Jeremías
4 Péicha heʼi Jehová: “Reju jeýramo che rendápe Israel,
reju jeýramo che rendápe,
ha reipeʼa che renondégui umi nde dios puerkésa,
upéicharõ nde ndereikomoʼãvéima rekañy ha redipara.+
2 Ha rehuráramo:
‘¡Ahura Ñandejára Jehová oikovévare!’, ha rejapóramo upéva tekojoja ha añeteguápe,
upéicharõ haʼe* rupive oñevendesíta umi tetãme,
ha umi hénte oñemombaʼeguasúta heseve”.+
3 Pórke péicha heʼi Jehová umi kuimbaʼe Judá ha Jerusalenguápe:
“Peara peteĩ yvy noñeñotỹi haguépe mbaʼeve,
ha anive peiko peñemitỹ ñuatĩndýpe.+
4 Peẽ kuimbaʼe Judagua, ha umi oikóva Jerusalénpe:
Peñemopotĩ* Jehová renondépe,
ha pe sirkunsisión oipeʼaháicha mbaʼe kyʼa pende retégui, upéicha avei peipeʼa vaʼerã umi mbaʼe kyʼa pene korasõgui,+
ani hag̃ua arrenegaiterei ha che pochykue ou tatáicha pende ári,
avave ikatuʼỹ hag̃uáicha ombogue,
penerembiapo vaieterei rupi”.+
5 Pemombeʼu koʼã mbaʼe Judápe ha peikuaauka avei Jerusalénpe,
pesapukái ha pembopu peteĩ turu ko yvy tuichakuére,+
hatã porã pesapukái ha peje: “Ñañembyatypa
ha jaha ñakañy umi siuda imurallapávape.+
6 Pemopuʼã peteĩ señál* ohechaukáva pe tape ohóva Sion gotyo.
Peheka peteĩ lugár peñemoʼã hag̃ua ha aníke pepyta pepytuʼu”,
pórke Ñandejára heʼi: “Agueru hína nórteguio ládo peteĩ mbaʼe ivaietereíva, peteĩ mbaʼe ojapótava tuicha sarambi.+
7 Pe enemígo osẽma peteĩ león osẽháicha ñanandýgui,+
pe ohundíva umi tetãme oĩma haperãme,+
osẽma ilugárgui ojapo hag̃ua nde yvýgui peteĩ lugár oporomongyhyjéva.
Oñehundipaitéta umi nde siuda ha avave ndoikomoʼãi upépe”.+
8 Upévare, pemonde ao ohechaukáva peñembyasyha,+
penerasẽ* ha pejaheʼo,
pórke Jehová pochykue oúva tatáicha oĩ hína ñande ári.
9 Jehová heʼi: “Upe díape pe rréi ipyʼajúta,*+
10 Upépe che haʼe: “¡Anína Ñandejára Jehová regovernáva opa mbaʼe! Nde ningo rembotavy ko puévlope+ ha Jerusalénpe erévo: ‘Peikóta pyʼaguapýpe’,+ ha añetehápe rojejuka potaitéma hína espádape”.*
11 Upe tiémpope ojeʼéta ko puévlope ha Jerusalénpe:
“Peteĩ yvytu aku ou umi sérro perõ oĩvagui pe desiértope,
ha oitypeíta che puévlope.
Ndoúi hína omopotĩ ni omboveve hag̃ua umi semílla.
12 Pe yvytu oipejúva hatãiterei ou hína koʼã lugárgui che amanda rupi chupe.
Koʼág̃a che ahusgáta chupekuéra ha haʼéta mbaʼépa oikóta hesekuéra.
13 Pemañami, pe enemígo ou ku araícha oguerúva ama,
umi ikárro de gérra ojogua yvytu atãme.+
Umi ikavajukuéra ipyaʼeve umi ágilagui.+
¡Ivaiete ningo la ñande pórte, pórke ñañehundipaitéta!
