Marandukuéra
◼ Enérope oñekuaveʼẽta oimeraẽ lívro orekóva 192 páhina oñemosarambivaʼekue 1991 mboyve. Ndaipóriramo kongregasiónpe ikatu oñekuaveʼẽ lívro Conocimiento térã pe folléto Peñatende porãke peikóvo! Febrérope oñekuaveʼẽta Acerquémonos a Jehová. Ndaipóriramo ko lívro kongregasiónpe ikatu oñekuaveʼẽ Apocalipsis térã ambue lívro osẽ aremavaʼekue pereko hetáva kongregasiónpe. Márzope oñekuaveʼẽta Mbaʼépa añetehápe omboʼe la Biblia? Peñehaʼãkena pemoñepyrũ estúdio vívliko. Abrílpe oñekuaveʼẽta Ñemañaha ha ¡Despertad! Reho jey vove revisita umi oikuaasevévape, ikatu umi oúvape jepi conmemoraciónpe, reikuaveʼẽ lívro Mbaʼépa omboʼe la Biblia?, jahecha neremoñepyrũipa estúdio upe lívro reheve.
◼ Febrero ỹrõ marzo guive umi superintendénte de sirkuíto omeʼẽta pe diskúrso púvliko hérava “Mávapa ikatu oike Ñandejára múndo pyahúpe?”.
◼ Abrílpe oñehesaʼỹijota Rreunión de Servísiope pe vidéo Los jóvenes preguntan... ¿Qué haré con mi vida? Peikotevẽta mbaʼéramo ko vidéo pejeruremavaʼerã kongregasión rupive.
◼ Opavave kongregasión ohechamavaʼerã mbaʼépa oikotevẽta ojejapo hag̃ua pe Conmemoración. Koʼág̃a hoʼatahína lunes 2 de abril kuarahy oike rire. Pe diskúrso niko ikatu ojejapo kuarahy oikeʼỹre gueteri, péro pe pán ha pe víno oñembohasavaʼerã kuarahy oike rire. Upévare pehechavaʼerã mbaʼe órapa oikéta kuarahy. Opavave kongregasión oñehaʼãvaʼerã ojapo ko conmemoración isalónpe. Upéicharamo jepe sapyʼánte upéva ndaikatúi. Oĩramo heta kongregasión oiporúva oñondive peteĩ Salón del Reino, ikatu peteĩ kongregasión térã hetave ojapo ótro hendápe. Ha oiméramo ojejapóta mokõi voi peteĩ hendápe, iporãvaʼerã oñehaʼarõ cuarenta minúto rupi oñepyrũ jey hag̃ua. Upeicharõmante ermanokuéra ikatúta oñemongetaʼimi oñondive opa rire. Ojehecha vove moõpa ojejapóta ojehechavaʼerã avei orekópa mbaʼyrukuéra ojeheja hag̃ua ha oĩpa kolektívo ohasáva upérupi ikatu hag̃uáicha ermanokuéra ou ha oho jey. Ansianokuéra ohecháta mbaʼépa iporãve ikongregasiónpe g̃uarã.
◼ Umi sekretário kongregasionpegua ohechavaʼerã orekópa peteĩ Carta de nombramiento de precursor (S-202-S) opavave prekursór ikongregasiónpe oĩvare. Upeichaʼỹro omombeʼuvaʼerã sukursálpe peteĩ kárta rupive.