Marandukuéra

◼ Márzope ñaikuaveʼẽta lívro Mbaʼépa omboʼe la Biblia? Ñañehaʼãkena ñamoñepyrũ estúdio. Ha oiméramo pe ogajára orekóma upe lívro, ikatu ñaikuaveʼẽ chupe umi rrevísta itujamievéva térã ambue folléto oipytyvõtava chupe. Abril ha máyope ñaikuaveʼẽta Ñemañaha ha ¡Despertad! Pe ogajára ñanerendu porãramo, ñaikuaveʼẽ chupe pe tratádo Reñeporandúmavapa térã peteĩ folléto, ha ñañehaʼã ñamoñepyrũ peteĩ estúdio. Jaha jeývo javisita umi ohovaʼekue Conmemoracionhápe ỹrõ umi ñande aty guasuhápe, ikatu ñañepyrũ jastudia hendivekuéra lívro Mbaʼépa omboʼe la Biblia?

◼ Marzo guive jastudiáta lívro Testimonio Cabal. Koʼag̃aite ndajaguerekói gueteri ko lívro guaraníme, upévare umi kongregasión ojapóva irreunión guaraníme ikatu oiporúnte upe lívro castellánope oĩva. Péro upe aty ojejapovaʼerã guaraníme; ha umi kongregasión orekóva peteĩ grúpo castellanopeguáva, upe aty ojejapovaʼerã apárte jepiveguáicha.

[Nóta oĩva taʼanga ndive páhina 8]

Jahupytýva predikasiónpe

Noviembre 2010 guive, enero 2011 peve oñemondókuri prekursór espesiál temporéro. Káda més oñemondo 12 maranduhára Gran Asunciónpe oheka hag̃ua umi nohendúivape ha opredika Lenguaje de Señas Paraguáyope. Koʼã ermáno ohupyty heta mbaʼe porã ha oñemondosehína prekursór espesiál oipytyvõtava koʼã tapichápe.