14 Jerusalén, emopotĩ ne korasõ ojeipa hag̃ua chugui umi mbaʼe vai, péicha rejesalváta.+
¿Arakaʼe peve piko resegíta repensa mbaʼe vaíre?
15 Pórke oĩ hína oguerúva notísia Dángui,+
ha omombeʼu oikoha sarambi Efraín montañakuérape.
16 Peikuaauka ko mbaʼe umi tetãme,
pemombeʼu upéva Jerusalén kóntrape”.
“Umi guárdia* ou hína peteĩ tetã oĩvagui mombyry,
ha osapukáita hikuái oĩtaha gérra Judá siudakuéra kóntrape.
17 Haʼekuéra ou Jerusalén kóntrape opáguio ládo, umi guárdia ojapoháicha oñangareko hag̃ua peteĩ ñúre.+
Upéva oikóta pórke haʼe opuʼã cherehe”,+ heʼi Jehová.
18 “Nde repaga vaʼerã umi mbaʼe rejapo vaʼekuére ha reiko lájare.+
Iroiterei hína pe kastígo nderupytýtava,
pórke ne korasõ mbytete guive nde repuʼã cherehe”.
19 ¡Ahasa asyete,* ahasa asyete ningo!
Chekorasõ rasyete voi.
Pe che péchope che korasõ hatã operere.
20 Oñemombeʼu oikoha sarambi ápe ha pépe,
pórke pe país kompletoite oñehundi.
21 ¿Arakaʼe peve piko asegíta ahecha pe señál* ohechaukáva pe tape ohóva Sion gotyo,
ha asegíta ahendu pe turu pu?+
22 Ñandejára heʼi: “Che puévlo ningo ivýro,+
haʼekuéra nopenái cherehe.
Koʼã che raʼykuéra ningo itavy, nontendeiete voi mbaʼeve.
Ivalepaite* voi hikuái ojapo hag̃ua ivaíva,
péro ndoikuaái mbaʼéichapa ojapóta la iporãva”.
24 Amaña umi montáñare ha ahecha oryryipa,
ha oñembokacha umi sérro.+
25 Amaña ha ndaiporivéima ni peteĩ kuimbaʼe,
ha umi guyrakuéra kompletoite ohopa.+
26 Amaña ha ahecha pe yvy oprodusi porã vaʼekuégui oikoha peteĩ desiérto,
ha entéro umi isiuda oĩ vaʼekue upépe oñehundipa.+
Jehová ojapo koʼã mbaʼe
ipochy ha orrenegaiterei rupi.
27 Pórke péicha heʼi Jehová: “Pe yvy kompletoite opytáta nandi vera,+
péro nahundietemoʼãi pe yvy.
29 Oñehendúvo umi oikóva kavaju ári ha umi oipurúva árko ha flécha,
kompletoite umi oĩva pe siudápe odiparapáta.+
Oikéta hikuái umi ñanandýre,
ha umi itakuápe.+
Káda siuda opyta reíta,
ha ni peteĩ kuimbaʼe ndoikomoʼãvéi upépe”.
30 ¿Ha mbaʼe piko rejapóta koʼág̃a reñehundietémarõ?
Ymave ningo nde remonde vaʼekue ao pytã asýva,
rejajaipa umi adórno de órope,
ha repintapa voi nde resa* reñemoporã hag̃ua.
Péro reiete reñemoporã,+
pórke nderrechasáma umi iñakãraku vai vaʼekue nderehe,
31 Pórke ahendu ojaheʼóva peteĩ kuña hasykatúvaicha,
ipyahẽ peteĩ kuña imembývaicha primera ves.
Oñehendu Sion memby oñehaʼãmbaiteha hína orrespira hag̃ua.
Haʼe oipyso ijyva ha heʼi jey jey:+
“Aichejáranga che,* pórke chemokaneʼõma umi chejukaséva”.