PRIMER LÍVRO DE LAS CRÓNICAS

5 Jafet raʼykuéra hína: Gómer, Magog, Madái, Javán, Tubal,+ Mesec+ ha Tirás.+

6 Gómer raʼykuéra hína: Askenaz, Rifat ha Togarmá.+

7 Javán raʼykuéra hína: Elisá, Tarsis, Kitim ha Rodanim.*

8 Cam raʼykuéra hína: Cus,+ Mizraim, Put ha Canaán.+

9 Cus raʼykuéra hína: Sebá,+ Havilá, Sabtá, Raamá+ ha Sabtecá.

Ha Raamá raʼykuéra katu Seba ha Dedán.+

10 Cus raʼy ningo Nemrod.+ Haʼe hína pe primeroite omanda guasuve vaʼekue ko yvy ape ári.

11 Mizraim raʼykuéra hína: Ludim,+ Anamim, Lehabim, Naftuhim,+ 12 Patrusim,+ Casluhim ha Caftorim.+ Casluhímgui katu ou hína umi filisteo.+

13 Canaán raʼy ypykue héra Sidón,+ upéi onase avei itaʼýra Het.+ 14 Ha Canaángui ou avei umi jebuseo,+ umi amorreo,+ umi guirgaseo,+ 15 umi heveo,+ umi arqueo, umi sineo, 16 umi arvadeo,+ umi zemareo ha umi hamateo.

18 Arpaksad raʼy hína Selá.+ Ha Selá raʼy katu Éber.

19 Éber katu mokõi itaʼýra, peteĩme ombohéra Péleg,*+ pórke upe tiémpope umi hénte* oñepyrũ isarambi opárupi. Ha pe ótro itaʼýra katu héra Joctán.

20 Joctán raʼy héra Almodad, Sélef, Hazarmávet, Jérah,+ 21 Hadoram, Uzal, Diclá, 22 Obal, Abimael, Seba, 23 Ofir,+ Havilá+ ha Jobab. Koʼãva hína Joctán raʼykuéra.

24 Sem familiare hína:

28 Abrahán raʼykuéra héra Isaac+ ha Ismael.+

29 Koʼãva hína umi ifamiliare: Ismael raʼy ypykue hína Nebayot,+ upéi ou Quedar,+ Adbeel, Mibsam,+ 30 Mismá, Dumá, Masá, Hadad, Temá, 31 Jetur, Nafís ha Quedemá. Koʼãva haʼe vaʼekue Ismael raʼykuéra.

32 Abrahán oreko vaʼekue ótro hembireko* hérava Queturá+ ha imembykuéra haʼe hína koʼãva:+ Zimrán, Jocsán, Medán, Madián, Isbac ha Súah.+

Jocsán raʼykuéra hína: Seba ha Dedán.+

33 Madián raʼykuéra hína: Efá,+ Éfer, Hanok, Abidá ha Eldaá.

Entéro koʼãva hína Queturá familiare.

34 Abrahán raʼy hína Isaac.+ Ha Isaac raʼykuéra hína Esaú+ ha Israel.+

35 Esaú raʼykuéra hína: Elifaz, Reuel, Jeús, Jalam ha Coré.+

36 Elifaz raʼykuéra hína: Temán,+ Omar, Zefó, Gatam, Quenaz, Timná ha Amalec.+

37 Reuel raʼykuéra hína: Náhat, Zérah, Samá ha Mizá.+

38 Seír+ raʼykuéra hína: Lotán, Sobal, Zibeón, Aná, Disón, Ézer ha Disán.+

39 Lotán raʼykuéra hína: Horí ha Homam.* Lotán ermána katu héra Timná.+

40 Sobal raʼykuéra hína: Alván, Manáhat, Ebal, Sefó ha Onam.

Zibeón raʼykuéra hína: Ayá ha Aná.+

41 Aná raʼy* hína Disón.

Disón raʼykuéra hína: Hemdán, Esbán, Itrán ha Kerán.+

42 Ézer+ raʼykuéra hína: Bilhán, Zaaván ha Acán.

Disán raʼykuéra hína: Uz ha Arán.+

43 Umi israelita oreko mboyve peteĩ rréi ogovernáva chupekuéra, Edom+ territóriope ogoverna vaʼekue koʼã rréi:+ Bela, haʼéva Beor raʼy, ha pe isiuda héra vaʼekue Dinhabá. 44 Ha omano rire Bela, Jobab oñepyrũ ogoverna. Jobab hína Zérah raʼy, ha Zérah oiko vaʼekue Bozrápe.+ 45 Ha omano rire Jobab, Husam oñepyrũ ogoverna, Husam hína Temangua. 46 Ha omano rire Husam, Bedad raʼy Hadad oñepyrũ ogoverna hekovia, ha isiuda héra vaʼekue Avit. Hadad hína upe ogana vaʼekue Madiánpe Moab territóriope.* 47 Ha omano rire Hadad, Samlá oñepyrũ ogoverna hekovia, Samlá oiko vaʼekue Masrecápe. 48 Ha omano rire Samlá, Shaúl oñepyrũ ogoverna hekovia. Shaúl oiko vaʼekue peteĩ rrío ypýpe pe siuda de Rehobótpe. 49 Ha omano rire Shaúl, oñepyrũ ogoverna hekovia Baal-Hanán, Acbor raʼy. 50 Ha omano rire Baal-Hanán, Hadad* oñepyrũ ogoverna hekovia, ha isiuda héra vaʼekue Paú. Hadad rembireko hína Mehetabel, haʼéva hína Matred memby ha Mezahab niéta. 51 Upéi Hadad omano.

Koʼãva hína umi héfe omoakã* vaʼekue Edómpe: héfe Timná, héfe Alvá, héfe Jetet,+ 52 héfe Oholibamá, héfe Elá, héfe Pinón, 53 héfe Quenaz, héfe Temán, héfe Mibzar, 54 héfe Magdiel ha héfe Iram. Koʼãva hína umi héfe omoakã vaʼekue Edómpe.

2 Koʼãva hína Israel+ raʼykuéra: Rubén,+ Simeón,+ Leví,+ Judá,+ Isacar,+ Zabulón,+ 2 Dan,+ José,+ Benjamín,+ Neftalí,+ Gad+ ha Aser.+

3 Judá raʼykuéra hína: Er, Onán ha Selá. Koʼã mbohapyvéva haʼe vaʼekue Súa rajy membyre, pe cananea.+ Péro Er, Judá raʼy ypykue, ojapo ivaíva Jehová renondépe, upévare haʼe ojuka chupe.+ 4 Judá nuéra Tamar+ imemby avei Judágui ha oreko mokõi mitã, umíva hína Pérez+ ha Zérah. Judá en totál 5 itaʼýra vaʼekue.

5 Pérez raʼykuéra hína: Hezrón ha Hamul.+

6 Zérah raʼykuéra hína: Zimrí, Etán, Hemán, Calcol ha Dará. En totál 5 oĩ vaʼekue hikuái.

7 Carmí raʼy* hína Acar,* ikáusare oiko vaʼekue sarambi* Israélpe,+ haʼe naiñeʼẽrendúi ha nohundíri vaʼekue peteĩ mbaʼe oñehundiete vaʼerã kuri.+

8 Etán raʼy* hína Azarías.

9 Hezrón raʼykuéra hína: Jerahmeel,+ Ram+ ha Kelubái.*

10 Ram raʼy hína Aminadab,+ ha Aminadab raʼy Nahsón+ omoakã hína Judá familiarépe. 11 Nahsón raʼy hína Salmá,+ ha Salmá raʼy hína Boaz.+ 12 Boaz raʼy hína Obed, ha Obed raʼy hína Jesé.+ 13 Jesé raʼy ypykue hína Eliab, pe segundo héra Abinadab,+ pe tercero Simeá,+ 14 pe cuarto Netanel, pe quinto Radái, 15 pe sexto Ozem ha pe séptimo David.+ 16 Iñermanakuéra hína Zeruyá ha Abigaíl.+ Zeruyá membykuéra hína Abisái,+ Joab+ ha Asahel.+ En totál 3 oĩ hikuái. 17 Abigaíl imemby peteĩ mitãkuimbaʼe ha ombohéra Amasá,+ ha Amasá túa héra Jéter, pe ismaelita.

18 Caleb* rembireko hérava Azubá imemby chugui ha Jeriot imemby avei chugui, ha koʼãva hína umi imembykuéra: Jéser, Sobab ha Ardón. Caleb hína Hezrón raʼy. 19 Azubá omanórõ guare, Caleb omenda Efrat+ rehe, ha haʼe imemby peteĩ mitãkuimbaʼe ha ombohéra Hur.+ 20 Hur raʼy hína Urí, ha Urí raʼy hína Bezalel.+

21 Makir+ oreko vaʼekue peteĩ itaʼýra hérava Galaad.+ Upéi Hezrón oreko rrelasión sexuál Makir rajýndi. Hezrón omenda hese orekórõ guare 60 áño, ha hembireko imemby peteĩ mitãkuimbaʼe ha ombohéra Segub. 22 Segub raʼy hína Jaír,+ ha haʼe oreko vaʼekue Galaádpe+ 23 siuda. 23 Upe rire umi hénte oikóva Guesur+ ha Síriape+ oipeʼa Havot-Jaír,+ Quenat+ ha umi puevloʼi oĩva ijerére umi hénte oikóvagui upépe. En totál ojagarra hikuái 60 siuda. Koʼãva haʼe vaʼekue Makir familiare. Makir hína Galaad túa.

24 Hezrón+ omano rire pe lugár héravape Caleb-Efrata, hembireko Abías imemby chugui peteĩ mitãkuimbaʼe ha ombohéra Asjur,+ haʼe hína Tecoa+ túa.*

25 Hezrón raʼy ypykue hína Jerahmeel. Jerahmeel raʼy ypykue hína Ram, upéi ou Buná, Orén, Ozem ha Ahíya. 26 Jerahmeel oreko vaʼekue ótro hembireko hérava Atará, haʼe hína Onam sy. 27 Jerahmeel raʼy ypykue Ram mbohapy ifamília vaʼekue, umíva hína Maaz, Jamín ha Équer. 28 Onam raʼykuéra hína Samái ha Jadá. Ha Samái raʼykuéra hína Nadab ha Abisur. 29 Abisur rembireko héra vaʼekue Abihail. Haʼe imemby chugui mokõi mitãkuimbaʼe ha peteĩme ombohéra Ahbán ha pe ótrope Molid. 30 Nadab raʼykuéra hína Séled ha Apaim. Péro Séled omano ifamiliaʼỹre. 31 Apaim raʼy* hína Isí. Isí raʼy* hína Sesán, Sesán familiare hína Ahlái. 32 Jadá raʼykuéra hína Jéter ha Jonatán. Jadá hína Samái ermáno. Péro Jéter omano ifamiliaʼỹre. 33 Jonatán raʼykuéra hína Pélez ha Zazá. Koʼãva hína Jerahmeel familiare.

34 Sesán ndaitaʼýrai vaʼekue, kuña memeténte ifamília. Péro Sesán oreko vaʼekue peteĩ isiérvo egipcio hérava Jarhá. 35 Sesán omeʼẽ peteĩva itajýra isiérvo Jarhápe hembirekorã, ha haʼe imemby chugui peteĩ mitãkuimbaʼe ha ombohéra Atái. 36 Atái raʼy hína Natán, ha Natán raʼy hína Zabad. 37 Zabad raʼy hína Eflal, ha Eflal raʼy hína Obed. 38 Obed raʼy hína Jehú, ha Jehú raʼy hína Azarías. 39 Azarías raʼy hína Hélez, ha Hélez raʼy hína Eleasá. 40 Eleasá raʼy hína Sismái, ha Sismái raʼy hína Salum. 41 Salum raʼy hína Jecamías, ha Jecamías raʼy hína Elisamá.

42 Caleb*+ hína Jerahmeel ermáno, ha Caleb raʼy ypykue hína Mesá. Mesá raʼy hína Zif, ha oĩ vaʼekue avei Maresá raʼykuéra, haʼe hína Hebrón túa. 43 Hebrón raʼykuéra hína Coré, Tapúah, Réquem ha Sema. 44 Sema raʼy hína Raham, ha Raham raʼy hína Jorqueam. Réquem raʼy hína Samái. 45 Samái raʼy hína Maón, Maón raʼy hína Bet-Zur.+ 46 Caleb rembireko* Efá imemby, ha koʼãva hína umi imembykuéra: Harán, Mozá ha Gazez. Harán raʼy hína Gazez. 47 Jahdái raʼykuéra hína Réguem, Jotán, Guesán, Pélet, Efá ha Sáaf. 48 Caleb rembireko* Maacá imemby, ha koʼãva hína umi imembykuéra: Séber ha Tirhaná. 49 Tiémpo rire haʼe imemby jey ha ombohéra Sáaf, haʼe hína Madmaná+ túa. Maacá imemby jey ha ombohéra Sevá, haʼe hína Macbená ha Guibeá+ túa. Caleb+ rajy hína Acsá.+ 50 Koʼãva hína Caleb familiare.

Efrata+ memby ypykue hína Hur,+ ha Hur raʼykuéra hína Sobal, haʼéva hína Quiryat-Jearim+ túa, 51 Salmá haʼéva Belén+ túa, ha Haref haʼéva Bet-Gader túa. 52 Quiryat-Jearim túa hína Sobal, ha Sobal familiare hína koʼãva: Haroé ha alamita umi menuhotkuéra. 53 Quiryat-Jearim familiare hína umi itrita,+ putíes, sumatita ha umi misraíta. Koʼãvagui ou vaʼekue umi zoratita+ ha estaolita.+ 54 Salmá familiare hína umi hénte oikóva Belénpe,+ Netofá ha Atrot-Bet-Joábpe. Avei Salmá familiare hína alamita umi hénte oikóva Manáhatpe ha umi hénte oikóva Zorápe. 55 Umi eskriváno familiare oikóva Jabézpe haʼe vaʼekue umi tirateo, simeateo ha umi sucateo. Koʼãva hína umi quenita+ haʼéva Hammat familiare, haʼe hína Recab+ rogayguakuéra túa.

3 Koʼãva hína David raʼykuéra onase vaʼekue Hebrónpe:+ itaʼýra ypykue Amnón,+ isy hína Ahinoam+ Jezreelgua, pe segundo Daniel, haʼe hína Abigaíl+ pe carmelita memby, 2 pe tercero Absalón,+ haʼe hína Maacá memby, haʼéva Talmái rajy, pe rréi de Guesur, pe cuarto Adonías,+ Haguit memby, 3 pe quinto Sefatías, Abital memby, pe sexto Itream, isy hína David rembireko hérava Eglá. 4 Koʼã 6 itaʼýra onase vaʼekue Hebrónpe. Haʼe ogoverna vaʼekue upépe 7 áño 6 mésere, ha Jerusalénpe ogoverna 33 áñore.+

5 Koʼãva hína David raʼykuéra onase vaʼekue Jerusalénpe:+ Simeá, Sobab, Natán+ ha Salomón.+ Koʼã 4 itaʼyrakuéra sy haʼe hína Bat-Seba,+ Amiel rajy. 6 Umi ótro 9 itaʼýra haʼe hína: Ibhar, Elisamá,* Elifélet, 7 Noga, Néfeg, Jafía, 8 Elisamá, Eliadá ha Elifélet. 9 Koʼãva haʼe vaʼekue David raʼykuéra. David itaʼýra vaʼekue avei umi ótro hembirekóndi.* Umi itaʼyrakuéra ermána héra vaʼekue Tamar.+

10 Salomón raʼy hína Rehoboam,+ Rehoboam raʼy hína Abías,+ Abías raʼy hína Asá,+ Asá raʼy hína Jehosafat,+ 11 Jehosafat raʼy hína Jehoram,+ Jehoram raʼy hína Ocozías,+ Ocozías raʼy hína Jehoás,+ 12 Jehoás raʼy hína Amasías,+ Amasías raʼy hína Azarías,+ Azarías raʼy hína Jotán,+ 13 Jotán raʼy hína Acaz,+ Acaz raʼy hína Ezequías,+ Ezequías raʼy hína Manasés,+ 14 Manasés raʼy hína Amón,+ ha Amón raʼy hína Josías.+ 15 Josías raʼykuéra hína koʼãva: pe itaʼýra ypykue Johanán, pe segundo Jehoiaquim,+ pe tercero Sedequías+ ha pe cuarto Salum. 16 Jehoiaquim familiare* hína Jeconías,+ ha Jeconías raʼy hína Sedequías. 17 Jeconías pe prisionéro raʼykuéra haʼe hína Sealtiel, 18 Malkiram, Pedaya, Senazar, Jecamías, Hosamá ha Nedabías. 19 Pedaya raʼykuéra hína Zorobabel+ ha Simeí. Zorobabel raʼykuéra hína Mesulam ha Hananías (ha Selomit haʼe vaʼekue iñermanakuéra). 20 Umi ótro 5 Zorobabel raʼykuéra haʼe hína: Hasubá, Ohel, Berekías, Hasadías ha Jusab-Hésed. 21 Hananías raʼykuéra hína Pelatías ha Jesayá, Jesayá raʼy* hína Refayá, Refayá raʼy* hína Arnán, Arnán raʼy* hína Abdías, Abdías raʼy* hína Secanías. 22 Secanías familiare hína Semaya ha itaʼyrakuéra: Hatús, Igal, Barías, Nearías, Safat, 6 en totál. 23 Nearías raʼykuéra hína Elioenái, Hizquías ha Azricam, 3 en totál. 24 Elioenái raʼykuéra hína Hodavías, Eliasib, Pelayá, Acub, Johanán, Delayá ha Ananí, 7 en totál.

4 Judá raʼykuéra hína Pérez,+ Hezrón,+ Carmí, Hur+ ha Sobal.+ 2 Sobal raʼy hína Reayá, Reayá raʼy hína Jáhat, Jáhat raʼykuéra hína Ahumái ha Lahad. Koʼãva hína umi zoratita+ familiare. 3 Koʼãva hína Etam+ túa* raʼykuéra: Jezreel, Ismá, Idbás (ha iñermanakuéra héra Hazelelponí), 4 ha Penuel haʼe vaʼekue Guedor túa, Ézer katu Husá túa. Koʼãva haʼe vaʼekue Hur+ raʼykuéra. Hur hína Efrata memby ypykue, ha Hur hína Belén+ túa. 5 Asjur+ haʼe hína Tecoa+ túa, ha haʼe mokõi hembireko vaʼekue: Helá ha Naará. 6 Naará imemby chugui ha ombohéra Ahuzam, upéi Héfer, Temení ha Haahastarí. Koʼãva hína Naará membykuéra. 7 Ha Helá membykuéra hína Zéret, Izhar ha Etnán. 8 Coz haʼe vaʼekue Anub ha Zobebá túa, ha avei Aharhel familiakuéra túa. Aharhel hína Harum raʼy.

9 Jabez haʼe vaʼekue pe kuimbaʼe ojerrespetavéva ha oñemombaʼevéva iñermanokuéra apytépe. Isy ombohéra vaʼekue chupe Jabez* heʼívo: “Heta cherasy arekohápe chupe”. 10 Jabez ojerure asy vaʼekue Israel Járape, heʼívo: “¡Chevendesimína, ha epermitína chéve areko hetave yvy, ha siémprekena eime chendive ha chepeʼa umi mbaʼe vai oúvagui chéve, ani hag̃ua oiko cherehe mbaʼeve ivaíva!”. Upémarõ Ñandejára omeʼẽ chupe upe ojerure vaʼekue.

11 Kelub haʼe hína Suha ermáno, Kelub haʼe hína Mehir túa, ha Mehir hína Estón túa. 12 Estón hína Bet-Rafá túa, Paséah ha Tehiná túa, ha Tehiná hína Ir-Nahás túa. Koʼãva haʼe vaʼekue umi kuimbaʼe Recagua. 13 Quenaz raʼykuéra hína Otniel+ ha Seraya, ha Otniel raʼy* hína Hatat. 14 Meonotái haʼe vaʼekue Ofrá túa. Seraya haʼe vaʼekue Joab túa, ha Joab hína Gue-Harasim* túa, oñembohéra péicha pórke haʼekuéra artesáno vaʼekue.

15 Jefuné raʼy hína Caleb,+ ha Caleb raʼykuéra hína Iru, Elá ha Naam. Ha Elá raʼy* hína Quenaz. 16 Jehalelel raʼykuéra hína Zif, Zifá, Tiría ha Asarel. 17 Ezrá raʼykuéra hína Jéter, Méred, Éfer ha Jalón. Haʼe* hyeguasu ha imemby ha ombohéra Míriam, upéi ou Samái ha Isbá. Isbá haʼe hína Estemoa túa. 18 (Ha Méred rembireko judía imemby chugui ha ombohéra Jéred, haʼe hína Guedor túa, ha avei oreko chugui Héber, haʼe hína Socó túa, avei oreko chugui Jecutiel, haʼe hína Zanóah túa). Koʼãva hína Bitías membykuéra, haʼe hína pe faraón rajy, ha hese omenda kuri Méred.

19 Hodías rembireko membykuéra hína Queilá pe garmita tuakuéra, ha Estemoa pe maacatita tuakuéra. Hodías rembireko hína Náham ermána. 20 Shimón raʼykuéra hína Amnón, Riná, Ben-Hanán ha Tilón. Isí raʼykuéra hína Zóhet ha Ben-Zóhet.

21 Judá raʼy hína Selá,+ ha Selá raʼykuéra hína Er, haʼe hína Lecá túa, ha Laadá haʼe hína Maresá túa. Selá familiare haʼe avei umi família ombaʼapo vaʼekue téla iporãvare, umíva hína Asbea rogaygua. 22 Avei Joquim, umi kuimbaʼe Cozebagua, Joás ha Saraf, koʼãva omenda vaʼekue umi kuña moabítare, ha avei Jasubí-Léhem. Koʼã rrehístro ituja hína.* 23 Haʼekuéra ningo alfaréro vaʼekue ha oiko Netáimpe ha Guederápe. Haʼekuéra oiko upe lugárpe ha ombaʼapo pe rréipe g̃uarã.

24 Simeón raʼykuéra+ hína Nemuel, Jamín, Jarib, Zérah ha Shaúl.+ 25 Shaúl raʼy hína Salum, Salum raʼy hína Mibsam, Mibsam raʼy hína Mismá. 26 Mismá familiare* hína Hamuel, Hamuel raʼy hína Zacur, Zacur raʼy hína Simeí. 27 Ha Simeí 16 itaʼýra vaʼekue ha 6 itajýra, péro iñermanokuéra naifamiliaretái vaʼekue, ha ni peteĩ hogaygua ndorekói vaʼekue heta família oreko haguéicha umi kuimbaʼe Judagua.+ 28 Haʼekuéra oiko vaʼekue Beer-Sébape,+ Moladápe,+ Hazar-Suálpe,+ 29 Bilhápe, Ézempe,+ Toládpe, 30 Betuélpe,+ Hormápe,+ Ziclágpe,+ 31 Bet-Marcabótpe, Hazar-Susímpe,+ Bet-Birípe ha Saaráimpe. Koʼãva haʼe vaʼekue isiudakuéra David oñepyrũha tiémpo peve ogoverna.

