Salmos
Pe odirihíva musikokuérape g̃uarã. David purahéi.
13 Jehová, ¿arakaʼe peve piko nderesaráita chehegui? ¿Pára siémpre piko?
¿Arakaʼe peve piko reñemolómota chehegui?*+
2 ¿Mboy tiémpo piko asegi vaʼerã aaguanta koʼã provléma?
Che ningo añekevrantaháre aiko káda día.
¿Arakaʼe peve piko che enemígo ipuʼakáta cherehe?+
3 Jehová, che Jára, eñatendéna cherehe ha ekontesta chéve.
Emeʼẽmína chéve fuérsa chembarete jey hag̃ua, ha ani hag̃ua amano.*
4 Péicha che enemígo ndeʼimoʼãi: “Chepuʼakáma hese”.
Aníkena reheja che enemigokuéra opukapa cherehe haʼa haguére.+
5 Nde ningo siémpre cherayhueterei,*+ upévare ajerovia nderehe.
Che korasõ mbytete guive avyʼáta ahechávo mbaʼéichapa nde reporosalva.+
6 Che apurahéita Jehovápe, pórke haʼe ivuenoiterei chendive.+