¡Kántiko pyahu ñamombaʼeguasu hag̃ua Ñandejárape!
1 El 4 de octubre de 2014, pe sosieda Watch Tower Bible and Tract Society of Pennsylvania ojapo pe rreunión anuál, upépe oñeanunsia kuri oñeplaneaha hína oñekambiaʼimi jey ñane kantikokuéra. ¡Ajépa ñanembovyʼaite ko anúnsio! Upe rreuniónpe oñemomanduʼa kuri enterovépe ñane kantikokuéra iñimportantetereiha jaadora hag̃ua Jehovápe (Sal. 96:2).
2 Péro ikatu oime ñapensa, ‘¿mbaʼére piko oñekambia jeýta ñane kántiko?’ Heta mbaʼére. Primeroite voi, koʼág̃a ñantende porãve heta mbaʼe oĩva Ñandejára Ñeʼẽme, upévare oĩ kántiko oñekambiaʼimi mante vaʼerã (Prov. 4:18). Segundo, heta fráse ha expresión ojepurúva ñane kántikope oñenohẽ kuri pe Traducción del Nuevo Mundo itujavévagui. Ha koʼág̃a osẽma rupi peteĩ ipyahúva, ojepurúta umi palávra ha expresión oĩva pype. Péro ñanemanduʼa vaʼerã umi kántiko oguerahaha heta traváho ha otardaʼíta gueteri oñekompleta hag̃ua, upévare pono hasypeterei jahecha mbaʼetekópa opyta, ojedesidi ojejapove unoskuánto kántiko pyahu.
3 ¿Ñahaʼarõtapa oñeimprimi peve pe kántiko pyahu ñañepyrũ hag̃ua japurahéi? Nahániri. Rovyʼaiterei romombeʼúvo peẽme umi més oúvape, oñemoĩtaha ohóvo umi kántiko pyahu ñane páhina jw.org-pe. Ojehupi vove upépe peteĩ kántiko pyahu, oñeprogramáta ojepurahéi hag̃ua opa rire ñande Aty Ñanemboʼéva Japredika Hag̃ua, upéicha jave pe prográma upe semanapeguáre heʼíta voi “kántiko pyahu”.
4 Mbaʼépa ikatu jajapo japuraheikuaa hag̃ua koʼã kántiko pyahu. Jaikuaaháicha, japuraheikuaa hag̃ua peteĩ kántiko, ndahaʼéi la ifasilpáva. Péro, pe salmístaicha, ñande japuraheise rreunionhápe ha ‘ndajapytaséi kirirĩháme’ (Sal. 30:12). Japuraheikuaa hag̃ua peteĩ kántiko pyahu, ikatu jajapo koʼã cuatro mbaʼe.
Ñahendu heta vése pe melodía oñembopúva piánope, ojehupítava jepi ñane páhinape. Jajapóramo upéva, ifasilvéta ñandéve ñanemanduʼa hag̃ua hese.
Jastudia porã pe létra, ha ñañehaʼã ñaaprende de memória.
Ñahendu pe melodía ha japurahéi hendive osẽ peve ñandéve.
Ñañensaja mimi umi kántiko pyahu ñande estúdio de famíliape jajepokuaa peve hese.
5 Umi mes oúvape, ág̃a oñeprograma vove ojepurahéi hag̃ua peteĩ kántiko pyahu opa rire pe Aty Ñanemboʼéva Japredika Hag̃ua, primero oñehendúta una ves pe melodía oñembopúva piánope. Upéi pe auditório opurahéita pe melodía ndive ojejapoháicha jepi voi.
6 Japurahéivo rreunionhápe ñane ermanokuérandi, ñamombaʼeguasu hína Jehovápe oñondivepa. ¡Ajépa ñanembovyʼaite upéva! Upévare, ndovaléi jajepokuaa jaha ótro ládo vyroreíre ojepurahéita jave umi kántiko.
7 ¿Mbaʼépa ikatu jajapove jahechauka hag̃ua ñamombaʼeha ñane kantikokuéra? Por ehémplo, ñande aty guasukuéra oñepyrũ mboyve siémpre oñembopu jepi umi melodía porã porã. Ha ojegrava hag̃ua koʼã músika, oĩ ermáno ha ermána oviaháva dos vése al áño Patterson, Nueva York peve. Koʼã ermáno mombyry oviaha ha hiʼarive ivolsíllogui opaga ipasáhe. Upévare, pe ermáno omoñepyrũva pe asambléa ojerure jave ñandéve jaguapýma hag̃ua ñane asiéntope ñahendu hag̃ua pe musikapu ojepreparáva, ñaneñeʼẽrendu vaʼerã chupe. Upéva ñanepytyvõta japrepara hag̃ua ñane korasõ ñahendu hag̃ua umi diskúrso (Esd. 7:10).
8 Ñamohuʼã hag̃ua ñane rreunión koestediagua japurahéita peteĩ kántiko pyahu hérava: “Pe Rréino ogovernáma. ¡Tou katu!”. Ko kántiko oñepresenta kuri pe rreunión anuálpe, ha ojeprepara ñagueromanduʼa hag̃ua ojapomaha 100 áño oñepyrũ hague ogoverna Ñandejára Rréino.
9 Jehová ningo orregala ñandéve heta ‘mbaʼe porã’, umíva apytépe koʼã kántiko pyahu (Mat. 12:35a). Upévare, jajedesidíkena ñaaprende umi kántiko pyahu ha japurahéi ñande pyʼaite guive, péicha jajapóramo ñamombaʼeguasúta hekoitépe ñande Apohare, Jehovápe (Sal. 147:1).