32 Oiko avei hikuái Etámpe, Áinpe, Rimónpe, Tókenpe ha Asánpe,+ en totál 5 siudápe, 33 ha umi puévlo oĩvape koʼã siuda jerére Baal peve. Koʼãva hína herakuéra oñeanota vaʼekue asegún máva familiarépa hikuái, ha moõpa oiko vaʼekue. 34 Umi ótro Simeón familiare haʼe vaʼekue: Mesobab, Jamlec, Josá haʼéva Amasías raʼy, 35 Joel, Jehú haʼéva Josibías raʼy, Seraya niéto ha Asiel visniéto, 36 ha Elioenái, Jaacoba, Jesohaya, Asaya, Adiel, Jesimiel, Benaya, 37 ha Zizá haʼéva Sifí raʼy, Alón niéto ha Jedayá visniéto, Jedayá hína Simrí raʼy ha Semaya niéto. 38 Koʼã kuimbaʼe réra oñemombeʼúva hína koʼápe, omoakã vaʼekue ifamiliakuéra. Ha umi ituakuéra ypykue rogaygua katu hetaitereive oĩ. 39 Ha oho hikuái Guedor entrádape, éste gotyo pe ñúgui, oheka hag̃ua pásto ijovechakuérape g̃uarã. 40 Tiémpo rire ojuhu hikuái heta pásto iporã ha vérde asýva, ha pe yvy tuicha, itrankílo ha ndoikói upépe mbaʼeve ivaíva. Upépe oiko vaʼekue anteve Cam familiare.+ 41 Koʼã hénte réra oñemombeʼúva koʼápe ou vaʼekue rréi Ezequías+ de Judá tiémpope, ha ohundi Cam familiare róga karpakuéra, ha ohundi avei hikuái umi meunim oĩ vaʼekuépe upépe. Ohundipaite chupekuéra ha koʼag̃aite peve ikatu ojehecha upéva. Upéi opyta oiko hikuái upépe hendaguepekuéra, pórke upépe oĩ vaʼekue heta pásto ijovechakuérape g̃uarã.

42 Unos kuánto simeonita, 500 kuimbaʼe, oho Sérro Seírpe,+ ha oho hendivekuéra Pelatías, Nearías, Refayá ha Uziel, koʼãva hína Isí raʼykuéra odirihi vaʼekue chupekuéra. 43 Haʼekuéra ojuka umi amalequita+ hemby vaʼekuépe, umi okañy vaʼekuépe, ha opyta oiko hikuái upépe koʼag̃aite peve.

5 Israel raʼy ypykue hína Rubén.+ Haʼe hína pe itaʼýra ypykue, péro oñeno itúa rembirekóndi* ha omongyʼa chugui imatrimónio,+ upéicha rupi pe derécho haʼe orekóva haʼe haguére taʼýra ypykue, oñemeʼẽ José+ raʼykuérape. José hína Israel raʼy. Upévare Rubénpe noñeanotái taʼýra ypykuéramo pe lísta oĩháme máva familiarépa hikuái. 2 Ha Judápe+ oñemombaʼevéramo jepe iñermanokuéra apytépe ha chugui oúramo jepe pe ogovernátava,+ oñemeʼẽ Josépe pe derécho orekóva pe taʼýra ypykue. 3 Israel raʼy ypykue hína Rubén, ha Rubén raʼykuéra hína: Hanok, Palú, Hezrón ha Carmí.+ 4 Joel raʼykuéra hína Semaya, Semaya raʼy hína Gog, Gog raʼy hína Simeí, Simeí raʼy hína 5 Miqueas, Miqueas raʼy hína Reayá, Reayá raʼy hína Baal, Baal raʼy hína 6 Beerá. Pe rréi Tilgat-Pilnéser+ de Asiria ogueraha vaʼekue Beerápe prisionéroramo hetãgui, haʼe hína peteĩva umi omoakãva umi rubenítape. 7 Beerá ermanokuérape oñeanota vaʼekue asegún ifamiliakuéra, umíva hína: Jeiel, pe omoakãva chupekuéra, Zacarías 8 ha Bela, Bela hína Azaz raʼy, Sema niéto ha Joel visniéto. Haʼekuéra oiko vaʼekue Aroer guive+ Nebo ha Baal-Meón+ peve. 9 Éste gotyo oiko hikuái oñepyrũha meve pe desiérto ohóva Rrío Éufrates+ peve, pórke hymbakuéra hetaitereíma Galaad+ territóriope. 10 Saúl tiémpope, oñorairõ hikuái umi hagrítandi ha ogana chupekuéra, upévare haʼekuéra opyta oiko umi hóga kárpape, kompletoite Galaad territóriope éste gotyo.

11 Gad familiare oiko vaʼekue Rubén familiare ykére Basán territóriope Salecá+ peve. 12 Joel ningo omoakã vaʼekue Basánpe, Safam katu pe segundo, ha oĩ vaʼekue avei Janái ha Safat. 13 Ha umi omoakãva ituakuéra ypykue familiare hína: Miguel, Mesulam, Seba, Jorái, Jacán, Zía ha Éber. En totál 7 oĩ hikuái. 14 Koʼãva hína Abihail raʼykuéra, Abihail hína Hurí raʼy, Jaróah niéto ha Galaad visniéto, Galaad hína Miguel raʼy, Jesisái niéto ha Jahdó visniéto, Jahdó hína Buz raʼy. 15 Ahí hína Abdiel raʼy, Abdiel hína Guní raʼy. Ahí hína pe omoakãva ituakuéra ypykue familiarépe. 16 Haʼekuéra oiko vaʼekue Galaádpe,+ Basánpe+ ha umi puevloʼi oĩvape ijerére ha kompletoite Sarón pastotýpe, pe opaha peve. 17 Enterovetépe oñeanota vaʼekue asegún máva familiarépa hikuái, pe rréi Jotán+ Judagua tiémpope ha rréi Jeroboán*+ Israelgua tiémpope.

18 Umi rubenita, umi gadita ha Manasés trívu alamitare oreko vaʼekue ijehérsitope 44.760 gerréro ipoderósova, orekóva eskúdo ha espáda, oipurúva avei ármaramo árko ha flécha, ha ivale hikuái oñorairõ hag̃ua. 19 Oho vaʼekue umi hagrita+ kóntrape gerrahápe Jetur familiare, Nafís+ familiare ha Nodab familiare. 20 Ha oñorairõrõ guare hikuái, Ñandejára oipytyvõ chupekuéra ha ontrega ipopekuéra umi hagrita ha enterovete umi oĩvape hendivekuéra. Ñandejára ojapo upéva, pórke haʼekuéra ojerure asy kuri chupe ajúda pe gerrahápe, ha haʼe okontesta chupekuéra upe ojerure vaʼekue ojerovia rupi hese.+ 21 Ha ogueraha chuguikuéra umi hymbakuéra: 50.000 kaméllo, 250.000 ovecha ha 2.000 vúrro. Ogueraha avei hikuái 100.000 persóna.* 22 Hetaiterei iñenemigokuéra omano, pórke Ñandejára tee la oñorairõ vaʼekue upe gerrahápe.+ Ha opyta oiko hikuái upe lugárpe hendaguepekuéra, ojeguerahaha tiémpo peve chupekuéra prisionéroramo upégui.+

23 Manasés+ trívu alamitare oiko vaʼekue upe territóriope Basán guive Baal-Hermón peve, avei Senir ha Sérro Hermónpe.+ Haʼekuéra hetaiterei vaʼekue. 24 Koʼãva omoakã vaʼekue umi ituakuéra ypykue familiarépe: Éfer, Isí, Eliel, Azriel, Jeremías, Hodavías ha Jahdiel. Koʼãva haʼe vaʼekue gerréro ipoderóso ha ifamósova, ha omoakã vaʼekue ituakuéra ypykue familiarépe. 25 Péro haʼekuéra naiñeʼẽrendúi vaʼekue ituakuéra ypykue Járape, ha oadora umi ótro dios+ oĩvape* umi nasión Ñandejára ohundi vaʼekuépe henonderãkuéragui. 26 Upémarõ Israel Jára opoko pe rréi Pul de Asiria (térã rréi Tilgat-Pilnéser+ de Asiria) korasõre+ ogueraha hag̃ua prisionéroramo hetãgui umi rubenita, umi gadita ha Manasés trívu alamitarépe. Pe rréi ogueraha chupekuéra Halápe, Habórpe, Harápe ha rrío Gozán kóstape,+ ha upépe oĩ hikuái koʼag̃aite peve.

6 Leví+ raʼykuéra hína Guersón, Cohat+ ha Merarí.+ 2 Cohat raʼykuéra hína Amram, Izhar,+ Hebrón ha Uziel.+ 3 Amram+ raʼykuéra hína Aarón,+ Moisés+ ha itajýra hína Míriam.+ Aarón raʼykuéra hína Nadab, Abihú,+ Eleazar+ ha Itamar.+ 4 Eleazar raʼy hína Finehás,+ Finehás raʼy hína Abisúa, 5 Abisúa raʼy hína Buquí, Buquí raʼy hína Uzí, 6 Uzí raʼy hína Zerahías, Zerahías raʼy hína Merayot, 7 Merayot raʼy hína Amarías, Amarías raʼy hína Ahitub,+ 8 Ahitub raʼy hína Sadoc,+ Sadoc raʼy hína Ahimáaz,+ 9 Ahimáaz raʼy hína Azarías, Azarías raʼy hína Johanán, 10 ha Johanán raʼy hína Azarías. Azarías oservi vaʼekue de saserdóte pe óga Salomón omopuʼã vaʼekuépe Jerusalénpe.

11 Azarías raʼy hína Amarías, Amarías raʼy hína Ahitub, 12 Ahitub raʼy hína Sadoc,+ Sadoc raʼy hína Salum, 13 Salum raʼy hína Hilquías,+ Hilquías raʼy hína Azarías, 14 Azarías raʼy hína Seraya,+ Seraya raʼy hína Jehozadac.+ 15 Jehová oguerahárõ guare prisionéroramo umi hénte oĩva Judá ha Jerusalénpe Nabucodonosor rupive, Jehozadac ojegueraha vaʼekue avei prisionéroramo.

16 Leví raʼykuéra hína Guersom,* Cohat ha Merarí. 17 Guersom raʼykuéra héra hína Libní ha Simeí.+ 18 Cohat raʼykuéra hína Amram, Izhar, Hebrón ha Uziel.+ 19 Merarí raʼykuéra hína Mahlí ha Musí.

Koʼãva hína umi levita asegún mávapa itúa ypykue:+ 20 Guersom+ raʼy hína Libní, Libní raʼy hína Jáhat, Jáhat raʼy hína Zimá, 21 Zimá raʼy hína Joá, Joá raʼy hína Idó, Idó raʼy hína Zérah, Zérah raʼy hína Jeatrái. 22 Cohat raʼy* hína Aminadab, Aminadab raʼy hína Coré,+ Coré raʼy hína Asir, 23 Asir raʼy hína Elcaná, Elcaná raʼy hína Ebiasaf,+ Ebiasaf raʼy hína Asir, 24 Asir raʼy hína Táhat, Táhat raʼy hína Uriel, Uriel raʼy hína Uzías, Uzías raʼy hína Shaúl. 25 Elcaná raʼykuéra hína Amasái ha Ahimot. 26 Pe ótro Elcaná raʼykuéra hína Zofái, Zofái raʼy hína Náhat, 27 Náhat raʼy hína Eliab, Eliab raʼy hína Jeroham, Jeroham raʼy hína Elcaná.+ 28 Samuel+ raʼy ypykue hína Joel, ha upéi ou Abías.+ 29 Merarí raʼy* hína Mahlí,+ Mahlí raʼy hína Libní, Libní raʼy hína Simeí, Simeí raʼy hína Uzá, 30 Uzá raʼy hína Simeá, Simeá raʼy hína Haguías, Haguías raʼy hína Asaya.

31 Koʼãva hína umi kuimbaʼe David oiporavo vaʼekue oñenkarga hag̃ua umi opurahéivare Jehová tavernákulope,* oñemoĩ rire upépe pe Árka del Pákto.+ 32 Haʼekuéra oñenkarga vaʼekue umi mbaʼe oñekotevẽvare ojepurahéi hag̃ua pe tavernákulope, pe lugár de rreuniónpe, Salomón omopuʼãha tiémpo peve Jehová róga Jerusalénpe.+ Ha haʼekuéra ojapo pe traváho ojeʼe haguéicha chupekuéra.+ 33 Koʼãva hína umi kuimbaʼe ojapo vaʼekue upe traváho itaʼyrakuérandi: umi cohatita apytégui Hemán,+ pe opurahéiva. Hemán hína Joel+ raʼy, Samuel niéto, 34 ha Elcaná+ visniéto. Elcaná hína Jeroham raʼy, Eliel niéto ha Tóah visniéto. 35 Tóah hína Zuf raʼy, Elcaná niéto ha Máhat visniéto. Máhat hína Amasái raʼy, 36 Elcaná niéto ha Joel visniéto. Joel hína Azarías raʼy, Sofonías niéto 37 ha Táhat visniéto. Táhat hína Asir raʼy, Ebiasaf niéto ha Coré visniéto. 38 Coré hína Izhar raʼy, Cohat niéto ha Leví visniéto. Leví hína Israel raʼy.

39 Ótro levita* hérava Asaf+ oñemboʼy Hemán derécha gotyo. Asaf hína Berekías raʼy, Berekías hína Simeá raʼy, 40 Simeá hína Miguel raʼy, Miguel hína Baaseyá raʼy, Baaseyá hína Malkiya raʼy, 41 Malkiya hína Etní raʼy, Etní hína Zérah raʼy, Zérah hína Adaya raʼy, 42 Adaya hína Etán raʼy, Etán hína Zimá raʼy, Zimá hína Simeí raʼy, 43 Simeí hína Jáhat raʼy, Jáhat hína Guersom raʼy, Guersom hína Leví raʼy.

44 Umi iñermanokuéra levita haʼéva Merarí+ familiare oñemboʼy Hemán iskiérda gotyo. Upépe oĩ Etán,+ Etán hína Quisí raʼy, Quisí hína Abdí raʼy, Abdí hína Maluc raʼy, 45 Maluc hína Hasabías raʼy, Hasabías hína Amasías raʼy, Amasías hína Hilquías raʼy, 46 Hilquías hína Amzí raʼy, Amzí hína Baní raʼy, Baní hína Sémer raʼy, 47 Sémer hína Mahlí raʼy, Mahlí hína Musí raʼy, Musí hína Merarí raʼy, Merarí hína Leví raʼy.

48 Umi ótro iñermanokuéra levita ojeporavo* ojapo hag̃ua kompletoite umi traváho oĩva Ñandejára tee tavernákulope.+ 49 Aarón ha itaʼyrakuéra+ ohapy ha omotimbo umi sakrifísio pe altár ojejapoha ári ofrénda ojehapýva,+ ha ohapy insiénso pe altár ojehapyha ári insiénso.+ Ha ojapo hikuái umi traváho tekotevẽva umi mbaʼe sagradoitereívape g̃uarã, ikatu hag̃uáicha oñeperdona Israélpe ipekadokuéra.+ Haʼekuéra ojapo opa mbaʼe heʼi haguéicha Moisés, Ñandejára siérvo. 50 Koʼãva hína Aarón familiare:+ Aarón raʼy hína Eleazar,+ Eleazar raʼy hína Finehás, Finehás raʼy hína Abisúa, 51 Abisúa raʼy hína Buquí, Buquí raʼy hína Uzí, Uzí raʼy hína Zerahías, 52 Zerahías raʼy hína Merayot, Merayot raʼy hína Amarías, Amarías raʼy hína Ahitub,+ 53 Ahitub raʼy hína Sadoc,+ Sadoc raʼy hína Ahimáaz.

54 Koʼãva hína umi lugár opyta haguépe oiko umi levita, ha umi lugár omoĩ haguépe hikuái ikampaménto* iterritóriope: Cohat familiare, haʼéva hína Aarón familiare, osẽ primero pe sortéope, 55 oñemeʼẽ chupekuéra Hebrón+ ipastoty reheve, Judá territóriope. 56 Péro umi ñu oĩva upe siuda territóriope ha umi ipuevloʼi oñemeʼẽ Jefuné raʼy Calébpe.+ 57 Ha Aarón familiarépe oñemeʼẽ umi siuda* ikatuhápe oñekañy,*+ Hebrón,+ avei Libná+ ipastoty reheve, Jatir,+ Estemoa ipastoty reheve,+ 58 Hilén ipastoty reheve, Debir+ ipastoty reheve, 59 Asán+ ipastoty reheve, ha Bet-Semes+ ipastoty reheve. 60 Ha Benjamín trívu omeʼẽ chupekuéra Gueba+ ipastoty reheve, Alémet ipastoty reheve, Anatot+ ipastoty reheve. En totál oñemeʼẽ ifamiliakuérape g̃uarã 13 siuda.+

61 Ojejapo rire pe sortéo, oñemeʼẽ 10 siuda umi cohatita hembývape. Oñemeʼẽ chupekuéra umi siuda orekóva umi ótra trívu familiakuéra ha umi oĩva Manasés trívu alamitarépe.+

62 Guersom familiarépe oñemeʼẽ 13 siuda koʼã trívugui: Isacar trívugui, Aser trívugui, Neftalí trívugui ha Manasés trívugui oĩva Basánpe.+

63 Ojejapo rire pe sortéo, umi família merarítape oñemeʼẽ 12 siuda Rubén trívugui, Gad trívugui ha Zabulón trívugui.+

64 Péicha umi israelita omeʼẽ umi levítape koʼã siuda ipastoty reheve.+ 65 Ojesortea ha oñemeʼẽ avei chupekuéra umi siuda Judá trívugui, Simeón trívugui ha Benjamín trívugui, umi siuda rerakuéra oñemombeʼúmava voi.

66 Oĩ vaʼekue avei umi família cohatita orresivi vaʼekue iterritoriorã umi siuda oĩvagui Efraín trívupe.+ 67 Oñemeʼẽ chupekuéra umi siuda* ikatuhápe oñekañy, upéva hína Siquem+ ipastoty reheve, oĩva montañaháre Efraínpe, avei Guézer+ ipastoty reheve, 68 Jocmeam ipastoty reheve, Bet-Horón+ ipastoty reheve, 69 Ayalón+ ipastoty reheve ha Gat-Rimón+ ipastoty reheve. 70 Ha umi família cohatita hembýva orresivi Manasés trívu alamitarégui Aner ipastoty reheve ha Bileam ipastoty reheve.

71 Guersom familiare orresivi Manasés trívu alamitarégui Golán+ ipastoty reheve, oĩva Basánpe, ha Astarot ipastoty reheve.+ 72 Ha Isacar trívugui oñemeʼẽ chupekuéra Quedes ipastoty reheve, Daberat+ ipastoty reheve,+ 73 Ramot ipastoty reheve ha Anem ipastoty reheve. 74 Ha Aser trívugui oñemeʼẽ chupekuéra Masal ipastoty reheve, Abdón ipastoty reheve,+ 75 Hucoc ipastoty reheve ha Rehob+ ipastoty reheve. 76 Ha Neftalí trívugui oñemeʼẽ chupekuéra Quedes+ ipastoty reheve, oĩva Galiléape,+ Hamón ipastoty reheve ha Quiryataim ipastoty reheve.

77 Umi merarita hembýva orresivi Zabulón trívugui+ Rimono ipastoty reheve ha Tabor ipastoty reheve. 78 Jordán territóriope, Jericó ypýpe, éste gotyo pe Jordángui orresivi hikuái Rubén trívugui Bézer ipastoty reheve oĩva pe desiértope, Jáhaz+ ipastoty reheve, 79 Quedemot+ ipastoty reheve ha Mefaat ipastoty reheve. 80 Ha Gad trívugui oñemeʼẽ chupekuéra Ramot ipastoty reheve, oĩva Galaádpe, Mahanaim+ ipastoty reheve, 81 Hesbón+ ipastoty reheve ha Jazer+ ipastoty reheve.

7 Isacar raʼykuéra hína Tolá, Pua, Jasub ha Simrón.+ En totál 4 hikuái. 2 Ha Tolá raʼykuéra hína Uzí, Refayá, Jeriel, Jahmái, Ibsam ha Semuel, haʼekuéra omoakã umi ituakuéra ypykue familiarépe. Tolá familiare haʼe vaʼekue gerréro ipoderósova, David ogovernaha tiémpope oĩ vaʼekue hikuái 22.600. 3 Uzí familiare* hína Izrahías ha Izrahías raʼykuéra hína: Miguel, Abdías, Joel ha Isías. Koʼã 5 omoakã vaʼekue ifamiliakuérape. 4 Ha hendivekuéra umi ifamiliare, asegún mávapa ituakuéra ypykue familiare, oĩ vaʼekue 36.000 soldádo ijehérsitope oĩva preparádo oho hag̃ua gerrahápe, pórke haʼekuéra heta hembireko vaʼekue ha heta ifamília. 5 Ha umi iñermanokuéra Isacar familiare haʼe vaʼekue gerréro ipoderósova. En totál oñeanota chupekuéra 87.000 asegún máva familiarépa hikuái.+

6 Benjamín+ raʼykuéra hína Bela,+ Béker+ ha Jediael.+ En totál 3 oĩ hikuái. 7 Ha Bela raʼykuéra hína Ezbón, Uzí, Uziel, Jerimot ha Irí. Haʼekuéra oĩ 5 en totál ha omoakã ituakuéra ypykue familiarépe, ha gerréro ipoderósova avei hikuái. En totál oñeanota chupekuéra 22.034 asegún máva familiarépa hikuái.+ 8 Ha Béker raʼykuéra hína Zemirá, Joás, Eliezer, Elioenái, Omrí, Jeremot, Abías, Anatot ha Alémet. Enterovete haʼekuéra Béker familiare hína. 9 Oñeanota chupekuéra asegún máva familiarépa hikuái ha mávapa omoakã ituakuéra ypykue familiarépe, ha oĩ hikuái 20.200 gerréro ipoderósova. 10 Ha Jediael+ familiare* hína Bilhán ha umi itaʼyrakuéra: Jeús, Benjamín, Ehúd, Kenaaná, Zetán, Tarsis ha Ahisáhar. 11 Koʼãva kompletoite haʼe vaʼekue Jediael raʼykuéra, asegún mávapa ituakuéra ypykue. Haʼekuéra oĩ vaʼekue 17.200 gerréro ipoderósova, oĩva preparádo oho hag̃ua gerrahápe.

