Salmos
96 Pepurahéi Jehovápe peteĩ músika pyahu.+
Enterove pepurahéi vaʼerã Jehovápe.+
2 Pepurahéi Jehovápe pembotuicha hag̃ua héra.
Pemombeʼu haʼe osalvaha ipuévlope, káda día pemombeʼu koʼã notísia porã.+
3 Pemombeʼu umi tetãrupi haʼe ipoderosoha,
peikuaauka umi puévlorupi umi mbaʼe porãita haʼe ojapóva.+
4 Jehová ningo ipoderosoiterei, haʼe omerese ñamombaʼeguasu chupe.
Jakyhyje vaʼerã Ñandejáragui, jakyhyje rangue umi ótro diósgui.
5 Jehová hína pe yvága apohare.+
Entéro umi ótro dios orekóva umi puévlo ndovaléi mbaʼeverã.+
6 Ñandejára oĩ peteĩ lugár iporãiterei ha omimbipávape.+
Upe lugár sagrádo iporã ha upépe ojehecha mbaʼeichaitépa haʼe ipoderóso.+
7 Pemombaʼeguasu vaʼerã Jehovápe, peẽ puevlokuéra.
Ñandejára omerese opavave ombotuicha chupe, pórke Jehová ipoderóso ha imbarete.+
8 Pemombaʼeguasu vaʼerã Jehová réra.+
Peho Ñandejára rógape* ha pegueraha chupe rregálo.
9 Pemoĩ ao iporãva, ipotĩ asýva ha peñesũ* Jehová renondépe.
Entéro hénte okyhyje vaʼerã chugui.
10 Peje umi tetãrupi: “Koʼág̃a Jehová haʼéma Rréi.+
Pe yvy oñemoĩma hendag̃uáme, ha ndaipóri omonguʼe vaʼerã upégui.
Ñandejára ningo ihústo, ha haʼe ohusgáta umi puévlope”.+
11 Tovyʼa pe yvága ha pe yvy.
Tomombaʼeguasu Ñandejárape pe mar ha opa mbaʼe oĩva pype.+
12 Tovyʼa umi ñu ha opa mbaʼe oĩva pype,+
upéicha avei umi yvyramáta oĩva kaʼaguýpe tombotuicha Ñandejárape.+
13 Jehová ou hína,* upévare opavave ovyʼa vaʼerã henondépe.
Haʼe ou hína ohusga hag̃ua ko yvy.
Ñandejára ihústo ha upévare ohusga porãta umi héntepe.+
Haʼe ohusga vove umi puévlope, ndojapomoʼãi mbaʼeveichagua inhustísia.+