Salmos
QUINTO LÍVRO
(Salmos 107-150)
107 Peagradese Jehovápe pórke haʼe ivuenoiterei.+
Haʼe siémpre oporohayhueterei.*+
2 Péicha heʼi vaʼerã umi ojegueru jey vaʼekue Jehová rupive,
umi hénte haʼe ogueru jey vaʼekue iñenemígo pógui.+
nórte ha súrguio.+
4 Ipuévlo oiko kuri okorre pe desiértore, pe yvy ndaiporihápe mbaʼevete.
Ha haʼekuéra ndojuhúi peteĩ tape oho hag̃ua peteĩ siuda ikatuhápe oiko.
5 Haʼekuéra iñembyahýi ha ijuhéi,
ikaneʼõ* ha nomeʼẽveietéma.
6 Heta osufri ha osegi ojerure asy Jehovápe ajúda.+
Ha haʼe onohẽ chupekuéra pe situasión ivaietévagui.+
7 Ogueraha chupekuéra pe tape porãre+
og̃uahẽ hag̃ua hikuái peteĩ siuda ikatutahápe oiko.+
8 Jehová oporohayhueterei.*
Haʼe ojapo heta mbaʼe porã umi hénte rehehápe,+ upévare enterove oagradese+ vaʼerã chupe.
10 Heta oĩ kuri oikóva iñypytũetereihápe,
oĩ prisionéro, ohasa asy ha oñeenkadena chupekuéra.
11 Péicha oiko hesekuéra oñemoĩ rupi Ñandejára Ndaijojaháiva heʼíva kóntrape,
haʼekuéra nomombaʼéi ikonsého.+
12 Upévare Ñandejára oheja ipuévlope ohasa asy oaprende hag̃ua hikuái iñumílde vaʼerãha.+
Haʼekuéra ohasa heta mbaʼe ijetuʼúva ha ndaipóri oipytyvõva chupekuéra.
13 Upéi pe puévlo osufri ha ojerure asy Jehovápe ajúda,
ha haʼe onohẽ chupekuéra pe situasión ivaietévagui.
14 Oguenohẽ chupekuéra pe pytũmbyetégui.
Omondoho chuguikuéra umi kadéna.+
Haʼe ojapo heta mbaʼe porã umi hénte rehehápe, upévare enterove oagradese vaʼerã chupe.
16 Ñandejára oitypa umi portón de kóvre,
ha omopẽmbaite umi tránka de iérro.+
17 Haʼekuéra ivýro, ha heta osufri+
pórke opeka ha ojapo ivaíva.+
18 Haʼekuéra ndoʼusevéi mbaʼeveichagua tembiʼu,*
haʼekuéra oĩma kuri pe ñemano rokẽ ypýpe.
19 Osufrírõ guare hikuái, ojerure asy Jehovápe ajúda,
ha haʼe onohẽ chupekuéra pe situasión ivaietévagui.
20 Ñandejára oñeʼẽ chupekuéra ha okuerapaite hikuái,+
haʼe osalva chupekuéra ani hag̃ua omano ha oho pe yvyguýpe.
21 Jehová oporohayhueterei.
Haʼe ojapo heta mbaʼe porã umi hénte rehehápe, upévare enterove oagradese vaʼerã chupe.
22 Pejapo ofrénda peagradese hag̃ua Ñandejárape,+
vyʼápe pemombeʼu umi mbaʼe porã haʼe ojapóva.
Ohecha hikuái umi mbaʼe porãita haʼe okreáva oiko hag̃ua pe márpe.+
25 Haʼekuéra ohecha mbaʼéichapa opuʼã peteĩ yvytu atã Ñandejára omanda rupi,+
ha pe yvytu omopuʼã umi oláda guasu guasu pe márpe.
26 Umi oláda ohupi pe várko amo yvága peve,
ha upéi omboguejy jey.
Umi marinéro okyhyjeterei pórke oikuaa ikatuha omano.
27 Haʼekuéra okacha vaipa ha ovava peteĩ okaʼúvaicha.
Ivakeánoramo jepe hikuái, ndaikatúi ojapo mbaʼeve ojesalva hag̃ua.+
28 Upémarõ ojerure asy Jehovápe ajúda,+
ha haʼe onohẽ chupekuéra pe situasión ivaietévagui.
29 Ñandejára omanda pe yvytúpe oñekalma hag̃ua,
ha umi oláda opytaite.+
30 Upémarõ umi marinéro ovyʼa
ha Ñandejára ogia chupekuéra pe puérto og̃uahẽse haguépe.
31 Jehová oporohayhueterei.
Haʼe ojapo heta mbaʼe porã umi hénte rehehápe,+ upévare enterove oagradese vaʼerã chupe.
32 Pe puévlo toñembyaty omombaʼeguasu hag̃ua Ñandejárape.+
Umi ijedavéva tombotuicha chupe oñembyaty jave.
33 Ñandejára umi rríogui ojapo desiérto,
ha umi ykuágui ojapo yvy isékova.+
34 Umi yvy oprodusi porãvagui ojapo yvy ndovaléiva mbaʼeverã,+
pórke umi hénte upepegua iñañaiterei.
35 Ñandejára ojapo pe desiértogui rrío osyry hatãva,
pe yvy sékogui ojapo ykua.+
36 Umi iñembyahýivape ogueraha oiko hag̃ua upépe,+
ikatu hag̃uáicha haʼekuéra omopuʼã upe lugárpe peteĩ puévlo.+
38 Ñandejára ovendesi chupekuéra ha hetave hikuái,
ha hymbakuéra hetave rei.+
39 Péro upe rire ojetrata vai pe puévlope, ha heta ohasa asy hikuái,
péicha mbovyeterei jey opyta hikuái ha oñemotĩ chupekuéra.
40 Haʼe ohykuavo ñemotĩ umi hénte iñimportánteva ári,
ha oheja okorrepa rei hikuái pe desiértore.+