12 Umi supim ha umi hupim haʼe vaʼekue Ir+ raʼykuéra. Umi husim haʼe vaʼekue Aher raʼykuéra.

13 Neftalí raʼykuéra+ hína Jahziel, Guní, Jézer ha Salum.* Koʼãva hína Bilhá familiare.*+

14 Koʼãva hína Manasés+ raʼykuéra: peteĩva Asriel, haʼe hína pe hembireko* Siriagua membyre. (Imemby hína Makir,+ haʼéva Galaad túa. 15 Makir okonsegi vaʼekue Hupímpe g̃uarã ha avei Supímpe g̃uarã hembirekorã, ha iñermána héra vaʼekue Maacá). Ha pe segundo itaʼýra héra vaʼekue Zelofehad,+ péro Zelofehad kuña memete ifamília vaʼekue.+ 16 Upéi Maacá, Makir rembireko, hyeguasu ha oreko peteĩ mitãkuimbaʼe ha ombohéra Peres, ha iñermáno héra vaʼekue Seres, ha itaʼyrakuéra hína Ulam ha Réquem. 17 Ha Ulam raʼy* hína Bedán. Koʼãva hína Galaad raʼykuéra, Galaad hína Makir raʼy, ha Makir hína Manasés raʼy. 18 Ha Galaad ermána héra vaʼekue Hamoléket. Ha imembykuéra hína Isod, Abí-Ézer ha Mahlá. 19 Semidá raʼykuéra hína Ahián, Siquem, Liquí ha Aniam.

20 Efraín raʼykuéra+ hína Sutélah, Sutélah+ raʼy hína Bered, Bered raʼy hína Táhat, Táhat raʼy hína Eleadá, Eleadá raʼy hína Táhat, 21 Táhat raʼy hína Zabad, Zabad raʼy hína Sutélah, Sutélah raʼy hína Ézer ha Elead. Umi kuimbaʼe Gatpegua+ ovahea ha ojuka Ézer ha Eleádpe omonda hag̃ua chuguikuéra hymbakuéra. 22 Ituakuéra Efraín heta díare ojaheʼo hesekuéra ha iñermanokuéra ou meme hendápe okonsola hag̃ua chupe. 23 Upéi Efraín oreko rrelasión sexuál hembirekóndi, ha hembireko hyeguasu ha oreko peteĩ mitãkuimbaʼe. Péro haʼe imemby oikórõ guare heta mbaʼe vai ifamíliare, upévare ombohéra chupe Berías.* 24 Ha Efraín rajy* hína Seerá, haʼe omopuʼã vaʼekue Bet-Horón Baja+ ha Alta,+ ha avei Uzén-Seerá. 25 Ha Réfah ha Résef haʼe vaʼekue Efraín familiare. Résef raʼy hína Télah, Télah raʼy hína Tahán, 26 Tahán raʼy hína Ladán, Ladán raʼy hína Amihud, Amihud raʼy hína Elisamá, 27 Elisamá raʼy hína Nun, Nun raʼy hína Josué.*+

28 Efraín familiare oiko vaʼekue Betélpe+ ha umi puevloʼi oĩvape ijerére, ha éste gotyo Naaránpe, oéste gotyo Guézerpe ha umi puevloʼi oĩvape ijerére, Siquémpe ha umi puevloʼi oĩvape ijerére, oĩha meve Ayyá* ha umi puevloʼi oĩva ijerére. 29 Ha pe ótro ládo pe frontéragui, Manasés familiare oreko vaʼekue Bet-Seán+ ha umi puevloʼi oĩva ijerére, Taanac+ ha umi puevloʼi oĩva ijerére, Meguidó+ ha umi puevloʼi oĩva ijerére, ha Dor+ ha umi puevloʼi oĩva ijerére. Koʼãvape oiko vaʼekue José familiare, José hína Israel raʼy.

30 Aser raʼykuéra hína Imná, Isvá, Isví ha Berías,+ ha iñermanakuéra héra vaʼekue Sérah.+ 31 Berías raʼykuéra hína Héber ha Malkiel, Malkiel hína Birzayit túa. 32 Héber hína Jaflet, Somer ha Hotam túa, ha Súa haʼe vaʼekue iñermanakuéra. 33 Jaflet raʼykuéra hína Pasac, Bimhal ha Asvat. Koʼãva hína Jaflet raʼykuéra. 34 Sémer* raʼykuéra hína Ahí, Rohgá, Jehubá ha Aram. 35 Ha iñermáno Hélem* raʼykuéra hína Zofá, Imná, Seles ha Amal. 36 Zofá raʼykuéra hína Súaj, Harnéfer, Sual, Berí, Imrá, 37 Bézer, Hod, Samá, Silsá, Itrán ha Beerá. 38 Ha Jéter raʼykuéra hína Jefuné, Pispá ha Ará. 39 Ulá raʼykuéra hína Ará, Haniel ha Rizía. 40 Koʼãva kompletoite haʼe vaʼekue Aser raʼykuéra, omoakãva ituakuéra ypykue familiarépe, gerréro ivale ha ipoderósova, omoakãva umi ehérsito ruvichakuérape. Oñeanota chupekuéra pe ehérsitope asegún máva familiarépa hikuái,+ en totál 26.000 kuimbaʼe+ oĩva preparádo oho hag̃ua gerrahápe.

8 Benjamín+ hína Bela+ túa, Bela hína itaʼýra ypykue ha pe segundo katu Asbel,+ pe tercero Ahará, 2 pe cuarto Nohá ha pe quinto Rafá. 3 Bela raʼykuéra hína Addar, Guerá,+ Abihud, 4 Abisúa, Naamán, Ahoá, 5 Guerá, Sefufán ha Huram. 6 Ehúd raʼykuéra omoakã vaʼekue ituakuéra ypykue familiare oikóvape Guébape,+ umi ituakuéra ypykue rogayguápe, chupekuéra ojegueraha vaʼekue prisionéroramo Manáhatpe. Ehúd raʼykuéra hína: 7 Naamán, Ahíya ha Guerá. Guerá odirihi vaʼekue umi héntepe ojeguerahárõ guare prisionéroramo. Guerá raʼy hína Uzá ha Ahihud. 8 Saharaim ningo ifamília vaʼekue Moab territóriope,* omosẽ rire chupekuéra.* Husim ha Baará haʼe vaʼekue umi hembireko. 9 Ha hembireko Hodes imemby vaʼekue chugui, ha Saharaim raʼykuéra hína: Jobab, Zibía, Mesá, Malcam, 10 Jeúz, Sakía ha Mirmá. Koʼãva hína Saharaim raʼykuéra, omoakãva ituakuéra ypykue familiarépe.

11 Ha hembireko Husim imemby vaʼekue avei chugui, ha Saharaim raʼykuéra hína: Abitub ha Elpaal. 12 Elpaal raʼykuéra haʼe vaʼekue: Éber, Misam, Sémed (haʼe omopuʼã vaʼekue Onó,+ Lod+ ha umi puevloʼi oĩva ijerére), 13 Berías ha Sema. Koʼãva omoakã vaʼekue umi ituakuéra ypykue familiare oikóvape Ayalónpe.+ Haʼekuéra omosẽ vaʼekue umi oikóvape Gátpe. 14 Ha oĩ avei Ahió, Sasac, Jeremot, 15 Zebadías, Arad, Éder, 16 Miguel, Ispá, Johá, koʼãva hína Berías raʼykuéra. 17 Ha Zebadías, Mesulam, Hizquí, Héber, 18 Ismerái, Izlías, Jobab, koʼãva hína Elpaal raʼykuéra. 19 Ha Jaquim, Zicrí, Zabdí, 20 Elienái, Ziletái, Eliel, 21 Adaya, Berayá, Simrat, koʼãva hína Simeí raʼykuéra. 22 Ha Ispán, Éber, Eliel, 23 Abdón, Zicrí, Hanán, 24 Hananías, Elam, Antotiya, 25 Ifdeyá, Penuel, koʼãva hína Sasac raʼykuéra. 26 Ha Samserái, Seharías, Atalía, 27 Jaaresías, Elías, Zicrí, koʼãva hína Jeroham raʼykuéra. 28 Koʼãva hína umi omoakã vaʼekue ituakuéra ypykue familiarépe asegún máva familiarépa hikuái. Enterove koʼã kuimbaʼe oiko vaʼekue Jerusalénpe.

29 Gabaón túa Jeiel oiko vaʼekue Gabaónpe.+ Hembireko héra vaʼekue Maacá.+ 30 Ha itaʼýra ypykue hína Abdón, upéi ou Zur, Quis, Baal, Nadab, 31 Guedor, Ahió ha Zéker. 32 Miclot hína Simeá túa. Enterovete haʼekuéra oiko vaʼekue iñermanokuéra ypýpe Jerusalénpe, upépe oiko vaʼekue avei umi ótro iñermanokuéra.

33 Ner+ hína Quis túa, Quis hína Saúl+ túa, Saúl hína Jonatán+ túa, Malki-Súa,+ Abinadab+ ha Esbaal*+ túa. 34 Jonatán raʼy hína Merib-Baal.*+ Merib-Baal hína Miqueas+ túa. 35 Miqueas raʼykuéra hína Pitón, Mélec, Tarea ha Acaz. 36 Acaz hína Jehoadá túa, Jehoadá hína Alémet túa, Azmávet ha Zimrí túa, Zimrí hína Mozá túa. 37 Mozá hína Bineá túa, Bineá raʼy hína Rafá, Rafá raʼy hína Eleasá, Eleasá raʼy hína Azel. 38 Azel 6 itaʼýra vaʼekue, ha herakuéra hína: Azricam, Bocrú, Ismael, Searías, Abdías ha Hanán. Koʼãva hína Azel raʼykuéra. 39 Ha iñermáno Éshec raʼykuéra hína: pe ijypykue Ulam, pe segundo Jeús ha pe tercero Elifélet. 40 Ha Ulam raʼykuéra haʼe vaʼekue gerréro ipoderósova oipurukuaáva árko ha flécha, ha heta itaʼýra ha iniéto vaʼekue hikuái, en totál 150. Enterove koʼãva Benjamín familiare.

9 Kompletoite umi israelita oñeanota asegún máva familiarépa hikuái, ha umíva ojeskrivi hína Umi Rréi de Israel Lívrope. Ha Judápe ojegueraha hetãgui prisionéroramo Babilóniape naiñeʼẽrendúi haguére Ñandejárape.+ 2 Umi primeroite ou jey vaʼekue oiko hag̃ua ijyvýpe, umi isiudakuérape, haʼe vaʼekue unos kuánto israelita, umi saserdóte, umi levita ha umi siérvo pe templopegua.*+ 3 Ha unos kuánto Judá familiare,+ Benjamín,+ Efraín ha Manasés familiare opyta oiko Jerusalénpe. 4 Umíva hína: Utái, Utái hína Amihud raʼy, Amihud hína Omrí raʼy, Omrí hína Imrí raʼy, Imrí hína Baní raʼy, Baní hína Pérez familiare, Pérez+ hína Judá raʼy. 5 Ha umi silonita* apytégui katu Asaya, pe taʼýra ypykue, ha itaʼyrakuéra. 6 Ha Zérah+ raʼykuéra apytégui Jeuel ha 690 iñermanokuéra.

7 Benjamín familiare apytégui koʼãva hína: Salú, haʼéva Mesulam raʼy, Mesulam hína Hodavías raʼy, Hodavías hína Hasenuá raʼy, 8 upéi oĩ Ibneyá, haʼéva Jeroham raʼy, Elá, haʼéva Uzí raʼy, Uzí hína Micrí raʼy. Avei oĩ Mesulam, haʼéva Sefatías raʼy, Sefatías hína Reuel raʼy ha Reuel hína Ibniya raʼy. 9 Ha iñermanokuéra oñeanota vaʼekue asegún ituakuéra ypykue oĩ en totál 956. Enterovete koʼãva omoakã vaʼekue ituakuéra ypykue familiarépe.

10 Umi saserdotekuéra apytégui koʼãva hína: Jedayá, Jehoiarib, Jakín,+ 11 Azarías haʼéva Hilquías raʼy, Hilquías haʼe hína Mesulam raʼy, Mesulam hína Sadoc raʼy, Sadoc hína Merayot raʼy, ha Merayot hína Ahitub raʼy, haʼe hína peteĩ kuimbaʼe omandáva Ñandejára tee rógape.* 12 Avei oĩ Adaya haʼéva Jeroham raʼy, Jeroham hína Pasjur raʼy, Pasjur hína Malkiya raʼy, avei Maasái haʼéva Adiel raʼy, Adiel hína Jahzerá raʼy, Jahzerá hína Mesulam raʼy, Mesulam hína Mesilemit raʼy, ha Mesilemit hína Imer raʼy. 13 Ha umi iñermanokuéra omoakãva ituakuéra ypykue familiarépe oĩ en totál 1.760, kuimbaʼe ipoderósova, ikatupyrýva ha ikatúva ombaʼapo Ñandejára tee rógape.

14 Umi levitakuéra apytégui koʼãva hína: Semaya+ haʼéva Hasub raʼy, Hasub hína Azricam raʼy, Azricam hína Hasabías raʼy, haʼéva hína Merarí familiare. 15 Avei oĩ Bacbacar, Héresh, Galal, Matanías, haʼéva Micá raʼy, Micá hína Zicrí raʼy, ha Zicrí hína Asaf raʼy. 16 Oĩ avei Abdías, Abdías hína Semaya raʼy, Semaya hína Galal raʼy, Galal hína Jedutún raʼy ha Berekías haʼéva Asá raʼy, ha Asá hína Elcaná raʼy. Haʼe oiko vaʼekue umi netofatita oikohápe.+

17 Umi guárdia oñangarekóva okẽre+ hína: Salum, Acub, Talmón ha Ahimán, ha iñermanokuéra Salum omoakã vaʼekue chupekuéra. 18 Ha ymave haʼe oĩ vaʼekue éste gotyo pe rréi rokẽme.+ Koʼãva hína umi guárdia oñangareko vaʼekue umi levita kampaméntore. 19 Salum hína Coré raʼy, Coré hína Ebiasaf raʼy, Ebiasaf hína Coré raʼy. Salum ha iñermanokuéra coreíta, haʼéva itúa ypykue familiare, oñenkarga vaʼekue umi traváhore, ha oĩ vaʼekue de guárdia oñangareko hag̃ua pe tavernákulo rokẽme. Ituakuéra ombaʼapo vaʼekue avei upéicha, haʼekuéra oĩ vaʼekue de guárdia Jehová tavernákulo entrádape. 20 Ymave Eleazar+ raʼy Finehás+ omoakã vaʼekue chupekuéra, ha Jehová oĩ vaʼekue hendive. 21 Upérõ, Zacarías+ haʼéva Meselemías raʼy oĩ vaʼekue de guárdia pe tavernákulo* entrádape.

22 Kompletoite umi ojeporavo vaʼekue oservi hag̃ua de guárdia oñangareko hag̃ua umi entrádape, oĩ en totál 212. Haʼekuéra oiko vaʼekue ijyvýpe asegún máva familiarépa hikuái.+ David ha avei Samuel, pe kuimbaʼe ohecháva visión,+ omoĩ vaʼekue umi kuimbaʼépe umi kárgo de konfiánsape. 23 Haʼekuéra ha itaʼyrakuéra oñenkarga vaʼekue umi guárdia oñangarekóvare Jehová róga rokẽme,+ upéva hína pe tavernákulo. 24 Koʼã guárdia oĩ vaʼekue umi 4 ládope: éste, oéste, nórte ha súrpe.+ 25 Umi iñermanokuéra oúmi vaʼerã káda tánto umi oikohágui oservi hag̃ua hendivekuéra 7 día aja. 26 Oĩ vaʼekue 4 guárdia oñangarekóva okẽre, umíva hína umi héfe* orekóva pe kárgo de konfiánsa, haʼekuéra levita ha oñenkarga umi kotýre* ha umi tesóro oĩvare Ñandejára tee rógape.+ 27 Umíva opyta vaʼekue pyharekue entéro oñatende hag̃ua Ñandejára tee rógare, pórke oreko ikárgope umi guárdiape. Haʼekuéra oñenkarga avei pe llávere ha oavri umi okẽ káda pyhareve.

28 Oĩ vaʼekue ijapytepekuéra orekóva ikárgope umi tembiporu+ ojepurúva jepi ojeadora hag̃ua Ñandejárape. Haʼekuéra okonta jepi mboýpa oĩ umi tembiporu omoinge jave ha oguenohẽ jave. 29 Ha oĩ avei ijapytepekuéra umi oñenombra vaʼekue oñenkarga hag̃ua umi ótro tembiporúre, umi tembiporu sagrádore,+ ha avei pe arína iporãvévare,+ pe víno,+ pe aséite,+ pe olívano+ ha pe aséite perfumádore.*+ 30 Unos kuánto saserdóte raʼy ombojeheʼámi pe aséite perfumádo umi ótra kósa hyakuã asývare. 31 Ha pe levita Matitías, haʼéva pe coreíta Salum raʼy ypykue, oĩ vaʼekue pe kárgo de konfiánsape ha oñenkarga umi mbaʼe oñembojývare páilape.+ 32 Unos kuánto iñermanokuéra cohatita oñenkarga vaʼekue ojapo hag̃ua káda sábado+ umi pan oñemoĩva ojoʼári.*+

33 Koʼãva hína umi opurahéiva, umi omoakãva umi levítape asegún káda família. Haʼekuéra oĩ vaʼekue umi kotykuérape.* Chupekuéra noñemeʼẽi vaʼekue ótro traváho ojapo hag̃ua, pórke de diakue ha pyharekue haʼekuéra oĩ vaʼerã preparádo ojapo hag̃ua itraváho. 34 Koʼãva hína umi omoakãva umi levítape asegún káda família ha asegún máva familiarépa hikuái, ha koʼãva hína umi héfe. Enterove koʼã kuimbaʼe oiko vaʼekue Jerusalénpe.

35 Gabaón túa Jeiel oiko vaʼekue Gabaónpe.+ Hembireko héra vaʼekue Maacá. 36 Ha itaʼýra ypykue hína Abdón, upéi ou Zur, Quis, Baal, Ner, Nadab, 37 Guedor, Ahió, Zacarías ha Miclot. 38 Miclot hína Simeam túa. Enterovete haʼekuéra oiko vaʼekue iñermanokuéra ypýpe Jerusalénpe, ha upépe oiko vaʼekue avei umi ótro iñermanokuéra. 39 Ner+ hína Quis túa, Quis hína Saúl+ túa, Saúl hína Jonatán+ túa, Malki-Súa,+ Abinadab+ ha Esbaal túa. 40 Jonatán raʼy hína Merib-Baal,+ Merib-Baal hína Miqueas+ túa. 41 Miqueas raʼykuéra hína Pitón, Mélec, Tahrea ha Acaz. 42 Acaz hína Jará túa, Jará hína Alémet túa, Azmávet ha Zimrí túa, Zimrí hína Mozá túa. 43 Mozá hína Bineá túa ha Refayá hína itaʼýra, Refayá raʼy hína Eleasá, Eleasá raʼy hína Azel. 44 Azel 6 itaʼýra vaʼekue, ha haʼekuéra héra: Azricam, Bocrú, Ismael, Searías, Abdías ha Hanán. Koʼãva hína Azel raʼykuéra.

10 Umi filisteo oñorairõ hína kuri Israel ndive. Hetaiterei israelita omano Sérro Guilbóape,+ ha umi ótro osẽ odiparapa umi filistéogui. 2 Umi filisteo opersegi Saúl ha itaʼyrakuérape, ha haimete metéma ohupyty chupekuéra. Upéi umi filisteo ojuka Saúl raʼykuérape, umíva hína Jonatán, Abinadab ha Malki-Súa.+ 3 Ha pe ñorairõ ijetuʼuve ohóvo Saúlpe g̃uarã. Upéi umi soldádo oipurúva árko ha flécha ohecha Saúlpe ha ojapi chupe hikuái.+ 4 Upémarõ Saúl heʼi pe soldádo oguerahávape hiʼarmakuéra: “Eguenohẽ nde espáda ha chejuka, ani ág̃a ou umi filisteo kyʼa* ha oñemboharái vaipa+ cherehe”. Péro pe soldádo ndojaposéi upéva pórke okyhyjeterei. Upémarõ Saúl ojagarra pe espáda ha ojeity hiʼári.+ 5 Ha pe soldádo ohechávo Saúl omanoha, ojeity avei ijespáda ári ha omano. 6 Péicha Saúl ha umi mbohapy itaʼýra omano, ha omanombaite avei umi hogaygua oĩ vaʼekue hendive.+ 7 Ha umi israelita oikóva umi ñúme opillárõ guare Israel ehérsito odiparapa hague, ha Saúl ha itaʼyrakuéra omanóma hague, oheja hikuái umi isiuda ha odiparapa. Upémarõ umi filisteo ou ha opyta oiko umi siudápe.

8 Al ótro día oúrõ guare umi filisteo osakea hag̃ua umi ojejuka vaʼekuépe, Sérro Guilbóape+ otopa hikuái Saúl ha itaʼyrakuéra reʼongue. 9 Upémarõ osakea avei hikuái Saúlpe ha oñakãʼo chupe, ha oipeʼa chugui iñarmadúra. Upéi oikuaauka hikuái ko notísia umi filisteo território tuichakuére, ha avei idioskuéra témplope*+ ha pe puévlope. 10 Upéi omoĩ hikuái Saúl armadúra idioskuéra témplope* ha omosaingo pe iñakãngue Dagón témplope.+

11 Kompletoite umi oikóva Jabéspe+ oĩva Galaádpe, ohendúrõ guare opa mbaʼe ojapo vaʼekue umi filisteo Saúl rehe,+ 12 enterovete umi gerréro opuʼã ha oho ogueru Saúl retekue ha umi itaʼýra retekue. Ha ogueraha chupekuéra Jabéspe ha oñotỹ umi hetekue Jabés yvyramáta guasu guýpe,+ ha oajuna hikuái 7 día aja.

