Mbaʼéichapa ikatu ñaikuaveʼẽ ñande rrevistakuéra

Ñemañaha Octubre-Diciembre

Emombeʼu peteĩ provléma oipyʼapýva umi hénte nde territorioguápe. Upe rire ere: “Ndépa mbaʼe repensa, mbaʼérepa umi hénte ojapo hetaite mbaʼe vai? [Ehaʼarõ tombohovái.] La Biblia tuicha ñanembopyʼaguapy ohechaukávo mbaʼépa Ñandejára ojapóta koʼẽrõite [elee 2 Pedro 3:13]. Avei omombeʼu mbaʼérepa oĩ heta iñañáva, mbaʼéicha ha arakaʼépa Ñandejára omyatyrõta koʼã mbaʼe. Ko rrevísta oñeʼẽve upe témare”.

¡Despertad! Noviembre

Elee 2 Timoteo 3:16 ha upéi ere: “Ko téysto ningo heʼi ikatuha jaguerovia opa mbaʼe oĩva la Bíbliape. Ndépa repensa avei upéicha? [Ehaʼarõ tombohovái.] Ko artíkulope oñemombeʼu umi mbaʼe ojetopavaʼekue Egíptope ha avei umi istoriadór omombeʼúva ohechaukaha la Biblia ndaijapuiha”. Ehechauka pe artíkulo oĩva páhina 15-pe.

Ñemañaha Octubre-Diciembre

“Heta hénte ningo oreko la Biblia péro saʼi olee. Ndépa ere iporãha jalee? [Ehaʼarõ tombohovái.] Añetehápe tuicha ikatu ñanepytyvõ Ñandejára Ñeʼẽ heʼíva, jahechamína mbaʼérepa [elee Romanos 15:4]. Péro, mbaʼéichapa jaleevaʼerã ideprovécho hag̃ua ñandéve? Ko rrevísta omyesakã porãve upéva.” Ehechauka pe artíkulo oĩva páhina 21-pe.

¡Despertad! Diciembre

“Ndépa reikuaa mbaʼérepa ojefesteha Navidad 25 de diciembre? [Ehaʼarõ tombohovái.] Tahechaukamína ndéve mbaʼépa heʼi la Biblia [elee Lucas 2:8]. Koʼápe ojehechauka Jesús nonaséi hague roʼy tiémpope, ha diciémbrepe upe haʼe onase hague gotyo roʼy. Ko rrevísta omyesakã mbaʼérepa oĩ ogueromanduʼáva upe féchape Navidad.”