APOCALIPSIS

1 Koʼã mensáhe Jesucristo orresivi Ñandejáragui+ ha koʼág̃a oikuaauka hína. Haʼe orresivi koʼã mbaʼe ohechauka hag̃ua Ñandejára esklavokuérape+ umi mbaʼe oikótava koʼẽrõite. Jesús omondo hiʼánhel Juan+ rendápe, haʼéva hína Ñandejára siérvo.* Pe ánhel omombeʼu chupe umi mbaʼe oikótava peteĩ visión rupive. 2 Juan oikuaauka Ñandejára ñeʼẽ ha Jesucristo heʼi vaʼekue. Si, haʼe omombeʼupaite entéro mbaʼe ohecha vaʼekue. 3 Ovyʼa pe persóna olee hatãva ko profesía, ha ovyʼa umi ohendúva la heʼíva ko profesía ha umi ojapóva heʼíva pype.+ Pórke pe tiémpo oñemoĩ vaʼekue hiʼag̃uimbaitéma hína.

4 Juan oskrivi umi 7 kongregasión+ oĩvape Asia* distrítope:

Aipotaite “Ñandejára pe oexistíva koʼág̃a, oexisti vaʼekue yma ha oúva hína”,+ ha umi 7 espíritu+ oĩva itróno renondépe, taimbaʼeporãiterei penendive* ha tomeʼẽ peẽme pyʼaguapy. 5 Aipota avei Jesucristo taimbaʼeporã penendive ha tomeʼẽ peẽme pyʼaguapy. Haʼe hína “pe Testígo Fiél”,+ “pe primeroite opuʼã vaʼekue omanóva apytégui”+ ha “pe Governánte omandáva umi rréi ko yvy arigua rehe”.+

Haʼe ñanderayhu+ ha ñandepeʼa ñande pekadokuéragui huguy+ rupive, 6 haʼe ojapo ñandehegui rréi+ ha saserdóte+ jaservi hag̃ua Ñandejárape, haʼéva hína Itúa ha Ijára. Si, Jesúspe toñembotuicha ha toñemeʼẽ podér opa ára g̃uarã. Amén.*

7 ¡Pemañami! Haʼe ou hína umi arai ári+ ha entéro ohecháta chupe, umi oikutu vaʼekue chupe avei ohecháta ouha hína. Ha entéro trívu ko yvy arigua ojedesespera ha oñelamentáta* ikáusare.+ Si, koʼã mbaʼe katuete oikóta. Amén.

8 Ñandejára Jehová* heʼi: “Che hína Alfa ha Omega.*+ Pe oexistíva koʼág̃a, oexisti vaʼekue yma ha oúva hína. Che hína Ñandejára Todopoderóso”.+

9 Che ningo Juan, pene ermáno, ha aaguanta+ avei heta mbaʼe peẽicha, ahasa heta mbaʼe ijetuʼúvare,+ ha pomoirũta avei pe rréinope,+ pórke che haʼe avei Cristo segidór.+ Che aĩ kuri ísla Pátmospe añeʼẽ haguére Ñandejárare ha amombeʼu haguére la verda Jesúsgui. 10 Pe espíritu sánto rupive ojehechauka chéve umi mbaʼe oikótava ñande Ruvicha díape. Ahendu che kupépe peteĩ oñeʼẽ hatãva, haʼete voi trompéta pu. 11 Haʼe heʼi: “Umi mbaʼe rehecháva eskrivi kuatiáre* ha emondo umi 7 kongregasiónpe oĩva Éfeso,+ Esmirna,+ Pérgamo,+ Tiatira,+ Sardis,+ Filadelfia+ ha Laodicéape”.+

12 Ha ajere ahecha hag̃ua mávapa la oñeʼẽva chéve, ha ajerévo ahecha 7 kandelávro de óro.+ 13 Ha umi kandelávro mbytépe oĩ peteĩ ojoguáva yvypóra raʼýpe,+ haʼe oreko ijehe peteĩ ao puku og̃uahẽva ipyta peve, ha peteĩ fáha de óro ipéchore. 14 Iñakãrangue ningo morotĩ asy, haʼete lána ha niéve morotĩ asýva, ha hesa katu haʼete tatarendy.+ 15 Ipy overa asy, haʼete pe kóvre+ puroite oñemoingéva tatakuápe hyku hag̃ua. Ha iñeʼẽ katu hatã hyapu, ojogua y osyry hatãvape. 16 Ipo deréchape oreko 7 estrélla,+ ijurúgui osẽ peteĩ espáda ipukúva, pe espáda hakua ha haimbe jovái.+ Hova katu omimbi pe kuarahy omimbiháicha asajepyte.+ 17 Ha ahechávo chupe, haʼa henondépe ku amanorõguáicha.

Haʼe katu omoĩ ipo derécha che ári ha heʼi: “Ani rekyhyje. Che hína pe Primero+ ha pe Último.+ 18 Che hína pe oikovéva.+ Amano+ kuri, péro koʼág̃a aikove ha aikovéta opa ára g̃uarã.+ Che aguereko pe lláve aavri hag̃ua pe ñemano ha Sepultúra.*+ 19 Upévare, eskrivi umi mbaʼe rehecha vaʼekue, umi mbaʼe oikóva koʼág̃a ha umi mbaʼe oikótava upe rire. 20 Umi 7 estrélla rehecha vaʼekue che po deréchape ha umi 7 kandelávro de óro ningo peteĩ sekréto sagrádo, ha umíva heʼise ko mbaʼe: umi 7 estrélla orrepresenta umi mensahéro* oĩva umi 7 kongregasiónpe, ha umi 7 kandelávro orrepresenta umi 7 kongregasiónpe”.+

2 “Eskrivi ko kárta pe mensahéro*+ oĩvape kongregasión de Éfesope:+ koʼã mbaʼe heʼi pe oguerekóva umi 7 estrélla ipo deréchape, ha oguatáva umi 7 kandelávro de óro mbytérupi:+ 2 ‘Che aikuaa entéro mbaʼe rejapóva ha mbaʼéichapa rembaʼapo. Aikuaa avei reaguantaha heta mbaʼe, ha ndereaseptaiha umi kuimbaʼe iñañávape. Aikuaa retantea hague umi heʼívape ijehe haʼeha apóstol,+ péro ndahaʼéi, ha repilla haʼekuéra ijapuha. 3 Nde rehechauka neaguanteha, ha heta mbaʼe regueropuʼaka che réra káusare,+ ha nanekaneʼõi.+ 4 Upéicharamo jepe, areko peteĩ mbaʼe haʼe vaʼerã ne kóntrape: nderehayhuvéi Ñandejárape rehayhu haguéicha chupe iñepyrũme.

5 Upévare, nemanduʼákena mbaʼéichapa reime porã kuri reʼa mboyve, eñarrepenti+ ha ejapo jey umi mbaʼe rejapo vaʼekue iñepyrũme. Pórke nderejapóiramo, aháta ndéve ha aipeʼáta ne kandelávro ilugárgui.+ Péro reñarrepentíramo,+ ndajapomoʼãi upéva. 6 Péro ko mbaʼe oĩ nde favórpe: nderechaʼéi umi mbaʼe ojapóvare Nicolás+ sékta. Che ndachaʼéi avei umi mbaʼére. 7 Pe ikatúva ohendu, tojapysaka porã Ñandejára heʼívare ijespíritu rupive umi kongregasiónpe:+ pe oganávape+ pe ñorairõ, ahejáta hoʼu pe yva oĩva pe yvyramáta jeikove+ reheguáre, upe yvyramáta oĩvagui Ñandejára paraísope’.

8 Eskrivi ko kárta pe mensahéro* oĩvape kongregasión de Esmírnape: koʼã mbaʼe heʼi ‘pe Primero ha pe Último’,+ upe omano vaʼekue ha upéi oikove jey:+ 9 ‘Che aikuaa rehasa asyha ha nemboriahuha, upéicharõ jepe, nde nderríko+ hína. Aikuaa avei mbaʼéichapa oñeʼẽ vai nderehe umi heʼíva ijehe haʼeha judío, péro añetehápe ndahaʼéi. Haʼekuéra hína peteĩ grúpo* oĩva Satanás poguýpe.+ 10 Ani rekyhyje umi mbaʼe ijetuʼúva rehasátavagui.+ Pe Diablo káusare pesegíta pejegueraha kárselpe. Péicha oikóta pejeprova hag̃ua ikatuha peve, ha pehasa asýta 10 díare. Esegíkena neñeʼẽrendu remano meve, ha upéicha che ameʼẽta ndéve peteĩ prémio:* pe jeikove opaveʼỹva.+ 11 Pe ikatúva ohendu, tojapysaka porã+ Ñandejára heʼívare ijespíritu rupive umi kongregasiónpe: pe oganávape+ pe ñorairõ, ni mbaʼevéicharõ ndohupytymoʼãi chupe pe muérte segunda’.*+

12 Eskrivi ko kárta pe mensahéro* oĩvape kongregasión de Pérgamope: koʼã mbaʼe heʼi pe orekóva pe espáda puku hakuáva ha haimbe jováiva:+ 13 ‘Che aikuaa nde reikoha pe Satanás tróno oĩháme. Upéicharamo jepe resegi neñeʼẽrendu chéve*+ ha nerenegái rejeroviaha cherehe.+ Nderejapói upéva ni ojejukárõ guare che testígo fiél+ Antípaspe. Chupe ojejuka+ vaʼekue nde siudápe, pe Satanás oikohápe.

14 Upéicharamo jepe, areko álgo haʼe vaʼerã ne kóntrape: nde repermiti oĩ nendive umi osegíva Balaam+ omboʼe vaʼekue. Haʼe omboʼe vaʼekue Balácpe+ ombotavy hag̃ua umi Israelguápe ikatu hag̃uáicha opeka. Upévare haʼekuéra hoʼu umi soʼo ojeofreséva umi dios raʼangápe ha hekovai.*+ 15 Avei oĩ nendive umi osegíva ha odefendéva Nicolás+ sékta omboʼéva. 16 Upévare eñarrepentíke. Pórke nderejapóiramo upéva, aháta ndéve koʼẽrõite ha añorairõta hendivekuéra. Upearã aipurúta pe espáda puku osẽva che jurúgui.+

17 Pe ikatúva ohendu, tojapysaka porã Ñandejára heʼívare ijespíritu rupive umi kongregasiónpe:+ pe oganávape+ pe ñorairõ, ameʼẽta michĩmi pe maná+ oĩva kañyháme, ha avei ameʼẽta chupe peteĩ ita morotĩ michĩmíva. Pe itáre ojeskrivíta peteĩ téra pyahu avave ndoikuaáiva, pe orresivíva pe itaʼi añoite oikuaa’.

18 Eskrivi ko kárta pe mensahéro* oĩvape kongregasión de Tiatírape:+ koʼã mbaʼe heʼi Ñandejára Raʼy, upe hesa haʼetéva tatarendy+ ha ipy overa asýva pe kóvre+ puroitévaicha: 19 ‘Che aikuaa entéro mbaʼe rejapóva, mbaʼéichapa reporohayhu ha rejerovia. Aikuaa umi mbaʼe rejapóva Ñandejára servísiope ha reaguantaha heta mbaʼe ijetuʼúva. Aikuaa avei koʼág̃a rejapoha hetave mbaʼe porã yma rejapo vaʼekuégui.

20 Upéicharamo jepe, areko peteĩ mbaʼe ne kóntrape: reheja oĩ pende apytépe pe kuña ojoguáva Jezabélpe,+ pe heʼíva ijehe haʼeha profetísa. Haʼe ogueraha vaipa che esklavokuérape, oiko omboʼe chupekuéra hekovai*+ hag̃ua ha hoʼu hag̃ua soʼo ojeofreséva umi dios raʼangápe. 21 Che ameʼẽma chupe tiémpo oñarrepenti hag̃ua, péro haʼe noñarrepentiséi hekovai* haguére. 22 Amondóta chupe peteĩ mbaʼasy oityetétava chupe tupápe, ha umi hekovai* vaʼekue hendive heta ohasa asýta. Péicha oikóta hesekuéra noñarrepentíriramo umi mbaʼe haʼe ojapoka vaʼekuégui chupekuéra. 23 Pe kuña membykuérape katu amondóta peteĩ mbaʼasy ojukátava chupekuéra. Ha peẽme káda únope apagáta pene rembiapokuére. Péicha entéro kongregasión oikuaáta che akontrolaha umi hénte opensáva* ha amañaha mbaʼépa oreko ikorasõme.+

24 Oĩ avei Tiatírape umi ótro ermáno ndosegíriva Jezabel omboʼéva ha ndoikuaaséiva mbaʼeve umi enseñánsa japu* oúva Satanásgui.+ Che haʼe chupekuéra: namoĩmoʼãi pende ári ótra kárga. 25 Péro pesegíkena peñakarama hatã umi mbaʼe porã perekóvare che aju peve.+ 26 Pe oganávape pe ñorairõ ha ojapóva pe che haʼéva pe fin peve, ameʼẽta chupe autorida ogoverna hag̃ua umi tetãnguérare.+ 27 Peichagua autorida che arresivi avei che Túagui. Ha pe persóna oipurúta peteĩ vastón de iérro+ okastiga* hag̃ua umi hénte añáme. Haʼe ohundíta chupekuéra ha ojoguáta hikuái umi kambuchi ojekapaitévape. 28 Ha che ameʼẽta chupe pe estrélla osẽva koʼẽju+ jave. 29 Pe ikatúva ohendu, tojapysaka porã Ñandejára heʼívare ijespíritu rupive umi kongregasiónpe’”.