13 Péicha omano Saúl naiñeʼẽrendúi rupi Jehovápe,+ pórke haʼe ndojeroviái kuri Jehováre, avei oho haguére peteĩ kuña espiritísta+ rendápe ombaʼeporandu hag̃ua, 14 oporandu rangue Jehovápe. Upévare Haʼe ojuka chupe ha omoĩ ogoverna hag̃ua hekovia David, haʼéva Jesé raʼy.+

11 Tiémpo rire, kompletoite umi israelita oho Hebrónpe+ David rendápe. Ha haʼekuéra heʼi Davídpe: “Ñande ningo oñohentete.+ 2 Yma Saúl ogovernaha tiémpope, nde redirihi vaʼekue Israélpe gerrahápe.*+ Ha nde Jára Jehová heʼi vaʼekue ndéve: ‘Nde reñatendéta che puévlo Israel rehe peteĩ pastór ojapoháicha, ha regovernáta che puévlo Israélpe’”.+ 3 Upémarõ entéro umi kuimbaʼe omoakãva* Israel oho kuri Hebrónpe pe rréi rendápe. Ha David ojapo hendivekuéra peteĩ kompromíso Hebrónpe, Jehová renondépe. Upéi haʼekuéra onombra* Davídpe ogoverna hag̃ua Israel,+ Jehová heʼi haguéicha Samuel rupive.+

4 Upe rire David ha Israel kompletoite oho Jerusalénpe, upéva hína Jebús.+ Upépe oiko vaʼekue umi jebuseo.+ 5 Umi jebuseo odesafia Davídpe ha heʼi: “¡Koʼápe núnka ndereikemoʼãi!”.+ Upéicharõ jepe David ojagarra pe siuda isegúro porãva hérava Sion.+ Upéi upe lugárpe oñembohéra Siuda de David.+ 6 Upéi David heʼi: “Pe primeroite ohóva oataka umi jebuséope haʼéta pe ehérsito ruvicha”. Ha Joab+ haʼéva Zeruyá memby oho primeroite, ha oiko chugui pe ehérsito ruvicha. 7 Upémarõ David opyta oiko pe lugár isegúro porãvape, upévare oñembohéra Siuda de David. 8 Upéi haʼe omopuʼã pe siuda murálla ha omopuʼã hetave mbaʼe upépe, pe lugár hérava Miló* guive ha oho hese ijerére kompletoite. Ha Joab omopuʼã jey umi ótra párte pe siuda. 9 Ha David ipoderosove ohóvo,+ pórke Jehová oĩ hendive, haʼe hína umi ehérsito yvagapegua ruvicha.

10 Koʼãva hína umi omoakã vaʼekue umi gerréro ipoderósovape oapoja vaʼekue Davídpe, haʼekuéra ha umi israelita ojepytaso mbarete ijykére ha oipota vaʼekue ogoverna chupekuéra. Haʼekuéra oipytyvõ vaʼekue Davídpe oiko hag̃ua chugui rréi, Jehová opromete haguéicha Israélpe.+ 11 Koʼãva hína umi gerréro ipoderósova David oreko vaʼekue: pe primero Jasobeam,+ haʼe hína peteĩ hacmonita raʼy ha omoakã hína umi mbohapýpe.+ Una vuéltape haʼe ojuka vaʼekue 300 kuimbaʼépe ilánsape.+ 12 Pe segundo hína Eleazar,+ haʼéva Dodó raʼy pe ahohíta.+ Haʼe oĩ vaʼekue umi mbohapy gerréro ipoderósova apytépe. 13 Eleazar oĩ vaʼekue David ndive Pas-Damímpe+ oñorairõrõ guare umi filisteo kóntrape. Upépe ningo oĩ vaʼekue peteĩ kokue henyhẽva sevádagui, ha umi hénte odipara kuri upégui umi filisteo káusare. 14 Péro haʼe opyta kuri oñemboʼy pe kokue mbytépe odefende pe lugár, ha osegi ojuka umi filistéope. Péicha Jehová tuichaiterei omogana* ipuévlope.+

15 Mbohapy kuimbaʼe oĩva umi 30 líder apytépe, ovahea David rendápe oĩháme pe ita guasu, pe kuéva de Adulámpe.+ Pe ehérsito filisteo katu omoĩ kuri ikampaménto Refaím Ñúme.+ 16 Upérõ David oĩ kuri pe lugár isegúro porãvape, ha peteĩ grúpo de soldádo filisteo oĩ Belénpe. 17 Upéi David osẽ heʼi: “Avyʼaitéta ningo la ikatúrõ haʼu pe y pe alhíve* oĩvagui siuda de Belén+ rokẽme”. 18 Ohendúvo upéva, umi mbohapy gerréro ipoderósova oho Belénpe. Haʼekuéra oike umi filisteo kampaméntope, oñorairõ hendivekuéra ha ogueru pe y Davídpe g̃uarã, pe alhíve oĩvagui Belén rokẽme. Péro David odesidi ndoʼumoʼãiha ha oñohẽ pe y Jehová renondépe. 19 Ha David heʼi: “¡Che ni mbaʼevéicharõ ndaʼumoʼãi ko y, pórke che akyhyje Ñandejáragui! Koʼã kuimbaʼe ojapeligra* ogueru hag̃ua chéve, ha la hayʼúramo haʼetéta umi kuimbaʼe ruguy la haʼúva.+ Koʼã kuimbaʼe ningo oho kuri oapeligra hekove* ogueru hag̃ua chéve”. Ha David ndoʼúinte pe y. Entéro koʼã mbaʼe ojapo vaʼekue umi mbohapy gerréro ipoderósova.

20 Ha oĩ vaʼekue ótro grúpo oĩháme mbohapy gerréro, umíva apytépe oĩ vaʼekue Abisái,+ ha haʼe omoakã chupekuéra. Abisái hína Joab+ ermáno. Abisái ojuka kuri ilánsape 300 kuimbaʼépe. Umi hénte omombaʼe avei chupe omombaʼeháicha umi mbohapy gerréro ipoderosovévape.+ 21 Umi mbohapy apytépe, Abisái ivaleve vaʼekue umi mokõi gerréro oĩvagui ikárgope, péro ndohupytýi umi ótro mbohapy gerréro ipoderosovévape David oreko vaʼekue.

22 Benaya,+ Jehoiadá raʼy, haʼe vaʼekue peteĩ kuimbaʼe ipyʼaguasúva.* Cabzeélpe,+ haʼe heta vése ohechauka ivaletereiha. Por ehémplo ojuka mokõi Ariel raʼýpe, haʼe hína Moabgua. Ótra vuéltape katu Benaya oike peteĩ alhívepe ojuka hag̃ua peteĩ león. Upérõ roʼyeterei ha hoʼa voi niéve.+ 23 Benaya ojuka avei peteĩ egipcio tuichaitereívape, ipukúva mas de 2 métro.*+ Pe egipcio oreko kuri ipópe peteĩ lánsa ipoguasu ha ipohýiva,*+ ha Benaya katu oho oataka chupe peteĩ garróte reheve. Upéi oipeʼa pe egípciogui ilánsa ha ojuka chupe upévape.+ 24 Koʼã mbaʼe ojapo kuri Benaya, Jehoiadá raʼy. Umi hénte omombaʼe avei chupe omombaʼeháicha umi mbohapy gerréro ipoderosovévape David oreko vaʼekue. 25 Benaya ningo ivaleve vaʼekue umi 30 lídergui, péro ndohupytýi avei umi mbohapy gerréro ipoderosovévape.+ Upéicharõ jepe, David omoĩ ikárgope umi guárdia oñatendévape hese.

26 Koʼãva hína umi gerréro ipoderósova oĩ vaʼekue pe ehérsitope: Asahel,+ haʼéva Joab ermáno, Elhanán haʼéva Dodó raʼy, oikóva Belénpe,+ 27 Samot pe harorita, Hélez pe pelonita, 28 Irá+ haʼéva Iqués raʼy pe tecoíta, Abí-Ézer+ pe anatotita, 29 Sibecái+ pe husatita, Ilái pe ahohíta, 30 Maharái+ pe netofatita, Héled+ haʼéva pe netofatita Baaná raʼy, 31 Itái haʼéva Ribái raʼy, peteĩ benjaminita oikóva Guibeápe,+ Benaya pe piratonita, 32 Hurái, oikóva Gaas yrapekuérape,*+ Abiel pe arbatita, 33 Azmávet pe baharumita, Eliahbá pe saalbonita, 34 pe guizonita Hasem raʼykuéra, Jonatán pe hararita Sagué raʼy, 35 Ahiam haʼéva hína Sacar pe hararita raʼy, Elifal haʼéva Ur raʼy, 36 Héfer pe mekeratita, Ahíya pe pelonita, 37 Hezró pe carmelita, Ezbái raʼy Naarái, 38 Joel, haʼéva Natán ermáno, Mibhar haʼéva Hagrí raʼy, 39 Zélec pe ammonita, Naharái pe berotita, haʼe pe soldádo ogueraháva Joábpe hiʼarmakuéra, haʼéva Zeruyá memby, 40 Irá ha Gareb, haʼekuéra itrita, 41 Urías+ pe hitita, Zabad haʼéva Ahlái raʼy, 42 Adiná haʼéva Sizá raʼy pe rubenita, haʼe hína peteĩ omoakã vaʼekue umi rubenítape, ha heseve 30 oĩ hikuái, 43 Maacá raʼy Hanán, Josafat pe mitnita, 44 Uzía pe asteratita, Sama ha Jeiel, haʼekuéra Hotam raʼykuéra, pe aroerita, 45 Simrí raʼy Jediael, ha iñermáno Johá pe tizita, 46 Eliel pe mahavita, Jeribái ha Josavías, haʼekuéra Elnaam raʼykuéra, Itmá pe moabita, 47 Eliel, Obed ha Jaasiel pe mezobaíta.

12 Koʼãva hína umi kuimbaʼe ou vaʼekue David rendápe Ziclágpe,+ upérõ haʼe okañy hína kuri oikóvo Saúlgui,+ haʼéva Quis raʼy. Ha koʼã kuimbaʼe oĩ vaʼekue umi gerréro ipoderósova apytépe oipytyvõva Davídpe gerrahápe.+ 2 Hiʼarmakuéra haʼe vaʼekue árko ha flécha, ha oipurukuaa vaʼekue hikuái ipo derécha ha ijiskiérda+ opoi hag̃ua ita umi óndape*+ ha flécha umi árkope. Haʼekuéra hína Saúl ermanokuéra,* Benjamín trivugua.+ 3 Omoakã chupekuéra Ahiézer, ha upéi oĩ Joás, koʼãva hína Semaá pe guibeatita+ raʼy, avei oĩ Jeziel ha Pélet, koʼãva hína Azmávet+ raʼy, avei Beracá, Jehú pe anatotita, 4 Ismayá pe gabaonita,+ haʼe peteĩ gerréro ipoderósova umi 30 apytépe+ ha omoakã vaʼekue avei umi 30-pe, avei Jeremías, Jahaziel, Johanán, Jozabad pe guederatita, 5 Eluzái, Jerimot, Bealías, Semarías, Sefatías pe harifita, 6 Elcaná, Isías, Azarel, Joézer, Jasobeam, umi coreíta,+ 7 avei Joelá ha Zebadías, koʼãva hína Jeroham raʼy, haʼe hína Guedorgua.

8 Unos kuánto gadita ohasa vaʼekue David ládo, ha oho hendápe pe lugár isegúro porãvape pe desiértope.+ Haʼekuéra ningo gerréro ipoderósova, soldádo oĩva entrenádo oñorairõ hag̃ua ha oipurukuaáva eskúdo guasu ha lánsa. Hovakuéra ojogua leónpe ha iñakuãiterei hikuái umi guasuʼi oikóvaicha umi montáñare. 9 Omoakã vaʼekue chupekuéra Ézer, pe segundo Abdías, pe tercero Eliab, 10 pe cuarto Mismaná, pe quinto Jeremías, 11 pe sexto Atái, pe sieteha Eliel, 12 pe ochoha Johanán, pe nueveha Elzabad, 13 pe diezha Jeremías, pe onceha Macbanái. 14 Koʼãva hína umi gadita,+ haʼekuéra omoakã vaʼekue pe ehérsito. Pe ikangyvéva ijapytepekuéra ikatu vaʼekue ogana 100 kuimbaʼépe ha pe imbaretevéva ikatu vaʼekue ogana 1.000 kuimbaʼépe.+ 15 Koʼãva hína umi kuimbaʼe ohasa vaʼekue pe Jordán pe primer méspe, pe rrío orrevosa ha osẽmbárõ guare pe ijoríllare. Haʼekuéra omosẽ ha omosarambipa éste ha oéste gotyo enterove umi oiko vaʼekuépe umi yvy ivahovehápe.

16 Unos kuánto kuimbaʼe Benjamín ha Judá trivugua ou avei David rendápe pe lugár isegúro porãvape.+ 17 Upémarõ David osẽ hendapekuéra ha heʼi: “Oiméramo pendepyʼaporãgui peju chepytyvõ hag̃ua, upéicharõ ñande oñoamígota. Péro oiméramo peju chetraisiona ha chentrega hag̃ua che kontrariokuérape, che ndajapóiramo jepe mbaʼeve ivaíva, upéicharõ ñande tuakuéra ypykue Jára tohecha ha tohusga upéva”.+ 18 Upépe Ñandejára espíritu oipytyvõ Amasáipe,+ pe omoakãvape umi 30-pe, ha heʼi:

“David, ore ningo nde siérvo, ha roime nendive Jesé+ raʼy.

Upémarõ David orresivi ha onombra chupekuéra omoakã hag̃ua umi soldadokuérape.

19 Unos kuánto kuimbaʼe Manasés trivugua oheja avei Saúl ehérsito ha oho omoirũ Davídpe, haʼe oúrõ guare umi filistéondi oñorairõ hag̃ua Saúl kóntrape. Péro haʼe noipytyvõi umi filistéope, pórke umi governánte filisteo+ heta oñemongeta rire oñondive omondo jeýnte Davídpe, pórke heʼi hikuái: “Haʼe ningo ohasa jeýta hína Saúl ládope ha ñandejukáta”.+ 20 Ha David ohórõ guare Ziclágpe,+ Manasés trívugui ohasa vaʼekue iládo koʼãva: Adná, Jozabad, Jediael, Miguel, Jozabad, Elihú ha Ziletái, haʼekuéra omoakã umi mílespe Manasés trívupe.+ 21 Haʼekuéra oipytyvõ vaʼekue Davídpe oñorairõrõ guare una partída mondahándi, pórke umi kuimbaʼe Manasés trivugua ipoderóso ha ipyʼaguasu,+ ha oiko vaʼekue chuguikuéra ehérsito ruvicha. 22 Káda día heta hetave umi oúva David rendápe+ oipytyvõ hag̃ua chupe, ha amo ipahápe oĩma hetaiterei soldádo ha ojoguáma voi hikuái Ñandejára ehérsitope.+

23 Koʼápe oñemombeʼu mboýpa oĩ en totál umi gerréro oĩva preparádo oñorairõ hag̃ua, ha ou vaʼekue David rendápe Hebrónpe+ omoĩ hag̃ua chupe hikuái ogoverna hag̃ua Saúl rekovia, omanda haguéicha Jehová.+ 24 Umi kuimbaʼe Judá trivugua oipurúva eskúdo guasu ha lánsa, umi oĩva preparádo oñorairõ hag̃ua oĩ vaʼekue 6.800. 25 Umi kuimbaʼe Simeón trivugua, ipoderóso ha ipyʼaguasúva pe ehersitopegua oĩ vaʼekue 7.100.

26 Umi kuimbaʼe Leví trivugua 4.600. 27 Jehoiadá+ omoakã vaʼekue Aarón raʼykuérape,+ ha hendive oĩ vaʼekue 3.700 kuimbaʼe, 28 avei Sadoc,+ peteĩ kariaʼy ipoderóso ha ipyʼaguasúva, ha hendive 22 kuimbaʼe omoakãva itúa ypykue familiarépe.

29 Umi kuimbaʼe Benjamín trivugua, Saúl ermanokuéra,*+ oĩ vaʼekue 3.000, umíva apytégui heta oĩ oñangareko vaʼekue umi mbaʼerepy oĩvare Saúl rógape. 30 Umi kuimbaʼe Efraín trivugua oĩ vaʼekue 20.800 kuimbaʼe, ipoderóso, ipyʼaguasu ha ifamósova umi omoakãva ituakuéra ypykue familiare apytépe.

31 Manasés trívu alamitarégui oĩ vaʼekue 18.000 kuimbaʼe, káda únope ojeporavo vaʼekue hérarupi ou hag̃ua omoĩ rréiramo Davídpe. 32 Umi kuimbaʼe Isacar trivugua, umi kuimbaʼe omoakãva chupekuéra apytépe oĩ vaʼekue 200 kuimbaʼe oikuaáva mbaʼe tiempoitépepa Israel ojapo vaʼerã káda kósa, ha kompletoite umi iñermanokuéra oĩ vaʼekue ipoguypekuéra. 33 Umi kuimbaʼe Zabulón trivugua oĩ vaʼekue 50.000 ikatúva oservi pe ehérsitope, ha oĩva preparádo oho hag̃ua oñorairõ ha orekopaitéva umi árma gerrahápe g̃uarã. Enterovete haʼekuéra ou omoirũ Davídpe ipyʼaite guive.* 34 Neftalí trivugua oĩ vaʼekue 1.000 kuimbaʼe oporomoakãva, ha hendivekuéra oĩ 37.000 kuimbaʼe oipurúva eskúdo guasu ha lánsa. 35 Umi kuimbaʼe Dan trivugua, umi oĩva preparádo oho hag̃ua oñorairõ oĩ 28.600. 36 Umi kuimbaʼe Aser trivugua oĩ vaʼekue 40.000 ikatúva oservi pe ehérsitope, ha oĩva preparádo oho hag̃ua oñorairõ.

37 Pe ótro ládo pe Jordángui,+ umi rubenita, umi gadita ha Manasés trívu alamitarégui, oĩ vaʼekue 120.000 soldádo orekóva opaichagua árma gerrahápe g̃uarã. 38 Kompletoite koʼã kuimbaʼe oñorairõkuaa ha oñemoĩ vaʼekue chupekuéra por grúpo oho hag̃ua oñorairõ, haʼekuéra oñomoirũ ha ou Hebrónpe oapoja hag̃ua Davídpe ipyʼaite guive ha omoĩ hag̃ua chupe rréiramo Israélpe. Ha kompletoite umi ótro israelita oĩ peteĩ ñeʼẽme oipotágui David oĩ rréiramo.+ 39 Ha opyta hikuái upépe David ndive 3 día aja, okaru ha hoʼu víno, umi kuimbaʼe Judagua ningo opreparapáma voi kuri chupekuéra g̃uarã koʼã mbaʼe. 40 Umi oĩva ag̃ui chuguikuéra ha avei umi oĩva mombyry, tahaʼe Isacar, Zabulón ha Neftalí trivugua ou ogueru hiʼupy vúrro ári, kaméllo ári, mburika ha guéi ári. Ogueru hikuái hetaiterei arína, tórta ojejapóva ígo ha úva pásagui, víno, aséite, vaka ha ovecha, pórke umi hénte ovyʼapa hína kuri Israélpe.

13 David oñemongeta umi héfe de 1.000 soldádondi, umi héfe de 100 soldádondi ha enterovete umi ótro héfe ndive.+ 2 Upéi David heʼi enterovete umi israelita oñembyatývape: “Oĩ porãramo peẽme g̃uarã ha Ñandejára Jehovápe ogustáramo, jaʼekána ou hag̃ua avei ñanemoirũ umi ñane ermanokuéra ofaltáva ha oĩva hína opárupi Israel territóriope, umi saserdótepe ha avei umi levita oĩvape umi isiudápe.*+ 3 Ha jaha jagueru jey Ñandejára árka”.+ Péicha heʼi haʼe, pórke umi israelita noñangarekói vaʼekue pe árkare Saúl tiémpope.+ 4 Ha kompletoite umi israelita oñembyatývape ogusta upéva, pórke oĩ porãvaicha enterovetévape g̃uarã. 5 Upémarõ David ombyaty kompletoite umi Israelguápe, pe rrío* de Egipto guive Lebó-Hamat*+ peve, ogueru hag̃ua Ñandejára tee árka Quiryat-Jearímgui.+

6 David ha kompletoite umi israelita oho Baalápe,+ haʼéva hína Quiryat-Jearim, oĩva Judápe, ogueru hag̃ua upégui Ñandejára tee árka, oguapýva hína itrónope umi keruvín*+ ári.* Pe árka renondépe ningo umi hénte omombaʼeguasu Jehová réra. 7 Péro omoĩ hikuái Ñandejára tee árka peteĩ karréta pyahúpe+ ha ogueru Abinadab rógagui, ha Uzá ha Ahió ogia pe karréta.+ 8 David ha kompletoite umi Israelgua ofesteha oúvo ipyʼaite guive Ñandejára tee renondépe. Haʼekuéra opurahéi, ombopu árpa, umi ótro instruménto de kuérda, panderéta,*+ platíllo+ ha trompéta.+ 9 Péro og̃uahẽrõ guare hikuái pe lugár héravape Kidón, upe oñemopotĩháme semílla, umi tóro haimete oity pe árka, ha Uzá ipojái hese ha ojagarra. 10 Upepete Jehová ipochyeterei Uzá rehe, ha Haʼe ohundi chupe ipojái ha ojagarra haguére pe árka.+ Péicha Uzá omano upépe Ñandejára renondépe.+ 11 Péro David ipochyeterei,* pórke Jehová upepete ohusga kuri Uzápe,* ha upe lugár oñehenói Pérez-Uzá* koʼag̃aite peve.

12 Upe díape David okyhyjeterei opytávo Ñandejára teégui ha heʼi: “¿Mbaʼéichaiko agueraháta Ñandejára tee árka che aikohápe?”.+ 13 Upémarõ David ndoguerahái pe árka haʼe oikohápe, pe Siuda de Davídpe, upéva rangue oguerahaka pe guitita Obed-Edom rógape. 14 Ha Ñandejára tee árka opyta Obed-Edom rógape 3 mésere, ha upevakuére Jehová osegi ovendesi Obed-Edómpe ha opa mbaʼe orekóvape.+

14 Rréi Hiram+ de Tiro omondo unos kuánto mensahéro David rendápe, ha avei oguerahaka chupe madéra de sédro, alvañíl* ha karpintéro omopuʼã hag̃ua Davídpe ipalasiorã.+ 2 Ha péicha David ohechakuaa Jehová omoĩma hague chupe rréiramo Israélpe,+ pórke haʼe ombotuicha igoviérno ipuévlo Israel rehehápe.+

3 Ha Jerusalénpe David hetave oñemohembireko,+ ha péicha David hetave itaʼýra ha itajýra.+ 4 Koʼãva hína umi itaʼýra onase vaʼekue Jerusalénpe,+ ha péicha héra hikuái: Samúa, Sobab, Natán,+ Salomón,+ 5 Ibhar, Elisúa, Elpélet, 6 Noga, Néfeg, Jafía, 7 Elisamá, Beeliadá ha Elifélet.

