Salmos
Pe odirihíva musikokuérape g̃uarã. “Anína cherundi” tóno rehe. Miktam.* David ojapo ko purahéi okañýrõ guare Saúlgui peteĩ kuévape.+
57 Cheporiahuverekomína Ñandejára, cheporiahuverekomína.
Che* ningo añemoag̃ui nderehe cheprotehe hag̃ua.+
Añemoʼãta nde pepo guýpe ohasapa peve umi provléma.+
2 Ajerure asy Ñandejára Ndaijojaháivape chepytyvõmínte hag̃ua.
Haʼe osolusionáta che provléma.
3 Haʼe chepytyvõta yvága guive ha chesalváta.+
Ndohejamoʼãi ipuʼaka cherehe umi che enemígo oúva cheataka hag̃ua. (Sélah)
Ñandejára ohechaukáta mbaʼéichapa cherayhu ha ndofallaiha chendive.*+
4 Umi che enemígo ojerepa cherehe,* ojogua hikuái león pochýpe.+
Ake aja entéro, oiko opeska hikuái cherehe.
Haʼekuéra ojogua animál ñarõme,
umi hãi hakua haʼete lánsa ha flécha ha ijuru katu haimbe peteĩ espádaicha.+
5 Yvágape toñemombaʼeguasu Ñandejárape,
ha oparupiete ko yvy ape ári toñembotuicha avei chupe.+
6 Umi che enemígo omoĩ trámpa chemoñuhã hag̃ua.+
Hetaiterei cheprovléma.+
Umi che enemígo ojoʼo che raperãme peteĩ yvykua,
péro haʼekuéra jeýnte hoʼa pype.+ (Sélah)
7 Che korasõ mbytete guive ajerovia nderehe Ñandejára ha upéva nokambiamoʼãi.+
Askrivíta músika ha apurahéita ndéve.
Che korasõ mbytete guive ajerovia nderehe Ñandejára.
8 Epáyna, che korasõ.
Toñehendu ipúrõ umi instruménto de kuérda ha pe árpa.
Che apuʼãta koʼẽ mboyve.+
9 Umi puévlo renondépe che rombotuicháta Jehová.+
Umi tetã renondépe che apurahéita romombaʼeguasu hag̃ua.+
10 Ne mborayhu* ningo tuichaiterei, og̃uahẽ voi yvága peve.+
Ñandejára, nde rejapo hetaiterei mbaʼe umi hénte rehehápe, umíva og̃uahẽ voi yvága peve.
11 Yvágape toñemombaʼeguasu Ñandejárape,
ha oparupiete ko yvy ape ári toñembotuicha avei chupe.+