VIVLIOTÉKA OĨVA INTERNÉTPE Watchtower
Watchtower
VIVLIOTÉKA OĨVA INTERNÉTPE
guarani
ã
  • ã
  • ẽ
  • ĩ
  • õ
  • ũ
  • ỹ
  • g̃
  • ʼ
  • ñ
  • BIBLIA
  • PUVLIKASIONKUÉRA
  • RREUNIONKUÉRA
  • lfb lek. 88 páh. 206
  • Ojejagarra Jesúspe

Ko párte ndorekói gueteri ni peteĩ vidéo.

Rombyasyeténgo, péro ndaikatúi ojehechauka ko vidéo.

  • Ojejagarra Jesúspe
  • Eaprende umi istória oĩvagui la Bíbliape
  • Informasión oñeʼẽva avei ko témare
  • Oñetraisiona ha ojeraha préso Crístope
    Jesús ohechauka pe tape, omboʼe pe añetegua, omeʼẽ jeikove
  • Jesús oĩ pe hardínpe
    Che lívro omombeʼúva istória oĩva Ñandejára Ñeʼẽme
  • ¿Mbaʼépa ñanepytyvõta ani hag̃ua jakyhyje?
    Ñaaprende Mboʼehára Guasúgui
  • Jesús omano
    La Biblia: Mbaʼépa oikuaauka ñandéve?
Oĩve informasión
Eaprende umi istória oĩvagui la Bíbliape
lfb lek. 88 páh. 206
Judas otraisiona Jesúspe pe hardín de Getsemanípe

LEKSIÓN 88

Ojejagarra Jesúspe

Jesús ha ijapostolkuéra osẽ oho pe Sérro Olivotýpe ha ohasa hikuái Cedrón Ñúrupi. Upérõ lúna lléna kuri ha pyharepytéma. Og̃uahẽvo hikuái pe hardín héravape Getsemaní, Jesús heʼi ijapostolkuérape: “Pepyta koʼápe ha peñatende ani hag̃ua ág̃a pepyta peke”. Upéi, Jesús ohomie upégui ha oñesũ oñemboʼe. Haʼe ningo oñeñandu vaieterei kuri ha ojerure Jehovápe: “Tojejapo ne volunta”. Upémarõ Jehová omondo peteĩ ánhelpe omokyreʼỹ hag̃ua Jesúspe. Upéi Jesús oho jey idisipulokuéra rendápe ha otopa chupekuéra oke hína. Upévare heʼi chupekuéra: “Pepuʼã, kóa ndahaʼéi óra peke hag̃ua. Og̃uahẽma pe moménto che enemigokuéra chejagarra hag̃ua”.

Júdaspe oñemeʼẽ hína pláta peteĩ vosaʼípe

Ensegidamínte og̃uahẽ oúvo Judas ha ou hendive hetaiterei hénte espáda ha garróte ipópe. Judas oikuaa porãiterei kuri otopataha Jesúsre upépe, pórke haʼe heta vése ohómi hendivekuéra upe lugárpe. Judas heʼi kuri umi kuimbaʼépe mbaʼéichapa opilláta hikuái mávapa Jesús. Upévare haʼe oho derechoite Jesús rendápe ha heʼi chupe: “¡Mbaʼéichapa Mboʼehára!”, ha ohetũ vevyimi chupe. Jesús katu heʼi chupe: “Judas, ¿péicha cheretũvo piko chetraisiona hína?”.

Jesús ohasa fréntepe ha oporandu umi héntepe: “¿Mávape piko peheka?”. Haʼekuéra heʼi: “Jesús Nazaretguápe”. Ha Jesús heʼi chupekuéra: “Che hína upéva”. Upépe haʼekuéra oguevi ha hoʼa yvýpe. Upémarõ Jesús oporandu jey chupekuéra mávapepa oheka, ha haʼekuéra heʼi jey chupe: “Jesús Nazaretguápe”. Jesús heʼi chupekuéra: “Haʼémango peẽme che haʼeha upe pehekáva. Upévare pehejánte koʼã kuimbaʼépe toho”.

Pedro ohechakuaávo la oikóva, ohekýi ijespáda ha onambiʼo pe súmo saserdóte esklávo héravape Malco. Péro Jesús omonguera jey chupe la inambi ha heʼi Pédrope: “Eñongatu nde espáda. Pórke umi oipurúva guive pe espáda, ojejukáta espádape”. Umi soldádo ojagarra Jesúspe ha oipokua chupe. Umi apóstol katu odipara okañy upégui. Upéi umi henteita ogueraha Jesúspe pe saserdóte Anás rógape. Anás oporandu Jesúspe heta mbaʼe ha upéi oguerahaka chupe pe súmo saserdóte hérava Caifás rendápe. ¿Mbaʼépa oiko raʼe Jesús apostolkuéragui?

“Ko múndope heta pehasa asýta hína, upéicharõ jepe ¡pendepyʼaguasúkena!, che aganáma ko múndope” (Juan 16:33).

Pregúnta: ¿Mbaʼépa oiko vaʼekue pe hardín héravape Getsemaní? ¿Mbaʼépa ñaaprende umi mbaʼe Jesús ojapo vaʼekuégui upe pyharépe?

Mateo 26:36-57; Marcos 14:32-50; Lucas 22:39-54; Juan 18:1-14, 19-24.

    Guaranimegua puvlikasionkuéra (2000-2026)
    Emboty sesión
    Emoñepyrũ sesión
    • guarani
    • Ekomparti
    • Configuración
    • Copyright © 2025 Watch Tower Bible and Tract Society of Pennsylvania
    • Ojejeruréva reipuru hag̃ua
    • Política de privacidad
    • Privacidad
    • JW.ORG
    • Emoñepyrũ sesión
    Ekomparti