Salmos
Pe odirihíva musikokuérape g̃uarã. Maskil.* Doeg pe edomita oho omombeʼu Saúlpe David okañy hague Ahimélec rógape.+ David purahéi.
52 Nde kuimbaʼe aña, ¿mbaʼére piko reñemombaʼeguasu rejapo haguére umi mbaʼe vai?+
¿Ndereikuaái piko Ñandejára siémpre oporohayhuetereiha* ha núnka ndofallaiha avavéndi?+
3 Rejapo rangue iporãva, ivaívante voi rejapose.
Neremombeʼúi la siertoguáva ha revyʼa voi la ndejapúrõ. (Sélah)
4 Mbaʼéicha piko peichaite peve ikatu ndejapu.
Ereseterei voi umi mbaʼe operhudikátava nde rapichápe.
5 Upévare Ñandejára una vetépe ndejapetéta pe yvýre,+
Haʼe ndepeʼáta umi oikovéva apytégui.+ (Sélah)
6 Umi hénte ivuénova ohecháta la oikóva pe iñañávare ha oñemondyipáta,+
haʼekuéra opukáta hese ha heʼíta:+
7 “Ko kuimbaʼe ndojeroviái Ñandejárare,+
ha noñemoag̃uíri hese ojeprotehe hag̃ua.
Haʼe ojerovia umi irrikésare+ ha oaseguraite osẽ porãtaha chupe umi mbaʼe vai ojaposéva”.
8 Péro che aĩta peteĩ olívo máta iporãitereívaicha Ñandejára rógape.
Ñandejára ningo oporohayhu ha ndofallái avavéndi,*+ che ajeroviáta hese opa ára g̃uarã.
9 Ñandejára, nde rejapo hustísia, upévare che siémpre romombaʼeguasúta.+
Umi iñeʼẽrendúva renondépe, ahechaukáta arekoha esperánsa nde rérare,+
pórke upéva iporãiterei.