8 Umi filisteo oikuaávo oñenombra* hague Davídpe rréi Israélpe,+ enterove umi filisteo ou oñorairõ hag̃ua hendive.+ Ha David oikuaárõ guare upéva, osẽ oñorairõ hendivekuéra. 9 Upémarõ umi filisteo oike ha oñepyrũ oataka umi hénte oikóvape Refaím Ñúme.+ 10 Ha David oporandu Ñandejárape: “¿Aha vaʼerã piko aataka umi filistéope? ¿Rehejátapa agana chupekuéra?”. Upépe Jehová heʼi chupe: “Tereho katu, che roipytyvõta regana hag̃ua chupekuéra”.+ 11 Upémarõ David oho Baal-Perazímpe+ ha upépe ohundi chupekuéra. Upévare David heʼi: “Ñandejára tee ogana che enemigokuérape, pe y pochy oityháicha peteĩ múro”. Upévare ombohéra hikuái upe lugár Baal-Perazim. 12 Umi filisteo katu ohejapa rei idioskuéra raʼanga upépe, ha David heʼi ojegueraha ha ojehapypaite hag̃ua umíva.+

13 Upe rire umi filisteo ou jey oataka umi héntepe upe ñúme.+ 14 Upémarõ David oporandu jey Ñandejárape mbaʼépa ojapo vaʼerã, péro Ñandejára tee heʼi chupe: “Ani reho reataka chupekuéra derechoite. Síno rejere vaʼerã hesekuéra hapykuéguio ládo, ekañy umi bekja máta oĩháme, ha upégui esẽmbaite vaʼerã chupekuéra.+ 15 Rehendu vove umi bekja ruʼã okuʼeha ku ouramoguáicha peteĩ ehérsito, upepete reataka vaʼerã chupekuéra, pórke upéva heʼise Ñandejára tee oñorairõha hína nde favórpe ohundi hag̃ua umi filisteo ehérsito”.+ 16 Ha David ojapo Ñandejára tee omanda hagueichaite chupe,+ ha ohundi umi filisteo ehérsitope Gabaón guive Guézer+ peve. 17 Ha umi hénte oikuaa opárupi umi mbaʼe David ojapo vaʼekue, ha Jehová omongyhyjepa umi nasionkuérape Davídgui.+

15 Ha David osegi omopuʼã hogarã Siuda de Davídpe, ha oprepara avei peteĩ lugár Ñandejára tee árkape g̃uarã ha omoĩ peteĩ óga kárpa hendag̃ua.+ 2 Upémarõ David heʼi: “Umi levita añoite ogueraha vaʼerã Ñandejára tee árka, aníke avave ótro ogueraha, pórke Jehová oiporavóma chupekuéra ogueraha hag̃ua Jehová árka ha siémpre oservi hag̃ua chupe”.+ 3 Upéi David ombyaty kompletoite umi israelítape Jerusalénpe ogueraha hag̃ua Jehová árka, pe lugár oprepara haguépe chupe g̃uarã.+

4 David ombyaty Aarón familiarépe+ ha umi levítape:+ 5 umi cohatita apytégui Uriel, pe omoakãva chupekuéra ha 120 iñermanokuéra, 6 umi merarita apytégui Asaya,+ pe omoakãva chupekuéra ha 220 iñermanokuéra, 7 umi guersomita apytégui Joel,+ pe omoakãva chupekuéra ha 130 iñermanokuéra, 8 Elizafán+ familiare apytégui Semaya, pe omoakãva chupekuéra ha 200 iñermanokuéra, 9 Hebrón familiare apytégui Eliel, pe omoakãva chupekuéra ha 80 iñermanokuéra. 10 Uziel+ familiare apytégui Aminadab, pe omoakãva chupekuéra ha 112 iñermanokuéra. 11 David ohenói avei umi saserdóte Sadoc+ ha Abiatárpe,+ ha umi levita Uriel, Asaya, Joel, Semaya, Eliel ha Aminadábpe, 12 ha heʼi chupekuéra: “Peẽ ningo pemoakã hína umi levita tuakuéra ypykue familiarépe. Peñesantifika peẽ ha pene ermanokuéra, ha pegueraha Israel Jára Jehová árka pe lugár aprepara vaʼekuépe chupe g̃uarã. 13 Peẽ ndapeguerahái rupi pe primera ves,+ Ñandejára Jehová ipochyeterei ñanderehe,+ pórke nañaporandúi kuri mbaʼéichapa ojejapo vaʼerã upéva”.+ 14 Upémarõ umi saserdóte ha umi levita oñesantifika, ikatu hag̃uáicha ogueraha Israel Jára Jehová árka.

15 Upéi umi levita ogueraha Ñandejára tee árka ijatiʼy ári, ha oipuru umi yvyra puku ogueraha hag̃ua,+ Jehová omanda haguéicha chupekuéra Moisés rupive. 16 Upémarõ David heʼi umi kuimbaʼe omoakãvape umi levítape onkarga hag̃ua umi iñermanokuéra opurahéivape vyʼápe opurahéi hag̃ua, ha oñembopu hag̃ua umi instruménto musikál: umi instruménto de kuérda, árpa+ ha platíllo.+

17 Upémarõ umi levita oiporavo itrívugui Hemánpe,+ haʼéva Joel raʼy, Asáfpe,+ haʼéva Berekías raʼy, ha Etánpe,+ haʼéva Cusayá raʼy, haʼéva umi merarita família apytégui. 18 Oĩ avei hendivekuéra pe segundo grupopegua:+ Zacarías, Ben, Jaaziel, Semiramot, Jehiel, Uní, Eliab, Benaya, Maaseya, Matitías, Elifelehu, Micneyá, avei Obed-Edom ha Jeiel umi guárdia oñangarekóva okẽre. 19 Umi kantánte: Hemán,+ Asaf,+ ha Etán ombopu vaʼekue platíllo+ de kóvre. 20 Ha Zacarías, Aziel, Semiramot, Jehiel, Uní, Eliab, Maaseya ha Benaya ombopu umi instruménto de kuérda oñeafina vaʼekue oñembopu hag̃ua nóta áltape,*+ 21 ha Matitías,+ Elifelehu, Micneyá, Obed-Edom, Jeiel ha Azazías ombopu umi árpa oñeafina vaʼekue nóta váhape,*+ odirihi hag̃ua umi músikope. 22 Kenanías,+ pe omoakãva umi levítape, oñenkarga ojegueraha hag̃ua pe árka, pórke haʼe ningo ivaleterei vaʼekue upévape. 23 Berekías ha Elcaná haʼe vaʼekue guárdia oñangarekóva pe árkare. 24 Umi saserdóte Sebanías, Josafat, Netanel, Amasái, Zacarías, Benaya ha Eliezer ombopu hatã porã umi trompéta Ñandejára tee árka renondépe,+ ha Obed-Edom ha Jehías oñangareko vaʼekue avei pe árkare.

25 Upéi David, umi kuimbaʼe omoakãva* Israel ha umi héfe de 1.000 soldádo oho vyʼápe+ ogueru hag̃ua Jehová Árka del Pákto Obed-Edom rógagui.+ 26 Ha Ñandejára tee oipytyvõ rupi umi levita oguerahávape Jehová Árka del Pákto, haʼekuéra osakrifika 7 tóro raʼyrusu ha 7 ovecha mácho.+ 27 David oreko ijehe peteĩ ao ijyvakuareíva ojejapo vaʼekue téla iporãvagui, ha upéicha avei oñemonde enterove umi levita ogueraháva pe árka, umi opurahéiva ha Kenanías, pe oñenkargáva umi opurahéivare ha umi oguerahávare pe árka. David oreko avei ijehe peteĩ delantál* de líno.+ 28 Enterovete umi israelita ogueru Jehová Árka del Pákto ha vyʼápe opurahéi oúvo,+ ombopu hikuái turu, trompéta,+ platíllo, ha hatã porã ombopu avei umi instruménto de kuérda ha umi árpa.+

29 Péro Jehová Árka del Pákto oikévo pe Siuda de Davídpe,+ Mical+ haʼéva Saúl rajy omaña pe ventánarupi, ha ohecha rréi Davídpe ojeroky ha opopo oúvo, ha upévare oñepyrũ odespresia chupe ipyʼapýpe.+

16 Péicha haʼekuéra ogueru Ñandejára tee Árka del Pákto, ha omoĩ ilugárpe pe óga kárpa David ojapoka vaʼekuépe pe árkape g̃uarã.+ Ha ojapo hikuái ofrénda ojehapýva ha umi ofrénda de paz Ñandejára tee renondépe.+ 2 David ojapopa rire umi ofrénda ojehapýva+ ha umi ofrénda de paz,+ ovendesi pe puévlope Jehová rérape. 3 Avei omeʼẽ enterovete israelítape, káda kuimbaʼe ha káda kuñáme, peteĩ pan apuʼa, peteĩ tórta ojejapóva palmeraʼágui, ha avei peteĩ tórta ojejapóva úva pásagui. 4 Upémarõ omoĩ unos kuánto levita ombaʼapo hag̃ua Jehová árka oĩháme,+ ombotuicha,* oagradese ha omombaʼeguasu hag̃ua Israel Jára Jehovápe. 5 Asaf+ omoakã vaʼekue chupekuéra, ha haʼe rire, pe segundo lugárpe oĩ vaʼekue Zacarías. Jeiel, Semiramot, Jehiel, Matitías, Eliab, Benaya, Obed-Edom ha Jeiel+ ombopu umi árpa+ ha umi instruménto de kuérda. Asaf ombopu umi platíllo,+ 6 ha umi saserdóte Benaya ha Jahaziel kontinuadoite ombopu umi trompéta Ñandejára tee Árka del Pákto renondépe.

7 Upérõ primera ves David oofrese* peteĩ purahéi ojeagradese hag̃ua Jehovápe, ha heʼi Asaf+ ha iñermanokuérape opurahéi hag̃ua. Kóva hína pe purahéi:

 8 “¡Peagradese Jehovápe+ ha pejerovia hérare!

¡Peikuaauka umi héntepe umi mbaʼe haʼe ojapo vaʼekue!+

 9 Pepurahéi Ñandejárape, pemombaʼeguasu* chupe músika púpe.+

Pejepyʼamongeta* umi mbaʼe porãita haʼe ojapo vaʼekuére.+

10 Pendeorgullóso vaʼerã ikatu haguére pemombaʼeguasu héra porãite.+

Pevyʼákena peẽ peñehaʼã meméva Jehová pendeguerohory hag̃ua.+

11 Peñemoag̃uíkena Jehováre+ ha pejerure chupe tapenemombarete.

Pesegíkena peñehaʼã haʼe pendeguerohory hag̃ua.+

Haʼe ojapo Israel ndive peteĩ kompromíso ndopytareimoʼãiva.

23 ¡Enterove pepurahéi vaʼerã Jehovápe!

¡Káda día pemombeʼu haʼe oporosalvaha!+

25 Jehová ningo ipoderosoiterei, haʼe omerese ñamombaʼeguasu chupe.

Jakyhyjeve vaʼerã Ñandejáragui, jakyhyje rangue umi ótro diósgui.+

26 Jehová hína pe yvága apohare.+

Entéro umi ótro dios orekóva umi puévlo ndovaléi mbaʼeverã.+

28 Pemombaʼeguasu vaʼerã Jehovápe, peẽ puevlokuéra.

Ñandejára omerese opavave ombotuicha chupe, pórke Jehová ipoderóso ha imbarete.+

29 Pemombaʼeguasu vaʼerã Jehová réra.+

pegueru chupe rregálo ha peike henondépe.+

Pemoĩ ao iporãva, ipotĩ asýva* ha peñesũ Jehová renondépe.*+

30 ¡Entéro hénte okyhyje vaʼerã chugui!

Pe yvy* oñemoĩma hendag̃uáme, ha ndaipóri omonguʼe* vaʼerã upégui.+

31 Tovyʼa pe yvága ha pe yvy.+

Peje umi tetãrupi: ‘¡Koʼág̃a Jehová haʼéma Rréi!’.+

32 Tomombaʼeguasu Ñandejárape pe mar ha opa mbaʼe oĩva pype.

Tovyʼa umi ñu ha opa mbaʼe oĩva pype.

34 Peagradese Jehovápe, pórke haʼe ivuenoiterei.+

Haʼe siémpre oporohayhueterei.*+

Ha pe puévlo kompletoite heʼi: “¡Amén!”,* ha omombaʼeguasu hikuái Jehovápe.

37 Upéi David oheja Asaf+ ha iñermanokuérape upépe, Jehová Árka del Pákto oĩháme, ikatu hag̃uáicha kontinuadoite ombaʼapo hikuái pe árka oĩháme+ ha ojapo umi hembiapokuéra káda diagua.+ 38 Obed-Edom ha iñermanokuéra oĩ vaʼekue en totál 68, ha Jedutún raʼy Obed-Edom ha Hosá haʼe vaʼekue umi guárdia oñangarekóva okẽre. 39 Sadoc+ pe saserdóte ha umi iñirũnguéra saserdóte oĩ vaʼekue Jehová tavernákulo renondépe, pe lugár yvate oĩvape Gabaónpe,+ 40 ikatu hag̃uáicha ojapo hikuái kontinuadoite umi ofrénda ojehapýva Jehovápe g̃uarã, pe altár ojejapohápe ofrénda ojehapýva. Haʼekuéra ojapo upéva pyhareve ha kaʼaru, ha ojapopaite hikuái umi mbaʼe ojeskrivi vaʼekue Jehová léipe, upe haʼe omanda vaʼekue Israélpe ojapo hag̃ua.+ 41 Hendivekuéra oĩ kuri Hemán ha Jedutún+ ha umi ótro kuimbaʼe ojeporavo vaʼekue hérarupi oagradese hag̃ua Jehovápe,+ pórke “haʼe siémpre oporohayhueterei”.*+ 42 Ha hendivekuéra oĩ Hemán+ ha Jedutún ombopu hag̃ua umi trompéta, platíllo ha umi ótro instruménto ojepurúva oñemombaʼeguasu* hag̃ua Ñandejára teépe. Ha Jedutún raʼykuéra+ oñenkarga vaʼekue oñatende hag̃ua pe okẽre. 43 Upéi kompletoite umi hénte oho hógape, ha David oho ovendesi hag̃ua umi hogayguápe.

17 David oiko riremi ipalásiope, heʼi proféta Natánpe:+ “Che ningo aiko peteĩ óga iporãvape, ojejapóvape sédrogui,+ péro Jehová Árka del Pákto katu oĩ óga kárpapente”.+ 2 Ha Natán heʼi Davídpe: “Ñandejára tee ningo oĩ nendive, upévare ikatu rejapo upe rejaposéva”.

3 Péro upe pyharépe voi Ñandejára heʼi Natánpe: 4 “Tereho che siérvo David rendápe ha ere chupe: ‘Jehová heʼika ndéve: “Ndahaʼemoʼãi hína nde upe ojapótava chéve che rogarã aiko hag̃ua pype.+ 5 Aguenohẽha día guive Israélpe Egíptogui che ndaikóiva peteĩ ógape, síno peteĩ óga kárpape ha pe tavernákulope, pyʼỹi ojeguerováva peteĩ lugárgui ótro hendápe.*+ 6 Upe tiémpo aha aja umi israelita ndive, che amoĩ vaʼekue umi hués de Israel, haʼekuéra oñangareko che puévlo Israel rehe umi pastorkuéra ojapoháicha. ‘¿Ha nde piko rehendúva che ajerure hague peteĩva umi huéspe ojapo hag̃ua chéve che rogarã sédrogui?’”’.

7 Ha koʼág̃a ere che siérvo Davídpe: ‘Jehová, umi ehérsito yvagapegua ruvicha heʼika ndéve: “Nde reiko kuri reñangareko umi ovecháre umi pastotýpe, ha upégui che roiporavo regoverna hag̃ua che puévlo Israélpe.+ 8 Che aiméta nendive reho rehohápe,+ ha ahundíta enterove ne enemigokuérape ne renonderãgui.+ Che ambotuicháta nde réra, ha opárupi ko yvy ape ári ojekuaáta nde réra, ojekuaaháicha umi hénte iñimportánteva réra.+ 9 Che aiporavóta che puévlo Israélpe g̃uarã peteĩ lugár ipyenda porãva. Ha oikóta hikuái trankílo ha avave nomolestamoʼãi chupekuéra. Umi hénte aña ndaikatumoʼãvéima ojapo hesekuéra mbaʼeve ivaíva* yma ojapo haguéicha,+ 10 amoĩrõ guare umi hués che puévlo Israélpe.+ Che amoĩta nde poguýpe umi ne enemígope,+ ha haʼe avei ndéve: ‘Jehová omopuʼãta ndéve g̃uarã peteĩ rréino’.*

11 Ág̃a nde remano ha reñeñotỹ vove umi nde tuakuéra ypykuéndi, che ajapóta rréi ne familiarégui, peteĩva umi nde raʼýgui,+ ha amombaretéta igoviérno.+ 12 Haʼe hína pe omopuʼãtava peteĩ óga chéve g̃uarã,+ ha amombaretéta itróno pára siémpre.+ 13 Che haʼéta itúa ha haʼe katu haʼéta che raʼy.+ Che siémpre ahayhuetereíta*+ chupe ha ndajapomoʼãi hese ajapo haguéicha pe oĩ vaʼekuére nde mboyve.+ 14 Haʼe oguapýta che trónope opa ára g̃uarã,+ ha siémpre oĩta igoviérno ha ifamiliare ogovernáva”’”.+

15 Natán oho omombeʼupaite Davídpe koʼã mbaʼe ha entéro mbaʼe ohecháva ko visiónpe.

16 Upéi rréi David oho oguapy Jehová renondépe, ha heʼi: “Ñandejára Jehová, ¿máva piko che ha che família rejapo hag̃ua hetaite mbaʼe porã orerehehápe?+ 17 Ha ndahaʼéi voi upévante Ñandejára, koʼág̃a reprometéma che família ogovernataha heta tiémpore,+ ha nde che Jára Jehová remaña cherehe ku amereseramoguáicha chembotuichave umi ótrogui.* 18 ¿Mbaʼe piko la haʼevétava ndéve? Nde ningo chembotuichaitereíma, che ningo nde siérvo ha nde chekuaa porãiterei.+ 19 Jehová, nde rejapo koʼã mbaʼe iporãitéva nde siérvo rehehápe, pórke upéva la nde reipotáva ha la repromete vaʼekue ha reikuaauka ndepoderosoha.+ 20 Jehová, ndaipóri ningo Dios ndeichagua,+ umi ótro dios ndaikatúi oñekompara nderehe.+ Entéro mbaʼe rohendúva ndehegui ohechauka siertoha upéva. 21 Ko yvy ape ári ndaipóri ótra nasión ikatúva oñekompara nde puévlo Israel rehe.+ Ñandejára tee, nde resalva vaʼekue chupekuéra oiko hag̃ua chuguikuéra nde puévlo.+ Nde rejapo vaʼekue heta milágro tuichaitereíva ikatu hag̃uáicha opárupi ojekuaa nde réra.+ Nde remosẽ heta tetãme nde puévlo renonderãgui.+ Ko puévlope nde resalva Egíptogui. 22 Nde reiporavo Israélpe nde puevlorã opa ára g̃uarã,+ ha koʼág̃a Jehová, nde hína Israel Jára.+ 23 Jehová, che ningo nde siérvo, toñekumplíkena pe repromete vaʼekue chéve ha che famíliape opa ára g̃uarã, ha ejapo repromete hagueichaite.+ 24 Ñandejára, hiʼãite nde réra opyta pára siémpre* ha oñembotuicha+ opa árare. Péicha umi hénte heʼíta: ‘Jehová, umi ehérsito yvagapegua ruvicha, Israel Jára, haʼe hína Dios Israélpe g̃uarã’. Ha nde siérvo David família togoverna ha taimbareteve ohóvo ne renondépe.+ 25 Che Jára, nde ningo reikuaauka nde siérvope remopuʼãtaha chupe peteĩ rréino.* Upévare nde siérvo ndokyhyjéi oñemboʼe hag̃ua ndéve. 26 Jehová, nde hína Ñandejára tee ha nde repromete koʼã mbaʼe porã oñekumplítava nde siérvore. 27 Upévare, evendesína che rréino ikatu hag̃uáicha osegi ne renondépe pára siémpre. Pórke nde, Jehová, revendesíma ha resegíta revendesi che rréino pára siémpre”.

18 Tiémpo rire David oñorairõ jey umi filistéondi ha ogana chupekuéra, ha haʼekuéra opyta ipoguýpe. Haʼe oipeʼa umi filistéogui+ Gat+ ha umi puevloʼi oĩva ijerére. 2 Upéi oñorairõ Moab+ kóntrape ha ogana chupekuéra, ha umi moabita opyta David poguýpe ha opaga vaʼerã chupe impuésto.*+

3 David oñorairõ rréi Hadadézer+ de Zobá+ ndive Hamat+ ypýpe ha ogana chupe. Upérõ pe rréi Hadadézer oho kuri ojagarra hag̃ua pe território oĩva Rrío Éufrates+ ypýpe. 4 Ha David ojagarra chugui 1.000 kárro de gérra, 7.000 soldádo oikóva kavaju ári ha 20.000 soldádo oikóva yvýrupi.+ Upéi David oikytĩ umi kavaju retyma rajygue, péro oheja 100 kavaju+ oitiráva umi kárro de gérra. 5 Upéi umi sirio oikóva Damáscope ou oipytyvõ hag̃ua Hadadézerpe, pe rréi de Zobá. Péro David ojuka 22.000 síriope.+ 6 Upéi David omoĩ peteĩ puésto militár Damáscope, opytáva Síriape. Ha umi síriogui oiko rréi David siérvo, ha haʼekuéra opaga chupe impuésto. David ogana iñenemigokuérape mamo ohohápe, pórke Jehová oipytyvõ* chupe.+ 7 Upe rire David oipeʼa Hadadézer siervokuéra eskúdo de óro ha ogueraha Jerusalénpe. 8 Upéi David ojagarra ogueraha hetaiterei kóvre Cun ha Tibhátgui, koʼãva ningo Hadadézer siuda hína. Upe kóvregui Salomón ojapo vaʼekue pe Palangána Guasu* de kóvre,+ umi pilár ha umi tembiporu de kóvre.+

9 Pe rréi de Hamat hérava Tou* ohendu David ogana hague rréi Hadadézer+ de Zobápe ha ijehérsitope.+ 10 Upémarõ Tou ensegída omondo itaʼýra Hadorámpe* rréi David rendápe oporandu hag̃ua chupe mbaʼéichapa oiko, ha ofelisita hag̃ua chupe ogana haguére Hadadézerpe. (Hadadézer ningo Tou kontrarioite vaʼekue). Ha Hadoram oraha avei rréi Davídpe opaichagua rregálo de óro, pláta ha kóvre. 11 Upémarõ David omeʼẽ* koʼã rregálo Jehovápe,+ avei omeʼẽ chupe pe óro ha pláta oipeʼa vaʼekue umi ótro nasióngui, umi oipeʼa vaʼekue Edom ha Moábgui, umi ammonita,+ umi filisteo+ ha umi amalequítagui.+

12 Abisái,+ haʼéva Zeruyá+ memby, ohundi 18.000 edomítape Válle de Sálpe.+ 13 Abisái omoĩ unos kuánto puésto militár Edómpe, ha kompletoite umi edomítagui oiko David siérvo.+ Mamo ohohápe, David ogana iñenemigokuérape pórke Jehová oipytyvõ* chupe.+ 14 David osegi vaʼekue ogoverna Israel tuichakuére.+ Osegi ohusga porã ha ojapo hustísia umi hentekuéra rehehápe.+ 15 Joab, haʼéva Zeruyá memby, odirihi vaʼekue David ehérsito,+ ha Jehosafat,+ haʼéva Ahilud raʼy, haʼe vaʼekue pe oanotáva umi mbaʼe oikóva. 16 Ha Sadoc, haʼéva Ahitub raʼy, ha Ahimélec haʼéva Abiatar raʼy haʼe vaʼekue saserdóte. Savsá katu haʼe vaʼekue sekretário. 17 Umi guárdia*+ oñatendéva rréi David rehe oĩ vaʼekue Benaya kárgope, haʼe ningo Jehoiadá raʼy. Ha David raʼykuéra haʼe vaʼekue umi omandavéva pe rréi rire.

