OÑEPORANDÚVA JEPI

¿Mbaʼe pruévapa oĩ pe siuda de Jericó sapyʼaiténte oñemongora hague oñehundi mboyve?

Josué 6:10-15, 20 omombeʼu pe ehérsito isrraelíta ojere hague siuda de Jericóre seis día aja una ves al día. Ha pe siete diahápe, ojere pe siudáre siete vése, upépe Ñandejára oity umi murálla tuichaite orekóva Jericó, ha umi isrraelíta oike ohundi hag̃ua upe siuda. ¿Oĩpa pruéva ohechaukáva siertoha la Biblia heʼíva ha sapyʼaiténte oñemongora hague Jericó oñehundi mboyve?

Umi ehérsito yma guare omongorámi umi siuda orekóva murálla ohundi mboyve. Avése omongora heta tiémpore ha avése katu sapyʼaiténte, péro tahaʼe haʼeháicha oganávo pe ehérsito orahapaite jepi la oĩmíva guive pe siudápe, umíva apytépe, umi provísta hembýva. Péro umi arkeólogo ojoʼóramo guare pe lugár oĩ haguépe Jericó, otopa hetaiterei hiʼupy oñeñongatu vaʼekue. Peteĩ rrevísta oñeʼẽva pe arkeolohíare heʼi: “Upe siudápe ojetopa hetaiterei semílla [...] Naiñextrañomoʼãi kuri ojetopárire uno térã dos hárra de semílla, péro hetaiteve upévagui ojetopa. Ndaipóri ótro siuda Palestínape ojetopa haguépe semílla peichaite peve” (Biblical Archaeology Review).

La Biblia omombeʼu Jehová voi omanda hague umi isrraelítape ani hag̃ua oraha umi semílla oĩva Jericópe (Jos. 6:17, 18). Haʼekuéra oataka pe siuda primavéra aja, kavalete pe kosécha tiémpo riremi. Upévare oĩ kuri hetaiterei semílla pe siudápe upérõ guare (Jos. 3:15-17; 5:10). Umi isrraelíta omongorárire heta tiémpore pe siuda, umi hénte oipurupa jepe vaʼerãmoʼã umi semílla. Péro ndoikói upéicha, upéva ohechauka siertoha la Biblia heʼíva ha sapyʼaiténte oñemongora hague Jericó.