Salmos
Pe odirihíva musikokuérape g̃uarã. Ojepuru vaʼerã instruménto de kuérda. David purahéi.
61 Ñandejára, cherendúna ajerure asy jave ndéve chepytyvõ hag̃ua.
Ehendumína che orasión.+
Cheguerahána peteĩ ita guasu ijyvatévape.+
3 Ñandejára, nde ningo peteĩ lugár ikatuhápe ajeprotehe,
peteĩ tórre imbarete porãva ikatuhápe akañy che enemigokuéragui.+
4 Ñandejára, che apytáta nde rógape* opa ára g̃uarã,+
añemoʼãta nde pepo guýpe nde cheprotehe hag̃ua.+ (Sélah)
5 Nde ningo rehendu umi promésa ajapo vaʼekue ndéve,
nde remeʼẽ chéve pe erénsia remeʼẽva enterove umi orrespetávape nde réra.+
6 Nde revendesíta pe rréipe oikove hag̃ua hetave tiémpore.+
Haʼe oikóta heta áñore ha ohecháta umi henerasión oútava upe rire.
7 Pe rréi oguapýta* pe trónope ogoverna hag̃ua ha oĩta ne renondépe opa ára g̃uarã.+
Ñandejára, ehechauka pe rréipe rehayhuetereiha chupe ha núnka nderefallamoʼãiha hendive,* ha koʼã mbaʼe toprotehe chupe.+
8 Che ningo káda día akumpli umi promésa ajapo vaʼekue ndéve.+
Péicha avei siémpre apurahéita amombaʼeguasu hag̃ua nde réra.+