19 Tiémpo rire omano Nahás, umi ammonita rréi, ha itaʼýra opyta rréiramo hekovia.+ 2 Upémarõ David heʼi: “Che chembaʼeporãitereíta*+ Hanún ndive, Nahás raʼy, pórke itúa Nahás imbaʼeporã vaʼekue avei chendive”. Upéicha rupi David omondo unos kuánto mensahéro okonsola hag̃ua Hanúnpe itúa omano haguére. Péro David siervokuéra og̃uahẽvo umi ammonita+ territóriope okonsola hag̃ua Hanúnpe, 3 umi governánte ammonita heʼi Hanúnpe: “¿Nde piko reimoʼã David omombaʼeha nde túape ha upévare ombouha umi kuimbaʼépe nekonsola hag̃ua? David ombou chupekuéra okontrola ha ovichea hag̃ua ko yvy ikatu hag̃uáicha upéi nerundi”. 4 Upémarõ Hanún ojagarra David siervokuérape ha ovarvea chupekuéra.+ Oikytĩ avei chuguikuéra ijao humby peve, ha péicha omondo chupekuéra. 5 David oikuaamíre la oikóva umi kuimbaʼére, omondo hendapekuéra ótro kuimbaʼe ohug̃uaitĩ hag̃ua chupekuéra, pórke oñeñandu vai ha otĩeterei hikuái. Ha heʼika chupekuéra: “Pepytánte Jericópe+ okakuaa jey peve peẽme pende várva, ha upéi ae peju jey”.

6 Upéi umi ammonita opilla David ipochyha ha ndaijaʼeietereiha opytávo hesekuéra. Upémarõ Hanún ha umi ammonita oguerahaka 34.200 kílo* de pláta oalkila hag̃ua umi kárro de gérra ha opaga hag̃ua umi kuimbaʼe kavaju arigua Mesopotamiaguápe,* Aram-Maacá ha Zobapeguápe.+ 7 Upémarõ oalkila hikuái 32.000 kárro de gérra ha opaga avei pe rréi de Maacápe ha ipuévlope. Ha ou omoĩ hikuái ikampaménto Medebá ypýpe.+ Umi ammonita katu oñembyaty umi isiudakuérape ha osẽ oñorairõ hag̃ua.

8 David oikuaa rire upéva, omondo Joábpe+ ha ijehérsito kompletoitépe, ha omondo avei umi gerréro ipoderosovévape.+ 9 Umi ammonita ojeprepara oñorairõ hag̃ua ha oñemoĩ hikuái pe siuda rokẽme. Umi rréi ou vaʼekue katu opyta pe ñúme.

10 Upéi Joab ohecha umi soldádo atyraite ouha oataka hag̃ua chupekuéra henondéguio ha avei hapykuéguio ládo. Upémarõ haʼe oiporavo umi soldádo ivaléva oĩva Israélpe ha omoĩ chupekuéra ohug̃uaitĩ hag̃ua umi síriope.+ 11 Upéi Joab oheja iñermáno Abisái kárgope*+ umi ótro soldádo ikatu hag̃uáicha odirihi chupekuéra oñorairõ hag̃ua umi ammonita ndive. 12 Ha Joab heʼi iñermánope: “Pehechárõ ndaikatumoʼãiha orepuʼaka umi síriore,+ peẽ peju vaʼerã orepytyvõ, ha ore rohecháramo ndaikatumoʼãiha pendepuʼaka umi ammonita rehe, ore rohóta poipytyvõ. 13 Ñande ñanembarete ha ñandepyʼaguasu vaʼerã+ ñadefende hag̃ua ñande puévlo ha umi siuda Ñandejára mbaʼéva, ha Jehová ojapóta ipárte”.

14 Upéi Joab ha isoldadokuéra oho oñorairõ hag̃ua umi sirio ndive, péro haʼekuéra osẽ odiparapa.+ 15 Ha umi ammonita ohechávo umi sirio osẽ hague odiparapa, haʼekuéra avei odipara iñermáno Abisáigui, ha oike hikuái pe siudápe. Oiko rire koʼã mbaʼe, Joab oho jey Jerusalénpe.

16 Umi sirio ohechávo Israel ogana hague chupekuéra, haʼekuéra omondo mensahéro ohenoika hag̃ua umi sirio oĩvape pe Rrío Éufrates+ ypýrupi, ha Sofac pe odirihíva Hadadézer ehérsito omoakã chupekuéra.+

17 David oikuaávo la oikóva, ombyatypaite Israel ehérsito, okrusa pe Jordán ha og̃uahẽ oĩháme hikuái ha oñemoĩ oñorairõ hag̃uáicha ikontrapekuéra. David ojeprepara oataka hag̃ua chupekuéra ha oho ohug̃uaitĩ umi síriope, ha oñepyrũ oñorairõ hikuái.+ 18 Péro umi sirio odipara umi israelítagui, ha David ojuka 7.000 soldádo omanehávape umi kárro de gérra ha 40.000 soldádo sirio oikóva yvýrupi. Ojuka avei Sofácpe, pe odirihíva umi sirio ehérsito. 19 Hadadézer siervokuéra ohechávo operde hague Israel kóntrape,+ pyaʼe porã voi oho ojapo hag̃ua peteĩ tráto David ndive ha opyta hikuái ipoguýpe.+ Upéi umi sirio noipytyvõsevéima umi ammonítape.

20 Oñepyrũvo pe áño,* umi rréi ohoha tiémpope jepi ijehérsito reheve gerrahápe, Joab+ odirihi pe ehérsitope oho hag̃ua oñorairõ ha ohundipaite umi ammonita yvy, ha oho omongora Rabá,+ upérõ David opyta Jerusalénpe.+ Joab katu oataka ha oitypaite Rabá.+ 2 Upéi David oipeʼa Malcam* akãgui ikoróna, ha David ohechakuaa pe koróna orekoha 34 kílo 200 grámo* óro ha oĩ hese heta ita vera iporãitereíva. Ha pe koróna oñemoĩ David akãre, ha haʼe ogueraha avei hetaiterei mbaʼe pe siudágui.+ 3 David oraha prisionéroramo umi hénte pe siudapegua ha omombaʼapo chupekuéra.+ Oĩ ojapóva umi traváho ojepuruhápe siérra oñekytĩ hag̃ua ita, umi erramiénta de iérro hakuáva ha hácha de iérro. Péicha ojapoka vaʼekue David entéro umi hénte oikóvape umi siuda ammonítape. Upéi David ha ijehérsito oho jey Jerusalénpe.

4 Upe rire umi israelita oñorairõ jey umi filisteo ndive pe lugár héravape Guézer. Upérõ Sibecái+ pe husatita ojuka Sipáipe, oúva umi refaím+ familiarégui, ha umi filisteo opyta ipoguypekuéra.

5 Upéi umi israelita oñorairõ jey umi filisteo kóntrape. Ha Jaír raʼy Elhanán ojuka Lahmípe, haʼe hína pe guitita Goliat+ ermáno, ha Lahmí oreko vaʼekue peteĩ lánsa hiʼýva ipoguasu ha ipohýiva.*+

6 Upéi umi israelita oñorairõ jey umi filisteo kóntrape Gátpe.+ Upépe oĩ vaʼekue peteĩ refaím familiare,+ peteĩ soldádo tuichaitereíva.+ Ko higánte 12 ikuã ha 12 ipysã vaʼekue.* 7 Pe soldádo osegi odesafia+ Israélpe, upévare Jonatán ojuka chupe. Jonatán hína Simeá+ raʼy, haʼéva David ermáno.

8 David ha isoldadokuéra ojuka vaʼekue koʼã soldádo filistéope. Koʼã soldádo ou vaʼekue umi refaím familiarégui+ ha oiko Gátpe.+

21 Upéi Satanás* odesidi oataka Israélpe ha omboliga Davídpe okonta hag̃ua mboy israelítapa oĩ.+ 2 Upémarõ David heʼi Joab+ ha umi omoakãvape pe puévlo: “Tapeho ha pekonta mboy israelítapa oĩ Beer-Seba guive Dan+ peve, upéi peju ha pemombeʼu chéve aikuaa hag̃ua mboýpa oĩ en totál”. 3 Péro Joab heʼi: “¡Jehová tombohetave ipuévlo 100 vése mas! Che ruvicha, ¿haʼekuéra piko ndahaʼéima voi nde siérvo? ¿Mbaʼére piko rejapose ko sénso? ¿Mbaʼére piko rembopeka vaʼerã Israélpe?”.

4 Péro pe rréi heʼíva ipesove Joab heʼívagui. Upémarõ Joab osẽ oho okorre Israel tuichakuére, ha upéi ou jey Jerusalénpe.+ 5 Upéi Joab omombeʼu Davídpe mboýpa oĩ en totál umi hénte oñeanota vaʼekue. Israel trivukuéra kompletoite ohupyty 1.100.000 kuimbaʼe ikatúva oho gerrahápe, ha Judá trívupe oĩ 470.000 kuimbaʼe ikatúva oho gerrahápe.+ 6 Péro Leví ha Benjamín trívupe noñeanotái ijapytepekuéra,+ pórke Joábpe ndogustaiete voi pe rréi heʼi vaʼekue.+

7 Ko mbaʼe ndogustaieterei vaʼekue Ñandejára teépe, upévare okastiga Israélpe. 8 Upémarõ David heʼi Ñandejára teépe: “Tuichaiterei ningo apeka+ ne kóntrape ajapóvo ko mbaʼe. Arrekonose chevyroiterei hague.+ Che ningo nde siérvo, cheperdonamína por favór”.+ 9 Ha Jehová oñeʼẽ Gádpe,+ pe kuimbaʼe omombeʼúva Davídpe umi visión Ñandejára omeʼẽva chupe, ha heʼi chupe: 10 “Tereho ere Davídpe: ‘Péicha heʼi Jehová: “Areko mbohapy kastígo ndéve g̃uarã, ha nde reiporavo vaʼerã mbaʼéichapa rokastigáta”’”. 11 Upémarõ Gad oike David rendápe ha heʼi chupe: “Péicha heʼi Jehová: ‘Eiporavo peteĩ koʼãva apytégui: 12 ¿reipotápa ou ko paíspe peteĩ ñembyahýi+ odurátava 3 áño? ¿Térã reikótapa rekañy ne enemigokuéragui 3 mésere ha upe aja haʼekuéra nembohasa asýta?+ ¿Térãpa 3 día aja ojekastigáta ko paíspe Jehová espádape ha oúta peteĩ péste ko paíspe,+ ha Jehová ánhel oporohundíta+ Israel território tuichakuére?’. Koʼág̃a, epensa porãkena mbaʼépa reipota akontesta Upe chembou vaʼekuépe”. 13 Upémarõ David heʼi Gádpe: “Chekevrantaiterei ningo ko oikóva. Ndaipotaiete peteĩ persóna orembosufri,+ ikuentavénte Jehová orekastiga, haʼéngo katuete oreporiahuverekóne”.+

14 Upémarõ Jehová ombou Israel tuichakuére peteĩ péste,+ upevakuére omano 70.000 persóna Israélpe.+ 15 Avei Ñandejára tee ombou peteĩ ánhel ohundi hag̃ua Jerusalénpe. Ha Jehová ohechamírente pe ánhel oñepyrũmaha ohundi chupekuéra, ombyasyeterei ipuévlope+ ha heʼi pe ánhelpe: “¡Ovalémante!+ Anivéma rehupi nde po ikontrapekuéra”. Upérõ Jehová ánhel oñemboʼy hína kuri peteĩ lugár oñemopotĩháme semílla ypýpe, upe lugár haʼe vaʼekue pe jebuseo+ Ornán*+ mbaʼe.

16 Ha David omañávo yvate gotyo ohecha Jehová ánhel oñemboʼyha upépe, éntre pe yvy ha yvága mbytépe, ha orekoha ipópe peteĩ espáda+ oapuntáva Jerusalén gotyo. Upépe David ha umi kuimbaʼe omoakãva* pe puévlo, oguerekóva ijehe ao ohechaukáva oñembyasyha,+ ensegída oñesũ ha oñakãityete.+ 17 David heʼi Ñandejára teépe: “Che ningo la haʼe vaʼekue oñekonta hag̃ua pe puévlope. Koʼã hénte* ningo ndojapói kuri mbaʼeve, che la apeka vaʼekue, ha che la ajapo vaʼekue ko mbaʼe vai.+ Che Jára Jehová, chekastigána chéve ha che famíliape, péro anína rekastiga ko puévlope”.+

18 Ha Jehová ánhel heʼi Gádpe+ heʼi hag̃ua Davídpe toarriva ha toho pe jebuseo Ornán yvýpe, ha tomopuʼã peteĩ altár Jehovápe g̃uarã pe lugár oñemopotĩháme semílla.+ 19 Upémarõ David oarriva Jehová heʼi haguéicha chupe pe proféta Gad rupive. 20 Upe aja, Ornán ojere omaña ha ohecha pe ánhelpe, upépe umi 4 itaʼýra oĩ vaʼekue hendive oho okañy. Upérõ Ornán omopotĩ hína kuri pe trígo. 21 Ha David oarrivárõ guare hendápe, Ornán omaña ha ohecha Davídpe ha ensegída osẽ pe oñemopotĩhágui semílla, oñesũ ha oñakãityete David renondépe. 22 David heʼi Ornánpe: “Evendéna chéve ko yvy oñemopotĩháme semílla, amopuʼã hag̃ua koʼápe peteĩ altár Jehovápe g̃uarã. Evende* chéve pe présio ovalévare, upéicharõmante opáta pe kastígo oúva ñande puévlo ári”.+ 23 Péro Ornán heʼi Davídpe: “Ejagarrántema nembaʼerã che ruvicha, ha ejapo ejaposéva chugui.* Koʼápe ameʼẽ avei ndéve umi tóro rejapo hag̃ua umi ofrénda ojehapýva ha jepeʼarã katu pe tavlón ojepurúva oñemopotĩ hag̃ua semílla,+ ha pe trígo remeʼẽ hag̃ua ofrénda de semíllaramo. Ameʼẽmbaite ndéve koʼã mbaʼe”.

24 Péro rréi David heʼi Ornánpe: “No, ndaipotái remeʼẽ rei chéve, ajogua vaʼerã ndehegui pe présio ovalévare, pórke ndajagarrareimoʼãi la nembaʼéva ha ameʼẽ Jehovápe, ni ndaofresemoʼãi chupe sakrifísio ojehapývaramo la oñemeʼẽ rei vaʼekue chéve”.+ 25 Upémarõ David omeʼẽ Ornánpe 6 kílo 840 grámo* de óro pe yvýre. 26 Ha David omopuʼã upépe peteĩ altár+ Jehovápe g̃uarã, ha ojapo umi sakrifísio ojehapýva ha umi ofrénda de paz. Oñemboʼe Jehovápe upépe, ha haʼe ombohovái chupe ha ombou tata+ yvágagui ohapy hag̃ua umi ofrénda oĩva pe altár ári. 27 Upémarõ Jehová omanda pe ánhelpe+ oñongatu hag̃ua ijespáda iváinape. 28 Ha David ohechakuaávo Jehová ombohovái hague chupe iñemboʼe pe lugár oñemopotĩháme semílla, haʼéva pe jebuseo Ornán mbaʼe, haʼe okontinua ojapo sakrifísio upépe. 29 Upérõ Jehová tavernákulo, upe Moisés ojapo vaʼekue pe desiértope, ha pe altár ojejapoha pe ofrénda ojehapýva, oĩ vaʼekue pe lugár yvate oĩva Gabaónpe.+ 30 Péro David ndohói upépe ombaʼeporandu hag̃ua Ñandejárape, pórke okyhyjeterei kuri Jehová ánhel espádagui.

22 Upéi David heʼi: “Koʼápe oĩta Ñandejára tee Jehová róga, ha kóva haʼéta pe altár ojejapo hag̃ua umi ofrénda ojehapýva Israélpe”.+

2 Upémarõ David omanda oñembyaty hag̃ua umi extranhéro+ oikóvape Israel territóriope. Ha haʼe omoĩ chupekuéra ombaʼapo hag̃ua kantérape, ha oikytĩ ha omoldea hag̃ua umi ita ojepurútava oñemopuʼã hag̃ua Ñandejára tee róga.+ 3 David oprepara avei hetaiterei iérro ojejapo hag̃ua klávo oñemoĩ hag̃ua umi okẽ óhare, ha ojejapo hag̃ua umi viságra. Ha oprepara avei kóvre, ha hetaitereígui ni ndojekuaái mboýpa opesa.+ 4 Avei oprepara hetaiterei sédro+ ikatuʼỹva oñekontapa, pórke umi sidonio+ ha umi tirio+ ogueru vaʼekue hetaiterei sédro Davídpe. 5 Ha David heʼi: “Che raʼy Salomón ningo imitã ha ndoikuaái gueteri heta mbaʼe,*+ ha pe óga oñemopuʼãtava Jehovápe g̃uarã ningo ojajaipáta porãgui,+ ha upéicha rupi entéro tetãrupi+ ojekuaáta mbaʼeichaitépa iporã.+ Upévare apreparáta chupe heta mbaʼe”. Upémarõ, omano mboyve David oprepara hetaiterei materiál oñekotevẽtava.

6 Avei David ohenoika itaʼýra Salomónpe ha heʼi chupe omopuʼã vaʼerãha peteĩ óga Israel Jára Jehovápe g̃uarã. 7 Ha David heʼi itaʼýra Salomónpe: “Che ningo che pyʼaite guive amopuʼãse vaʼekue peteĩ óga oñemombaʼeguasu hag̃ua che Jára Jehová réra.+ 8 Péro Jehová heʼi chéve: ‘Nde ningo hetaitereípema rejuka, ha reñorairõ hetaiterei gérra. Nde neremopuʼãmoʼãi peteĩ óga oñemombaʼeguasu hag̃ua che réra,+ pórke nde hetaitereípema rejuka* che renondépe. 9 Onaséta peteĩ nde raʼy+ henyhẽtava pyʼaguapýgui,* ha che amombytuʼúta chupe kompletoite iñenemigokuéra oĩvagui ijerére.+ Haʼe hérata Salomón,*+ pórke che ameʼẽta pyʼaguapy ha trankilida Israélpe haʼe oikoha tiémpope.+ 10 Haʼe hína pe omopuʼãtava peteĩ óga oñemombaʼeguasu hag̃ua che réra.+ Chugui oikóta che raʼy, ha che haʼéta itúa,+ ha amombaretéta igoviérno Israélpe ha opytáta pára siémpre’.+

11 Ha koʼág̃a che raʼy, Jehová toĩ nendive ha tosẽ porãite ndéve pe óga remopuʼãtava nde Jára Jehovápe g̃uarã, haʼe heʼi haguéicha voi rejapotaha.+ 12 Ha Jehová tanepytyvõ neakãporã ha nearandu+ hag̃ua nemoĩ vove regoverna hag̃ua Israel, péicha ikatúta rekumpli nde Jára Jehová léi.+ 13 Resẽ porãta rekumplipaitéramo umi léi+ ha mandamiénto Jehová heʼi vaʼekue Moiséspe omeʼẽ hag̃ua Israélpe.+ Ndepyʼaguasu ha nembaretékena. Ani rekyhyje ni ndepyʼaju.+ 14 Che añehaʼãmbaite kuri ha aprepara Jehová rógape g̃uarã 3.420.000 kílo* óro, ha 34.200.000 kílo* pláta, ha hetaiterei kóvre ha iérro+ ni ndojekuaavéimava mboýpa opesa. Ha aprepara avei hetaiterei yvyra ha ita,+ péro nde rekonsegive vaʼerã ág̃a. 15 Oĩ hetaiterei hénte ombaʼapo hag̃ua nendive: kuimbaʼe ojokáva ita,+ alvañíl ombaʼapóva itáre, karpintéro, ha opaichagua kuimbaʼe ivaléva.+ 16 Pe óro, pláta, kóvre ha iérro katu ndaikatúi voi oñekontapa hetaitereígui.+ Tereho katu ha emoñepyrũ pe traváho, ha Jehová toĩ nendive”.+

17 Upémarõ David heʼi enterovete umi prínsipe de Israélpe oipytyvõ hag̃ua itaʼýra Salomónpe, ha heʼi chupekuéra: 18 “Pende Jára Jehová ningo oĩ penendive, ha penemombytuʼu kompletoite pene enemigokuéra oĩvagui pende jerére. Pórke haʼe ontrega chéve kompletoite umi hénte oĩva ko territóriope ha pe yvy opyta Jehová ha ipuévlo poguýpe. 19 Koʼág̃a pejedesidi pende pyʼaite guive ha pende rekove* kompletoite reheve peheka hag̃ua pende Jára Jehovápe,+ ha peñepyrũ pemopuʼã Ñandejára tee Jehová lugár sagrádo,+ ikatu hag̃uáicha pegueru Jehová Árka del Pákto ha umi tembiporu sagrádo Ñandejára tee mbaʼéva,+ pe óga oñemopuʼãtavape oñemombaʼeguasu hag̃ua Jehová réra”.+

23 Ha David ituja rire ha omano mbotaitérõ guare,* omoĩ rréiramo Israélpe itaʼýra Salomónpe.+ 2 Upéi ombyaty enterovete umi governadór de Israélpe, umi saserdóte+ ha umi levítape.+ 3 Upérõ oñeanota enterovete umi levita orekóvape 30 áño guive,+ ha en totál oñeanota 38.000. 4 Koʼãva apytégui 24.000 oĩ de enkargádo umi traváho ojejapóvare Jehová rógape, ha oĩ 6.000 oservíva de ofisiál ha hués,+ 5 ha oĩ vaʼekue 4.000 guárdia oñangarekóva okẽre,+ ha 4.000 omombaʼeguasúva+ Jehovápe oipurúvo umi instruménto musikál David ojapo vaʼekue oñemombaʼeguasu hag̃ua Ñandejárape.

