SEGUNDA KÁRTA A LOS TESALONICENSES

1 Che Pablo, Silvano,* ha Timoteo,+ romondo ko kárta pe kongregasión oĩvape Tesalónicape, haʼéva Ñandejára pe Túa mbaʼe ha ñande Ruvicha Jesucristo mbaʼe:

2 Aipotaite Ñandejára, haʼéva pe Túa, ha ñande Ruvicha Jesucristo mbaʼeporã* ha ipyʼaguapy toĩ penendive.

3 Ermanokuéra, ore ningo roreko pe rresponsavilida roagradesévo Ñandejárape penderehe. Iporã rojapo upéva pórke pende jerovia imbareteterei ohóvo ha pejoayhuetereive.+ 4 Upévare ore oreorgullóso pendereheve+ Ñandejára kongregasionkuéra apytépe, pórke peẽ peaguanta ha pehechauka pejeroviaha pejepersegi ha pehasáramo* jepe heta mbaʼe ijetuʼúva.*+ 5 Upéva ohechauka Ñandejára oporohusgaha hustísiape ha upéicha rupi haʼe heʼíta peẽ pemereseha perresivi Ñandejára Rréino, ha añetehápe upévare voi peẽ pehasa asy hína.+

6 Ñandejára ihústo rupi okastigáta umi penembohasa asývape.+ 7 Ág̃a ñande Ruvicha Jesús ojechauka+ vove yvága guive tatarendýpe hiʼanhelkuéra ipoderósovandi,+ haʼe penemombytuʼúta peẽ pehasa asývape koʼág̃a ha oréve avei. 8 Upe tiémpope haʼe okastigáta umi ndoikuaáivape Ñandejárape ha umi naiñeʼẽrendúivape umi notísia porãme, oñeʼẽva ñande Ruvicha Jesús rehe.+ 9 Ñande Ruvicha ohusgáta koʼãvape ha okastigáta chupekuéra ohundívo pára siémpre.+ Upéicharõ haʼe nomañamoʼãvéima hesekuéra ha ndoipurumoʼãvéima ipodér tuichaitéva oipytyvõ hag̃ua chupekuéra. 10 Ñande Ruvicha ou vove oñembotuicha hag̃ua iñermanokuéra ojeporavo vaʼekuéndi,* entéro umi ojeroviáva hese ohecharamóta chupe. Ha peẽ peguerovia rupi umi mbaʼe roʼe vaʼekue peẽme, peiméta avei ijapytepekuéra.

11 Upévare ore siémpre roñemboʼe penderehe ha rojerure Ñandejárape heʼi hag̃ua penderehe pemereseha haʼe penerenói,+ ha péicha haʼe tokumpli entéro mbaʼe porã haʼe ojaposéva ipodér rupive ha tapenepytyvõ osẽ porã hag̃ua peẽme entéro mbaʼe porã pejapóva pejerovia rupi. 12 Péicha ñande Ruvicha Jesús réra oñembotuicháta peẽ rupive ha peẽ avei peñembotuicháta haʼe rupive. Péva oikóta ojehechauka hag̃ua Ñandejára ha ñande Ruvicha Jesucristo imbaʼeporãitereiha.

2 Ermanokuéra, ñande Ruvicha Jesucristo oĩ* vove+ ha ñande ñañembyaty vove hendive,+ upe mbaʼére rojerure peẽme 2 ani hag̃ua peheja avave okambia pendehegui pepensa lája upe oĩ porãvagui, ni pejepyʼapyeterei oĩramo heʼíva peẽme Jehová* ára+ oĩmaha koʼápe. Ani pejepyʼapy heʼíramo jepe hikuái pe mensáhe ouha Ñandejáragui,+ térã haʼekuéra oleéramo upéva peteĩ kártape ha heʼi hikuái ore roskrivi hague.

3 Aníke avave penembotavy, pórke og̃uahẽ mboyve upe ára, ou raẽ vaʼerã umi opuʼãva Ñandejárare,*+ ha ojehecha porãta pe kuimbaʼe añáme.+ Haʼe hína pe kuimbaʼe oñehundítava.+ 4 Haʼe hína peteĩ enemígo ha oñembotuichavéta entéro oñehenóivagui “ñandejára”, ha entéro mbaʼe yvypóra oadorávagui. Upévare haʼe oguapýta Ñandejára témplope, ha ojapóta upéva enterove renondépe haʼeramoguáicha peteĩ dios. 5 ¿Napenemanduʼái piko che haʼéma hague voi peẽme koʼã mbaʼe aimérõ guare penendive?

6 Koʼág̃a peẽ peikuaáma mávapa ojoko hína pe kuimbaʼe añáme, ani hag̃ua ojehecha porã chupe og̃uahẽ mboyve itiémpo. 7 Umi mbaʼe vai ojapóva ko kuimbaʼe oĩ hína ñemiháme ha ombaʼapóma hína,+ péro ko mbaʼe vai opytáta gueteri ñemiháme ndaiporivéi peve upe ojokóva chupe. 8 Upépe ojehecha porãta pe kuimbaʼe añáme,* ha ñande Ruvicha Jesús ohundíta chupe umi ñeʼẽ ipoderósovape osẽva ijurúgui,*+ ha ág̃a ojehechauka vove ñande Ruvicha oĩmaha* opytáta ndovalevéi mbaʼeverã+ pe kuimbaʼe aña. 9 Péro pe kuimbaʼe aña oĩ haʼégui Satanás rembiapokue,+ ha Satanás omeʼẽ chupe podér ojapo hag̃ua milágro, señál japu, umi mbaʼe ijojahaʼỹva,+ 10 ha entéro mbaʼe iñinhústova oporombotavy+ hag̃ua. Koʼã mbaʼe ombotavy umi hénte oñehundítavape ha péicha ojekastiga hag̃ua, pórke nomombaʼéi ipyʼaite guive pe añetegua oñemboʼéva ha ikatúva osalva chupekuéra. 11 Upévare Ñandejára oheja ombotavy chupekuéra umi enseñánsa japu, ikatu hag̃uáicha oguerovia hikuái umi japu.+ 12 Péicha enterovépe ojehusgáta pórke oguerovia rangue pe añetegua, oguerohory hikuái umi inhustísia.

