HABACUC
1 Che, proféta Habacuc,* arresivi vaʼekue peteĩ mensáhe iñimportánteva peteĩ visión rupive. Che haʼe kuri:
2 Jehová, che ningo asapukái ha ajerure ndéve chepytyvõ hag̃ua, ¿arakaʼe peve piko asegi vaʼerã péicha nde cherendu hag̃ua?+
Che asegi ajerure asy ndéve chesalva hag̃ua umi ivioléntovagui, ¿arakaʼe piko chesalváta chuguikuéra?+
3 ¿Mbaʼére piko repermiti ahecha umi mbaʼe vai ojejapóva?
¿Mbaʼére piko reheja umi hénte ombosufri hapichápe?
¿Mbaʼére piko oĩ che renondépe oporohundíva ha oiko heta mbaʼe vai?
¿Mbaʼére piko opárupi oĩ oñorairõva ha oiko vaíva?
4 Pe léi oĩ reíntema,
ha núnka ndojejapói hustísia,
pe iñañáva oreko ipoguýpe pe ihústovape,
upévare ndojehusgaporãvéi.+
5 “Pemaña umi tetãre ha peñatende porã.
Pemaña hesekuéra ha peñesorprendéta ha pendejurujáita,
pórke pene tiémpope oikóta peteĩ mbaʼe ndaikatumoʼãiva peguerovia,
oñemombeʼúramo jepe peẽme ndapekreemoʼãi.+
6 Pórke che amopuʼãta umi caldéope pene kóntrape,+
haʼekuéra peteĩ tetã iñañaitereíva ha noponderáiva avavére.
Umi caldeo okrusa ohóvo umi território oĩva mombyrymbyry ko yvy tuichakuére,
ha péicha ojagarra umi yvy ahéno imbaʼerã.+
7 Pe tetãgui ojekyhyjepa, umi hénte okyhyjeterei chugui.
Haʼekuéra odesidi mbaʼépa iporã, ha chupekuéra g̃uarã ndaipóri omandavéva chuguikuéra.+
8 Umi ikavajukuéra iñakuãve umi leopárdogui,*
ha ipeligrosove umi lóvo osẽvagui opeska pyharekue.+
Umi kavaju oipurúva hikuái gerrahápe ogalopea ohóvo,
ha mombyrýgui ou.
Haʼekuéra pyaʼe ou, haʼete umi ágila ohecháva umi animál raʼy ha ojepoíva hiʼári.+
9 Haʼekuéra iviolentoiterei, ou hikuái ijehérsito kompletoite reheve ojapo hag̃ua ivaíva.+
Umi caldeo oñondivepa okrusa ohóvo umi território ha yvykuʼícha ombyaty oúvo heta prisionéro,
haʼete pe yvytu oúva ésteguio.+
10 Haʼekuéra oñembohory umi rréi rehe
ha opuka umi governánte iñimportántevare,+
haʼekuéra opuka entéro umi lugár isegúro porãva rehe.+
Ojapo hikuái peteĩ rrámpa yvýgui ikatu hag̃uáicha oike pe siudápe ha ojagarra.
11 Upéi, pe yvytúicha osegi oho hikuái umi lugár rehe.
Haʼekuéra hetaiterei mbaʼe vai ojapo, upévare omerese ojekastiga chupekuéra.+
Haʼekuéra heʼi idiós rupive ipoderosoha”.+
Jehová, nde redesidi rejevale hesekuéra rejapo hag̃ua hustísia.
Nde hína pe Ita Guasu,+ ha reiporavo chupekuéra orekastiga hag̃ua.+
13 Ñandejára, nde ningo nepotĩeterei ha ni peteĩ defékto ndereguerekói, upévare ndaikatúi voi ni rehecha la ivaíva.+
Ndéve nandegustaiete voi umi mbaʼe vai ojejapóva,
¿mbaʼére piko upéicharõ nderejapói mbaʼeve umi oporotraisionáva rehe?+
¿Mbaʼére piko rekirirĩ pe iñañáva oreko jave ipoguýpe peteĩ persóna ihustovévape chugui?+
14 ¿Mbaʼére piko reheja umi héntepe ojejagarra ojejagarraháicha umi pira oĩva márpe?