3 “Eskrivi ko kárta pe mensahéro* oĩvape kongregasión de Sárdispe: koʼã mbaʼe heʼi pe oguerekóva umi 7 estrélla+ ha umi 7 espíritu Ñandejára mbaʼéva:+ ‘Che aikuaa entéro mbaʼe rejapóva. Aikuaa ojeʼeha nderehe reikoveha, péro añetehápe nde remanóma.+ 2 Upévare eñatendéke,+ ha emombarete umi mbaʼe hembýva ndéve, umi mbaʼe omano mbotámava. Pórke neʼĩra rejapopa pe traváho Ñandejára oipotáva rejapo. 3 Upévare, siémprekena nemanduʼa mbaʼéichapa rerresivi ha rehendu vaʼekue pe mensáhe. Esegíkena ekumpli pe mensáhe heʼíva ha eñarrepenti.+ Epáykena, pórke nderejapóiramo upéva, ajúta ndéve peteĩ mondaháicha+ ha ni mbaʼevéicharõ ndereikuaamoʼãi mbaʼe órapa ajúta ne kóntrape.+

4 Upéicharõ jepe, Sárdispe oĩ mbovymi* nomongyʼái vaʼekue ijao.+ Haʼekuéra omondéta ao morotĩva+ ha oguatáta chendive, pórke haʼekuéra omerese upéva. 5 Pe oganáva+ pe ñorairõ omondéta ao morotĩ,+ ha ni mbaʼevéicharõ che ndavorramoʼãi héra pe lívro de la vídagui.+ Upéva rangue, che amombeʼúta aikuaaha héra che Túa ha hiʼanhelkuéra renondépe.+ 6 Pe ikatúva ohendu, tojapysaka porã Ñandejára heʼívare ijespíritu rupive umi kongregasiónpe’.

7 Eskrivi ko kárta pe mensahéro* oĩvape kongregasión de Filadélfiape: koʼã mbaʼe heʼi pe elehído,+ pe isinsérova,+ pe orekóva David lláve,+ pe oavríva peteĩ okẽ ha avave ndaikatúi omboty, pe ombotýva peteĩ okẽ ha avave ndaikatúi oavri: 8 ‘Che aikuaa entéro mbaʼe rejapóva. ¡Emañamína!, aavri peteĩ okẽ+ ne renondépe, ha pe okẽ avave ndaikatúi omboty. Che aikuaa nekangyha hína, péro rekumpli che haʼéva ndéve ha ni mbaʼevéicharõ nerenegái rejeroviaha che rérare. 9 Aguerúta pe grúpo* oĩvape Satanás poguýpe, heʼíva ijehe haʼeha judío, péro añetehápe ndahaʼéi, síno ijapu.+ Aguerúta chupekuéra ha amoñesũta ne renondépe, ha aikuaaukáta chupekuéra che rohayhuha. 10 Nde rehechauka neaguanteha+ chéicha, upévare che añangarekóta nderehe og̃uahẽ vove pe óra ojehasa asytahápe.+ Péva oikóta ko yvy kompletoitépe, ha upépe ojeprováta enterove umi héntepe. 11 Koʼẽrõite aháta hína.+ Esegíkena eñakarama hatã umi mbaʼe porã rerekóvare ani hag̃ua avave oipeʼa ndehegui ne prémio.*+

12 Pe oganáva pe ñorairõ, ojoguáta peteĩ kolúmna imbarete porãvape, oĩva Ñandejára témplope. Che ajapóta upe persónagui peteĩ kolúmna. Ha mbaʼeve ndaikatumoʼãi omonguʼe chupe upégui. Hese askrivíta Ñandejára réra+ ha Ñandejára siuda réra, haʼéva pe Jerusalén pyahu+ oúva Ñandejáragui, yvágagui, ha askrivíta avei hese che réra pyahu.+ 13 Pe ikatúva ohendu, tojapysaka porã Ñandejára heʼívare ijespíritu rupive umi kongregasiónpe’.

14 Eskrivi ko kárta pe mensahéro* oĩvape kongregasión de Laodicéape:+ koʼã mbaʼe heʼi pe hérava Amén,*+ pe testígo fiél+ ha isinsérova,+ haʼéva Ñandejára kreasión ypykue:+ 15 ‘Che aikuaa opa mbaʼe rejapóva, aikuaa rejoguaha y tíviope, nahoʼysãi ni ndahakúiva. Aipotaite ningo rejogua y roʼysãme térã y takúpe. 16 Péro rejogua haguére y tíviope, nahoʼysãi+ ni ndahakúiva,+ che roitýta che jurúgui. 17 Nde ningo eiko ere: “Chéngo chepláta,+ areko heta rrikésa ha naikotevẽi mbaʼevete asy”. Péro nderepillái ivaipaitemaha la ne situasión, nemboriahu, neresatũ ha ndeopío. 18 Upévare ameʼẽta ndéve ko konsého: ejogua chehegui óro oñemopotĩ vaʼekue tatápe nderríko hag̃ua, ejogua avei ao morotĩ ani hag̃ua avave ohecha ndeopioha ha reñemotĩ,+ ejogua avei pohã ha emoĩ nde resáre,+ ikatu hag̃uáicha rehecha porã.+

19 Che akorrehi entéro umi ahayhúvape ha ahechauka chupekuéra mbaʼépepa ofalla.+ Upévare, eñarrepenti+ repeka haguére ha eservi Ñandejárape nde pyʼaite guive. 20 Che añemboʼy hína pe okẽ renondépe ha ambota pe okẽ. Oĩramo cherendúva ha oavri chéve pe okẽ, aikéta hógape ha rosenáta oñondive. 21 Che agana vaʼekue pe ñorairõ ha aguapy+ che Túandi itrónope. Upéicha avei pe oganávape+ pe ñorairõ, che apermitíta oguapy chendive che trónope.+ 22 Pe ikatúva ohendu, tojapysaka porã Ñandejára heʼívare ijespíritu rupive umi kongregasiónpe’”.

4 Upe rire ahecha yvágape peteĩ okẽ ojeavríva, ha pe primeroite oñeʼẽ vaʼekue chéve, pe iñeʼẽ ojoguáva trompéta púpe, heʼi chéve: “Ejupi koʼápe ahechauka hag̃ua ndéve umi mbaʼe oikótava”. 2 Ha upepete Ñandejára espíritu ou che ári, ha ahecha yvágape peteĩ tróno ha peteĩ oguapýva pe trónope.+ 3 Pe oguapýva pe trónope omimbipa, omimbiháicha pe ita vera hérava háspe,+ ha pe ita vera hérava sárdio.* Ha pe tróno jerére oĩ peteĩ árko íris, haʼetéva pe ita vera hérava esmerálda.+

4 Pe tróno jerére oĩ 24 tróno, ha umi trónope ahecha oguapyha 24 ansiáno+ ijao morotĩ asýva ha iñakãre orekóva koróna de óro. 5 Ahecha pe trónogui osẽha aravera,+ ahendu unos kuánto oñeʼẽva ha avei ahendu osunuha.+ Pe tróno renondépe oĩ 7 lámpara guasu hendýva, umíva orrepresenta umi 7 espíritu Ñandejára mbaʼéva.+ 6 Ha pe tróno renondépe oĩ peteĩ mar ojoguáva vídrio+ térã kristálpe.

Pe tróno mbytépe ha ijerére oĩ 4 keruvín*+ henyhẽtéva teságui, henonde ha hapykue gotyo. 7 Pe primer keruvín ojogua peteĩ leónpe,+ pe segundo keruvín ojogua peteĩ tórope,+ pe tercer keruvín+ rova katu ojogua peteĩ kuimbaʼépe, ha pe cuarto keruvín+ ojogua peteĩ ágila ovevévape.+ 8 Ha umi 4 keruvín, káda uno 6 ipepo ha henyhẽte teságui hiʼári ha iguýpe.+ Ára ha pyhare haʼekuéra siémpre heʼi: “Ñandejára Todopoderóso Jehová*+ ipotĩ, ipotĩ, ipotĩ,* haʼe oexisti vaʼekue yma, oexisti koʼág̃a ha ou hína”.+

9 Umi keruvín ombotuicha, omombaʼe ha oagradese aja Ñandejárape, upe oguapýva hína pe trónope ha oikovéva opa ára g̃uarã,+ 10 umi 24 ansiáno+ oñesũ ha oadora Ñandejárape, upe oguapýva pe trónope ha oikovéva opa ára g̃uarã. Haʼekuéra oity ikoróna pe tróno renondépe ha heʼi: 11 “Ñandejára Jehová,* nde rejapo entéro mbaʼe,+ ha nde reipotágui oexisti ha ojejapo vaʼekue opaite mbaʼe. Upévare nde remerese enterove nemombaʼe+ ha nembotuicha,+ remerese avei rerresivi pe podér”.+

5 Ahecha pe oguapýva pe trónope+ orekoha ipo deréchape peteĩ kuatiañeʼẽ* ojeskrivíva mokõive ládo ha oñemboty porãva 7 séllope.* 2 Ahecha avei peteĩ ánhel ipoderósova ha haʼe hatã heʼi: “¿Máva piko omerese oavri pe kuatiañeʼẽ ha oipeʼa umi séllo?”. 3 Péro ndaipóri avave ikatúva oavri pe kuatiañeʼẽ ni omaña hese olee hag̃ua, ndaipóri yvágape, ni yvy ape ári, ni yvyguýpe. 4 Ha añepyrũ cherasẽ soro pórke ndaipóri ni peteĩ omereséva oavri pe kuatiañeʼẽ ni omaña hese olee hag̃ua. 5 Upémarõ peteĩva umi ansiáno heʼi chéve: “Anive nerasẽ. Pe León Judá trivupegua,+ haʼéva David+ familiare,*+ oganáma+ pe ñorairõ, ha ikatúta oavri pe kuatiañeʼẽ ha oipeʼa umi 7 séllo”.

6 Upéi ahecha peteĩ Ovecha Raʼýpe,+ ha haʼete ojesakrifika+ vaʼekue chupe. Ha pe tróno ypýpe oĩ umi 4 keruvín* ha pe Ovecha Raʼy oĩ henondepekuéra, ha ijerére oguapy umi ansiáno.+ Pe Ovecha Raʼy 7 hatĩ ha 7 hesa. Umi hesa orrepresenta umi 7 espíritu Ñandejára mbaʼéva,+ oñemondo vaʼekue oparupiete ko yvy ape ári. 7 Ha pe Ovecha Raʼy ensegidamínte oho ojagarra pe kuatia orekóva ipo deréchape pe oguapýva pe trónope.+ 8 Ha ojagarrávo pe kuatiañeʼẽ, umi 4 keruvín ha umi 24 ansiáno+ oñesũ pe Ovecha Raʼy renondépe. Ha umi ansiáno káda uno oreko peteĩ árpa ha peteĩ mbaʼyru de óro henyhẽva insiénsogui. (Pe insiénso orrepresenta umi ojeporavo vaʼekue* ñemboʼe).+ 9 Haʼekuéra opurahéi peteĩ músika pyahu+ heʼíva: “Nde remerese rejagarra pe kuatiañeʼẽ ha reavri isellokuéra, pórke nde rejesakrifika ha nde ruguy rupive rejogua umi héntepe oservi hag̃ua Ñandejárape.+ Koʼã hénte ou opaichagua trívu, puévlo ha tetãgui, ha oñeʼẽ diferénte idióma.+ 10 Nde rejapo chuguikuéra rréi+ ha saserdóte oservi hag̃ua Ñandejárape.+ Haʼekuéra ogovernáta+ pe yvy”.

11 Ahecha ha ahendu hetaiterei ánhel pe tróno, umi keruvín ha umi ansiáno jerére, oĩ voi 10.000 vése 10.000 ha heta miles de miles.+ 12 Ha haʼekuéra hatã heʼi: “Pe Ovecha Raʼy ojesakrifika+ vaʼekue omerese oñemeʼẽ chupe autorida, rrikésa, arandu ha podér. Haʼe omerese ojerrespeta, oñemombaʼe ha oñembotuicha chupe”.+

13 Ha entéro kreasión oĩva yvágape, yvy ape ári, yvyguýpe,+ márpe ha entéro mbaʼe oĩva ipypekuéra ahendu heʼiha: “Toñevendesi Ñandejárape, oguapýva hína pe trónope,+ ha pe Ovecha Raʼýpe,+ tojerrespeta ha toñembotuicha+ chupekuéra, ha toñemeʼẽ chupekuéra podér opa ára g̃uarã”.+ 14 Umi 4 keruvín heʼi: “¡Amén!”,* ha umi ansiáno oñesũ ha oadora Ñandejárape.