13 Péro penderehe ermanokuéra, ore siémpre roagradese katuete Jehovápe,* Ñandejára penderayhuetévape. Pórke Ñandejára pendeporavo vaʼekue peẽme iñepyrũme+ pejesalva hag̃ua. Haʼe ojapo upéva penesantifikávo+ ijespíritu rupive, peẽ pejerovia rupi pe añeteguáre. 14 Haʼe pendeporavo* pejesalva hag̃ua umi notísia porã ore roikuaaukáva rupive, ikatu hag̃uáicha peẽ avei peñembotuicha ñande Ruvicha Jesucrístoicha.+ 15 Upéicharõ ermanokuéra, pejepytaso mbaretékena+ ha peñakarama hatã umi mbaʼe peaprende vaʼekuére,+ tahaʼe ojeʼéramo peẽme peteĩ mensáhe rupive térã peleéramo peteĩ kárta ore romondo vaʼekuépe peẽme. 16 Ñande Ru Ñandejára, ñanderayhu+ ha imbaʼeporãiterei rupi* ñanekonsola opa ára g̃uarã ha omeʼẽ ñandéve esperánsa.+ Roñemboʼe haʼe ha ñande Ruvicha Jesucristo 17 penekonsola ha pejepytaso mbarete* hag̃ua, ikatu hag̃uáicha siémpre peje ha pejapo iporãva.

3 Upéicharõ ermanokuéra, peñemboʼe memékena orerehehápe,+ ikatu hag̃uáicha Jehová* ñeʼẽ osegi iñasãi pyaʼe+ ha oñemombaʼe ha oñembotuicha peẽ pejapoháicha hína avei. 2 Peñemboʼe avei orerehehápe ikatu hag̃uáicha Ñandejára oreprotehe umi kuimbaʼe aña ikatúvagui oreperhudika,+ pórke naentéroi ojerovia hína.+ 3 Péro ñande Ruvicha siémpre okumpli iñeʼẽ, ha haʼe omombaretéta pende jerovia ha pendeprotehéta Satanásgui.* 4 Avei, ore haʼe rupi ñande Ruvicha segidór rojerovia penderehe. Upévare roikuaa peẽ pejapoha ha pesegitaha pejapo umi mbaʼe rojeruréva peẽme. 5 Ñande Ruvicha tapenepytyvõ pehayhu hag̃ua Ñandejárape+ ha peaguanta+ hag̃ua Cristo rehehápe.

6 Koʼág̃a ore roʼe peẽme ermanokuéra, ñande Ruvicha Jesucristo rérape, ani hag̃ua pejeheʼa umi ermáno naiñeʼẽrendúivare*+ ha ndosegíriva umi instruksión* perresivi vaʼekue* orehegui.+ 7 Peẽ ningo peikuaa mbaʼéichapa pesegi vaʼerã ore ehémplo,+ pórke ore roiko hekopete pende apytépe. 8 Ha avavépe ndorojeruréi tembiʼu ropagaʼỹre hese.*+ Upéva rangue, rombaʼapo pohýi ára ha pyhare ani hag̃ua romoĩ pende ári peteĩ kárga pohýi.+ 9 Ndahaʼéi ningo rojapóva upéva ndoroguerekóigui derécho,+ síno roipotágui pesegi ore ehémplo.+ 10 Añetehápe, roĩrõ guare penendive romandáma vaʼekue voi peẽme: “Oĩramo peteĩ nombaʼaposéiva, ani avei okaru”.+ 11 Pórke rohendu oĩha pende apytépe naiñeʼẽrendúiva,+ hekoreíva ha oikóva oñentremete ótro ojapóvare.+ 12 Umívape romanda ha romeʼẽ konsého ñande Ruvicha Jesucristo rérape toiko trankílo porãnte ha tombaʼapo oñentremeteʼỹre ótro ojapóvare, ha toʼu tembiʼu haʼekuéra voi oñehaʼã vaʼekue okonsegi.+

13 Peẽ katu ermanokuéra, aníke penekaneʼõ pejapo hag̃ua iporãva. 14 Péro oĩramo ndojapóiva umi mbaʼe roʼéva ko kárta rupive, pemarka chupe* ha anive pejeheʼa hese+ jahecha notĩripa. 15 Upéicharõ jepe, ani pehecha chupe pene enemígoramo, síno pesegi peñemoñeʼẽ+ chupe peteĩ ermánoicha.

16 Roñemboʼe ñande Ruvichápe omeʼẽ hag̃ua peẽme pyʼaguapy ha tapenepytyvõ pejapo hag̃ua opa mbaʼe trankílo porãnte.+ Ñande Ruvicha toĩ penendive.

17 Che, Pablo, che porupiete+ askrivi ko salúdo. Péicha siémpre askrivi kompletoite umi che kartakuéra, peikuaa hag̃ua chete askrivi hague.

18 Ñande Ruvicha Jesucristo taimbaʼeporãiterei penendive.*