Salmos
106 ¡Pemombaʼeguasu Jehovápe!*
Peagradese Jehovápe pórke haʼe ivuenoiterei.+
Haʼe siémpre oporohayhueterei.*+
2 Jehová omerese ñambotuicha chupe, haʼe ojapo heta mbaʼe tuichaitereíva ipodér rupive,
ndaipóri avave ikatúva omombeʼupa umíva.+
3 Ovyʼa umi persóna ihústova,
umi siémpre ojapóva iporãva.+
4 Jehová, nemanduʼána cherehe, nembaʼeporãna chendive nembaʼeporãháicha nde puévlondi.+
Eñangarekóna cherehe ha chesalva.
5 Péicha chete ikatúta ahechakuaa mbaʼeichaitépa nembaʼeporã umi reiporavo vaʼekuéndi.+
Avyʼáta nde puévlo apytépe ha aiméta orgullóso
ikatu haguére romombaʼeguasu hendivekuéra.
6 Ñandejára, ore ropeka kuri ore tuakuéra ypykuéicha.+
Oreñaña ha rojapo ivaíva ne renondépe.+
7 Umi ore tuakuéra ypykue ndovalorái* umi mbaʼe porãita Ñandejára ojapo vaʼekue Egíptope.
Haʼe ohayhu ha ndofallái ipuévlondi, péro haʼekuéra nomombaʼéi upéva.
Mar Rojo ypýpe haʼekuéra opuʼã ikóntrape.+
9 Ñandejára omanda pe Mar Rójope iséko hag̃ua, pe mar rugua opyta iséko, haʼete voi peteĩ desiérto,
ha Ñandejára ogia chupekuéra ohasa hag̃ua upérupi.+
11 Péro iñenemigokuéra ni peteĩva ndojesalvái,*
pe y oupaite hiʼarikuéra ha omanomba.+
13 Péro pyaʼeterei hesarái hikuái la Ñandejára ojapo vaʼekuégui,+
ha ni nohaʼarõi haʼe heʼi chupekuéra mbaʼépa oipota ojapo hikuái.
14 Pe desiértope haʼekuéra oñepyrũ oipota heta mbaʼe ha upéicha ohechauka opensaha ijehénte,+
haʼekuéra odesafia voi Ñandejárape.+
16 Ha upéi pe puévlo oñepyrũ oenvidia Moiséspe.
Oenvidia avei Aarónpe,+ upe Jehová oiporavo vaʼekue.+
17 Upémarõ pe yvy ojeavri ha omokõ Datán ha Abirámpe,
ha entéro umi oñembyaty vaʼekuépe hendivekuéra.+
18 Peteĩ tatarendy ojagarrapa koʼã hénte aña oĩháme
ha ojukapaite chupekuéra.+
19 Horébpe haʼekuéra ojapo peteĩ vaka raʼy raʼanga,
ha oñesũ pe estátua de metál renondépe.+
20 Haʼekuéra okambia Ñandejára ipoderosoitévape,
ha oadora peteĩ tóro raʼangápe, peteĩ animál hoʼúva pásto reínte.+
21 Hesarái Ñandejára osalva hague chupekuéra,+
naimanduʼavéima hikuái mbaʼeichaitépa haʼe ohechauka ipodér Egíptope,+
22 umi mbaʼe iporãitereíva ojapo vaʼekue Cam yvýpe,+
umi mbaʼe oporomongyhyjéva ojapo vaʼekue pe Mar Rójope.+
23 Ñandejára haimetéma omanda oñehundipa hag̃ua chupekuéra.
Péro Moisés, ijelehído, oñeʼẽ ifavorpekuéra*
ha ojerure asy chupe ojoko hag̃ua ipochy ani hag̃ua ohundi chupekuéra.+
24 Tiémpo rire odespresia hikuái pe yvy porãite+
ha ndojeroviái Ñandejára promésare.+
27 Haʼe heʼi ohejataha umi ótro puévlo ohundipa ifamiliakuérape,
ha opytataha isarambipa umi tetãrupi.+
28 Upéi oñepyrũma oadora avei hikuái Baal de Peórpe,+
ha hoʼu umi sakrifísio oñemeʼẽva umi omano vaʼekuépe.*
30 Péro upéi Finehás opuʼã ha ojapo hustísia,
ha upépe ae opa pe mbaʼasy ohundíva hína kuri chupekuéra.+
31 Upévare Ñandejára heʼi Finehás ihustoha,
ha siémpre ohecháta chupe upéicha.+
32 Oĩrõ guare hikuái pe y kóstape Meribápe,* pe puévlo ombopochy chupe,
upéva hoʼa vai Moiséspe ha ou heta iprovléma.+
35 Upéva rangue ojeheʼa umi tetãre+
ha ojapo* avei la haʼekuéra ojapóva.+
36 Osegínte oadora hikuái umi idioskuéra raʼanga+
ha upéva omoñuhã chupekuéra.+
37 Ojuka hikuái ifamiliakuéra mimi
osakrifika hag̃ua umi demóniope.+
38 Haʼekuéra osegi oñohẽ hénte inosénte ruguy,+
itaʼýra ha itajyrakuéra ruguy,
ha omeʼẽ umi cananeo dioskuérape.+
Pe yvy opyta ikyʼa Ñandejárape g̃uarã.
40 Upévare Jehová ipochyeterei ipuévlondi
ha ndoikuaasevéi mbaʼeve chuguikuéra.
41 Heta vése Ñandejára oheja umi tetã ipuʼaka ipuévlore,+
péicha umi ndaijaʼéiva hesekuéra oreko ipuévlope ipoguýpe.+
42 Iñenemigokuéra otrata vai
ha odomina chupekuéra.
43 Ñandejára hetaiterei vése osalva chupekuéra,+
péro haʼekuéra irrevélde ha ndojapói la haʼe heʼíva.+
Ñemotĩ ohasa hikuái péicha opeka haguére.+
44 Upéi Ñandejára ohecha mbaʼéichapa osufri ipuévlo+
ha ohendu ojerureha chupe ajúda.+
45 Ñandejára imanduʼa jey ipuévlore ha pe kompromíso ojapo vaʼekuére,
ha ombyasyeterei chupekuéra* pórke haʼe ohayhueterei chupekuéra ha ndofallái avavéndi.*+
46 Ha Ñandejára omomýi entéro umi orekóvape chupekuéra esklávoramo
oiporiahuvereko hag̃ua ipuévlope.+
Upéicha ore rombotuicháta nde réra porãite,
ha vyʼápe romombaʼeguasúta.+
Pe puévlo kompletoite heʼi vaʼerã: “Amén”.*
¡Toñembotuicha Jehovápe!*