Jaikuaave hag̃ua

¿Ojepurúpa raʼe pe Léi Mosáika oñesolusiona hag̃ua umi provléma legál orekóva umi israelita yma guare?

SAPYʼÁNTE ojepuru vaʼekue, ha upéva jahechakuaa peteĩ ehémplo rupive. Deuteronomio 24:14, 15 heʼi: “Peẽ napembotavýi vaʼerã pene personál ojejopy vaívape ha imboriahúvape, tahaʼe pene ermáno térã peteĩ extranhéro oikóvape pene retãme [...]. Ndapejapóiramo upéicha haʼe ikatu ojerure asy Jehovápe pene kóntrape, ha peẽ pepyta vaíta henondépe pepeka haguére” (TNM).

Pe siuda hérava Asdod ypýpe ojetopa kuri peteĩ serámika pedasokue ojejapo vaʼekue síglo siétepe a.C. Ko serámikare ojeskrivi peteĩ agrikultór supuéstamente ndaikatúi hague ontrega peteĩ kantida de semílla oñekompromete vaʼekue ontregataha. Pe dokuméntope heʼi: “Ojapo unos kuánto día nde siérvo (pe oporodemandáva) oñongatupa rire umi semílla omonoʼõ vaʼekue, Shobay raʼy hérava Hoshayahu ou ha ogueraha nde siérvo ao. [...] Enterovete umi okosecha vaʼekue chendive pe kuarahy akúpe otestifikáta [...] siertoha la haʼéva. Che ndajapói mbaʼeve ivaíva. [...] Pe governadór ohecháramo ndahaʼeiha irresponsavilida ogueruka jey nde siérvope la ijao, ejapomína lomímonte upéva reiporiahuverekógui nde siérvope. Ndovaléi ningo rekirirĩnte nde siérvo opytáramo ijaoʼỹre”.

Peteĩ istoriadór hérava Simon Schama heʼi pe rreklámo ojejapóva “ndahaʼeiha ohechaukánteva pe agrikultór oipotaitereiha oñemeʼẽ jey chupe [ijao]”. Pe istoriadór heʼi avei: “Ojekuaa porã pe ojapóva pe rreklámo oikuaaha umi léi oĩva la Bíbliape, espesiálmente umi mandáto hudisiál ojehaíva Levítico ha Deuteronómiope ojehechaukahápe ivaietereiha ojetrata vai umi imboriahúvape”.