+
5 Umi oñembotuicháva ndaikatúi oĩ porã ne renondépe.
Nde nderehayhúi umi hembiapo vaívape.+
6 Jehová, nde rehundíta umi ijapúvape,+
nde nderechaʼeiete umi ivioléntovare ha nderehayhuiete umi ombotavývape hapichápe.+
7 Péro nde cherayhueterei,*+ upévare che ikatu aike nde rógape.+
Che añesũta ha amañáta ne témplo sagrádo oĩha gotyo, ahechauka hag̃ua rorrespetaha.+
8 Jehová, nde siémpre rejapo iporãva ha ndehústo.
Hetaiterei ningo oĩ oñemoĩva cherehe, chepytyvõmína aguata hag̃ua nde rapére.+
9 Che enemigokuéra ivaívante opensa,
avave ndaikatúi ojerovia haʼekuéra heʼívare.
Oiko ombojuruheʼẽ hikuái hapichápe okonsegi hag̃ua la oipotáva,
upévare ijuru haʼete voi peteĩ sepultúra ojeavríva.+
10 Péro nde che Jára katuete rekondenáta chupekuéra,
umi mbaʼe vai ojaposéva hikuái, hesekuéra jeýnte ojerepáta.+
Emosẽ umi iñañávape ne renondégui, pórke hetaitereíma opeka hikuái.
Haʼekuéra opuʼã nderehe.
11 Péro umi oñemoag̃uíva nderehe ojeprotehe hag̃ua ovyʼáta,+
haʼekuéra siémpre oikóta tory ha vyʼápe.
Nde nderehejamoʼãi avave ojapo hesekuéra ivaíva.
Umi omombaʼéva nde réra, katuete oikóta vyʼapópe.
12 Nde Jehová revendesíta umi hembiapo porãva ha ihústovape.
Nde reguerohorýta chupekuéra ha upéva haʼetéta voi peteĩ eskúdo oprotehéva chupekuéra.+