Ojogua hikuái umi animál oĩvape ýpe ha ndorekóiva peteĩ líder odefende hag̃ua chupekuéra.
15 Pe enemígo haʼete oúva ojagarra chupekuéra pindápe,
oity chupekuéra umi rred guasúpe,
ha ombyaty chupekuéra umi ótro rrédpe.
Péicha pe enemígo ovyʼa la ojapóvare.+
16 Koʼã rred rupive oreko
tembiʼu porã ha hetereíva,*
upévare haʼe ojapo sakrifísio irrédpe g̃uarã,
ojapo ofrénda pe rred oipurúvape opeska hag̃ua.
17 Ñandejára, ¿osegíta piko upéicharõ pe enemígo oipuru pe rred?
¿Osegíta piko ipyʼahatã ha ojuka umi tetãme?+
2 Che aĩta umi guárdia oĩháme, asegíta añatende upe guive.+
Che añemboʼýta upe rrámpape, ha upe guive asegíta añatende porã.
Ahaʼarõ meméta* aikuaa hag̃ua mbaʼépa haʼe* oipota che aikuaauka,
apensáta mbaʼéichapa arreaksionáta haʼe chekorrehi vove.
2 Upémarõ Jehová heʼi chéve:
“Eskrivi ko visión amombeʼútava ndéve, reskrivi porã vaʼerã umi ita ipévare,*+
upéicha ndahasymoʼãi* olee hag̃ua upe oleétavape en vos álta.+
3 Pe visión oñekumplíta ág̃a pe tiémpo ojedesidi vaʼekuépe oikotaha,
ha pyaʼe og̃uahẽta pe tiémpo oñekumpli* hag̃ua,
katuete oikóta upéva.
Ha haʼetéramo jepe otardáva,* esegínte ehaʼarõ*+ pórke katuete oñekumplíta.
Ni mbaʼevéicharõ ndotardamoʼãi.
4 Emañamína upe oñemombaʼeguasúvare,
haʼe ningo ndojapói iporãva.
Pe ihústova katu oikovéta iñeʼẽrendu* rupi.+
5 Pe víno ningo ikatu ojapoka peteĩ persónape vyrorei,
upévare upe kuimbaʼe oñemombaʼeguasúva oplaneáva nosẽporãmoʼãi chupe.
Haʼe itaryrýi, ojogua pe Sepultúra* núnka nahenyhẽivape,
ha ojogua pe ñemano núnka nahyg̃uatãivape.
Haʼe osegi ojagarra entéro umi tetã
ha osegínte ombyaty imbaʼerã entéro umi puévlo.+
6 Péro entéro koʼãva odesafiáta chupe, oñembohorýta hese ha ojapóta ñeʼẽnga oapoʼíva chupe.+
Haʼekuéra heʼíta:
‘Cháke ohasa asýta pe ombyatýva heta mbaʼe ahéno,
haʼe omboheta hetavénte voi la ikuénta.
¡Arakaʼe peve piko osegíta ko situasión!
7 Degolpete opuʼãta ne kóntrape umi tetã redevévape.
Opáyta hikuái ha nembokacha vaipáta,
upéi haʼekuéra ndesakeáta.+
8 Nde ningo resakea vaʼekue heta tetãme,
upévare entéro umi ótro puévlo ndesakeáta avei.+
9 Cháke ohasa asýta upe okonsegíva heta mbaʼe ifamíliape* g̃uarã ombotavývo hapichápe,
pe persóna haʼete ojaitypóva yvate
ani hag̃ua ohupyty chupe umi mbaʼe vai oikóva.
10 Péro umi mbaʼe vai replaneáva omotĩ nde rogayguápe,
nde ningo rehundi heta tetãme ha péicha repeka ne kóntrape.*+
11 Pe parégui peteĩ ita osapukáita ne kóntrape,
ha pe téchogui peteĩ víga ombohováita chupe.
