Ocho persóna ojesalva

Noé, hembireko, umi 3 itaʼýra ha hembirekokuéra oike pe árkape, ha avei umi animalkuéra, upéi Jehová omboty pe árka rokẽ ha oñepyrũma oky. Hetaiterei oky ha pe árka oñepyrũma ovevýi. Mbeguekatúpe pe y ojagarrapaitéma ko yvy ha omanombaite umi hénte iñañáva. Péro Noé, hembireko ha ifamiliakuéra ojesalva oike rupi pe árkape. Epensamíntena mbaʼeichaitépa oiméne ovyʼa raʼe hikuái iñeʼẽrendu haguére Jehovápe.

Cuarenta díare oky de día ha pyharekue, ha upéi opi. Mbeguekatúpe oguejy sapyʼa ohóvo pe y ha pe árka oho opyta peteĩ sérro ruʼãitépe. Péro opárupi ojagarrapa gueteri pe y ha upévare Noé ha ifamiliakuéra ohaʼarõve osẽ hag̃ua pe árkagui.

Ohasávo ohóvo pe tiémpo, oguejypa sapyʼa pe y. Mas de un áño opyta Noé ha ifamiliakuéra pe árkape. Upéi Jehová heʼi chupekuéra ikatumaha osẽ hikuái. Tuicha idiferénte koʼág̃a, ndaiporivéima umi hénte iñañáva ha potĩ asy opyta pe yvy. Haʼekuéra oagradeseterei Jehovápe osalva haguére chupekuéra ha upévare ojapo chupe hikuái peteĩ ofrénda.

Jehovápe ogustaiterei upe ofrénda omeʼẽva chupe hikuái ha opromete arakaʼeve nohundimoʼãveimaha umi hénte iñañávape peteĩ dilúvio rupive. Ha upérõ primera ves ojekuaa yvágare pe árko íris. Upéva haʼe peteĩ señál haʼe ojapo vaʼekue ñanemomanduʼa hag̃ua pe ipromésare. ¿Ndépa rehechámava pe árko íris?

Upéi Jehová omanda chupekuéra ifamília hag̃ua ha omyenyhẽ hag̃ua ko yvy.