6 Upéi ahecha pe Ovecha Raʼy+ oavriha pe primer séllo* umi 7 séllogui.+ Ha umi 4 keruvín*+ apytégui ahendu peteĩva heʼiha: “¡Esẽ katu!”, ha iñeʼẽ ojogua arasunúme. 2 Ha ahecha peteĩ kavaju morotĩ asýva,+ ha pe ohóva hiʼári oreko peteĩ árko ha Ñandejára omeʼẽ chupe peteĩ koróna.+ Haʼe osẽ ha ogana ohóvo iñenemigokuérape, ha oho okompleta hag̃ua iñorairõ.+

3 Upéi pe Ovecha Raʼy oavri pe segundo séllo ha ahendu pe segundo keruvín+ heʼiha: “¡Esẽ katu!”. 4 Ha ahecha osẽha ótro kavaju. Peteĩ kavaju pytãitéva ha pe ohóva hiʼári orresivi peteĩ espáda puku ha autorida oipeʼa hag̃ua pe pyʼaguapy ko yvy ape árigui, péicha umi hénte ojojuka hag̃ua.+

5 Upéi pe Ovecha Raʼy oavri pe tercer séllo+ ha ahendu pe tercer keruvín+ heʼiha: “¡Esẽ katu!”. Ha ahecha peteĩ kavaju hũ, ha pe ohóva hiʼári oreko peteĩ valánsa ipópe. 6 Ahendu peteĩ vos oúva umi 4 keruvín mbytégui ha heʼíva: “Un kílo* trígo 1 denáriore,*+ ha 3 kílo* seváda 1 denáriore, ha eipuru porãkena pe aséite de olíva ha pe víno”.+

7 Upéi pe Ovecha Raʼy oavri pe cuarto séllo ha ahendu pe cuarto keruvín+ heʼiha: “¡Esẽ katu!”. 8 Ha ahecha peteĩ kavaju saʼyju, ha pe ohóva hiʼári héra Ñemano, ha pe Sepultúra* ou hapykueriete. Ha orresivi autorida oreko hag̃ua ipoguýpe peteĩ párte* ko yvy ape ári, ikatu hag̃uáicha ojuka umi héntepe espádape, ñembyahýi+ rupive, mbaʼasy rupive ha animál salváhe+ rupive.

9 Upéi pe Ovecha Raʼy oavri pe quinto séllo, ha ahecha pe altár guýpe+ umi ojejuka vaʼekue ruguy,*+ koʼãvape ojejuka okumpli haguére Ñandejára ñeʼẽ heʼíva ha opredika haguére.+ 10 Umi hénte ruguy osapukái ha heʼi: “Nde ningo Ñandejára regovernáva opa mbaʼe, nde hína pe Dios verdadéro+ ha ipotĩetéva, ¿arakaʼe peve piko rehaʼarõta? ¿Arakaʼe piko rehusgáta umi oikóvape ko yvy ape ári ha reñevengáta haʼekuéra orejuka haguére?”.+ 11 Ha káda únope oñemeʼẽ peteĩ ao puku morotĩ asýva+ ha ojeʼe chupekuéra: “Pepytuʼumie sapyʼaite oñekompleta peve umi pene irũnguéra ofaltáva, umíva esklávo avei ha pene ermáno. Chupekuéra ojejuka potaitéma avei, oiko haguéicha penderehe”.+

12 Upéi ahecha pe Ovecha Raʼy oavriha pe sexto séllo, ha oiko peteĩ yvyryrýi tuichaitereíva, pe kuarahy hũmbaite ao hũicha* ha pe jasy katu pytãmbaite tuguýicha.+ 13 Ha umi estrélla hoʼapa yvágagui ko yvy ape ári, hoʼaháicha umi ígo aky oipeju jave yvytu atã ha oityvyro hakã. 14 Pe yvága odesaparese, haʼete peteĩ kuatiañeʼẽ* ojeliáva,+ ha entéro montáña ha ísla ojei hendágui.+ 15 Umi rréi ko yvy arigua, umi ofisiál omanda guasúva, umi komandánte militár, umi irríkova, umi orekóva podér, entéro esklávo ha entéro umi orekóva liverta, okañy umi itakuápe ha umi montáñare, umi ita guasu apytépe.+ 16 Haʼekuéra osegi heʼi umi montáñape ha umi ita guasúpe: “Orekuvrimína+ ha oremoʼãmína ani hag̃ua orerecha Ñandejára oguapýva itrónope+ ha pe Ovecha Raʼy ipochyetereíva hína.+ 17 Pórke og̃uahẽma pe día haʼekuéra ohechaukataha ipochyha,+ ¿ha mávapa ikatúta ojesalva upévagui?”.+

7 Upe rire ahecha 4 ánhel oñemboʼýva umi 4 eskínape oĩva ko yvy ári. Haʼekuéra ojoko hatã hína umi yvytu oúva umi 4 ládo ko yvýgui. Péicha ojapo ani hag̃ua oipeju umi yvytu pe yvy ári, ni pe mar ári, ni umi yvyramáta ári. 2 Ha ahecha ótro ánhel ojupíva ésteguio,* haʼe oreko Ñandejára oikovéva séllo* ha osapukái umi 4 ánhelpe. Koʼãvape oñemeʼẽ autorida ombyai hag̃ua pe yvy ha pe mar. 3 Ha heʼi: “Ani pembyai pe yvy, pe mar ni umi yvyramáta, rosellapa peve+ isyváre+ Ñandejára esklavokuérape”.

4 Upéi ahendu mboýpa umi ojesella vaʼekue: 144.000+ ojeselláva entéro trívu Israelguágui:+

5 Judá trívugui ojesella 12.000,

Rubén trívugui 12.000,

Gad trívugui 12.000,

6 Aser trívugui 12.000,

Neftalí trívugui 12.000,

Manasés+ trívugui 12.000,

7 Simeón trívugui 12.000,

Leví trívugui 12.000,

Isacar trívugui 12.000,

8 Zabulón trívugui 12.000,

José trívugui 12.000,

Benjamín trívugui ojesella 12.000.

9 Upe rire ahecha hetaiterei hénte, peteĩ aty guasu avave ndaikatúiva okonta, oúva entéro tetã, trívu ha puévlogui, ha oñeʼẽva diferénte idióma.+ Haʼekuéra oñemboʼy pe tróno ha pe Ovecha Raʼy renondépe, omonde ao puku morotĩ asýva+ ha oreko palméra rakã ipopekuéra.+ 10 Haʼekuéra osegi osapukái ha heʼi: “Pe salvasión ou Ñandejáragui, pe oguapýva pe trónope,+ ha pe Ovecha Raʼýgui”.+

11 Entéro umi ánhel oñemboʼy pe tróno jerére, umi ansiáno+ ha umi keruvín* jerére. Haʼekuéra oñesũ pe tróno renondépe ha oadora Ñandejárape. 12 Haʼekuéra heʼi: “¡Amén!* Ñandejárape toñemombaʼeguasu, toñembotuicha ha tojerrespeta. Toñemeʼẽ chupe arandu, agradesimiénto, podér ha fuérsa opa ára g̃uarã.+ Amén”.

13 Upéi umi ansiáno apytégui peteĩva heʼi chéve: “¿Máva piko koʼã omondéva ao puku morotĩ asýva,+ ha moõgui piko ou hikuái?”. 14 Upémarõ, upepete haʼe chupe: “Che ruvicha, nde ningo la reikuaáva”. Ha haʼe heʼi chéve: “Koʼãva hína umi osẽva pe jehasa asy guasúgui,+ haʼekuéra ojohéi ijao pe Ovecha Raʼy ruguýpe+ ha ijaokuéra opyta morotĩ asy. 15 Upévare oĩ hikuái Ñandejára tróno renondépe, ha oservi chupe ára ha pyhare itémplope. Ha Ñandejára, pe oguapýva pe trónope,+ oñangarekóta hesekuéra.*+ 16 Haʼekuéra ndoikomoʼãvéima iñembyahýi ni ijuhéi, ni ndohapymoʼãvéima chupekuéra kuarahy ni arahaku.+ 17 Pórke pe Ovecha Raʼy+ oĩva pe tróno mbytépe oñangarekóta hesekuéra ojapoháicha peteĩ pastór,+ ha ogueraháta chupekuéra oĩháme yvu orekóva y oporomoingovéva.+ Ha Ñandejára omokãmbaitéta hesaykuéra”.+

8 Pe Ovecha Raʼy+ oavrívo pe séptimo séllo,*+ oñekirirĩmbaite yvágape média órarupi. 2 Ha ahecha umi 7 ánhel+ oñemboʼýva Ñandejára renondépe ha haʼe omeʼẽ chupekuéra 7 trompéta.

3 Ha og̃uahẽ ótro ánhel orekóva peteĩ mbaʼyru de óro ojehapy hag̃ua insiénso, ha oñemboʼy pe altár+ ykére. Oñemeʼẽ kuri chupe heta insiénso+ ohapy hag̃ua pe altár de óro+ ári, oĩva pe tróno renondépe. Haʼe ojapo upéva oñemboʼe aja umi ojeporavo vaʼekue.* 4 Pe insiénso ratatĩ ojapo vaʼekue pe ánhel ojupi Ñandejára renondépe, ha avei umi ojeporavo vaʼekue* ñemboʼe+ og̃uahẽ upépe. 5 Upepete pe ánhel ojagarra pe mbaʼyru ojehapyhápe insiénso, omoĩ pype henyhẽte tatapỹi* oguenohẽ vaʼekue pe altárgui ha omombo upéva yvy ape ári. Upéi ahendu osunuha ha ahecha overapa+ pe yvága ha oiko peteĩ yvyryrýi, ha ahendu oñeʼẽva. 6 Ha umi 7 ánhel orekóva umi 7 trompéta+ ojeprepara ombopu hag̃ua.

7 Pe primer ánhel ombopu itrompéta, ha hoʼa ko yvy ape ári amandáu ha tata ojeheʼáva tuguýre.+ Ha okái peteĩ párte* ko yvy, peteĩ párte umi yvyramátagui ha entéro plánta oĩva okaipaite.+

8 Pe segundo ánhel ombopu itrompéta, ha oñemombo ko yvýpe peteĩ mbaʼe tuichaitereíva, ojoguáva montáñape ha hendypáva.+ Ha peteĩ párte* pe márgui oiko tuguy,+ 9 ha unos kuánto* umi animál* oikóva márpe omanombaite,+ ha unos kuánto* umi várko oñehundipa.

10 Pe tercer ánhel ombopu itrompéta, ha peteĩ estrélla guasu hendýva peteĩ lámparaicha hoʼa yvágagui, hoʼa peteĩ párte* umi rrío ári ha umi yvu ári.+ 11 Pe estrélla héra Ahénho, ha peteĩ párte* umi ýgui opyta iro pe ahénhoicha, ha heta hénte omano pe y káusare pórke iroiterei.+

12 Pe cuarto ánhel ombopu itrompéta, ha peteĩ párte* pe kuarahy,+ jasy ha estrellakuéragui opyta iñypytũmba. Ha upévare opyta iñypytũ+ peteĩ párte* de diakue ha peteĩ párte* pyharekue.

13 Ahecha peteĩ ágila ovevéva yvága mbytére ha ahendu hatã heʼiha: “Peñembyasýke, peñembyasýke, peñembyasýke+ peẽ hénte peikóva pe yvy ape ári umi mbaʼe oikótavare umi mbohapy ánhel ombopu vove itrompéta. Haʼekuéra ombopu potaitéma hína umi trompéta”.+

9 Upéi pe quinto ánhel ombopu itrompéta.+ Ha ahecha peteĩ estrélla hoʼa vaʼekue yvágagui ko yvy ape ári, ha Ñandejára omeʼẽ chupe pe yvykua pypuku+ lláve. 2 Ha haʼe oavri pe yvykua pypuku, ha pe yvykuágui ojupi tatatĩ, haʼete tatatĩ osẽva peteĩ tatakua guasúgui. Ha pe tatatĩ káusare pe kuarahy iñypytũmba+ ha pe yvytu hũmbaite. 3 Ha pe tatatĩgui osẽ umi tuku ha ou ko yvy ape ári,+ ha Ñandejára omeʼẽ chupekuéra podér, orekoháicha avei podér umi alakrán ko yvy arigua. 4 Ha haʼe heʼi umi tukúpe ani hag̃ua ojapo mbaʼeve pe kapiʼipére, ni umi ótra plánta ni umi yvyramátare. Sólamente ikatu operhudika umi persóna ndoguerekóivape Ñandejára séllo isyváre.+

5 Ha umi tukúpe noñemeʼẽi autorida ojuka hag̃ua umi héntepe, síno ombosufri hag̃ua chupekuéra 5 mésere. Ha osufri hikuái osufriháicha peteĩ persóna ojopi jave chupe alakrán.+ 6 Upe tiémpope umi hénte ohekáta fórma omano hag̃ua, péro ndaikatumoʼãi. Haʼekuéra omanosetereíta péro ni mbaʼevéicharõ ndaikatumoʼãi gueteri omano.*

7 Umi tuku ojogua kavaju ojepreparávape gerrarã,+ iñakãre oreko hikuái peteĩ mbaʼe haʼetéva koróna de óro, ha hovakuéra katu haʼete peteĩ persóna rova. 8 Iñakãrangue katu ojogua kuñanguéra akãranguépe, ha hãinguéra haʼete umi león rãi.+ 9 Ipéchore oreko hikuái peteĩ chaléko de iérro oprotehe hag̃ua ipytiʼa. Ipepo ryapu katu haʼete heta kárro kavaju reheve, odiparáva hína ohóvo gerrahápe.+ 10 Haʼekuéra oreko huguái ha popĩa umi alakrán orekoháicha, ha huguáipe oreko podér ojopi hag̃ua umi héntepe 5 mésere.+ 11 Haʼekuéra oreko peteĩ rréi, upéva hína pe ánhel orekóva ikárgope pe yvykua pypuku.+ Hebréope héra Abadón* ha griégope katu héra Apolión.*

12 Pe primer ñembyasy ohasáma. Koʼã mbaʼe oiko rire, oĩve mokõi ñembyasy+ oútava.

13 Ha pe sexto ánhel+ ombopu itrompéta.+ Upéi ahendu peteĩ oñeʼẽva, ha pe vos osẽ pe altár de óro+ eskínagui,* pe altár oĩ Ñandejára renondépe. 14 Upe oñeʼẽva heʼi pe sexto ánhelpe orekóva hína pe trompéta: “Epoimi umi 4 ánhelgui, umi oñeñapytĩva hína pe rrío guasu Éufrates ypýpe”.+ 15 Ha haʼe opoi umi 4 ánhelgui, haʼekuéra oĩ preparádo osẽ hag̃ua pe óra, día ha áño oñemoĩ vaʼekuépe ojuka hag̃ua 1 de káda 3 persónape.

