Jeremías
15 Upéi Jehová heʼi chéve: “Ni oñemboʼýramo Moisés ni Samuel che renondépe+ naperdonamoʼãi* ko puévlope. Emosẽ chupekuéra che renondégui, ha toho hikuái. 2 Ha oporandúramo ndéve hikuái mbaʼépa oikóta hesekuéra, ere vaʼerã chupekuéra: ‘Péicha heʼi Jehová:
“Oĩta pende apytépe omanótava mbaʼasýgui,
oĩta ojejukáva espádape,+
oĩta omanóva ñembyahýigui,
ha oĩta ohóva prisionéroramo”’.+
3 Ha amboúta hiʼarikuéra 4 mbaʼe ivaietereíva*+ heʼi Jehová: ‘Pe espáda oporojuka hag̃ua, umi jagua oguerotyryry hag̃ua heʼonguekuéra, umi guyrakuéra yvagapegua ha umi animál salváhe oĩva ko yvy ape ári hoʼu ha ohundi hag̃ua chupekuéra.+ 4 Ha kompletoite umi goviérno yvy arigua okyhyjetereíta ohechávo umi mbaʼe oikóva hesekuéra,+ ha entéro koʼã mbaʼe oikóta Manasés ojapo vaʼekuére Jerusalénpe, haʼe hína Ezequías raʼy, pe rréi de Judá.+
5 ¿Máva piko ndeporiahuverekóta Jerusalén,
máva piko ombyasýta umi mbaʼe oikóva nderehe?
¿Ha máva piko oúta oporandu hag̃ua ndéve reime porãpa hína?’.
6 Jehová heʼi: ‘Peẽ voi chereja rei.+
Upévare aipysóta che jyva ha pohundietéta.
Chekuerairóma pombyasy hague.*+
7 Ojejapoháicha umi siuda* oĩvape ko territóriope, ambovevéta chupekuéra oñemboveveháicha umi semílla oñemopotĩ hag̃ua.
Ahejáta chupekuéra familiaʼỹre.+
Ahundíta che puévlope,
ndojevyséigui umi hapégui.+
8 Oĩta hetave viúda pe yvykuʼi oĩvagui umi mar oríllape.
Amboúta chupekuéra asajekue* pe oporohundívape, umi sy ha umi mitãrusukuéra kóntrape.
Peteĩ tesapirĩme tuichaiterei amondýita ha amongyhyjéta chupekuéra.
9 Pe kuña 7 imembýva ikangypaite,
haʼe* oñehaʼãmbaite orrespira hag̃ua.
Pe kuarahy oikéma chugui de día aja gueteri,
ha péicha oñemotĩ ha oñeumilla chupe.*
Ha umi hembývape,
ahejáta iñenemigokuéra ojukapa chupekuéra espádape’, heʼi Jehová”.+
10 ¡Áina che symi, maʼerãiko chegueru raʼe ko múndope!+
Che ningo manterei añorairõ ha aiko vai umi hénte ko yvy ariguándi.
Che ningo ndaipurúi ni ndaipurukái pláta avavépe,
upéicharõ jepe enterove chemaldesi.
11 Jehová heʼi: “Katuete roipytyvõta resẽ porã hag̃ua.
Ha oiko vove umi mbaʼe vai ha rejejopy vai vove,
che katuete añeʼẽta nderehehápe ne enemígondi.
12 ¿Oĩne piko ikatúva omonguʼi pe iérro,
pe iérro nortegua ha kóvre?
13 Entéro nde pekádo káusare nde território tuichakuére, aipeʼakapáta ndehegui umi mbaʼe reguerekóva ha umi nde tesorokuéra,+
ha ndojepagamoʼãi ndéve hese mbaʼeve.
14 Ameʼẽta koʼã mbaʼe ne enemigokuérape,
ogueraha hag̃ua peteĩ lugár reikuaaʼỹvape.+
Che pochykue omyendy peteĩ tata,
ha ojepotáma hína pene kóntrape”.+
15 Jehová, nde ningo reikuaa porã che situasión.
Nemanduʼamína cherehe ha ejesareko cherehe.
Ehechakuaákena nde réra rehehápe añemotĩha aikóvo.+
16 Arresivírõ guare ne ñeʼẽ amoĩ che pyʼapýpe.*+
Ha ne ñeʼẽ chembovyʼa ha chembopyʼarory,
pórke che agueraha nde réra Jehová, umi ehérsito yvagapegua ruvicha.
17 Che ndaguapýi umi ofarreávandi ni ndaikói avyʼa hendivekuéra.+
Aguapy cheaño pórke che aime nde poguýpe.
Nde ningo chemyenyhẽte pochýgui* umi mbaʼe vai ojapóvare hikuái.+
18 ¿Mbaʼére piko cherasy vaiete ha ndokueravéi che erída?
Ndokuerasevéi voi.
¿Oikóta piko ndehegui peteĩ ykua ndahiʼýiva,
ndaikatúivare jajerovia?
19 Upévare péicha heʼi Jehová:
“Reju jeýramo, che roguerohory jeýta,
ha resegíta reservi* che renondépe.
Reseparáramo ojuehegui umi mbaʼe iporãva umi mbaʼe ndovaléivagui mbaʼeverã,
ajevaléta nderehe reñeʼẽ hag̃ua che rérape.*
Haʼekuéra ou jeýta ne rendápe,
péro nde nderehomoʼãi hendapekuéra”.
20 Jehová heʼi: “Ajapo hína ndehegui peteĩ murálla de kóvre imbarete porãva ko puévlope g̃uarã.+
pórke che aime nendive rosalva ha rorreskata hag̃ua.
21 Ha rosalváta umi iñañávagui,
ha roipeʼáta umi isalváheva poguýgui”.