“Pehayhu enterove ermánope”
Ojapóma amo dos mil áño rupi ojehai hague Ñandejára espíritu sánto rupive ko jaleéva ñande títulope (1 Ped. 2:17). Upéicharõ jepe, koʼág̃a rupi tekotevẽvéntema jahayhu enterove ermáno oĩvape ko yvy ape ári, péro ¿mbaʼéichapa ikatu jajapo upéva? Jaikuaaháicha koʼág̃a rupi jaiko peteĩ múndo henyhẽvape umi opensáva ijehénte, upévare ¿mbaʼépa jajapokuaa akóinte jajoayhu hag̃ua? (Mat. 24:12.) Ehecha pe vidéo hérava Toda nuestra asociación de hermanos, ha eñehaʼã embohovái koʼã porandu.
1) ¿Arakaʼe guivépa ikatu jaʼe ñaimeha enterove kristiáno tee apytépe? 2) Oĩ mbohapy mbaʼe ojapóva ñane ermanokuéra oĩva oparupiete ko yvy ape ári, ¿mbaʼe mbaʼépa umíva? 3) ¿Mbaʼéichapa ohechauka ñande ermanokuéra ikyreʼỹha opredikávo a) umi lugár mombyryvehápe oĩva Aláskape, b) umi puérto guasu oĩva Európape ha c) umi kaʼaguýre oĩva Perúpe? 4) ¿Mbaʼérepa arakaʼeve nañapensaivaʼerã pe predikasión naiñimportanteguasuiha? 5) Emombeʼu umi ehémplo ohechaukáva mbaʼéichapa umi testígo de Jehová oñokonsola ha oñopytyvõ a) oiko rire peteĩ yvyryrýi, b) oiko rire peteĩ torménta guasu ha c) opuʼã jave ojuehe umi hénte peteĩ tetãygua. 6) ¿Mbaʼe mbaʼépa ikatu avei jajapo jahechauka hag̃ua jahayhuha ñane ermanokuérape? (Juan 13:35.) 7) ¿Mbaʼe iporãva jahupyty ñaipytyvõramo ojejapo hag̃ua umi Salón del Reino? 8) Europa oriental ha Rúsiape pe Goviérno oproivivaʼekue oñemombaʼeguasu Jehovápe, ¿mbaʼépa ojapo upérõ umi ermáno omombarete hag̃ua ijerovia? 9) ¿Mbaʼeichaitépa oñehaʼã heta ermáno oho hag̃ua umi aty guasu tres diaguápe, ha mbaʼérepa? 10) ¿Mbaʼéichapa ko vidéo nemombarete a) reservi hag̃ua Jehovápe ne ermanokuérandi peteĩ ñeʼẽme, b) reipytyvõ hag̃ua nde rapichakuérape oikotevẽ jave ha c) reaprovecha hag̃ua opa oportunida oñepresentáva ndéve repredika hag̃ua? 11) ¿Mbaʼéichapa ikatu jaiporu ko vidéo predikasiónpe, ñaipytyvõ hag̃ua ñane estudiántepe térã ñande rrevisítape?
Ñande ñaime peteĩ ñeʼẽme ñane ermanokuérandi jahayhu rupi Ñandejárape. Upéicha rupi javyʼaiterei jaikuaavévo Jehovápe ha ñañeʼẽvo hese ñande rapichakuérape. Avei jahayhu umi ohayhúvape Chupe, ha ñaipytyvõ jave chupekuéra ohasa asy jave nañahaʼarõi Ñandejára oagradese ñandéve, ñande guei jaagradese Chupe ikatu haguére ñaime ñane ermanokuéra apytépe. Ko múndo aña ningo oñehundi potaitéma, upévare akóintekena jahechauka jahayhuha entéro ñane ermanokuérape.