Salmos
David purahéi.
138 Ñandejára, che pyʼaite guive rombotuicháta.+
Umi ótro dios renondépe apurahéita ndéve
rombotuicha hag̃ua.*
2 Añesũta ne témplo sagrádo oĩha gotyo+ ambotuicha hag̃ua nde réra.+
Pórke nde reporohayhueterei* ha nderefallái avavéndi.
Iporã umi mbaʼe nde reprometéva nde réra rehehápe,
ha iporãitereivéntema oñekumplívo umíva.
4 Jehová, entéro umi rréi oĩva ko yvy ape ári nembotuicháta+
pórke ohendúta umi promésa rejapo vaʼekue.
5 Umi rréi opurahéita, ha imúsikape imanduʼáta umi mbaʼe Jehová ojapóvare,
pórke Jehová ipoderosoiterei.+
6 Jehová oikóramo jepe yvatete oreko enkuénta pe iñumíldevape,+
péro mombyrýnte opyta pe oñemombaʼeguasúvagui.+
7 Che ahasáramo jepe umi situasión ipeligrósova, nde chepytyvõ asegi hag̃ua aikove,+
che enemigokuéra ipochyeterei, péro nde rehupi nde po ikontrapekuéra,
nde po derécha chesalva.
8 Jehová ningo okumplipaitéta umi mbaʼe opromete vaʼekue chéve.
Jehová, nde siémpre reporohayhueterei.*+
Anína reheja rei pe puévlo nde voi reforma vaʼekuépe.+