Números
24 Balaam ohechakuaávo Jehovápe ogustaha* ovendesi Israélpe, noñehaʼãvéima ojapo paje Israel rehe ohundi hag̃ua.+ Upémarõ haʼe ojere omaña pe desiérto gotyo. 2 Ha Balaam ohecha umi israelita rogakuéra oñemohendaha por trívu,+ ha upe jave Ñandejára espíritu oguejy Balaam ári.+ 3 Upéi haʼe heʼi ko poesía:+
“Che, Balaam, Beor raʼy, haʼe koʼã mbaʼe,
che hína pe kuimbaʼe ojesapeʼa vaʼekue ha heʼíva koʼã mbaʼe.
4 Che hína upe omombeʼúva umi mbaʼe ohendu vaʼekue Ñandejára heʼíva,
upe ohecha vaʼekue peteĩ visión oúva pe Todopoderósogui,
pe oñesũ ha oñakãityetévo ojesapeʼa vaʼekue, ha che haʼe koʼã mbaʼe:+
6 Umi ñúicha* mombyry peve oho,+
umi yvotyty oĩvaicha rrío rembeʼýpe.
Umi aloe máta Jehová oñotỹ vaʼekuéicha,
umi sédro oñeñotỹ vaʼekuéicha y oríllape.
7 Pe y osegi ochororo mokõi mbaʼyru de kuérogui,
ha umi semílla oñeñotỹta umi lugár oĩháme heta y.+
8 Ñandejára onohẽ hína chupekuéra Egíptogui.
Haʼe hína peteĩ tóro ñarõ ratĩcha chupekuéra g̃uarã.
Haʼe hoʼúta umi nasionkuéra roʼokue, umi ojopýva chupekuéra,+
ha ikanguekue peve omoperõta, ha ifléchape ohundíta chupekuéra.
9 Haʼe oñemongarape peteĩ leóncha ha oñeno,
¿ha máva piko oñanimáta omopuʼã chupe upégui?
Umi penevendesíva, oñevendesíta,
umi penemaldesíva, oñemaldesíta”.+
10 Upéi Balac ipochyeterei Balaam ndive. Ha Balac ojepopete oñembohorývo Balaam rehe, ha heʼi chupe: “Chéngo rogueru kuri remaldesi hag̃ua che enemigokuérape,+ péro ipahápe nde revendesi chupekuéra koʼã 3 vése. 11 Koʼag̃aite aipota reho jey nde rógape. Che ningo ameʼẽse kuri ndéve heta mbaʼe ha rombotuichase kuri,+ péro Jehová nopermitíri ndéve rehupyty upéva”.
12 Balaam heʼi Balácpe: “Che piko ndaʼéi kuri umi kuimbaʼe remondo vaʼekuépe che rendápe: 13 ‘Balac omeʼẽramo jepe chéve hóga renyhẽ pláta ha órogui, che ndaikatumoʼãi ajapo mbaʼeve Jehová ndeʼíriramo chéve, tahaʼe iporãva térã ivaíva. Haʼéta Jehová heʼívante chéve’.+ 14 Koʼág̃a aháta che puévlope. Péro ejumína ha tamombeʼu ndéve mbaʼépa ko puévlo ojapóta nderehe amo gotyove”. 15 Ha Balaam heʼi ko poesía:+
“Che, Balaam, Beor raʼy, ningo haʼe koʼã mbaʼe,
pe kuimbaʼe ojesapeʼa vaʼekue ñeʼẽngue.+
16 Che hína upe omombeʼúva umi mbaʼe ohendu vaʼekue Ñandejára heʼíva,
ha pe oikuaáva Ñandejára Ndaijojaháiva arandu.
Ñandejára Todopoderóso ohechauka chéve peteĩ visión,
añesũ ha ajayvyete aja yvýre ajesapeʼa:
17 ahecháta, péro ndahaʼéi koʼág̃a,
ahecháta, péro ndahaʼéi ensegída.
Ha ojokáta Moab syva,+
ha ojokáta umi gerréro salváhe akã.
18 Ha Edom opytáta Israel mbaʼerã,+
ha Seír+ opytáta iñenemigokuéra poguýpe.+
Upe aja Israel ohechaukáta ipyʼaguasuha.
19 Ha Jacóbgui osẽta peteĩ ojagarra ha orekótava ipoguýpe umi héntepe,+
ha ohundipaitéta umi hénte hembýva umi siudápe”.
20 Upéi Balaam ohecha umi amalequítape, ha okontinua ipoesía kóicha:
21 Upéi ohecha umi quenítape,+ ha okontinua ipoesía kóicha:
“Isegúro upe reikoha, nde róga oĩ pe ita guasu ári.
22 Péro oĩta ohapýva umi quenítape.*
¿Mboy tiémpopa ofalta gueteri Asiria ogueraha hag̃ua chupekuéra esklávoramo?”.
23 Ha osegi heʼi ipoesía:
“¡Aichejáranga! ¿Mávapa nomanomoʼãi Ñandejára ojapo vove koʼã mbaʼe?
Péro haʼe avei oñehundietéta”.
25 Upéi Balaam+ opuʼã ha oho jey hapére. Ha Balac katu oho avei hapére.