16 Che ahendu oĩha 200 millón soldádo ohóva kavaju ári. 17 Che ahecha pe visiónpe umi kavaju ha umi ohóva hiʼári. Haʼekuéra oreko umi chaléko de iérro oprotehéva ipytiʼa, umi chaléko pytãite haʼete tata, hovy ha avei saʼyju asúfreicha. Umi kavaju akã ojogua león akãme,+ ha ijurúgui osẽ tata, tatatĩ ha asúfre. 18 Koʼã mbohapy mbaʼe ojuka 1 de káda 3 persónape: pe tata, tatatĩ ha asúfre osẽva umi kavaju jurúgui. 19 Umi kavaju podér oĩ ijurúpe ha huguáipe, umi huguái ningo ojogua mbói oporosuʼúvape.* Huguáipe haʼekuéra operhudika umi héntepe.

20 Péro umi ótra hénte nomanói vaʼekue koʼã mbaʼe rupive, lomímonte noñarrepentíri hembiapokuégui. Haʼekuéra osegi oadora umi demóniope ha umi taʼangápe, umíva haʼekuéra ojapo óro, pláta, kóvre, ita ha madéragui. Koʼã taʼanga ndaikatúi ohecha, ohendu ni oguata.+ 21 Umi hénte noñarrepentíri ipekadokuéragui, síno osegi oporojuka, ojapo espiritísmo,* hekovai* ha omonda.

10 Ha ahecha ótro ánhel ipoderósova oguejýva yvágagui. Haʼe oreko ijehe umi arai peteĩ aóicha, ha iñakã ári oĩ peteĩ árko íris. Hova ojogua kuarahýpe+ ha umi hetyma* katu haʼete mokõi kolúmna imbaretéva ojoguáva tatarendýpe. 2 Ipópe oguereko peteĩ kuatiañeʼẽ* michĩva ha ojeavríva. Haʼe omoĩ ipy derécha márpe ha ipy iskiérdo katu yvy ári. 3 Haʼe osapukái hatã, haʼete voi peteĩ león okororõva.+ Ha haʼe osapukáivo oñehendu oñeʼẽha 7 arasunu.+

4 Umi 7 arasunu oñeʼẽvo, che ajepreparáma askrivi hag̃ua la heʼíva hikuái. Péro ahendu peteĩ oñeʼẽva yvágagui+ ha heʼíva: “Umi 7 arasunu heʼíva ningo peteĩ sekréto, ani reskrivi umíva”. 5 Pe ánhel ahecha vaʼekue, oñemboʼýva hína pe mar ha pe yvy ári, ohupi ipo derécha yvága gotyo. 6 Ha haʼe ohura Ñandejárare, pe oikovéva opa ára g̃uarã,+ pe ojapo vaʼekue yvága ha umi mbaʼe oĩva pype, pe yvy ha umi mbaʼe oĩva pype, pe mar ha umi mbaʼe oĩva pype,+ ha heʼi: “Ñandejára nohaʼarõmoʼãvéima. 7 Péro hiʼag̃uívo pe tiémpo pe séptimo ánhel+ ombopu hag̃ua itrompéta,+ oñekumplipáta Ñandejára sekréto sagrádo.+ Upéva hína umi notísia porã haʼe oikuaauka vaʼekue umi profétape+ oservíva chupe esklávoramo”.

8 Ha pe oñeʼẽva yvága+ guive, oñeʼẽ jey chéve ha heʼi: “Tereho ejagarra pe kuatiañeʼẽ ojeavríva, pe orekóva ipópe pe ánhel oñemboʼýva pe mar ha pe yvy ári”.+ 9 Upéi aha pe ánhel rendápe ha ajerure chupe pe kuatiañeʼẽ. Ha haʼe heʼi chéve: “Ejagarra ha heʼu,+ nde jurúpe eiretéicha heʼẽta, péro nde pyʼápe iróta”. 10 Ajagarra pe kuatiañeʼẽ pe ánhel pógui ha haʼu,+ ha che jurúpe eiretéicha heʼẽ,+ péro amokõ rire iro che pyʼápe. 11 Ha ojeʼe chéve: “Reprofetisa jey vaʼerã mbaʼépa oikóta umi puévlore, umi tetãre, umi hénte oñeʼẽvare diferénte idióma, ha avei mbaʼépa oikóta heta rréire”.

11 Oñemeʼẽ chéve peteĩ takuára amedi hag̃ua,+ ha ojeʼe chéve: “Epuʼã emedi Ñandejára témplo* ha pe altár, avei ekonta mboýpa oĩ umi omombaʼeguasúva Ñandejárape upépe. 2 Péro pe korapy oĩva oñesẽvo pe témplogui, ehejánte* ani remedi. Pórke upéva oñemeʼẽ umi tetãme, ha haʼekuéra opyrũmbáta pe siuda sagrádare+ 42 mésere.+ 3 Che katu amondóta mokõi che testígope oprofetisa hag̃ua 1.260 díare, ha omondéta hikuái ao ohechaukáva oñembyasyha”. 4 Koʼã mokõi testígo haʼe hína umi mokõi olívo máta+ ha umi mokõi kandelávro,+ ha haʼekuéra oñemboʼy hína ko yvy Ruvicha renondépe.+

5 Oĩramo ojaposéva ivaíva umi testígore, ijuruguikuéra osẽ tata ha ohundi iñenemigokuérape. Oĩramo sapyʼa ojaposéva ivaíva hesekuéra, péicha avei ojejuka vaʼerã upe persónape. 6 Ñandejára omeʼẽ autorida koʼã testígope omboty hag̃ua pe yvága+ ani hag̃ua oky+ haʼekuéra oprofetisa aja. Oreko avei autorida ojapo hag̃ua tuguy umi ýgui,+ ha ombou hag̃ua oimehaichagua jehasa asy ko yvy ape ári, ha ojapo upéva ogustaha óra chupekuéra.

7 Haʼekuéra oprofetisapa vove, pe animál salváhe ojupíva pe yvykua pypukúgui oñorairõta umi testígo kóntrape. Ha haʼe ipuʼakáta hesekuéra ha ojukáta chupekuéra.+ 8 Umi testígo retekue oĩta pe kálle prinsipálpe oĩva pe siuda tuichaitévape. Upépe avei ojeklava vaʼekue yvyráre Huvichakuérape. Sodoma ha Egipto orrepresenta ko siudápe. 9 Ha heta persóna oúva umi puévlo, trívu, umi tetãnguéragui ha umi oñeʼẽva diferénte idióma, omañáta umi teʼonguére 3 día imédiore,+ ha ndohejamoʼãi oñeñotỹ chupekuéra. 10 Ha umi hénte oikóva ko yvy ape ári ovyʼáta. Haʼekuéra ofesteháta umi mokõi proféta omano haguére, ha omondóta ojupe rregálo, pórke pe mensáhe omeʼẽva umi proféta heta ombosufri kuri chupekuéra.

11 Ha umi 3 día imédio rire, Ñandejára espíritu oporomoingovéva oike ipypekuéra+ ha haʼekuéra opuʼã. Ha umi hénte ohecha vaʼekue chupekuéra opyta okyhyjeterei. 12 Ha umi proféta ohendu peteĩ oñeʼẽ hatãva yvága guive ha heʼíva chupekuéra: “Pejupi koʼápe”. Ha haʼekuéra oho yvágape peteĩ araípe, ha iñenemigokuéra ohecha chupekuéra. 13 Upe moméntope* oiko peteĩ yvyryrýi tuicháva ha hoʼa peteĩ párte* pe siudágui, ha pe yvyryrýi ojuka 7.000 persónape. Umi ojesalva vaʼekue katu tuichaiterei oñemondýi ha ombotuicha Ñandejára yvagapeguápe.

14 Pe segundo ñembyasy+ ohasáma. Pe tercer ñembyasy ou hína pyaʼeterei.

15 Upéi pe séptimo ánhel ombopu itrompéta.+ Ha oñehendu yvágape heta oñeʼẽ hatãva ha heʼíva: “Ñandejára ha Cristo*+ Rréino ogoverna+ hína ko yvy, ha Ñandejára ogovernáta opa ára g̃uarã”.+

16 Upévo umi 24 ansiáno+ oguapýva itrónope Ñandejára renondépe, oñesũ oadora Ñandejárape, 17 ha heʼi: “Jehová,* nde ningo Ñandejára Todopoderóso, nde reexisti koʼág̃a+ ha reexisti vaʼekue yma. Ndéve roagradese reipuru haguére nde podér reñepyrũ hag̃ua regoverna.+ 18 Umi tetã katu ipochypa, ha nde rehechauka ndepochyha avei hendivekuéra. Ha og̃uahẽ pe tiémpo remoĩ vaʼekue rehusga hag̃ua umi omano vaʼekuépe ha remeʼẽ hag̃ua peteĩ prémio+ umi profétape,+ haʼéva nde esklávo, avei umi ojeporavo vaʼekuépe* ha umi orrespetávape nde réra, tahaʼe umi iñimportánteva térã umi ndorekoguasúiva autorida. Og̃uahẽ avei pe tiémpo rehundi hag̃ua umi ohundívape ko yvy”.+

19 Ha yvágape ojeavri Ñandejára témplo*+ ha ahecha pe Árka del Pákto. Avei ahendu osunuha, ahecha aravera, oiko peteĩ yvyryrýi ha hoʼa amandáu tuichaicháva, avei ahendu oĩha oñeʼẽva.

12 Upéi ahecha yvágape peteĩ señál tuicháva, peteĩ kuña+ omoĩ ijehe pe kuarahy peteĩ aóicha, pe jasy oĩ ipy guýpe ha iñakãre oreko peteĩ koróna ojejapóva 12 estréllagui. 2 Ha pe kuña hyeguasuetéma, ha osapukái pórke hasýma imemby hag̃uáicha.

3 Ha ahecha yvágape ótra señál. Peteĩ dragón+ guasu pytãitéva, 7 iñakã ha 10 hatĩva, ha oreko 7 koróna. 4 Ha huguáipe ombotyryry 1 de káda 3 estrélla+ oĩva yvágape, ha omombo ko yvy ári.+ Ha pe dragón osegi oñemboʼy pe kuña+ imemby potaitéva renondépe, ikatu hag̃uáicha omokõ pe mitãme onase vove.

5 Pe kuña imemby peteĩ mitãkuimbaʼe,+ haʼe okastigáta* entéro tetãnguéra peteĩ vastón de iérro+ reheve. Ha onasemírente pe mitã, ojegueraha chupe pe tróno gotyo, oĩháme Ñandejára. 6 Pe kuña katu odipara oho desiértore, pórke upépe oreko peteĩ lugár Ñandejára oprepara vaʼekue chupe g̃uarã, ha upépe oñemeʼẽta chupe hembiʼurã 1.260 díare.+

7 Ha oiko peteĩ gérra yvágape: Miguel*+ ha hiʼanhelkuéra oñorairõ pe dragón kóntrape, ha pe dragón ha hiʼanhelkuéra oñorairõ ikontrapekuéra. 8 Péro haʼekuéra operde, ha ndaiporivéima lugár chupekuéra g̃uarã yvágape. 9 Upévare, oñemombo ko yvýpe pe dragón+ guasúpe, haʼéva hína pe mbói ypykue+ oñehenóiva Diablo+ ha Satanás.+ Haʼe ombotavy ko múndo+ kompletoitépe. Oñemombo chupe ko yvýpe+ ha hiʼanhelkuérape avei oñemombo hendive. 10 Ha ahendu peteĩ oñeʼẽ hatãva yvágape ha heʼíva:

“Ñandejára osalváma+ umi héntepe, ha ohechaukáma ipodér. Ñandejára Rréino+ oñepyrũma ogoverna, ha Cristo* oipurúma ijautorida. Pórke oñemombóma pe yvýpe upe oho vaʼekuépe ára ha pyhare Ñandejára renondépe+ oakusa hag̃ua ñane ermanokuérape. 11 Haʼekuéra ipuʼaka hese+ pe Ovecha Raʼy+ ruguy rupive, ha pe mensáhe haʼekuéra oikuaaukáva+ rupive. Haʼekuéra ndokyhyjéi omanórõ g̃uarã, síno oĩ dispuésto omeʼẽvo hekove*+ ha omano. 12 Upévare, ¡pevyʼákena peẽ yvága ha peẽ peikóva upépe! Peñelamenta peẽ yvy ha mar,+ pórke pe Diablo oguejýma peẽme, ha haʼe ipochyeterei hína pórke oikuaa mbykypaitemaha pe tiémpo hembýva chupe”.+

13 Pe dragón ohechávo oñemombo hague chupe yvýpe,+ opersegi pe kuña+ oreko vaʼekuépe pe mitãkuimbaʼe. 14 Péro pe kuñáme oñemeʼẽ mokõi pepo guasu, haʼéva ágila pepo,+ ikatu hag̃uáicha oveve pe desiértope, pe lugár ojeprepara haguépe chupe. Upépe oñemeʼẽ chupe hembiʼurã peteĩ tiémpo, mokõi tiémpo ha médio tiémpore,*+ mombyry pe mbóigui.+

15 Pe mbói ypykue katu opoi ijurúgui y peteĩ rríoicha pe kuña rapykuéri, ikatu hag̃uáicha haʼe ojahoga pe rríope. 16 Péro pe yvy ou oipytyvõ pe kuñáme, ha pe yvy oavri ijuru ha omokõ pe rrío pe dragón opoi vaʼekue ijurúgui. 17 Ha pe dragón ipochyeterei pe kuñándi, ha oho oñorairõ pe kuña familiare*+ hembývandi. Umíva okumpli Ñandejára mandamientokuéra ha oñenkarga chupekuéra pe traváho oñeʼẽ hag̃ua Jesús+ rehe.