12 Cháke oho vaíta pe oñohẽvape tuguy omopuʼã hag̃ua peteĩ siuda,
ha upe omombaretéva peteĩ puévlope ojapóvo inhustísia.
13 Umi hénte ombaʼapo pohýi, péro hembiapokuéra okáita tatápe,
Jehová, umi ehérsito yvagapegua ruvicha la ojapóva upéva, upévare umi tetã reiete ombaʼapo pohýi ha ikaneʼõ.+
14 Opárupi ojekuaáta Jehová podér tuichaha,
upe ojekuaáva omyenyhẽta ko yvy, pe y omyenyhẽháicha pe mar.+
15 Cháke oho vaíta upe ipochyeterei ha orrenega vaipávape,
haʼe hoʼuka vevída iñamigokuérape omongaʼu hag̃ua chupekuéra,
péicha ojapo ohecha hag̃ua chupekuéra opío.
16 Péro koʼág̃a nde reñemotĩta ha avave ndoikomoʼãvéima nemombaʼe.
Nde avei rekaʼúta ha ojekuaáta nde haʼeha peteĩ noñesirkunsidáiva.*
Pe kópa Jehová orekóva ipo deréchape ndevehaitéma hoʼukáta,+
ha umi mbaʼe yma nembotuicha vaʼekue, koʼág̃a nemotĩta.
17 Pe mbaʼe vai rejapo vaʼekue pe Líbanore, oúta nde ári,
remongyhyje ha rehundi haguéicha umi animálpe,
péicha avei oikóta nderehe.
Pórke nde rejuka vaʼekue hetápe,
rehundi umi héntepe, umi yvy ha umi siuda.+
18 Umi hénte ojapo taʼanga de madéra, de metál ha itágui ha ojerovia hesekuéra,
ha oimoʼã umíva ogiataha chupekuéra,
péro tuicha ojavy hikuái,
pórke umíva ndaikatúi oñeʼẽ,
¿mbaʼépe piko upéicharõ ideprovéchota chupekuéra umi taʼanga?+
19 Cháke oho vaíta upe persóna heʼívape peteĩ madéra pedásope: “¡Epuʼãna!”,
térã heʼíva peteĩ ita ndaikatúivape oñeʼẽ: “¡Epuʼãna oremboʼe!”.
20 Jehová katu oĩ itémplo sagrádope.+
¡Ko yvy kompletoite toĩ kirirĩháme henondépe!’”.+
3 Ko ñemboʼe ojogua umi músika jaheʼópe. Kóva hína peteĩ ñemboʼe ojapóva proféta Habacuc:
2 “Jehová, che ahendúma nde rejapo hague heta mbaʼe.
Jehová, che ningo chejurujái aikuaávo umi mbaʼe nde rejapóva.
Ejapo jeýna umi mbaʼe koʼág̃a ore tiémpope.*
Koʼág̃a ore tiémpope* eikuaauka umi héntepe umi mbaʼe rejapóva.
Ág̃a oiko vove pe sarambi guasu, anína nderesarái oreporiahuvereko hag̃ua.+
Ipodér tuichaitéva omyenyhẽ pe yvága,+
ha ko yvy henyhẽ umi mbaʼe ombotuichávagui chupe.
4 Ñandejára omimbipa haʼete pe kuarahy ojajáiva,+
ipópe oñongatu ipodér tuichaitéva,
ha upégui osẽ mokõi rrájo overa hendýva.
5 Henonderã iñasãi ohóvo peteĩ mbaʼasy,+
ha pe akãnundu oho hapykuéri.
Omonguʼi umi montáña oĩ vaʼekue siémpre,
ha umi sérro ymaite guive oĩva ojayvy henondépe.+
Péicha haʼe ojapóva ymaite guivéma.
7 Ahecha heta provléma umi óga kárpape oĩva Cusánpe.
Umi óga kárpa oĩva Madiánpe oryryipa.+
8 Jehová, ¿nde piko ndepochy umi rríore?
¿Nde piko rerrenega umi y rehe?