6 Upéi David odividi*+ chupekuéra en grúpo asegún Leví raʼykuéra: Guersón, Cohat ha Merarí.+ 7 Guersón raʼykuéra haʼe vaʼekue Ladán ha Simeí. 8 Ladán raʼykuéra haʼe vaʼekue Jehiel, pe omoakãva chupekuéra, ha avei Zetam ha Joel,+ en totál 3 oĩ hikuái. 9 Simeí raʼykuéra haʼe vaʼekue Selomot, Haziel ha Harán, en totál 3 oĩ hikuái. Koʼãva umi omoakã vaʼekue Ladán túa ypykue familiarépe. 10 Ha Simeí raʼykuéra haʼe vaʼekue Jáhat, Ziná,* Jeús ha Berías, koʼã 4 haʼe vaʼekue Simeí raʼykuéra. 11 Jáhat omoakã vaʼekue chupekuéra ha Zizá haʼe vaʼekue pe segundo. Péro Jeús ha Berías saʼi itaʼýra vaʼekue, upévare oñekonta chupekuéra peteĩ túa ypykue familiaréramo ha peteĩ traváhorente oñenkarga hikuái.

12 Cohat raʼykuéra haʼe vaʼekue Amram, Izhar,+ Hebrón ha Uziel,+ en totál 4 oĩ hikuái. 13 Amram raʼykuéra haʼe vaʼekue Aarón+ ha Moisés.+ Péro Aarón ha itaʼyrakuérape ojeaparta+ vaʼekue ombaʼapo hag̃ua kontinuadoite pe Santísimope, ha ojapo hag̃ua sakrifísio Jehová renondépe, oservi hag̃ua chupe ha siémpre ovendesi hag̃ua umi héntepe hérape.+ 14 Ñandejára siérvo Moisés raʼykuéra katu oñekonta vaʼekue umi levita trívu apytépe. 15 Moisés raʼykuéra haʼe vaʼekue Guersom+ ha Eliezer.+ 16 Guersom raʼykuéra apytépe Sebuel*+ omoakã vaʼekue chupekuéra. 17 Eliezer familiare* apytépe Rehabías+ omoakã vaʼekue chupekuéra. Eliezer ndorekói vaʼekue ótro itaʼýra, péro Rehabías hetaiterei itaʼýra vaʼekue. 18 Izhar+ raʼykuéra apytépe Selomit+ omoakã vaʼekue chupekuéra. 19 Hebrón raʼykuéra apytépe Jerías omoakã vaʼekue chupekuéra, Amarías haʼe vaʼekue pe segundo, Jahaziel haʼe vaʼekue pe tercero ha Jecameam+ haʼe vaʼekue pe cuarto. 20 Uziel raʼykuéra+ apytépe Miqueas omoakã vaʼekue chupekuéra, ha Isías haʼe vaʼekue pe segundo.

21 Merarí raʼykuéra haʼe vaʼekue Mahlí ha Musí.+ Mahlí raʼykuéra haʼe vaʼekue Eleazar ha Quis. 22 Upéi Eleazar omano, haʼe ningo ndaitaʼýrai vaʼekue, kuña memete ifamília. Upémarõ iparientekuéra* Quis familiare omenda hesekuéra. 23 Musí raʼykuéra haʼe vaʼekue Mahlí, Éder ha Jeremot, en totál 3 oĩ vaʼekue hikuái.

24 Koʼãva haʼe vaʼekue Leví familiare asegún mávapa ituakuéra ypykue, umi omoakãva ituakuéra ypykue familiarépe, chupekuéra oñeanota vaʼekue mboýpa oĩ en totál ha mbaʼéichapa héra. Haʼekuéra oñenkarga vaʼekue pe traváho ojejapóvare Jehová rógape, oñeanota umi orekóvape 20 áño guive. 25 David ningo heʼi vaʼekue: “Israel Jára Jehová omeʼẽma pyʼaguapy ipuévlope,+ ha haʼe oikóta Jerusalénpe pára siémpre.+ 26 Avei umi levita natekotevẽmoʼãi oguerova pe tavernákulo, ha ni peteĩ umi tembiporu ojepurúva ojeadora hag̃ua Ñandejárape”.+ 27 Ha oñeanota umi levita orekóvape 20 áño guive, upéva hína pe última kósa David omanda vaʼekue ojejapo hag̃ua. 28 Haʼekuéra oipytyvõ vaʼerã Aarón raʼykuérape+ ojapo hag̃ua umi traváho oĩva Jehová rógape, oñenkarga hikuái umi korapýre,+ umi komedór rehe, avei oñemopotĩ hag̃ua kompléto umi mbaʼe sagrádova ha ojapo hag̃ua oimeraẽ ótro traváho tekotevẽva ojejapo Ñandejára tee rógape. 29 Haʼekuéra oipytyvõ ojejapo hag̃ua umi pan oñemoĩva ojoʼári,*+ oprepara hikuái pe arína iporãvéva ojejapo hag̃ua pe ofrénda de semílla, umi pan ipererĩ asýva ndorekóiva levadúra,+ umi tórta oñembojy vaʼekue vandéhape, pe mása oñembojeheʼa pyréva aséitere,+ ha avei omedi ha opesa vaʼerã opa mbaʼe. 30 Haʼekuéra oñemboʼy vaʼerã káda pyhareve+ oagradese ha omombaʼeguasu hag̃ua Jehovápe, ha upéicha avei ojapo hikuái káda kaʼaru.+ 31 Haʼekuéra siémpre oipytyvõ ojejapo hag̃ua umi sakrifísio ojehapýva ojeofreséva Jehovápe, tahaʼe sabadokue,+ jasy raʼy jave,+ ha ojejapo jave umi fiésta itiempoitépe+ heʼiháicha pe léi, ha péicha ojapo hikuái kontinuadoite Jehová renondépe. 32 Haʼekuéra okumpli avei pe rresponsavilida orekóva pe tavernákulope,* pe lugár sántope ha umi iñermanokuéra Aarón familiaréndi ojapóvo umi traváho oĩva Jehová rógape.

24 Aarón familiare ojedividi vaʼekue por grúpo péicha: Aarón raʼykuéra haʼe vaʼekue Nadab, Abihú,+ Eleazar ha Itamar.+ 2 Péro Nadab ha Abihú omano itúa omano mboyve,+ ha ndaitaʼýrai vaʼekue hikuái, péro Eleazar+ ha Itamar osegi oservi saserdóteramo. 3 David, Sadoc+ ha Ahimélec odividi vaʼekue por grúpo Aarón familiarépe ikatu hag̃uáicha ojapo itravahokuéra. Sadoc haʼe vaʼekue peteĩva Eleazar raʼy, ha Ahimélec katu peteĩva Itamar raʼy. 4 Eleazar raʼykuéra oreko vaʼekue hetave omoakãva chupekuéra Itamar raʼykuéragui, upévare ojedividi chupekuéra asegún umi omoakãva chupekuéra: Eleazar raʼykuéra oreko vaʼekue 16 omoakãva ituakuéra ypykue familiarépe, ha Itamar raʼykuéra oreko vaʼekue 8 omoakãva ituakuéra ypykue familiarépe.

5 Avei ojesortea+ ojedividi hag̃ua chupekuéra, mokõive grúpore ojejapo upéicha, pórke oĩ umi héfe oñenkargáva pe lugár sánto rehe ha umi héfe oservíva Ñandejára teépe, ha enterove koʼãva ou vaʼekue Eleazar ha Itamar raʼykuéragui. 6 Upéi Netanel raʼy Semaya, haʼéva umi levitakuéra sekretário, oanota herakuéra pe rréi renondépe, umi governadór, saserdóte Sadoc,+ Ahimélec+ haʼéva Abiatar+ raʼy, ha umi omoakãva umi saserdóte ha umi levita tuakuéra ypykue familiare renondépe. Ha oiporavo hikuái peteĩva Eleazar familiare ha peteĩva Itamar familiare.

7 Pe sortéope primeroite osẽ vaʼekue Jehoiarib, pe segundo osẽ Jedayá, 8 pe tercero Harim, pe cuarto Seorim, 9 pe quinto Malkiya, pe sexto Mijamín, 10 pe sieteha Hacoz, pe ochoha Abías,+ 11 pe nueveha Jesúa, pe diezha Secanías, 12 pe onceha Eliasib, pe doceha Jaquim, 13 pe treceha Hupá, pe catorceha Jesebeab, 14 pe quinceha Bilgá, pe dieciseisha Imer, 15 pe diecisieteha Hezir, pe dieciochoha Hapizez, 16 pe diecinueveha Petahías, pe veinteha Jehezquel, 17 veintiunoha Jakín, veintidosha Gamul, 18 veintitresha Delayá ha pe veinticuatroha Maazías.

19 Upéicha oñeasigna vaʼekue chupekuéra oike hag̃ua ombaʼapo+ Jehová rógape, ha péicha voi ituakuéra ypykue Aarón oheja vaʼekue ojejapo hag̃ua, omanda haguéicha chupe Israel Jára Jehová.

20 Koʼãva hína Leví raʼykuéra hembýva: Amram+ raʼykuéra apytégui, Subael,+ Subael raʼykuéra apytégui Jehdeyá, 21 Rehabías+ raʼykuéra apytégui, Isías pe omoakãva chupekuéra, 22 umi izharita apytégui, Selomot,+ Selomot raʼykuéra apytégui Jáhat, 23 Hebrón raʼykuéra apytégui, Jerías+ pe omoakãva chupekuéra, Amarías pe segundo, Jahaziel pe tercero ha pe cuarto Jecameam. 24 Uziel raʼykuéra apytégui Miqueas, Miqueas raʼykuéra apytégui Samir. 25 Miqueas ermáno haʼe vaʼekue Isías ha Isías raʼykuéra apytégui Zacarías.

26 Merarí+ raʼykuéra haʼe vaʼekue: Mahlí ha Musí, Jaazías raʼykuéra apytégui, Beno. 27 Merarí raʼykuéra: Jaazías raʼykuéra apytégui Beno, Soham, Zacur ha Ibrí, 28 Mahlí raʼykuéra apytégui, Eleazar, haʼe ndaitaʼýrai vaʼekue,+ 29 Quis raʼykuéra apytégui, Jerahmeel, 30 Musí raʼykuéra hína Mahlí, Éder ha Jerimot.

Koʼãva hína Leví raʼykuéra asegún máva familiarépa hikuái. 31 Haʼekuéra ojapo avei pe sortéo+ ojapo haguéicha iñermanokuéra, haʼéva avei Aarón raʼykuéra. Haʼekuéra ojapo pe sortéo rréi David, Sadoc ha Ahimélec renondépe, ha avei umi omoakãva umi saserdóte ha umi levita tuakuéra ypykue familiare renondépe. Pe itujavévape ojetrataháicha itúa ypykue familiare apytépe, upeichaite avei ojetrata umi imitãvévape.

25 Avei David ha umi omoakãva umi grúpo oservíva pe témplope oaparta Asaf, Hemán ha Jedutún+ raʼykuéra apytégui unos kuántope omombaʼeguasu hag̃ua Ñandejárape ha oprofetisa hag̃ua umi árpa reheve, umi instruménto de kuérda+ ha platíllo reheve.+ Koʼápe oñeanota umi orekóva upe rresponsavilida rerakuéra. 2 Asaf raʼykuéra apytégui: Zacur, José, Netanías ha Asarelá. Asaf raʼykuérape odirihi vaʼekue Asaf, ha pe rréi odirihi vaʼekue chupekuéra oprofetisa hag̃ua. 3 Jedutún+ raʼykuéra apytégui: Guedalías, Zerí, Jesayá, Simeí, Hasabías ha Matitías,+ en totál 6 oĩ hikuái. Haʼekuéra oĩ vaʼekue itúa Jedutún poguýpe, haʼe oprofetisa vaʼekue árpa reheve, oagradese ha omombaʼeguasu hag̃ua Jehovápe.+ 4 Hemán+ raʼykuéra apytégui: Buquías, Matanías, Uziel, Sebuel,* Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir ha Mahaziot. 5 Enterove koʼãva haʼe vaʼekue Hemán raʼykuéra, haʼe hína pe kuimbaʼe omombeʼúva pe rréipe umi visión orekóva Ñandejára tee mensáhe, oñemombaʼeguasu hag̃ua chupe. Upévare Ñandejára tee omeʼẽ chupe 14 taʼýra ha 3 tajýra. 6 Koʼãvape odirihi vaʼekue itúa opurahéi hag̃ua Jehová rógape, ombopúvo umi platíllo, instruménto de kuérda ha árpa,+ ha péicha oservi hikuái Ñandejára tee rógape.

Pe rréi poguýpe oĩ vaʼekue Asaf, Jedutún ha Hemán.

7 Chupekuéra ha umi iñermanokuérape oñembokatupyry vaʼekue opurahéi hag̃ua Jehovápe, enterovete ivaleterei ha 288 oĩ vaʼekue hikuái en totál. 8 Enterove haʼekuéra, tahaʼe imitãva térã ijedámava, ivaléva térã oñepyrũ ramóva oaprende, ojapo sortéo+ oikuaa hag̃ua mbaʼépa otokáta chupekuéra ojapo.

9 Pe sortéope primeroite osẽ Asaf raʼy José,+ pe segundo Guedalías,+ itaʼyrakuéra ha iñermanokuéra, 12 en totál, 10 pe tercero Zacur,+ itaʼyrakuéra ha iñermanokuéra, 12 en totál, 11 pe cuarto Izrí, itaʼyrakuéra ha iñermanokuéra, 12 en totál, 12 pe quinto Netanías,+ itaʼyrakuéra ha iñermanokuéra, 12 en totál, 13 pe sexto Buquías, itaʼyrakuéra ha iñermanokuéra, 12 en totál, 14 pe sieteha Jesarela, itaʼyrakuéra ha iñermanokuéra, 12 en totál, 15 pe ochoha Jesayá, itaʼyrakuéra ha iñermanokuéra, 12 en totál, 16 pe nueveha Matanías, itaʼyrakuéra ha iñermanokuéra, 12 en totál, 17 pe diezha Simeí, itaʼyrakuéra ha iñermanokuéra, 12 en totál, 18 pe onceha Azarel, itaʼyrakuéra ha iñermanokuéra, 12 en totál, 19 pe doceha Hasabías, itaʼyrakuéra ha iñermanokuéra, 12 en totál, 20 pe treceha Subael,+ itaʼyrakuéra ha iñermanokuéra, 12 en totál, 21 pe catorceha Matitías, itaʼyrakuéra ha iñermanokuéra, 12 en totál, 22 pe quinceha Jeremot, itaʼyrakuéra ha iñermanokuéra, 12 en totál, 23 pe dieciseisha Hananías, itaʼyrakuéra ha iñermanokuéra, 12 en totál, 24 pe diecisieteha Josbecasa, itaʼyrakuéra ha iñermanokuéra, 12 en totál, 25 pe dieciochoha Hananí, itaʼyrakuéra ha iñermanokuéra, 12 en totál, 26 pe diecinueveha Malotí, itaʼyrakuéra ha iñermanokuéra, 12 en totál, 27 pe veinteha Eliatá, itaʼyrakuéra ha iñermanokuéra, 12 en totál, 28 pe veintiunoha Hotir, itaʼyrakuéra ha iñermanokuéra, 12 en totál, 29 pe veintidosha Guidaltí,+ itaʼyrakuéra ha iñermanokuéra, 12 en totál, 30 pe veintitresha Mahaziot,+ itaʼyrakuéra ha iñermanokuéra, 12 en totál, 31 pe veinticuatroha Romamti-Ézer,+ itaʼyrakuéra ha iñermanokuéra, 12 en totál.

26 Umi guárdia oñangarekóva okẽre+ ojedividi vaʼekue por grúpo kóicha: umi coreíta apytégui, Meselemías+ haʼéva Coré raʼy ha Asaf familiare. 2 Ha Meselemías raʼykuéra haʼe vaʼekue: pe ijypykue Zacarías, Jediael pe segundo, Zebadías pe tercero, Jatniel pe cuarto, 3 Elam pe quinto, Jehohanán pe sexto ha Elieho-Enái pe sieteha. 4 Obed-Edom raʼykuéra haʼe vaʼekue: pe ijypykue Semaya, Jehozabad pe segundo, Joá pe tercero, Sacar pe cuarto, Netanel pe quinto, 5 Amiel pe sexto, Isacar pe sieteha, ha Peuletái pe ochoha. Péicha Ñandejára ovendesi vaʼekue Obed-Edómpe.

6 Semaya oreko vaʼekue umi itaʼýra ipoderóso ha ikatupyrýva, ha umíva omoakã vaʼekue ituakuéra ypykue familiarépe. 7 Semaya raʼykuéra hína koʼãva: Otní, Refael, Obed ha Elzabad, ha iñermanokuéra hína Elihú ha Semakías, haʼekuéra haʼe vaʼekue avei kuimbaʼe ikatupyrýva. 8 Koʼãva haʼe vaʼekue Obed-Edom raʼykuéra. Haʼekuéra, itaʼyrakuéra ha iparientekuéra haʼe vaʼekue kuimbaʼe ikatupyrýva ha ivaléva ojapo hag̃ua umi traváho, ha en totál oĩ vaʼekue 62 haʼéva Obed-Edom familiare. 9 Ha Meselemías+ oreko vaʼekue itaʼýra ha iparientekuéra, en totál oĩ vaʼekue hikuái 18 kuimbaʼe ikatupyrýva. 10 Hosá haʼe vaʼekue Merarí familiare, ha Hosá raʼy hína Simrí. Simrí haʼe vaʼekue pe omoakãva chupekuéra, pórke haʼe ndahaʼéiramo jepe pe ijypykue, itúa omoĩ chupe omoakã hag̃ua hogayguakuérape. 11 Hilquías haʼe vaʼekue pe segundo, Tebalías pe tercero ha Zacarías pe cuarto. Hosá raʼykuéra ha iñermanokuéra oĩ vaʼekue 13 en totál.

12 Koʼã guárdia oñangarekóva okẽre ojedividi por grúpo, tahaʼe umi omoakãva térã umi iparientekuéra, oreko pe rresponsavilida ombaʼapo hag̃ua Jehová rógape. 13 Upearã osortea+ hikuái oikuaa hag̃ua mbaʼe okẽpa otokáta chupekuéra, tahaʼe imitãva térã ijedámavape asegún máva familiarépa hikuái. 14 Upéi ojejapo pe sortéo ha osẽ Selemías réra oñangareko hag̃ua pe okẽ opytávare éste gotyo. Upéi pe sortéope osẽ itaʼýra Zacarías réra oñangareko hag̃ua pe okẽ opytávare nórte gotyo. Zacarías haʼe vaʼekue peteĩ konsehéro iñarandúva. 15 Obed-Edómpe oñemeʼẽ sur gotyo, ha itaʼyrakuérape+ oñemoĩ ombaʼapo hag̃ua umi depósitope. 16 Supim ha Hosápe+ oñemeʼẽ oéste gotyo, pe okẽ hérava Saléket ypýpe, oĩva pe pasíllo puku ypýpe, káda grúpo de guárdia oĩ vaʼekue ojoykére. 17 Oĩ vaʼekue 6 levita éste gotyo, 4 levita nórte gotyo káda día, ha 4 levita sur gotyo káda día, ha umi depósitope+ g̃uarã oñemoĩ de a 2. 18 Ha pe entráda orekóvape g̃uarã pilár ha techoʼi oĩva oéste gotyo, oĩ vaʼekue 4 levita pe pasíllo pukúpe+ ha 2 levita oĩ vaʼekue pe entráda orekóvape pilár ha techoʼi. 19 Péicha ojedividi vaʼekue umi guárdia oñangarekóva okẽre oĩháme umi coreíta ha merarita raʼykuéra.

20 Umi levitakuéra apytépe, Ahíya kárgope oĩ vaʼekue pe lugár oñeñongatuhápe umi tesorokuéra Ñandejára tee rógape ha pe tesorería oĩháme umi mbaʼe sagrádova.*+ 21 Ladán raʼykuéra, umíva hína Guersón familiare, ha ijapytepekuéra oĩ vaʼekue Jehielí,+ haʼe hína peteĩva umi omoakãva Ladán túa ypykue familiarépe, 22 ha Jehielí raʼykuéra apytépe oĩ vaʼekue Zetam ha iñermáno Joel. Koʼãva kárgope oĩ vaʼekue pe lugár oñeñongatuha umi tesorokuéra Jehová rógape.+ 23 Umi amramita, izharita, hebronita ha umi uzielita+ apytégui, 24 Sebuel haʼéva Guersom raʼy ha Moisés familiare, haʼe vaʼekue pe héfe orekóva ikárgope umi depósito. 25 Umi iñermanokuéra apytépe Eliezer+ familiare, umíva hína Rehabías,+ Jesayá, Joram, Zicrí ha Selomot. 26 Selomot ha iñermanokuéra kárgope oĩ vaʼekue kompletoite pe tesorería oĩháme umi kósa sagráda,+ umíva osantifika vaʼekue rréi David,+ umi omoakãva ituakuéra ypykue familiare,+ umi héfe de 1.000 soldádo, umi héfe de 100 soldádo ha umi omoakãva pe ehérsito. 27 Umi mbaʼe ojegueru vaʼekue gerrahágui+ ha umi mbaʼe ojepeʼa vaʼekue umi enemigokuéragui,+ koʼãva apytégui osantifika vaʼekue hikuái oñemantene hag̃ua Jehová róga. 28 Avei kompletoite umi mbaʼe osantifika vaʼekue Samuel pe kuimbaʼe ohecháva visión,+ Saúl haʼéva Quis raʼy, Abner+ haʼéva Ner raʼy ha Joab+ haʼéva Zeruyá memby.+ Oimeraẽ mbaʼe oñesantifikáva opyta Selomit* ha iñermanokuéra kárgope.

29 Umi izharita+ apytégui, Kenanías ha itaʼyrakuérape oñemoĩ ombaʼapo hag̃ua ofisiál ha huésramo+ Israélpe, ha noñemeʼẽi chupekuéra hembiaporã Ñandejára róga ryepýpe.

30 Umi hebronita+ apytégui Hasabías ha iparientekuéra, en totál oĩ hikuái 1.700 kuimbaʼe ikatupyrýva, ikargopekuéra oĩ vaʼekue entéro mbaʼe ojejapóva Israélpe oéste gotyo pe Jordángui, kompletoite umi traváho ojejapóva Jehová ha pe rréipe g̃uarã. 31 Umi hebronita familiare apytépe, Jeriya+ omoakã vaʼekue chupekuéra. Ha 40 áño ogoverna haguépe rréi David,+ ojeheka umi hebronita apytépe umi kuimbaʼe ipoderóso ha ikatupyrýva, ha ojetopa oĩha umi kuimbaʼe peichagua pe lugár héravape Jazer+ oĩva Galaádpe. 32 Umi iñermanokuéra en totál oĩ 2.700 kuimbaʼe ikatupyrýva, umi omoakãva ituakuéra ypykue familiarépe. Upémarõ David omoĩ chupekuéra oñenkarga hag̃ua entéro mbaʼe oñekotevẽvare Ñandejára tee servísiope ha pe rréipe g̃uarã, ha omoĩ ipoguypekuéra umi rubenita, gadita ha Manasés trívu alamitare.

