Salmos
Pe odirihíva musikokuérape g̃uarã, Guitit* rehe. Asaf purahéi.+
81 Vyʼápe pepurahéi Ñandejárape, haʼe hína upe ñanemombaretéva,+
pevyʼáke ha pembotuicha Jacob Járape.
2 Pejagarra pe panderéta, pe árpa ipu rory asýva ha umi ótro instruménto musikál,
ha peñepyrũ pembopu la músika.
4 Péva ningo oñemanda Israélpe ojapo hag̃ua,
pe léi omeʼẽ Jacob Jára.+
5 Ñandejára omanda ojapo hag̃ua upéva José familiarépe,+
imanduʼa hag̃ua hikuái Ñandejára ohasa hague Egíptorupi.+
Che ahendu kuri peteĩ oñeʼẽva ha ñepyrũrã ndaikuaái mávapa.* Ahendu heʼiha:
6 “Che aipeʼa pe kárga pohýi oĩ vaʼekue hiʼarikuéra,+
ha natekotevẽvéima ohupi hikuái umi kanásto pohýi.
7 Peẽ pehasa asýrõ guare, che posalva.+
Che añeʼẽ peẽme peteĩ arai guasúgui torménta jave.+
Pe y kóstare oĩva Meribápe,* che amoĩ peẽme peteĩ pruéva ahecha hag̃ua mbaʼépa pejapo.+ (Sélah)
8 Peẽ ningo che puévlo, ha che atestifikáta pene kóntrape.
Peẽ Israelgua, aipotaite ningo cherendu.+
9 Upéicharõ ndaiporimoʼãi ótro dios pende apytépe,
ha ndapeikomoʼãi peñesũ umi ótro dios renondépe.+
10 Che ningo Jehová, pende Jára,
che poguenohẽ Egíptogui.+
Che ameʼẽta peẽme pene rembiʼurã, ndofaltamoʼãi peẽme mbaʼeve.+
11 Péro che puévlo nacherendúi,
Israel noñemoĩri che poguýpe.+
12 Haʼekuéra ningo hovaʼatã, upévare ahejánte chupekuéra ojapo la ojaposéva,
Akastigáta kuri iñenemigokuérape.+
15 Umi ndaijaʼéiva Jehováre, oúta oñepresenta henondépe,
haʼekuéra oryrýi ha okyhyjetereíta. Ha oñehundíta chupekuéra pára siémpre.
16 Péro ipuévlope osegíta omeʼẽ pe trígo iporãvéva,*+
ha omeʼẽ rasapáta chupekuéra eíra oñeguenohẽva itakuágui”.+