¿Térã piko pe mar rehe la ndepochy?+
9 Nde rejagarra nde árko ha reĩma preparádo repoi hag̃ua umi flécha.
Umi árma* oĩma ojapo hag̃uáicha itraváho ojehura haguéicha. (Sélah)
Nde reipuru umi rrío reavri hag̃ua pe yvy.
10 Umi montáña ohasa asy ha ojepokapa nderechávo,+
tuichaiterei oky ha oguerahapa la oĩva guive haperãme.
Pe mar ipypukuetéva hatã okororõ,+
ha umi oláda yvate opuʼã.
11 Pe kuarahy ha pe jasy nosẽi, opytánte kañyháme pe yvágape.+
Umi nde flécha repoíva omimbipa ohóvo,+
umi ne lánsa overapa haʼete aravera.
12 Ñandejára, nde ndepochy ha rekrusa rehóvo ko yvy,
repyrũmba* umi tetãre pórke ndepochy.
13 Nde resẽ resalva hag̃ua nde puévlope, resalva hag̃ua nde elehídope.*
Nde rembochipe upe omoakãvape iñañáva róga,*
ha ojeitypaite hóga, oñehundi isimiénto guive itécho peve. (Sélah)
14 Umi gerréro ovyʼa voi ikatu haguére ohundi umi hénte ohasa asývape, haʼekuéra opeska ha oataka chupekuéra.
Péro umi soldádo osẽrõ guare peteĩ torméntaicha orembodipara hag̃ua,
nde rejagarra umi ilánsa* ha removandea iñakãrekuéra.
15 Nde rehasa pe mar rehe nde kavaju ári,
repyrũmba umi oláda tuichaichávare.
16 Ahendúvo la oikótava añepyrũ aryryipa,
ahendúvo pe mensáhe che rembe osysyipa.
Umi che kanguekuéra ikangypaite,+
che retyma oñembotapa ojuehe.
Péro ahaʼarõ kirirĩháme ou pe sarambi guasu,+
upéva ou hína pe puévlo oreatakáva kóntrape.
17 Pe ígo máta ndaipotýiramo,
ha umi parralty ndahiʼáiramo jepe,
umi olivoty oñehundipáramo,
ha mbaʼeve nosẽiramo umi kokuére,
ha umi ovecha odesapareséramo ikorágui
ha opytáramo nandi vera umi vaka oñemoingeha,
18 upéicharamo jepe, che asegíta avyʼa chemanduʼávo Jehová rehe,
chepyʼarorýta apensávo Ñandejárare, haʼe hína che Salvadór.+
19 Ñandejára Jehová ogovernáva opa mbaʼe, omeʼẽ chéve fuérsa.+
Haʼe chepytyvõ adipara hag̃ua umi guasúicha,
ha haʼe rupive aguatáta umi lugár ijyvate porãvare”.+
Pe odirihíva musikokuérape g̃uarã. Oñembopu vaʼerã umi che instruménto de kuérda reheve.
Amalisia heʼise: “Ñeañuã”.
Peteĩ animál ojoguáva jaguaretépe.
Hebréope: “ijaséite porãva”.
Hebréope: “Asegíta añatende”.
Amalisia koʼápe oñeñeʼẽ Ñandejárare.
Térã: “távlare”.
Térã: “syryrýpe”.
Hebréope: “opa”.
Hebréope: “otardáramo jepe”.
Térã: “ehechauka reipotaitereimaha og̃uahẽ”.
Ikatu avei: “ojerovia”.
Térã: “Seol”. Ehecha Dik.
Térã: “hetãme”.
Térã: “ne álma kóntrape”.
Térã: “noñekytĩriva chugui hiʼórgano sexuál pire”. Ehecha Dik.
Hebréope: “umi áño mbytérupi”.
Hebréope: “Umi áño mbytérupi”.
Ehecha Dik.
Hebréope: “regana”.
Ikatu avei: “flécha”.
Hebréope: “retrilla”.
Térã: “ne unhídope”. Ehecha Dik.
Térã: “iñañáva róga líderpe”.
Hebréope: “ivára”.