Marandukuéra
◼ Márzope ñaikuaveʼẽta lívro Mbaʼépa añetehápe omboʼe la Biblia? Ñañehaʼãkena ñamoñepyrũ estúdio pe ogajárandi oimérõ oguerekóma ko lívro térã ñañemongeta ypy guive hendive. Abril ha máyope ñaikuaveʼẽta Ñemañaha ha ¡Despertad! Eñehaʼã emoñepyrũ estúdio umi nerendu porãva ndive, umíva apytépe umi ohóva jepi Conmemoracionhápe, aty guasu, rreunionhápe ha umícha; upearã reiporukuaa lívro Mbaʼépa omboʼe la Biblia? Júniope ñaikuaveʼẽta lívro Mbaʼépa omboʼe la Biblia? Oimérõ pe ogajára oguerekóma upe lívro, ikatu ñaikuaveʼẽ ambue lívro oguerekóva 192 páhina ojejapovaʼekue 1995 mboyve térã hiʼóha saʼyju léntova ohóvo.
◼ Og̃uahẽre umi rrevísta Ñemañaha ha ¡Despertad! pyahu oñemeʼẽmavaʼerã umi puvlikadórpe. Upéicha ikatúta oikuaa hikuái mbaʼe mbaʼe rehépa oñeʼẽ, oikuaveʼẽ mboyve predikasiónpe.
◼ Conmemoración hoʼáta ág̃a martes 30 de marzo de 2010. Ha upépe ojeporúta umi purahéi número 8 ha 109 oñeguenohẽva ñande purahéi ryru pyahúgui. Oiméramo pene rreunión martekue peñehaʼãmbaite pejapo ótro día. Péro pene Salónpe ijatýramo heta kongregasión ha ndaikatúi pekambia pene rreunión, upéicharõ anínte pejapo. Pembohasánte umi párte iñimportantevéva pene kongregasiónpe g̃uarã ojejapóva Aty Ñanemboʼéva Japredika Hag̃uáme ambue semánape.