¿Ñakondusi porãpa hína ñande estudiokuéra?
1. ¿Mbaʼe rresponsavilidápa oreko entéro puvlikadór okondusíva estúdio vívliko?
1 Avave ndaikatúi oservi Ñandejárape, Jehová “ndoguerúiramo chupe” (Juan 6:44). Upéicharõ jepe, káda puvlikadór okondusi jave estúdio vívliko, omoĩ vaʼerã ipárte oipytyvõ hag̃ua umi héntepe oñemoag̃ui hag̃ua Ñandejárare (Sant. 4:8). Upearã tekotevẽ jajeprepara porã. Ñane estudiánte oprogresa hag̃ua, ndahaʼéi jaleénte vaʼerã hendive umi párrafo ha jajapo umi porandu oĩva pe puvlikasión jastudiávape. ¿Mbaʼépa tekotevẽ avei jajapo?
2. ¿Mbaʼépa jajapo vaʼerã ñakondusi porã hag̃ua ñande estudiokuéra?
2 Ñakondusi porã hag̃ua ñande estudiokuéra, tekotevẽ ñaipytyvõ ñane estudiántepe koʼã mbohapy mbaʼépe, 1) ontende porã hag̃ua la Biblia omboʼéva, 2) oasepta hag̃ua umi mbaʼe oaprendéva, ha 3) omoĩ hag̃ua en práktika la Biblia heʼíva (Juan 3:16; 17:3; Sant. 2:26). Ñaipytyvõ hag̃ua ñane estudiántepe ojapo hag̃ua koʼã mbohapy mbaʼe, ikatu hína ñandegueraha unoskuánto mése. Péro káda páso okumplíva, oipytyvõta chupe oñemoag̃uive hag̃ua Jehováre ha kon el tiémpo ojededika ha ojevautisa hag̃ua.
3. ¿Mbaʼérepa iñimportánte ñaporandu ñane estudiántepe mbaʼépa opensa?
3 ¿Mbaʼépa opensa ñane estudiánte? Japilla hag̃ua ñane estudiánte ontende ha oaseptápa hína umi mbaʼe oaprendéva, ñaporandu vaʼerã chupe mbaʼépa opensa ha ani ñandénte ñañeʼẽ (Sant. 1:19). ¿Ontende porãpa hína mbaʼépa omboʼe la Biblia pe téma jastudiávare? ¿Ikatúpa haʼete oexplika? ¿Mbaʼépa opensa umi mbaʼe oaprendévare? ¿Ohechakuaápa oho porãvetaha chupe ojapóramo la Biblia omboʼéva? ¿Isentídopa chupe Ñandejára Ñeʼẽ heʼíva? (1 Tes. 2:13.) ¿Ohechakuaápa ijeheguiete tekotevẽha okambia? (Col. 3:10.) Jaikuaa hag̃ua koʼã mbaʼe, jajapo vaʼerã umi pregúnta omomýitava chupe omombeʼu hag̃ua ñandéve mbaʼépa opensa ha upéi jajapysaka porã hese (Mat. 16:13-16).
4. ¿Mbaʼépa ikatu jajapo ijetuʼúramo ñane estudiántepe oasepta térã omoĩ hag̃ua en práktika peteĩ enseñánsa vívlika?
4 Ogueraha voínte tiémpo peteĩ persóna okambia hag̃ua umi mbaʼe aretereíma ojepokuaáva ojapo térã okambia hag̃ua opensa lája (2 Cor. 10:5). ¿Mbaʼépa ikatu jajapo ñane estudiánte otardaitereíramo oasepta térã omoĩ hag̃ua en práktika pe ñamboʼéva chupe? Ñanepasiénsia vaʼerã ha ñameʼẽʼimi tiémpo ikatu hag̃uáicha Ñandejára espíritu sánto ha Iñeʼẽ omomýi chupe okambia hag̃ua (1 Cor. 3:6, 7; Heb. 4:12). Oiméramo ijetuʼu hína chupe ontende térã omoĩ hag̃ua en práktika peteĩ enseñánsa vívlika, ikuentave jahasántema ótro kapítulope jaiko rangue jajopyeterei hendive. Ñanepasiénsiaramo hese ha ñamboʼe chupe mborayhúpe, ikatu hína mbeguekatúpe ojapo umi kámbio tekotevẽva.