13 Ha pe dragón opyta oñemboʼy pe yvykuʼi marpegua ári.

Upéi ahecha peteĩ animál salváhe+ osẽva pe márgui,+ 10 hatĩ ha 7 iñakã. Káda hatĩ ári oreko peteĩ koróna, péro umi iñakãre oguereko umi téra oofendéva Ñandejárape.* 2 Pe animál salváhe ahecháva ojogua peteĩ jaguaretépe,* ipy haʼete óso py ha ijuru katu ojogua león jurúpe. Ha pe dragón+ omeʼẽ pe animál salváhepe podér, tróno ha tuicha autorida.+

3 Ha ahecha peteĩva pe iñakã haʼete orekóva peteĩ erída ha omano, péro upéi okuera jey pe erída.+ Ha enterove umi hénte oĩva ko yvy ape ári osegi pe animál salváhepe ha omombaʼeterei chupe hikuái. 4 Umi hénte oadora pe dragónpe, pórke haʼe omeʼẽ autorida pe animál salváhepe, ha oadora avei hikuái pe animál salváhepe, heʼívo: “Ndaipóri ótro ikatúva oñekompara pe animál salváhere. ¿Máva piko ikatu oñorairõ hendive?”. 5 Pe animál salváhepe oñemeʼẽ podér oñembotuicha hag̃ua ha oñeʼẽ vai hag̃ua Ñandejárare. Oñemeʼẽ chupe autorida ojapo hag̃ua ojaposéva 42 mésere.+ 6 Ha haʼe oavri ijuru ha oñepyrũ oñeʼẽ vai+ Ñandejárare, oñeʼẽ vai hérare ha yvágare, pe lugár Ñandejára oikoha, oñeʼẽ vai umi oikóvare yvágape.+ 7 Pe animál salváhepe oñepermiti oñorairõ umi ojeporavo vaʼekue* kóntrape ha oñepermiti ipuʼaka hesekuéra.+ Avei oñemeʼẽ chupe autorida oreko hag̃ua ipoguýpe entéro trívu, puévlo, umi oñeʼẽva diferénte idióma ha entéro tetã. 8 Ha umi hénte oikóva ko yvy ape ári oadoráta chupe. Ko múndo oñepyrũ guive koʼã hénte réra ndojeskrivíri pe lívro* de la vídape,+ ko lívro hína pe Ovecha Raʼy ojesakrifika vaʼekue mbaʼe.+

9 Upe ikatúva ohendu, ojapysaka porã vaʼerã.+ 10 Oĩramo oho vaʼerã préso, ohóta préso. Oĩramo oporojukáva espádape, chupe ojejuka vaʼerã avei espádape.+ Upévare tekotevẽ umi ojeporavo vaʼekue*+ oaguanta+ ha ojerovia.+

11 Upéi ahecha ótro animál salváhe ojupíva pe yvýgui, haʼe mokõi hatĩ peteĩ ovecha raʼýicha, péro oñepyrũvo oñeʼẽ, ojogua peteĩ dragónpe.+ 12 Haʼe oipurupaite pe primer animál salváhe+ autorida oĩ aja henondépe. Ha oovliga ko yvýpe ha umi héntepe oadora hag̃ua pe primer animál salváhepe, péva hína pe okuera vaʼekue ijerídagui.+ 13 Haʼe ojapo umi señál tuichaitereíva umi hénte renondépe, haʼe omanda hoʼa hag̃ua yvágagui tata ko yvy ape ári.

14 Haʼe ombotavy umi oikóvape ko yvy ape ári, upearã oipuru umi señál oñepermiti vaʼekue chupe ojapo pe primer animál salváhe renondépe. Ha haʼe heʼi umi oikóvape ko yvy ape ári ojapo hag̃ua pe primer animál salváhe raʼanga,*+ pe animál hína pe ojeʼeri vaʼekue espádape ha upéi oikove jey.+ 15 Pe segundo animál salváhepe oñemeʼẽ permíso omeʼẽ hag̃ua vída* pe primer animál salváhe raʼangápe. Péicha pe animál salváhe raʼanga ikatúta oñeʼẽ, ha omandáta ojejuka hag̃ua entéro umi ndoadoráivape chupe.

16 Ha haʼe oovliga entéro umi héntepe omoĩ hag̃ua peteĩ márka ipo deréchare térã isyváre, tahaʼe umi iñimportánteva térã umi ndorekoguasúiva autorida, umi iplátava térã umi imboriahúva, umi orekóva liverta térã umi esklávo.+ 17 Péicha umi ndorekóiva pe márka ndaikatumoʼãi ojogua mbaʼeve ni ovende, síno umi orekóva pe márka añoite, pe animál salváhe réra+ térã inúmero.+ 18 Peteĩ persóna iñarandu vaʼerã ontende hag̃ua ko mbaʼe: pe iñakãporãva tokalkula pe animál salváhe número, upéva peteĩ kuimbaʼe número hína. Inúmero haʼe 666.+

14 Ha ahecha pe Ovecha Raʼy+ oñemboʼýva pe Sérro Siónpe,+ ha hendive 144.000+ orekóva isyváre pe Ovecha Raʼy réra ha avei Itúa+ réra. 2 Ahendu peteĩ tyapu oúva yvágagui, haʼete y osyrýva kontinuadoite, ha arasunu hyapu hatãva. Pe ahendúva haʼete heta músiko opurahéiva ha ombopúva hiʼárpa. 3 Haʼekuéra opurahéi peteĩ músika haʼetéva peteĩ purahéi pyahu.+ Opurahéi hikuái pe tróno renondépe, avei umi 4 keruvín*+ ha umi ansiáno+ renondépe. Ha avave ndaikatúi opurahéi upe músika, síno umi 144.000+ añoite. Ñandejára ojogua vaʼekue chupekuéra ko yvýgui. 4 Koʼãva hína umi noñemongyʼái vaʼekue kuñándi, haʼekuéra hekopotĩ,*+ ha osegi hikuái pe Ovecha Raʼýpe toho ohohápe.+ Chupekuéra ojejogua+ vaʼekue yvyporakuéra apytégui, ha haʼekuéra hína pe kosécha primeroite+ oñemeʼẽva Ñandejárape ha pe Ovecha Raʼýpe. 5 Haʼekuéra nombotavýi avavépe heʼíva rupive, ha ndorekói ni peteĩ defékto.+

6 Ha ahecha ótro ánhel ovevéva yvága mbytére, haʼe oreko notísia porã opytátava pára siémpre. Haʼe oikuaauka ko notísia porã umi oikóvape ko yvy ári, entéro tetã, trívu, puévlo ha umi oñeʼẽvape diferénte idióma.+ 7 Ha pe ánhel hatã heʼi: “Perrespeta Ñandejárape ha pembotuicha chupe, pórke og̃uahẽma pe óra haʼe oporohusga+ hag̃ua. Upévare, peadora Ñandejárape, upe ojapo vaʼekue yvága, yvy, mar+ ha yvukuéra”.

8 Ha pe segundo ánhel ou upe rire ha heʼi: “¡Hoʼáma! ¡Babilonia Guasu+ hoʼáma!+ Haʼe hoʼuka vaʼekue entéro tetãme ivíno, upéva hína pe víno omoakãrakúva chupekuéra hekovai*+ hag̃ua”.

9 Upéi pe tercer ánhel osegi chupekuéra ha hatã heʼi: “Oĩramo oadoráva pe animál salváhepe+ ha haʼangápe, ha orresivíva peteĩ márka isyváre térã ipóre,+ 10 hoʼúta avei Ñandejára víno, upéva hína ipochykue. Péva peteĩ víno ipuroitéva,+ Ñandejára oñohẽtava ikópape omoĩháme ipochykue. Ha upe persónape oñembohasa asýta tata ha asúfrepe,+ umi ánhel ipotĩva renondépe ha pe Ovecha Raʼy renondépe. 11 Umichagua hénte ohasa asýta* tatápe ha pe hatatĩ osegíta opa ára g̃uarã.+ Ára ha pyhare oñembohasa asýta chupekuéra. Péicha ojehúta umi oadorávape pe animál salváhepe ha haʼangápe, ha oimeraẽ ohejávape oñemoĩ hese pe animál salváhe réra peteĩ márkaicha.+ 12 Upévare tekotevẽ umi ojeporavo vaʼekue*+ oaguantakuaa, haʼekuéra okumpli Ñandejára mandamiénto ha ojerovia mbarete+ Jesús rehe”.*

13 Ha ahendu peteĩ oñeʼẽva yvágagui ha heʼíva: “Eskrivi koʼã mbaʼe: ovyʼáta umi ñande Ruvicha disipulokuéra*+ omanóva ko tiémpo guive. Si, pe espíritu heʼi: topytuʼu hikuái hembiapógui, pórke umi mbaʼe porã ojapo vaʼekue ndopytamoʼãi tesaráipe”.*

14 Ha upéi ahecha peteĩ arai morotĩ ha hiʼári peteĩ ojoguáva yvypóra raʼýpe.+ Haʼe oreko iñakãre peteĩ koróna de óro ha ipópe peteĩ machéte* haimbéva.

15 Ha ótro ánhel osẽ pe témplogui* ha hatã heʼi pe oguapývape pe arai ári: “Ejagarra ne machéte* ha ekosecha, pórke og̃uahẽma pe tiémpo ojekosecha hag̃ua. Pe plantasión ko yvy arigua oĩma ojekosecha hag̃uáicha”.+ 16 Upémarõ pe oguapýva pe arai ári, ojagarra imachéte* ha okosecha pe plantasión ko yvy arigua.

17 Ha ótro ánhel osẽ pe témplo oĩvagui yvágape ha haʼe oreko avei peteĩ machéte* haimbéva.

18 Ha ótro ánhel osẽ pe altárgui, ha haʼe oreko autorida odomina hag̃ua pe tata. Ha hatã heʼi pe orekóvape pe machéte* haimbéva: “Ejagarra ne machéte* haimbéva ha eikytĩ ha embyaty pe parrál yvy arigua, pórke hiʼajupáma”.+ 19 Upéi pe ánhel ojagarra imachéte,* oikytĩ pe parrál yvy arigua ha omombo pe lugár oñeñamiháme umi parrál, upéva orrepresenta Ñandejára pochykue.+ 20 Umi kavaju opyrũ umi parrál rehe okápe pe siudágui, ha pe tuguy osẽva upe lugár oñeñamihágui pe parrál ojupi ohupyty peve umi kavaju akã, ha osyry 296 kilómetrorupi.*

15 Upéi ahecha yvágape ótra señál tuicháva ha ndaijojaháiva: 7 ánhel+ oguerúva 7 kastígo. Koʼãva hína umi último kastígo, ha og̃uahẽvo huʼãme, opáta avei Ñandejára pochykue.+

2 Ahecha avei peteĩ mbaʼe ojoguáva peteĩ mar de vídriope+ ojeheʼáva tata rehe. Avei ahecha umi ipuʼakáva+ pe animál salváhere, pe haʼangáre,+ ha hérare haʼéva peteĩ número.+ Haʼekuéra oñemboʼy pe mar de vídrio ypýpe ha káda uno oreko ipópe Ñandejára árpa. 3 Ha opurahéi hikuái pe Ovecha Raʼy+ ha Moisés músika,+ haʼe hína Ñandejára esklávo. Haʼekuéra heʼi:

“Ñandejára Todopoderóso+ Jehová,* umi ne rembiapokue tuicha ha ndaijojahái.+ Nde hína Rréi opa ára g̃uarã,*+ umi nde rape ningo ihústo ha entéro mbaʼe eréva siertogua.+ 4 Jehová,* nde núnka nderefallái+ nde puévlope, ¿máva piko nanderrespetamoʼãi ha nombotuichamoʼãi nde réra? Entéro umi tetã oúta ne renondépe ha ndeadoráta,+ pórke ohecha hikuái ndehustoha rehusga jave”.