27 Koʼápe oñeanotapaite umi israelita grúpo oĩva pe rréi ehérsitope.+ Koʼã grúpope oĩ umi omoakãva ituakuéra ypykue familiarépe, umi héfe de 1.000 soldádo, umi héfe de 100 soldádo+ ha umi ofisiál oñenkargáva koʼã grúpore. Umi grúpo oñoturna vaʼekue káda mes, un áño pukukue, ha káda grúpope oĩ 24.000 kuimbaʼe.

2 Jasobeam+ haʼéva Zabdiel raʼy, omoakã vaʼekue pe primer grúpo oñenkargáva pe primer mes rehe, ha igrúpope oĩ vaʼekue 24.000 kuimbaʼe. 3 Jasobeam ningo Pérez familiare,+ haʼe omoakã vaʼekue entéro umi héfe omoakãvape umi grúpo oservítavape pe primer mes. 4 Dodái+ pe ahohíta+ omoakã vaʼekue pe grúpo oñenkargávape pe segundo mes rehe, ha igrúpope oĩ vaʼekue 24.000 kuimbaʼe. Ha upe grúpope Miclot haʼe vaʼekue pe héfe. 5 Benaya+ haʼéva pe saserdóte prinsipál* Jehoiadá+ raʼy, omoakã vaʼekue pe tercer grúpo oñenkargáva pe tercer mes rehe, ha igrúpope oĩ vaʼekue 24.000 kuimbaʼe. 6 Benaya haʼe vaʼekue peteĩ gerréro poderóso oĩva umi 30 gerréro ivaléva apytépe, ha haʼe omoakã voi umi 30-pe. Itaʼýra Amizabad oñenkarga vaʼekue igrúpore. 7 Asahel+ haʼéva Joab ermáno,+ omoakã vaʼekue pe cuarto grúpo oñenkargáva pe cuarto mes rehe, ha igrúpope oĩ vaʼekue 24.000 kuimbaʼe. Itaʼýra Zebadías opyta vaʼekue upe rire hekovia. 8 Samhut pe izrahíta omoakã vaʼekue pe grúpo oñenkargáva pe quinto mes rehe, ha igrúpope oĩ vaʼekue 24.000 kuimbaʼe. 9 Irá,+ haʼéva pe tecoíta+ Iqués raʼy, omoakã vaʼekue pe grúpo oñenkargáva pe sexto mes rehe, ha igrúpope oĩ vaʼekue 24.000 kuimbaʼe. 10 Hélez,+ pe pelonita, haʼéva peteĩ efraimita, omoakã vaʼekue pe grúpo oñenkargáva pe séptimo mes rehe, ha igrúpope oĩ vaʼekue 24.000 kuimbaʼe. 11 Umi zerahíta+ apytégui, Sibecái+ pe husatita omoakã vaʼekue pe grúpo oñenkargáva pe mes ochoháre, ha igrúpope oĩ vaʼekue 24.000 kuimbaʼe. 12 Umi benjaminita apytégui, Abí-Ézer+ pe anatotita+ omoakã vaʼekue pe grúpo oñenkargáva pe mes nueveháre, ha igrúpope oĩ vaʼekue 24.000 kuimbaʼe. 13 Umi zerahíta+ apytégui, Maharái+ pe netofatita omoakã vaʼekue pe grúpo oñenkargáva pe mes diezháre, ha igrúpope oĩ vaʼekue 24.000 kuimbaʼe. 14 Benaya+ pe piratonita, haʼéva Efraín familiare, omoakã vaʼekue pe grúpo oñenkargáva pe mes onceháre, ha igrúpope oĩ vaʼekue 24.000 kuimbaʼe. 15 Heldái pe netofatita, haʼéva Otniel familiare, omoakã vaʼekue pe grúpo oñenkargáva pe mes doceháre, ha igrúpope oĩ vaʼekue 24.000 kuimbaʼe.

16 Koʼãva hína umi omoakã vaʼekue umi trívu de Israel: umi rubenita apytégui Eliezer, haʼéva Zicrí raʼy omoakã vaʼekue chupekuéra, umi simeonita apytégui Sefatías, haʼéva Maacá raʼy, 17 Leví trívugui Hasabías, haʼéva Quemuel raʼy, Aarón familiarégui Sadoc, 18 Judá trívugui Elihú,+ haʼe hína peteĩva David ermáno, Isacar trívugui Omrí, haʼéva Miguel raʼy, 19 Zabulón trívugui Ismayá, haʼéva Abdías raʼy, Neftalí trívugui Jerimot, haʼéva Azriel raʼy, 20 Efraín trívugui Hosea, haʼéva Azazías raʼy, Manasés trívu alamitarégui Joel, haʼéva Pedaya raʼy, 21 Manasés trívu alamitarégui oĩva Galaádpe, Idó haʼéva Zacarías raʼy, Benjamín trívugui Jaasiel, haʼéva Abner+ raʼy, 22 Dan trívugui Azarel, haʼéva Jeroham raʼy. Koʼãva haʼe vaʼekue umi trívu de Israel prinsipekuéra.

23 David nokontái vaʼekue umi ndohupytýivape gueteri 20 áño, pórke Jehová opromete vaʼekue ombohetataha Israélpe umi estrélla yvagapegua hetaháicha.+ 24 Joab, haʼéva Zeruyá memby, oñepyrũ vaʼekue okonta umi israelítape, péro nokontapái chupekuéra, ha Ñandejára ipochy Israel rehe oñekonta haguére chupekuéra.+ Upévare noñeanotái mboýpa oĩ hikuái pe lívro ojeskrivihápe umi mbaʼe oiko vaʼekue rréi David tiémpope.

25 Azmávet, haʼéva Adiel raʼy, oñenkarga vaʼekue pe rréi tesoreríare.+ Jonatán, haʼéva Uzías raʼy, katu oñenkarga vaʼekue umi depósito* oĩvare umi ñúme, umi siudápe, umi puevloʼípe ha umi tórrepe. 26 Ezrí, haʼéva Kelub raʼy, oñenkarga vaʼekue umi ombaʼapóvare kokuépe. 27 Simeí pe ramatita oñenkarga vaʼekue umi parraltýre, ha Zabdí pe sifmita oñenkarga vaʼekue umi depósitore oĩháme víno ojejapo vaʼekue umi parrál ojekosecha vaʼekuégui, 28 Baal-Hanán pe guederita oñenkarga vaʼekue umi olivotýre ha umi ígo máta*+ oĩvare pe Sefelápe,+ ha Joás oñenkarga vaʼekue pe lugár oñeñongatuháre aséite. 29 Sitrái pe saronita oñenkarga vaʼekue umi vaka opasteávare Sarónpe,+ ha Safat, haʼéva Adlái raʼy, oñenkarga umi vakakuéra oĩvare pe ñúme. 30 Obil pe ismaelita oñenkarga vaʼekue umi kaméllo rehe, ha Jehdeyá pe meronotita oñenkarga vaʼekue umi vúrro* rehe. 31 Jaziz pe hagrita oñenkarga vaʼekue umi ovecha ha kavaráre. Enterove koʼãva oñenkarga vaʼekue entéro mbaʼe David oguerekóvare.

32 David sovríno Jonatán+ haʼe vaʼekue konsehéro ha sekretário, ha haʼe vaʼekue peteĩ kuimbaʼe ontendéva heta mbaʼe, ha Hacmoní raʼy Jehiel oñangareko vaʼekue pe rréi raʼykuérare.+ 33 Ahitofel+ haʼe vaʼekue pe rréi konsehéro, ha Husái+ pe arkita haʼe vaʼekue pe rréi amígo.* 34 Ahitofel rire, Jehoiadá haʼe vaʼekue avei konsehéro, haʼe hína Benaya+ raʼy, ha oĩ avei Abiatar,+ ha Joab+ katu omoakã vaʼekue pe rréi ehérsito.

28 Upéi David ombyaty Jerusalénpe enterove umi prínsipe de Israel: umi trivukuéra prínsipe, umi omoakãvape umi grúpo ombaʼapóva pe rréipe g̃uarã,+ umi héfe de 1.000 soldádo, umi héfe de 100 soldádo,+ umi oñenkargávape entéro mbaʼe orekóvare pe rréi, itaʼyrakuéra+ ha hymbakuérare,+ umi ofisiál palasiopeguápe ha enterove umi ipoderóso ha ikatupyrývape.+ 2 Ha rréi David oñemboʼy ha heʼi:

“Pecherendumína che ermanokuéra ha che puévlo: che ningo che pyʼaite guive amopuʼãse vaʼekue peteĩ óga opytaite hag̃ua Jehová Árka del Pákto ha Ñandejára pyrendag̃ua,+ ha apreparapaitéma umi mbaʼe oñekotevẽva oñemopuʼã hag̃ua.+ 3 Péro Ñandejára tee heʼi chéve: ‘Nde hetaitereípema rejuka,* ha reñorairõ hetaiterei gérra. Nde neremopuʼãmoʼãi peteĩ óga oñemombaʼeguasu hag̃ua che réra,+ pórke hetaitereípema rejuka’.*+ 4 Péro Israel Jára Jehová cheporavo che túa rogaygua apytégui oiko hag̃ua chehegui rréi Israélpe pára siémpre,+ pórke haʼe oiporavo Judápe oporomoakã hag̃ua,+ ha Judá trívugui oiporavo che túa róga,+ ha che túa raʼykuéra apytégui cheporavo chéve chemoĩ hag̃ua rréiramo Israel tuichakuére.+ 5 Jehová chevendesi omeʼẽvo chéve heta che raʼyrã,+ ha umi che raʼykuéra apytégui oiporavo Salomónpe+ oguapy hag̃ua Jehová trónope ha ogoverna hag̃ua Israel.+

6 Haʼe heʼi chéve: ‘Nde raʼy Salomón omopuʼãta chéve che rogarã ha ojapóta che korapyrã, pórke che aiporavo chupe che raʼyrã ha che haʼéta itúa.+ 7 Haʼe odesidíramo okumpli umi che mandamiénto ha umi che léi,+ ojapoháicha hína koʼág̃a, che amombaretéta igoviérno ha opytáta pára siémpre’.+ 8 Upévare, kompletoite Israel renondépe, haʼéva hína Jehová kongregasión, ha Ñandejára renondépe haʼe peẽme: peñatende porãke, ha peñehaʼã pentende ha pekumpli kompletoite pende Jára Jehová mandamientokuéra, upéicharõ pesegíta peiko ko yvy porãme,+ ha pehejáta erénsiaramo pende raʼykuérape.

9 Ha nde che raʼy Salomón, eñehaʼãke eikuaa porã nde túa Járape, ha eservi chupe nde pyʼaite guive*+ ha kyreʼỹme,* pórke Jehová ohesaʼỹijo enterove korasõ+ ha ohechakuaa entéro mbaʼe ñapensáva+ ha jajaposéva. Nde rehekáramo chupe, haʼe ojejuhukáta ndéve,+ péro rehejáramo chupe, haʼe nderrechasáta pára siémpre.+ 10 Eñatende porãke, pórke Jehová ndéve ndeporavo remopuʼã hag̃ua peteĩ lugár sagrádo. Ndepyʼaguasúkena ha emoñepyrũ pe traváho”.

11 Upéi David omeʼẽ itaʼýrape pe pláno+ oĩháme mbaʼéichapa ojejapo vaʼerã pe entráda itechopáva*+ ha umi ikotykuéra, umi koty ojepurútava depositorã, umi koty oĩtava pe terrásape, umi koty hyepypegua, ha pe koty* Ñandejára operdonahápe umi pekádo.+ 12 Haʼe omeʼẽ chupe pe pláno ojejapo hag̃ua opa mbaʼe ojehechauka vaʼekue chupe Ñandejára espíritu rupive. Umívape ojehechauka chupe mbaʼéichapa ojejapo vaʼerã Jehová róga korapy,+ umi komedór oĩtava ijerére, Ñandejára róga tesorería ha avei pe tesorería oñemoĩháme umi mbaʼe oñesantifika vaʼekue.*+ 13 Avei mbaʼéichapa ojedividi vaʼerã por grúpo umi saserdóte+ ha levitakuérape ojejapo hag̃ua entéro mbaʼe Jehová rógape, ha umi tembiporu ojepurútava oñembaʼapo hag̃ua Jehová rógape. 14 Avei mboýpa opesa vaʼerã pe óro ojepurútava umi tembiporu rehe ojejapo hag̃ua umi diferénte traváho, ha mboýpa opesa vaʼerã pe pláta ojepurútava umi tembiporu rehe ojejapo hag̃ua umi diferénte traváho. 15 Ha avei mboýpa opesáta pe óro ojepurútava ojejapo hag̃ua káda kandelávro+ ha lamparaʼi de óro, ha mboýpa opesáta pe pláta ojepurútava ojejapo hag̃ua káda kandelávro ha lamparaʼi de pláta, asegún moõpa ojepurúta. 16 Avei mboýpa opesáta pe óro ojepurútava ojejapo hag̃ua umi mesa oĩtahápe umi pan oñemoĩva ojoʼári,*+ káda mesápe g̃uarã, ha péicha avei pe pláta ojepurútava ojejapo hag̃ua umi mesa de pláta. 17 Avei mboýpa opesáta umi tenedór, umi tasón ha umi kambuchi de óro púro, ha mboýpa opesáta káda uno umi tasón michĩva de óro,+ ha káda uno umi tasón michĩva de pláta. 18 Heʼi avei chupe mboýpa opesáta pe óro iporãva ojejapo hag̃ua pe altár ojehapyhápe insiénso,+ ha oñerrepresenta hag̃ua Ñandejára kárro,+ upéva hína umi keruvín*+ de óro oipysóva ipepo ha omoʼãva Jehová Árka del Pákto. 19 Ha David heʼi: “Jehová chegia adivuha hag̃ua pe pláno+ ha chemoarandu antende porã hag̃ua mbaʼéichapa ojejapo vaʼerã pe konstruksión ha entéro mbaʼe oĩva pe plánope”.+

20 Upéi David heʼi itaʼýra Salomónpe: “Ndepyʼaguasu ha nembaretékena, ha tereho emoñepyrũ pe traváho. Ani rekyhyje ni ndepyʼaju, pórke Ñandejára Jehová, che Jára, oĩ nendive.+ Haʼe nanderejamoʼãi neaño,+ síno oĩta nendive ojejapopa peve pe traváho Jehová rógape. 21 Ha koʼápe oĩ umi saserdóte+ ha levitakuéra+ ojedividíva por grúpo ojapo hag̃ua entéro umi traváho Ñandejára tee rógape. Oĩ nendive umi travahadór ikyreʼỹ ha ivaléva ojapo hag̃ua opaichagua tembiapo,+ péicha avei oĩ umi prínsipe+ ha kompletoite pe puévlo ojapótava entéro mbaʼe eréva chupekuéra”.

29 Upéi rréi David heʼi kompletoite pe kongregasiónpe: “Ñandejára oiporavo che raʼy Salomónpe,+ ha haʼe imitã ha ndoikuaái gueteri heta mbaʼe,*+ ha pe traváho ojejapo vaʼerã tuichaiterei, pórke ndahaʼéi peteĩ témplo* yvypórape g̃uarã síno Ñandejára Jehovápe g̃uarã.+ 2 Che ningo añehaʼãmbaite kuri aprepara umi mbaʼe ojepurútava ojejapo hag̃ua che Jára róga, pe óro, pláta, kóvre, iérro+ ha umi yvyra.+ Avei umi ita ónise, umi ita ojekolokátava mésklape, umi itaʼi de diferénte kolór adornorã, opaichagua ita vera iporãva ha hetaiterei ita alavástro. 3 Avei ahayhu ha amombaʼe rupi che Jára róga,+ ameʼẽ pe óro ha pláta chembaʼéva voi+ che Jára rógape g̃uarã, ha oĩ avei umi mbaʼe apreparáma vaʼekue pe óga sagrádope g̃uarã. 4 Umíva apytépe oĩ 102.600 kílo* óro Ofírpe+ guare, ha 239.400 kílo* pláta iporãva ojerrevesti hag̃ua pe óga pare. 5 Ameʼẽ avei umi óro ha pláta ojepurútava ojejapo hag̃ua opa mbaʼe, entéro umi mbaʼe ojapótava umi artesáno. ¿Ha mávapa omeʼẽse avei koestedía Jehovápe peteĩ rregálo?”.+

6 Upémarõ umi prínsipe omoakãva ituakuéra ypykue familiarépe, umi trívu de Israel prinsipekuéra, umi héfe omoakãva 1.000 soldádope, umi héfe omoakãva 100 soldádope+ ha umi héfe oñenkargáva pe rréi negosiokuérare,+ oñepresenta ijeheguieténte, 7 ha omeʼẽ hikuái Ñandejára tee rógape g̃uarã: 171.000 kílo óro,* 10.000 monéda de óro,* 342.000 kílo* pláta, 615.600 kílo* kóvre ha 3.420.000 kílo* iérro. 8 Oimeraẽ oguerekóva umi ita vera iporãva omeʼẽ Jehová róga tesoreríape g̃uarã, ha opyta Jehiel+ pe guersonita+ kárgope. 9 Pe puévlo ovyʼa ojapo haguére ipyʼaite guive+ koʼã ofrénda voluntária Jehovápe, ha rréi David ovyʼaiterei avei.

10 Upéi David omombaʼeguasu Jehovápe kompletoite pe kongregasión renondépe. Ha David heʼi: “Toñemombaʼeguasu koʼág̃a ha opa árare* Israel Jára, ñande ru Jehovápe. 11 Jehová, nde ningo ndetuicha+ ha ndepoderóso,+ opa mbaʼe iporãva nembaʼe hína. Nde ningo remimbipa ha nandejojahái,+ pórke entéro mbaʼe oĩva yvágape ha ko yvy ape ári nembaʼepaite hína.+ Nembaʼe hína Jehová pe goviérno,+ ha nde hína upe Omoakãva opa mbaʼe. 12 Umi rrikésa ha ñemombaʼeguasu ou ndehegui,+ ha nde regoverna hína entéro mbaʼe,+ ndepoderosoiterei,+ nandejojahái+ ha nde ikatu rembotuicha+ ha remombarete enterovépe.+ 13 Ha koʼág̃a ore Jára, roagradese ha romombaʼeguasu nde réra porãite.

14 ¿Máva piko che ha máva piko che puévlo rojapo hag̃ua ndéve ko ofrénda voluntária? Pórke ndehegui voíngo ou entéro mbaʼe, ha ore ningo romeʼẽ jeýnte ndéve umi mbaʼe osẽ vaʼekue nde pógui. 15 Pórke ore extranhéronte ne renondépe ha roikónte peteĩ tiémpore umi ore tuakuéra ypykuéicha.+ Ore rekove ningo ko yvy ape ári haʼeténte kuarahyʼã+ ha ndoroguerekói esperánsa. 16 Ore Jára Jehová, kompletoite koʼã rrikésa roprepara vaʼekue romopuʼã hag̃ua peteĩ óga nde réra sagrádope g̃uarã, nde pógui voi osẽ ha nembaʼénte voi entéro koʼã mbaʼe. 17 Che aikuaa porã che Jára, nde rehesaʼỹijoha yvypóra korasõ+ ha nembovyʼaha iñeʼẽrendu ha ifiélramo* ndéve.+ Che korasõite guive ajapo ndéve koʼã ofrénda voluntária, ha avyʼaiterei ahechávo ko nde puévlo oĩva koʼápe omeʼẽha ndéve iñofrénda voluntária. 18 Jehová, umi ore túa ypykue Abrahán, Isaac ha Israel Jára, eipytyvõmína ko puévlope osegi hag̃ua siémpre péicha ojapose nde reipotáva ha ndeservi hag̃ua ipyʼaite guive.+ 19 Eipytyvõmína che raʼy Salomónpe ndeservi hag̃ua ipyʼaite guive,+ ikatu hag̃uáicha okumpli umi ne mandamiénto,+ nde leikuéra ha umi mbaʼe tekotevẽva imanduʼa. Eipytyvõmína chupe ojapo hag̃ua entéro umi mbaʼe ha omopuʼã hag̃ua pe témplo oipurúvo umi mbaʼe che aprepara vaʼekue”.+

20 Upéi David heʼi kompletoite pe kongregasiónpe: “Pemombaʼeguasu koʼág̃a pende Jára Jehovápe”. Ha kompletoite pe kongregasión omombaʼeguasu Jehovápe, umi ituakuéra ypykue Járape, ha oñesũ ha oñakãityete hikuái Jehová ha pe rréi renondépe. 21 Ha osegi oofrese hikuái sakrifísio Jehovápe, ha ojapo ofrénda ojehapýva+ Jehovápe al día sigiénte peve. Oofrese hikuái 1.000 tóro raʼyrusu, 1.000 ovecha mácho, 1.000 ovecha raʼyrusu mácho ha umi iñofrénda líkida.+ Haʼekuéra oofrese hetaiterei sakrifísio kompletoite Israel rehehápe.+ 22 Upe díape haʼekuéra vyʼapópe osegi okaru ha hoʼu víno Jehová renondépe,+ ha 2 veseha omoĩ hikuái David raʼy Salomónpe rréiramo, ha onombra* chupe Jehová renondépe, omoĩ chupe hikuái oporomoakã hag̃ua,+ ha onombra avei Sadócpe saserdóteramo.+ 23 Ha Salomón oguapy Jehová trónope+ rréiramo itúa David rekovia, ha osẽ porã chupe opa mbaʼe, ha enterovete umi israelita iñeʼẽrendu chupe. 24 Entéro umi prínsipe,+ umi gerréro poderóso,+ ha avei enterove David raʼykuéra+ oñemoĩ pe rréi Salomón poguýpe. 25 Ha Jehová ombotuichaiterei rasapa Salomónpe enterove israelita renondépe, ha omeʼẽ chupe tuichaiterei podér ogoverna hag̃ua, anteve orekoʼỹ haguéicha ótro rréi Israélpe.+

26 Péicha Jesé raʼy David ogoverna Israel kompletoite, 27 ha ogoverna vaʼekue Israel 40 áñore. Hebrón guive ogoverna 7 áñore+ ha Jerusalén guive ogoverna 33 áñore.+ 28 Ha omano oikove rire heta áño*+ ha ovyʼa oikove puku haguére, irríko ha oñemombaʼeguasu haguére chupe, ha itaʼýra Salomón opyta rréiramo hekovia.+ 29 Rréi David istória kompletoite, oñepyrũ guive opa peve, oĩmbaite umi mbaʼe oskrivi vaʼekue apytépe Samuel, pe kuimbaʼe ohecháva visión,* proféta Natán+ ha Gad,+ pe kuimbaʼe ohecháva visión. 30 Umívape oñemombeʼu umi mbaʼe oiko vaʼekue igoviérnope, mbaʼeichaitépa ipoderóso, umi mbaʼe oiko vaʼekue hese ha Israel rehe, ha entéro umi goviérno oĩvare ijerére.