Mbaʼépa ñanemboʼéraʼe Eskuéla Jaiporukuaa Hag̃ua la Biblia

Koʼã porandu oñembohováita semána 28 de febrero 2011-pe. Omoakãva ko Eskuéla ojapóta 20 minútope. Ojeporúta informasión oñehesaʼỹijovaʼekue semána 3 de enero guive, 28 de febrero de 2011 peve.

1. Mbaʼépa ojapoukavaʼekue Ezequías oñepyrũrõ guare ogoverna, ha mbaʼéichapa ñande koʼág̃a rupi ikatu jasegi iñehémplo? (2 Cró. 29:16-18.) [w09 15/6 páh. 9 párr. 13.]

2. Mbaʼéichapa 2 Crónicas 36:21 ohechauka oñekumpli hague pe profesía oĩva Jeremías 25:8-11-pe? [w06-S 15/11 páh. 32 párr. 1-4.]

3. Mbaʼéichapa Esdras 2:1 ha 3:1-3 ohechauka Jehová heʼíva katuete oñekumpliha? [w07 1/10 páh. 10 párr. 15.]

4. Mbaʼépa ikatu ñanepytyvõ ani hag̃ua jajapo ivaíva? (Esd. 7:10.) [w09 15/9 páh. 12 párr. 5, 6.]

5. Mbaʼéichapa jaikuaa Jehová ohenduha umi ñemboʼe ojejapóva mbykymi ha kirirĩháme? (Neh. 2:1-8.) [w08 1/2 páh. 9, párr. 5.]

6. Mbaʼéichapa jahechaukáta jakyhyjeha Ñandejáragui, Nehemías ojapo haguéicha? (Neh. 5:14-19.) [lv kap. 2 páh. 17 párr. 9.]

7. Mbaʼéichapa umi Israelgua oikuaa porãve Jehovápe, ha mbaʼéichapa upéva omombareteve ñande jerovia? (Neh. 9:9-15.) [w08 1/6 páh. 24 párr. 8, 9.]

8. Jajepyʼamongeta rire Nehemías rembiasakuére ha umi mbaʼe jajapóvare Jehová servísiope, mbaʼépa iporã ñañeporandu? (Neh. 13:22, 31.) [w96-S 15/9 páh. 16 párr. 3.]

9. Oñeno jepémapa rakaʼe Ester rréi Asuero ndive omenda mboyve? (Est. 2:14-17.) [w91-S 1/1 páh. 31 párr. 6, 9.]

10. Mbaʼérepa Mardoqueo noñesũirakaʼe Hamán renondépe? (Est. 3:2, 4.) [it-2-S páh. 313 párr. 7.]