5 Upe rire ahecha pe lugár sánto* oĩva pe tavernákulope*+ ojeavriha yvágape,+ 6 ha umi 7 ánhel oguerúva umi 7 kastígo+ osẽ pe lugár sántogui, haʼekuéra omonde ao de líno ipotĩ ha omimbipáva, ha oreko fáha de óro ipéchore. 7 Ha umi 4 keruvín* apytégui, peteĩva omeʼẽ umi 7 ánhelpe 7 mbaʼyru de óro henyhẽva Ñandejára pochykuégui,+ haʼe hína Ñandejára oikovéva opa ára g̃uarã. 8 Ha pe lugár sánto henyhẽ tatatĩgui pórke Ñandejára omimbipa ha ipoderóso,+ ha avave ndaikatúi oike pe lugár sántope opa peve umi 7 kastígo+ oguerúva umi 7 ánhel.

16 Ahendu peteĩ oñeʼẽva pe témplogui*+ ha heʼi hatãva umi 7 ánhelpe: “Tapeho peñohẽ pe yvy ári umi 7 mbaʼyru orekóva Ñandejára pochykue”.+

2 Pe primer ánhel oho ha oñohẽ imbaʼyru pe yvy ári.+ Upémarõ ojagarrapa kuru vai+ hasyetereíva entéro umi persóna orekóvape pe animál salváhe+ márka ha oadoráva pe haʼangápe.+

3 Pe segundo ánhel oñohẽ imbaʼyru márpe.+ Ha pe márgui oiko tuguy,+ haʼete peteĩ kuimbaʼe ojejuka vaʼekue ruguy, ha entéro mbaʼe oikóva* márpe omano.+

4 Pe tercer ánhel oñohẽ imbaʼyru umi rrío ha yvukuérape,+ ha umívagui oiko tuguy.+ 5 Ahendu pe ánhel orekóva autorida odomina hag̃ua umi y heʼiha: “Ñandejára, nde ningo nderefallái+ nde puévlope. Nde reexisti koʼág̃a, ha reexisti vaʼekue yma,+ nde rehechauka ndehustoha pórke redesidi oiko vaʼerãha koʼã mbaʼe.+ 6 Haʼekuéra oñohẽ kuri umi ojeporavo vaʼekue* ha umi proféta ruguy,+ ha upévare nde remeʼẽ chupekuéra tuguy hoʼu hag̃ua.+ Añetehápe omerese+ hikuái upéva”. 7 Ha ahendu peteĩ oñeʼẽva pe altárgui ha heʼíva: “Si, Jehová,* nde ningo Ñandejára Todopoderóso,+ ha umi mbaʼe redesidíva rehusga jave, siémpre ihústo ha ikatu jajerovia hese”.+

8 Pe cuarto ánhel oñohẽ imbaʼyru pe kuarahýre,+ ha pe kuarahýpe oñemeʼẽ permíso ohapy hag̃ua umi héntepe. 9 Hakueterei rupi, umi hénte okaipa. Péro haʼekuéra noñarrepentíri, síno oñeʼẽ vai Ñandejára rérare ha nombotuichái chupe. Haʼe hína pe orekóva podér ombou hag̃ua umi kastígo.

10 Pe quinto ánhel oñohẽ imbaʼyru pe animál salváhe tróno ári. Ha irréino iñypytũmba+ ha umi hénte oñepyrũ oisuʼu ikũ pórke hasyeterei chupekuéra pe kastígo. 11 Péro haʼekuéra noñarrepentíri hembiapo vaígui, síno oñepyrũ oñeʼẽ vai Ñandejára yvagapeguáre pórke hasy ha ikurupa hikuái.

12 Pe sexto ánhel oñohẽ imbaʼyru pe rrío guasu Éufrates+ ári, ha pe rrío hypa,+ péicha ojeprepara pe tape ohasa hag̃ua umi rréi+ oúva ésteguio.*

13 Ha ahecha pe dragón,+ pe animál salváhe ha pe proféta japúpe, ha ahecha káda uno jurúgui osẽha peteĩ profesía kyʼa* ojoguáva juʼípe. 14 Koʼã profesía añetehápe ou umi demóniogui,+ ha entéro umi rréi ko yvy arigua ohendu umíva. Koʼã profesía ojapo señál ombyaty hag̃ua umi rréipe pe gerrarã+ oikótava Ñandejára Todopoderóso+ ára guasúpe.

15 Upéi ahendu peteĩ oñeʼẽva ha heʼíva: “Aju peteĩ mondaháicha.+ Ovyʼa pe persóna ndokéiva+ ha siémpre oñatende porãva ani hag̃ua ojepeʼa chugui ijao, pono umi hénte ohecha chupe opío ha haʼe opyta otĩ”.+

16 Ha koʼã profesía ombyaty umi rréipe pe lugár héravape idióma hebréope Armagedón.*+

17 Pe séptimo ánhel oñohẽ imbaʼyru pe yvytu ári. Upéi oñehendu peteĩ oñeʼẽva pe tróno oĩvagui pe témplope,*+ ha heʼi hatãva: “¡Oikopáma!”. 18 Upéi osunu, overa ha ahendu unos kuánto oñeʼẽva. Oiko avei peteĩ yvyryrýi tuichaitereíva ha ojagarrapáva hetaiterei lugár, peichagua yvyryrýi neʼĩrava oiko ojejapo guive yvyporakuérape ko yvy ape ári.+ 19 Pe siuda guasu+ oñembojaʼo mbohapy hendápe, ha oñehundi umi siuda oĩva umi tetãme. Ha Ñandejára imanduʼa Babilonia Guasúre+ omeʼẽ hag̃ua chupe pe kópa oĩháme pe víno orekóva ipochykue.+ 20 Avei entéro umi ísla odesaparese ha umi montáña ndojetopái mamove hendápe.+ 21 Ha hoʼa yvágagui amandáu guasu, káda uno oreko 20 kílorupi.* Umi amandáu hoʼa umi hénte ári,+ ha umi hénte oñeʼẽ vai Ñandejárare pe amandáu káusare,+ pórke ohundi entéro mbaʼe.

17 Peteĩva umi 7 ánhel apytégui orekóva umi 7 mbaʼyru,+ ou ha heʼi chéve: “Eju ha ahechaukáta ndéve mbaʼéichapa ojekastigáta pe kuña rekovaípe, pe oguapýva heta y ári.+ 2 Umi rréi yvy arigua hekovai* hendive,+ ha umi hénte oikóva pe yvy ape ári okaʼupa hoʼu rupi pe kuña víno, upéva orrepresenta hekovaikue”.*+

3 Pe ánhel chegueraha espíritu sánto rupive peteĩ desiértope. Ha ahecha peteĩ kuña oguapýva peteĩ animál salváhe pytãitéva ári. Pe animál 7 iñakã ha 10 hatĩ ha henyhẽ umi téra oofendévagui Ñandejárape.* 4 Pe kuña omonde ao líla,+ ha oreko aláha ojejapóva órogui, ita verágui ha pérlagui.+ Ipópe oreko peteĩ kópa de óro henyhẽva umi mbaʼe ñanembojeguarúvagui ha hekovaikue* ikyʼaitereívagui. 5 Isyváre oĩ peteĩ téra ndojekuaaporãiva mbaʼépa heʼise. Pe téra hína: “Babilonia Guasu, haʼe hína umi kuña rekovai sy+ ha avei entéro mbaʼe yvy arigua ñanembojeguarúva sy”.+ 6 Ahecha pe kuña okaʼu hoʼúvo umi ojeporavo vaʼekue* ruguy ha Jesús testigokuéra ruguy.+

Ha ahechávo chupe añesorprendeterei apytávo. 7 Upéi pe ánhel heʼi chéve: “¿Mbaʼére piko reñesorprende repytávo? Che amombeʼúta ndéve mbaʼépa orrepresenta* pe kuña+ ha avei mbaʼépa orrepresenta pe animál salváhe 7 iñakãva ha 10 hatĩva+ ogueraháva hína pe kuñáme: 8 pe animál salváhe rehecha vaʼekue oĩ kuri primerorã, upéi ndaiporivéi, péro koʼẽrõite ojupíta pe yvykua pypukúgui+ ha upe rire oñehundíta. Umi hénte oikóva yvy ape ári (ko múndo oñepyrũ guive koʼã hénte réra ndojeskrivíri pe lívro* de la vídape)+ oñesorprendéta ohechávo mbaʼéichapa pe animál salváhe oĩ kuri primerorã, upéi ndaiporivéi, péro upe rire oĩ jeýta.

9 Peteĩ persóna iñakãporã ha iñarandu vaʼerã ontende hag̃ua ko mbaʼe: umi 7 akã+ orrepresenta 7 montáña ha umíva ári oguapy hína pe kuña. 10 Umíva hína 7 rréi: 5 hoʼáma, peteĩva oĩ hína, pe ótro neʼĩra og̃uahẽ, péro ág̃a haʼe og̃uahẽ vove opyta vaʼerã peteĩ tiémpo mbykymíre. 11 Ha pe animál salváhe oĩva kuri péro upéi ndaiporivéi,+ péva haʼe avei peteĩ rréi, pe ochoha. Péva osẽ umi 7 rréigui ha oho oñehundi hag̃ua.

12 Umi 10 hatĩ rehecha vaʼekue orrepresenta 10 rréipe. Koʼãva nogovernái gueteri, péro orresivíta autorida ogoverna hag̃ua pe animál salváhe ndive una órare. 13 Koʼãva opensa peteĩchapa ha upévare omeʼẽ ipodér ha ijautorida pe animál salváhepe. 14 Haʼekuéra oñorairõta pe Ovecha Raʼy+ kóntrape, péro haʼe oganáta chupekuéra, pórke pe Ovecha Raʼy haʼe hína pe Governánte omandavéva entéro umi ótro governántegui, ha pe Rréi omandavéva entéro umi ótro rréigui.+ Avei oganáta+ umi oĩva hendive, umíva iñeʼẽrendu ha Ñandejára ohenói ha oelehi vaʼekue chupekuéra”.+

15 Ha haʼe heʼi chéve: “Nde rehecha kuri pe kuña rekovai oguapyha umi y ári, umíva orrepresenta hína heta hénte, puévlo, tetãnguéra ha umi oñeʼẽva diferénte idióma.+ 16 Pe animál salváhe+ 10 hatĩva+ nde rehecha vaʼekue ndochaʼemoʼãi pe kuña rekovaíre,+ oipeʼapaitéta chugui ikosakuéra ha ohejáta chupe opío, hoʼúta hoʼo ha ohapýta chupe kompletoite tatápe.+ 17 Upéva oikóta pórke Ñandejára omoĩta iñakãmekuéra peteĩ plan+ ojapo hag̃ua haʼe oipotáva, upéva heʼise opensataha hikuái la mísma kósa ha omeʼẽta ijautorida pe animál salváhepe,+ oñekumplipa peve umi mbaʼe Ñandejára heʼi vaʼekue. 18 Pe kuña+ rehecha vaʼekue orrepresenta pe siuda guasu orekóva peteĩ rréino ogovernáva umi rréi yvy ariguáre”.

18 Upe rire ahecha ótro ánhel oguejýva yvágagui. Haʼe oreko tuicha autorida, omimbipa ha ohesapepaite pe yvy. 2 Haʼe osapukái hatã ha heʼi: “¡Hoʼáma! ¡Babilonia Guasu hoʼáma!+ Pe siuda koʼág̃a peteĩ lugár oiko hag̃ua umi demónio. Peteĩ lugár okañy hag̃ua opaichagua ánhel aña, umi guyra ikyʼáva+ ha ombojeguarúva opavavépe. 3 Haʼe omongaʼu entéro tetãnguérape, hoʼuka chupekuéra ivíno, upéva hína pe víno omoakãrakúva chupekuéra hekovai* hag̃ua.+ Ha umi rréi yvy arigua hekovai hendive.+ Ha umi komersiánte yvy arigua oñembopláta heta umi rrikésa pe kuña ombyaty vaʼekue rupive, ha haʼe notĩri ombyaty haguére umíva”.

4 Ha ahendu ótro oñeʼẽva pe yvágagui ha heʼíva: “Peẽ che puévlo,+ pesẽke chugui ani hag̃ua pemoirũ chupe ipekadokuérape ha ndapeipotáiramo penderupyty umi kastígo+ oútava chupe. 5 Pórke ipekadokuéra hetaiterei ha ohupytýma voi yvága,+ ha Ñandejára ohusgáta chupe umi mbaʼe vai ojapo vaʼekuére.+ 6 Pejapo hese umi mbaʼe vai haʼe ojapo haguéicha ótrore,+ el dóvle voi pejapo hese.+ Pe kópa+ haʼe ombojeheʼa haguépe vevída, upévape pembojeheʼa chupe g̃uarã peteĩ vevída el dóvle imbaretéva.+ 7 Pórke haʼe oñembotuicha ha oreko hetaiterei rrikésa, ha notĩri peichaite peve ombyaty haguére. Upévare haʼe ohasa asy ha oñelamenta vaʼerã. Ipyʼapýpe haʼe osegi heʼi: ‘Che ningo peteĩ rréina ha amanda guasu, che ndahaʼéi viúda ha núnka ndaikomoʼãi añelamenta’.+ 8 Upévare un díapente oupaitéta hiʼári umi kastígo: ñemano, jaheʼo ha ñembyahýi, ha ojehapýta chupe kompletoite tatápe.+ Upéicha oikóta hese pórke ipoderóso hína Ñandejára Jehová,* haʼe hína pe ohusgáva chupe.+

9 Umi rréi hasẽ soróta pe kuñáre, ojedesespera ha oñelamentáta* ohechávo pe tatatĩ ojupíva ojehapývo chupe. Koʼã rréi hekovai* vaʼekue hendive ha odisfruta vaʼekue hendive umi lúho haʼe ombyaty vaʼekue otĩʼỹre. 10 Haʼekuéra oñemboʼýta mombyry guive okyhyjégui umi kastígo oúvagui chupe, ha heʼíta: ‘Aichejáranga, aichejáranga Babilonia, pe siuda tuichaitéva+ ha imbaretéva. Una órape Ñandejára ndekastigáma’.

