Salmos
ל [Lámedh]
10 Jehová, ¿mbaʼére piko reime mombyryete orehegui?
¿Mbaʼére rekañy roikotevẽve jave nderehe?+
2 Umi iñañáva oñemombaʼeguasu ha omaltrata umi imboriahúvape,+
péro haʼekuéra jeýnte hoʼáta umi ñuhã oprepara vaʼekuépe.+
3 Haʼekuéra ijururenyhẽ oiko omombeʼu umi mbaʼe vai ojapóva,*+
ha ovendesi umi itaryrýivape.
נ [Nun]
Umi iñañáva ndorrespetái Jehovápe.
4 Umi iñañáva oñembotuicha ha ni michĩmi noñehaʼãi oñemoag̃ui Ñandejárare.
Haʼekuéra heʼi ipyʼapýpe: “Ñandejára ndoexistíri voi”.+
5 Koʼág̃a umi iñañávape osẽ porã la ojapóva.+
Haʼekuéra oñembohory umi iñenemígore,
ha ndohechakuaái hikuái Ñandejára ohusgataha enterovépe.+
6 Pe iñañáva opensa: “Ndaipóri ipuʼaka vaʼerã cherehe,
aikóta trankílo amano meve,
núnka ndojehumoʼãi chéve mbaʼeve ivaíva”.+
פ [Pe]
7 Ijuru henyhẽ maldisióngui, japúgui ha amenásagui.+
Oñeʼẽ jave irokueténte voi opoi, ha ijapu operhudika hag̃ua hapichápe.+
8 Pe iñañáva, ñemihaitépe opeska oikóvo umi hénte oĩhárupi,
ha upeichaháguinte osẽ pe okañyhágui ojuka hag̃ua umi persóna inoséntepe.+
ע [Áyin]
Haʼe okontrola oikóvo ohecha hag̃ua mávapepa oitýta.+
9 Pe iñañáva haʼete peteĩ león okañýva ñanandýpe,+
haʼe opeska ojagarra hag̃ua umi ikangývape,
ha upeichaháguinte oitýma chupekuéra iñuhãme.+
10 Pe hoʼáva iñuhãme oñemaltrata ha ojeheja chupe yvýre,
umi hénte ohasa asýva hoʼa ipoguýpe.
11 Umi hénte aña heʼi voi ipyʼapýpe: “Ñandejára naimanduʼamoʼãi koʼã mbaʼére.+
Haʼe ni ndopillái la jajapóva
pórke nomañái voi ñanderehe”.+
ק [Qohf]
12 Jehová che Jára, epuʼãna+ ha ehechauka nde podér.+
Anína nderesarái umi oikotevẽvagui ajúda.+
13 ¿Mbaʼére piko umi iñañáva ndorrespetái Ñandejárape?
Haʼekuéra opensa: “Ñandejárape ndoúi ni ndohói la ajapóva”.
ר [Rehsch]
14 Péro nde rehechapaite la oikóva.
Nde reikuaa mávapa osufri, ha katuete resolusionáta umi provléma.+
Ne renondépe ningo oñemboja umi persóna inosénte osufríva.+
Nde katuete reipytyvõ umi ityreʼỹvape.+
ש [Schin]
15 Emopẽna ijyva umi hénte añágui ha umi hembiapo vaívagui,+
ekastigána chupekuéra,
ha ani opyta rei mbaʼeve ivaíva ojapo vaʼekue.
16 Jehová ningo Rréi opa ára g̃uarã.+
Umi tetã oñehundi ko yvy ape árigui.+
ת [Taw]
17 Jehová, nde katuete rehendúta umi ivuénova ñemboʼe.+
Nde regia porãta umi ivuénova korasõ,+ ha rejapysaka porãta hesekuéra.+
18 Nde reñenkargáta ojejapo hag̃ua hustísia umi ityreʼỹvape, ha entéro umi osufrívape.+
Ndaiporimoʼãvéima avave oikóva omongyhyje chupekuéra.+