Jeremías
12 Jehová, nde ningo peteĩ Dios ihústova.+ Ha amombeʼu jave ndéve umi mbaʼe chepyʼapýva
ha añeʼẽ jave nendive umi provléma tekotevẽvare ojehusga, nde katuete ndehústo.
¿Mbaʼére piko upéicharõ umi hénte añáme osẽ porã opa mbaʼe ojapóva?+
¿Ha mbaʼére piko umi itraisionérova ndojepyʼapýi mbaʼevére?
2 Nde reñotỹ chupekuéra, ha koʼág̃a oñembohapóma.
Haʼekuéra okakuaa ha hiʼapáma.
Ijurúpente imanduʼa nderehe, péro ipyʼapýpe* ndoikuaaséi ndehegui mbaʼeve.+
3 Nde katu Jehová chekuaa porã+ ha cherecha.
Nde ningo rerrevisa che pyʼapýpe oĩva, ha retopa cheñeʼẽrenduha ndéve.+
Eaparta chupekuéra umi ovecha ojeapartarõguáicha ojejuka hag̃ua,
emohendapána peteĩ lugárpe, og̃uahẽ meve pe día ojejukapa hag̃ua.
4 ¿Mbaʼe tiémpo peve piko isékota ko yvy,
ha ipirupáta opa mbaʼe oĩva umi ñúme?+
Umi oikóva umi lugárpe ningo ojapo heta mbaʼe vai,
upéicha rupi umi animál salváhe ha umi guyrakuéra ojejukapa.
Haʼekuéra heʼi voi: “Haʼe ndohechái la oikótava ñanderehe”.
5 Ha nde nekaneʼõramo redipara jave umi kuimbaʼe yvyrupiguándi,
¿mbaʼéicha piko rehaʼãta karréra umi kavaju kóntrape?+
Reikóramo trankílo koʼág̃a peteĩ lugár oĩháme pyʼaguapy,
¿mbaʼépa rejapóta upéicharõ rembohovái vove umi mbaʼe ijetuʼúva?
6 Pórke ne ermanokuéra ha nde túa rogaygua voi
la netraisionáva.+
Haʼekuéra oñeʼẽ vai nderehe.
Ani rejerovia hesekuéra
heʼíramo jepe ndéve umi mbaʼe iporãva.
7 “Che aheja rei che róga,+ che aheja rei che erénsia.+
Upe che ahayhuetévape* ameʼẽma iñenemigokuéra pópe.+
8 Che erénsia ningo koʼág̃a ojogua peteĩ león oĩvape kaʼaguýpe.
Haʼe okororõ chéve.
Upévare che aju ndachaʼevéi hese.
9 Che erénsia ningo chéve g̃uarã haʼete peteĩ ágila,
ha umi ótro ágila ojerepa hese ha oataka chupe.+
Peju, peñembyatypa enterove peẽ animál salváhe peikóva pe ñúre,
peju pekaru.+
Pe yvy porãite arekóvagui, ojapo hikuái peteĩ desiérto nandi.
11 Oiko chugui peteĩ yvy perõ,
iséko vera opyta.*
12 Umi oporohundíva ou entéro umi tape* oĩvare pe desiértope.
Jehová espáda ohundi hína ko yvy kompletoite, peteĩ púnta guive ótra púnta peve.+
Ndaipóri oĩva pyʼaguapýpe.
13 Haʼekuéra oñotỹ trígo, péro omonoʼõ ñuatĩ.+
Ikaneʼõ meve ombaʼapo hikuái, péro noguenohẽi mbaʼeve.
Jehová ipochyeterei hendivekuéra,
ha omotĩta chupekuéra ijyvy ndoprodusimoʼãigui mbaʼeve”.
14 Péicha heʼi Jehová: “Entéro umi che vesíno aña, umi opokóva hína pe erénsia ameʼẽ vaʼekuére che puévlo Israélpe,+ umívape ahapoʼóta ijyvykuéragui,+ ha ahapoʼóta Judá rogayguápe ijapyteguikuéra. 15 Péro ahapoʼo rire chupekuéra, aiporiahuvereko jeýta ha agueru jeýta káda únope iñerénsiape ha ijyvýpe”.
16 “Ha umi ótra nasiongua oaprendéramo oiko che puévlo oikoháicha ha ohura che rérare, heʼívo: ‘¡Ahura Ñandejára Jehová oikovévare!’, haʼekuéra omboʼe haguéicha avei che puévlope ohura hag̃ua Baal rérare, upéicharõ oñemeʼẽta chupekuéra peteĩ lugár che puévlo apytépe. 17 Péro naiñeʼẽrenduséiramo chéve hikuái, ahapoʼóta avei upe nasiónpe, ahapoʼo ha ahundíta chupe”, heʼi Jehová.+