Salmos
135 ¡Pemombaʼeguasu Jehovápe!*
Pembotuicha Jehová réra.
Peẽ peadoráva Jehovápe, pemombaʼeguasu chupe.+
2 Pejapo upéva peẽ peñemboʼýva Jehová rógape,
peẽ peiméva Ñandejára róga korapýpe.+
3 Pemombaʼeguasu Jehovápe,* pórke haʼe ivuenoiterei.+
Pembotuicha Jehová réra, pórke upéva iporãiterei.
4 Jehová* oiporavo Jacóbpe isiervorã.
Oiporavo Israélpe ipuevlorã ha hakateʼỹeterei hese.*+
5 Che aikuaa porã Jehová ipoderosoitereiha.
Ñande Ruvicha ningo tuichaiteve entéro umi ótro diósgui.+
6 Jehová ojapo opa mbaʼe oipotáva,+
tahaʼe yvágape, ko yvy ape ári, pe márpe térã oséanope.
7 Ñandejára oipota rupi, umi y ojupi yvágape mombyryvehágui ko yvýgui oiko hag̃ua chugui umi arai,
haʼe ombou aravera oky jave,
ha oguenohẽ pe yvytu pe lugár oñongatuhágui.+
8 Haʼe ohundi umi egipcio raʼy ypykuépe,
ha ojuka avei umi animál raʼy primeroite onase vaʼekuépe.+
9 Ñandejára ojapo heta milágro Egíptope ha ojehecha heta señál,+
ojapo upéva faraón ha hembiguaikuéra kóntrape.+
10 Haʼe ohundi heta tetãme+
ha umi rréi ipoderosovévape.+
Haʼe ohundi entéro umi rréi oĩva Canaánpe.
12 Ñandejára oipeʼa koʼã tetãgui ijyvy, ha omeʼẽ ipuévlope,
umi yvy opyta Israélpe iñerensiarã.+
13 Jehová, nde réra opytáta pára siémpre.
Jehová, umi henerasión imanduʼáta opa ára g̃uarã umi mbaʼe nde rejapo vaʼekuére.*+
15 Umi dios raʼanga orekóva umi tetã, ojejapo pláta ha órogui.
Umíva ningo kuimbaʼe rembiapokuénte.+
16 Umi taʼanga ijuru péro noñeʼẽi,+
hesa péro ndohechái.
17 Ijapysa péro nohendúi,
itĩ péro ndorrespirái.+
18 Umi hénte ojapóva umi taʼanga opytáta haʼekuéraicha,+
ha entéro ojeroviáva hesekuéra péicha avei opáta.+
19 Peẽ Israelgua, pemombaʼeguasu Jehovápe.
Peẽ Aarón rogaygua, pemombaʼeguasu Jehovápe.
20 Peẽ Leví rogaygua, pemombaʼeguasu Jehovápe.+
Entéro peẽ perrespetáva Jehovápe, pemombaʼeguasu Jehovápe.