11 Umi komersiánte yvy arigua hasẽ soro ha ombyasy avei chupe, pórke ndaiporivéima avave ojoguáva chuguikuéra umi mbaʼe oguerúva ovende hag̃ua. 12 Haʼekuéra ogueru henyhẽte óro, pláta, ita vera iporãitereíva, pérla, líno iporãva, ao líla, séda, ao pytãitéva, entéro mbaʼe ojejapóva madéra hyakuã porãvagui, marfílgui,* madéra iporãitereívagui, kóvregui, iérro ha mármolgui. 13 Ogueru avei hikuái kanéla, mbaʼe ryakuã porã oúva Índiagui, insiénso, aséite perfumádo, olívano, víno, aséite de olíva, arína iporãva, trígo, vaka, ovecha, kavaju, kárro, esklávo ha ótra hénte.* 14 Si, umi mbaʼe porãita reipota* vaʼekue ojepeʼáma ndehegui, ha umi tembiʼu hetereíva ha umi mbaʼe porãita reguereko vaʼekue oñehundíma ha núnka ndojetopamoʼãvéima.

15 Umi komersiánte ovende vaʼekue koʼã mbaʼe ha oñembopláta vaʼekue pe kuña rupive, oñemboʼýta mombyry guive okyhyjégui umi kastígo oúvagui chupe, haʼekuéra hasẽ soro ha oñembyasýta. 16 Haʼekuéra heʼíta: ‘Aichejáranga, aichejáranga pe siuda tuichaitéva. Haʼe omonde vaʼekue líno iporãva, ao líla ha pytãitéva, ha oñeadorna vaʼekue óro, ita vera iporãitereíva ha pérlape.+ 17 ¡Una órape hetaite rrikésa oñehundipaite!’.

Ha entéro kapitán varkopegua, entéro oviaha meméva mar rehe, umi marinéro ha entéro ombaʼapóva pe márpe, oñemboʼy mombyry guive, 18 oñelamenta hikuái ohechávo pe tatatĩ ojupíva ojehapývo pe siuda, ha hatã heʼi: ‘Ndaiporichéne ótra siuda ikatútava oñekompara ko siuda tuichaitévare’. 19 Haʼekuéra omoĩta yvytimbo iñakã arikuéra, osapukáita, hasẽ soróta, oñelamentáta ha heʼíta hikuái: ‘Aichejáranga, aichejáranga pe siuda tuichaitéva. Irrikésa rupive oñembopláta vaʼekue entéro umi orekóva várko pe márpe. Ha koʼág̃a una órape oñehundipaite’.+

20 Peẽ peikóva yvágape,+ peẽ pejeporavo vaʼekue,*+ peẽ apóstol ha profetakuéra, entéro peẽ pevyʼa vaʼerã la oikóvare hese pórke Ñandejára okastigáma pe siudápe umi mbaʼe vai ojapo vaʼekuére penderehe”.+

21 Ha peteĩ ánhel ipoderósova ohupi peteĩ ita guasu,* opoi pe márpe ha heʼi: “Péicha pyaʼe oñemombóta Babilóniape, pe siuda tuichaitéva, ha núnka ndojetopamoʼãvéima+ chupe. 22 Babilonia, nde siudápe noñehendumoʼãvéima umi opurahéiva ha ombopúva hiʼárpa, noñehendumoʼãvéima umi ombopúva fláuta, umi ombopúva trompéta ni umi ótro músiko. Ndaiporimoʼãvéima avave ombaʼapóva nde siudápe ha núnka noñehendumoʼãvéima molíno ryapu. 23 Nde siudápe núnka ndohesapemoʼãvéima ni peteĩ lámpara, ha ndaiporimoʼãvéima ni peteĩ kasamiénto. Umi ne komersiantekuéra ningo haʼe vaʼekue umi iñimportantevéva ko yvy arigua, ha umi espiritísmo*+ rupive rembotavy vaʼekue entéro tetãnguérape. 24 Si, ko siudápe ojetopa kuri umi proféta ruguy, umi ojeporavo vaʼekue* ruguy+ ha entéro umi ojejuka vaʼekue ko yvy ape ári ruguy”.+

19 Upe rire ahendu oñeñeʼẽ hatãha yvágape, haʼete hetaiterei ánhel oñeʼẽva. Haʼekuéra heʼi: “¡Pemombaʼeguasúke Jehovápe!*+ Ñandejára osalva yvyporakuérape, haʼe oreko tuicha podér ha autorida. 2 Ha umi mbaʼe odesidíva ohusga jave siémpre ihústo ha ikatu jajerovia hese.+ Haʼe okastigáma pe kuña rekovaípe, upe ombyai vaʼekue pe yvy hekovai* rupi, ha oñevengáma hese oñohẽ haguére ijesklavokuéra ruguy”.+ 3 Ha ensegída heʼi jey hikuái: “¡Pemombaʼeguasúke Jehovápe!*+ Ha pe tatatĩ osẽva Babilóniagui osegi ojupi opa ára g̃uarã”.+

4 Ha umi 24 ansiáno+ ha umi 4 keruvín+ oñesũ ha oadora Ñandejárape, haʼe oguapy hína pe trónope. Haʼekuéra heʼi: “¡Amén!* ¡Pemombaʼeguasúke Jehovápe!”.*+

5 Avei oñehendu peteĩ oñeʼẽva pe trónogui ha heʼíva: “Pemombaʼeguasúke Ñandejárape, entéro peẽ ijesklavokuéra+ perrespetáva chupe, tahaʼe umi iñimportánteva ha umi ndorekoguasúiva autorida”.+

6 Ahendu oñeñeʼẽ hatãha yvágape, haʼete hetaiterei ánhel oñeʼẽva, haʼete y osyry hatãva ha arasunu hyapu hatãva. Ahendu heʼiha: “Pemombaʼeguasúke Jehovápe,*+ pórke Ñandejára Jehová,* pe Todopoderóso,+ oñepyrũma ogoverna.+ 7 Ñandepyʼarory ha javyʼaitereíkena, ha ñambotuicha chupe, pórke og̃uahẽma pe Ovecha Raʼy kasamiénto ha pe nóvia ojepreparáma omenda hag̃ua. 8 Si, pe nóviape oñemeʼẽ ao de líno iporãva, ipotĩva ha omimbipáva, pórke pe líno iporãva orrepresenta umi mbaʼe porã ojapóva umi ojeporavo vaʼekue”.*+

9 Ha pe ánhel heʼi chéve: “Eskrivi koʼã mbaʼe: ovyʼaite umi oñeinvitáva oho hag̃ua pe séna ojejapótavape pe Ovecha Raʼy kasamientorã”.+ Ha heʼi avei chéve: “Koʼã mbaʼe ningo Ñandejára heʼi ha umíva siertoite”. 10 Upémarõ añesũ henondépe aadora hag̃ua chupe. Péro haʼe heʼi chéve: “¡No! ¡Aníke ejapo upéva!+ Eadora Ñandejárape.+ Che ningo peteĩ esklávonte avei, nde ha ne ermanokuéraicha. Peẽme ningo oñenkarga kuri peñeʼẽ vaʼerãha Jesús rehe,+ pórke entéro umi profesía oĩ omombeʼu hag̃ua la verda Jesús rehe”.+

11 Ha ahecha pe yvága ojeavriha ha ahecha peteĩ kavaju morotĩ.+ Ha pe oguapýva hiʼári héra Fiél+ ha Sinséro,+ ha haʼe ojapo hustísia oporohusga jave ha oñorairõ jave.+ 12 Umi hesa haʼete tatarendy+ ha iñakãre oreko heta koróna. Haʼe oreko peteĩ téra avave ndoikuaáiva mbaʼépa heʼise, haʼe añoite oikuaa. 13 Haʼe oreko peteĩ ao ojehypýiva tuguýpe, ha oñembohéra chupe: Ñandejára Ñeʼẽ.+ 14 Avei umi ehérsito yvagapegua oho hapykuéri kavaju morotĩ ári, ha haʼekuéra oreko ao de líno iporãva, ipotĩva ha morotĩva. 15 Ijurúgui osẽ peteĩ espáda ipukúva+ ha hakuáva, upéva haʼe oipuru ohundi hag̃ua umi tetãnguérape. Ha haʼe okastigáta* chupekuéra peteĩ vastón de iérro reheve.+ Avei haʼe opyrũ umi parrál rehe pe lugár oñeñamiháme parrál, upéva orrepresenta Ñandejára Todopoderóso+ pochykue. 16 Ha ijaóre, si, pe ikuárto altúrape, ojeskrivi peteĩ téra, upéva hína: Rréi omandavéva entéro umi ótro rréigui, ha Governánte omandavéva entéro umi ótro governántegui.+

17 Avei ahecha peteĩ ánhel oñemboʼýva hína kuarahýpe, ha haʼe osapukái hatã ha heʼi entéro umi guyra ovevévape yvágare: “Peju koʼápe, peñembyaty pe séna tuichaitéva Ñandejára ojapóvape.+ 18 Peju peʼu umi rréi reʼongue, umi komandánte militár reʼongue, umi kuimbaʼe imbaretéva reʼongue,+ umi kavaju reʼongue, umi kavaju arigua reʼongue,+ ha enterove reʼongue, tahaʼe umi orekóva liverta térã umi esklávo, umi iñimportánteva ha umi ndorekoguasúiva autorida”.

19 Ha ahecha pe animál salváhe, ha umi rréi yvy arigua ha ijehersitokuéra oñembyatyha oñorairõ hag̃ua pe kavaju arigua kóntrape, ha ijehérsito kóntrape.+ 20 Ha pe ohóva pe kavaju ári ojagarra pe animál salváhepe ha pe proféta japúpe,+ upe ojapóva umi señál pe animál salváhe renondépe, ombotavy hag̃ua entéro umi orresivi vaʼekuépe pe animál salváhe márka,+ ha oadoráva haʼangápe.+ Ha oikove aja gueteri pe animál salváhe ha pe proféta japu, haʼe opoi chupekuéra pe lágo oĩháme tatarendy ha asúfre.+ 21 Péro umi rréi ha ijehersitokuérape ojejuka pe espáda pukúpe, pe osẽva pe kavaju arigua jurúgui.+ Ha entéro umi guyra hoʼu umi teʼongue hyg̃uatãha meve.+

20 Ahecha peteĩ ánhel oguejýva yvágagui ha ipópe oreko pe yvykua pypuku lláve+ ha peteĩ kadéna guasu. 2 Haʼe ojagarra pe dragónpe,+ pe mbói ypykue+ haʼéva Diablo+ ha Satanás+ ha oñapytĩ chupe 1.000 áñore. 3 Omombo chupe pe yvykua pypukúpe,+ upéi omboty pe yvykua ha osella. Péicha ojapo anive hag̃ua pe dragón ombotavy umi tetãnguérape opa peve umi 1.000 áño. Upe rire ojepoíta chugui peteĩ tiémpo mbykymíre.+

4 Ahecha heta tróno, ha umi oguapývape umi trónope oñemeʼẽ autorida oporohusga hag̃ua. Si, ahecha umi* ojejuka vaʼekuépe* opredika haguére Jesús ha Ñandejárare. Haʼekuéra ndoadorái vaʼekue pe animál salváhepe ni haʼangápe ha ndorresivíri pe márka isyváre ni ipóre.+ Haʼekuéra oikove jey ha ogoverna Cristo+ ndive 1.000 áñore. 5 Koʼãva hína umi primeroite oikove jeýva.+ Umi ótro omanóva+ oikove jey opa rire umi 1.000 áño. 6 Umi primeroite oikove jeýva ovyʼa ha ipotĩ Ñandejára renondépe.+ Pe muérte segunda,*+ ndohupytýi+ koʼãvape,* síno oikóta chuguikuéra Ñandejára saserdóte+ ha Cristo saserdóte, ha ogovernáta Cristo ndive 1.000 áñore.+

7 Péro opávo umi 1.000 áño, ojepoíta Satanásgui pe oĩhágui préso, 8 ha osẽta ombotavy hag̃ua umi tetãnguéra oĩvape umi 4 eskínape ko yvy ape ári, péva hína Gog ha Magog, ha ombyatýta chupekuéra gerrarã. Koʼãva hetaiterei, haʼete voi pe yvykuʼi marpegua. 9 Haʼekuéra ojagarrapa ko yvy ha omongora pe kampaménto oĩháme umi ipotĩva Ñandejára renondépe,* ha omongora pe siuda Ñandejára ohayhúva. Péro oguejy tata yvágagui ha ohapypaite chupekuéra.+ 10 Ha pe Diáblope, oikóva ombotavy chupekuéra, ojepoi pe lágo oĩháme tatarendy ha asúfre. Upépe ojepoíma kuri pe animál salváhe+ ha pe proféta japúpe,+ ha oñembohasa asýta* chupekuéra ára ha pyhare opa ára g̃uarã.

