Lívro kupe

YMAITE guive oĩ família ko Yvy ape ári, péro koʼág̃a ombohovái hetaiterei provléma. Pór ehémplo, oĩ mitãrusu ha mitãkuña ojedrogáva ha heko vaíva, umi omendáva katu ojedivorsia, oĩ oñorairõva hogapýpe, hetave ohóvo sy ha túva omongakuaáva haʼeño ifamília ha hetave provléma. Upévare oĩ oñeporandúva mbaʼépa oikóta familiakuéragui.

Ikatúnepa jajogueraha porã ha javyʼa ñande rogapýpe? Ikatu, péro tekotevẽ jaikuaa umi konsého ñanepytyvõtava upearã. Ha ndahasýi jaikuaa hag̃ua umíva. Ymaiterei guive oĩ tapicha osegíva koʼã konsého ha osẽ porãva. Péro, moõpa jatopáta koʼã konsého? Ko lívro hérava Mbaʼépa ñanepytyvõta javyʼa hag̃ua ñane família ndive, ohechauka ñandéve. Omombeʼu heta mbaʼe ñanepytyvõtava ñambohovái hag̃ua umi provléma oĩva koʼág̃a rupi. Ha máva piko ikatu heʼi noikotevẽiha koʼã mbaʼe?