Ñaipytyvõkena umi ojevautisa ramóvape omombareteve hag̃ua ijerovia

Káda áño ojevautisa mas de 250.000 persóna, péicha jahecha mbaʼeichaitépa Jehová ovendesi ñane rembiapo predikasiónpe, ¡ajépa ñanembovyʼaite upéva! (Deut. 28:2.) Péro ojevautisávo peteĩ ostudiáva la Biblia, ikatu hína pe omboʼéva chupe odesidi ndostudiavéi hendive oipytyvõ hag̃ua ótrope. Avei pe ojevautisa ramóva ikatu opensa iporãvetaha oheja ijestúdio ikatu hag̃uáicha itiempove opredika hag̃ua. Péro ñanemanduʼa vaʼerã iñimportanteha umi ojevautisa ramóva osegi omombareteve ijerovia, upéicharõ añoite oĩ ‘hatãta ijeroviápe peteĩ yvyramáta hapo pypukúvaicha’ (Col. 2:6, 7; 2 Tim. 3:12). Upévare, umi ojevautisa ramóva osegi vaʼerã ostudia omohuʼã peve umi lívro Mbaʼépa omboʼe la Biblia? ha “Jaikókena Ñandejára Mborayhúpe” (ehecha Ñane Marandu Porã abril 2011, páhina 2).