11 Ahecha peteĩ tróno guasu morotĩva ha Ñandejára oguapyha hiʼári.+ Henondégui odipara pe yvy ha yvága,+ ha ndojetopavéi chupekuéra. 12 Ha ahecha umi omano vaʼekuépe, umi iñimportánteva ha umi ndorekoguasúiva autorida. Haʼekuéra oñemboʼy pe tróno renondépe ha ojeavri umi kuatiañeʼẽ.* Péro ojeavri ótro kuatiañeʼẽ, péva hína pe lívro de la vída.+ Ha ojepuru umi mbaʼe ojeskrivíva umi kuatiápe ojehusga+ hag̃ua hembiapokuére umi omanóvape. 13 Pe mar omeʼẽ umi omanóva oĩva pype, ha pe ñemano ha pe Sepultúra* omeʼẽ umi omanóva oĩva ipypekuéra ha káda únope ojehusga hembiapokuére.+ 14 Pe ñemano ha pe Sepultúra* oñemombo pe lágo oĩháme tatarendy.+ Pe lágo oĩháme tatarendy+ orrepresenta pe muérte segunda.*+ 15 Avei entéro umi noĩriva pe lívro de la vídape+ ojepoi pe lágo oĩháme tatarendy.+

21 Ahecha peteĩ yvága pyahu ha yvy pyahu,+ pórke pe yvága ha pe yvy yma guare ohasáma,+ ha pe mar+ ndaiporivéima. 2 Ha ahecha pe siuda sagráda, haʼéva Jerusalén Pyahu, ouha Ñandejáragui ha oguejy yvágagui,+ haʼete peteĩ nóvia ojeprepara ha oñemoporãva iménape g̃uarã.+ 3 Upéi ahendu peteĩ oñeʼẽva pe trónogui ha heʼi hatãva: “Ñandejára róga* oĩ umi hénte apytépe, ha haʼe oikóta hendivekuéra ha haʼekuéra haʼéta ipuévlo. Haʼe oĩta umi héntendi.+ 4 Ñandejára omokãmbaitéta umi hénte resay,+ ha ndaiporimoʼãvéima omanóva,+ oñelamentáva,* hasẽva ni hasýva.+ Umi mbaʼe oiko vaʼekue yma opáma”.

5 Ha Ñandejára oguapýva pe trónope+ heʼi: “Ambopyahu hína entéro mbaʼe”.+ Ha heʼi avei: “Eskrivíkena koʼã mbaʼe, pórke koʼã ñeʼẽ ningo siertoite ha umi hénte ikatu ojerovia hese”. 6 Ha heʼi chéve: “¡Umi mbaʼe oikopáma! Che hína Alfa ha Omega,* pe iñepyrũ ha pe ipahaite.+ Oimeraẽ ijuhéivape ameʼẽta grátis pe y pe yvu orekóvagui y oporomoingovéva.+ 7 Koʼã mbaʼe ameʼẽta* oimeraẽ oganávape pe ñorairõ, ha che haʼéta Ijára ha haʼe haʼéta che raʼy. 8 Péro umi ipyʼajúva, umi ndojeroviáiva,+ umi ikyʼáva ha ojapóva umi mbaʼe ñanembojeguarúva, umi oporojukáva,+ umi hekovaíva,*+ umi ojapóva espiritísmo,* umi oadoráva taʼanga,* ha entéro ijapúva+ ojepoíta pe lágo oĩháme tatarendy ha asúfre.+ Kóva orrepresenta pe muérte segunda”.*+

9 Ha umi 7 ánhel apytégui, umi orekóva umi 7 mbaʼyru henyhẽva umi 7 último kastígogui,+ peteĩva ou ha heʼi chéve: “Eju ha ahechaukáta ndéve pe nóvia, pe Ovecha Raʼy rembireko”.+ 10 Upémarõ haʼe chegueraha espíritu sánto rupive peteĩ montáña tuicha ha ijyvatévape. Ha haʼe ohechauka chéve pe siuda sagráda, Jerusalén, oúva Ñandejáragui ha oguejýva yvágagui.+ 11 Ko siuda oreko Ñandejára podér omimbipáva.+ Omimbi peteĩ ita vera iporãitereívaicha, haʼete háspe overáva peteĩ kristál hesakã asývaicha.+ 12 Pe siuda oreko peteĩ murálla ijyvatéva ha tuicháva, ha 12 hokẽ, ha káda okẽ ypýpe oĩ peteĩ ánhel. Ha umi okẽre ojeskrivi umi 12 trívu Israelgua réra. 13 Éste gotyo oĩ mbohapy okẽ, nórte gotyo oĩ mbohapy okẽ, sur gotyo oĩ mbohapy okẽ, ha oéste gotyo oĩ mbohapy okẽ.+ 14 Pe murálla oĩva pe siuda jerére oreko 12 ita isimiéntope. Ha umi itáre oĩ umi 12 apóstol réra,+ koʼãva hína pe Ovecha Raʼy apóstol.

15 Upe oñeʼẽ vaʼekue chendive oguereko peteĩ takuára de óro omedi hag̃ua pe siuda, ha omedi hag̃ua umi hokẽ ha imurálla.+ 16 Pe siuda oreko 4 eskína peteĩ kuadrádoicha, ha peteĩchante ipukukue ha ipekue. Haʼe omedi pe siuda pe takuárape ha oreko 2.220 kilómetrorupi,* ha peteĩchante ipukukue, ipekue ha ijyvatekue. 17 Pe ánhel omedi avei pe murálla, 144 codo,* péva peteĩ medída oipurúva yvyporakuéra, ha pe ánhel oipuru avei upéva omedi hag̃ua. 18 Pe murálla ojejapo háspegui+ ha pe siuda katu de óro puroite, haʼete vídrio hesakã asýva. 19 Pe murálla ojeréva pe siudáre oreko isimiénto oñeadornáva opaichagua ita vera iporãitereívape. Pe primer ita oĩva pe simiéntope héra háspe, pe segundo safíro, pe tercero kalsedónia, pe cuarto esmerálda, 20 pe quinto sardónika, pe sexto sárdio, pe séptimo krisólito, pe octavo verílo, pe noveno topásio, pe décimo krisoprása, pe onceha hasínto, ha pe doceha amatísta. 21 Umi 12 okẽ haʼe hína 12 pérla, káda okẽ ojejapo peteĩ pérlagui. Ha pe kálle prinsipál oĩva pe siudápe ojejapo óro púrogui, haʼete vídrio hesakã asýva.

22 Ha ndahechái pype ni peteĩ témplo, pórke Ñandejára Todopoderóso+ Jehová* haʼe hína pe siuda témplo, ha pe Ovecha Raʼy haʼe avei. 23 Pe siuda noikotevẽi ni pe kuarahy ni pe jasy ohesape hese, pórke Ñandejára podér omimbipáva ohesape chupe,+ ha pe siuda lámpara haʼe hína pe Ovecha Raʼy.+ 24 Pe siuda lus+ ohesapéta pe tape oguata hag̃ua umi tetãnguéra. Ha umi rréi yvy arigua oguerúta ipodér omimbipáva pe siudápe. 25 Ha umi okẽ ni mbaʼevéicharõ noñembotymoʼãi, pórke pe siudápe siémpre de díata ha ndaiporimoʼãi pyhare.+ 26 Ha entéro umi hénte umi tetãmegua ombotuicháta ha omombaʼéta pe siudápe.+ 27 Péro oimeraẽ mbaʼe ikyʼáva ha oimeraẽ persóna ojapóva peteĩ mbaʼe ñanembojeguarúva ha oporombotavýva, ni mbaʼevéicharõ ndoikemoʼãi pe siudápe,+ sólamente ikatúta oike umi orekóva héra pe lívro* de la vídape, ko lívro hína pe Ovecha Raʼy mbaʼe.+

22 Ha pe ánhel ohechauka chéve peteĩ rrío orekóva y oporomoingovéva.+ Pe rrío hesakã asy peteĩ kristál hesakãháicha, ha osyry Ñandejára ha pe Ovecha Raʼy trónogui.+ 2 Pe rrío oguejy ohóvo pe kálle prinsipál mbytére, oĩva pe siudápe. Ha pe rrío kóstape, mokõive ládo oĩ yvyramáta oporomoingovéva, hiʼáva 12 vése káda áño, upéva heʼise hiʼaha una ves al mes. Ha umi yvyramáta rogue omonguera umi tetãnguérape.+

3 Upe siuda noñemaldesimoʼãvéima, ha Ñandejára ha pe Ovecha Raʼy tróno+ oĩta pe siudápe. Ñandejára esklavokuéra oservíta chupe, 4 ohecháta hikuái Ñandejára rova+ ha héra ojeskrivíta isyvarekuéra.+ 5 Avei ndaiporimoʼãvéima pyhare+ ha haʼekuéra noikotevẽmoʼãi lámpara ni kuarahy ohesape hag̃ua chupekuéra, pórke Ñandejára Jehová* voi ohesapéta hiʼarikuéra,+ ha haʼekuéra ogovernáta opa ára g̃uarã.+

6 Ha pe ánhel heʼi chéve: “Koʼã ñeʼẽ ningo siertoite ha umi hénte ikatu ojerovia hese.+ Si, Ñandejára Jehová,* upe ojevaléva umi profétare+ oñeʼẽ hag̃ua, ombou hiʼánhelpe ohechauka hag̃ua ijesklavokuérape umi mbaʼe oikótava koʼẽrõite. 7 Ha ahátama koʼẽrõite.+ Ovyʼa pe persóna ojapóva la heʼíva umi profesía oĩva ko lívrope”.*+

8 Che, Juan, ahecha ha ahendu kuri koʼã mbaʼe. Ha ahendu ha ahechávo koʼã mbaʼe, añesũ aadora hag̃ua pe ánhelpe, upe ohechauka vaʼekue chéve umi mbaʼe. 9 Péro haʼe heʼi chéve: “¡No! ¡Aníke ejapo upéva! Eadora Ñandejárape.+ Che ningo aservínte avei de esklávo, rejapoháicha nde, ojapoháicha umi proféta haʼéva ne ermáno ha ojapoháicha umi okumplíva umi mbaʼe oĩva ko lívrope”.

10 Ha pe ánhel heʼi avei chéve: “Ani remokañy peteĩ sekrétoicha umi mbaʼe heʼíva ko profesía oĩva ko lívrope, pórke pe tiémpo oñemoĩ vaʼekue hiʼag̃uimbaitéma. 11 Pe ojapóva ivaíva, tosegi tojapo ivaíva, pe hekokyʼáva tosegi tojapo ikyʼáva, péro pe ihústova tosegi tojapo iporãva, ha pe ipotĩva Ñandejára renondépe tosegi ipotĩ henondépe.

12 ‘Ahátama koʼẽrõite, ha ameʼẽta káda únope pe omereséva.+ 13 Che hína Alfa ha Omega,*+ pe primero ha pe último, iñepyrũ ha ipahaite. 14 Ovyʼa umi ojohéi vaʼekue ijao puku,+ ikatu hag̃uáicha hoʼu umi yvyramáta oporomoingovévagui,+ ha ikatu hag̃uáicha oike pe siudápe umi okẽrupi.+ 15 Okápe pe siudágui oĩ umi hénte ikyʼáva,* umi ojapóva espiritísmo,* umi hekovaíva,* umi oporojukáva, umi oadoráva taʼanga,* ha enterove ohayhúva pe japu ha siémpre oikóva oporombotavy’.+

16 ‘Che, Jesús, amondo che ánhelpe oikuaauka hag̃ua peẽme koʼã mbaʼe ikatu hag̃uáicha ideprovécho umi kongregasiónpe. Che hína David familiare* ha idesendiénte,+ pe estrélla omimbipáva koʼẽju jave’”.+

17 Pe espíritu sánto ha pe nóvia+ osegi heʼi: “¡Eju!”. Ha oimeraẽ ohendúva teʼi avei: “¡Eju!”. Ha oimeraẽ ijuhéiva tou,+ ha oimeraẽ hoyʼuséva toʼu grátis pe y oporomoingovéva.+

18 “Enterove ohendúvape umi profesía oĩva ko lívrope, aikuaauka hína ko mbaʼe: oĩramo peteĩ persóna omoĩvéva peteĩ mbaʼe jepe koʼã mbaʼe ojeskrivi vaʼekuépe,+ Ñandejára omboúta hiʼári umi kastígo ojeskrivíva ko lívrope.+ 19 Ha oĩramo oipeʼáva peteĩ mbaʼe jepe ko profesíagui oĩva ko lívrope, Ñandejára ndohejamoʼãi orresivi umi mbaʼe porã heʼíva ko lívrope. Upéva heʼise Ñandejára ndohejamoʼãiha hoʼu pe yvyramáta oporomoingovévagui,+ ni ndohejamoʼãiha chupe oike pe siuda sagrádape.+

20 Pe heʼíva siertoha koʼã mbaʼe heʼi avei: ‘Si, ahátama koʼẽrõite’”.+

“¡Amén!* Eju che Ruvicha Jesús”.

21 Aipotaite ñande Ruvicha Jesucristo taimbaʼeporãiterei* enterove umi ojeporavo vaʼekuéndi.*