TESÓRO OĨVA ÑANDEJÁRA ÑEʼẼME | JOB 6-10
Job omombeʼu vaʼekue mbaʼeichaite pevépa oñembyasy
Job opyta vaʼekue po nandiete, hasy vai, ha omanomba avei chugui ifamiliakuéra, upéicharõ jepe osegi vaʼekue iñeʼẽrendu Ñandejárape. Upémarõ Satanás oñehaʼãmbaite odesanima Jóbpe ikatu hag̃uáicha omboyke Ñandejárape. Upéi mbohapy iñamígo ou ovisita chupe ha haʼetévaicha guaʼu la ojepyʼapýva hese hikuái, péro siete día oguapy hikuái Job ndive ha avave ndeʼíri ni una palávra omokyreʼỹ hag̃ua chupe. Upéi oñepyrũ sapyʼa oñeʼẽ hikuái Jóbpe, péro oakusa ha omoñeñandu vaive hag̃uánte chupe.
Job iñeʼẽrendu vaʼekue Jehovápe ohasáramo jepe hetaiterei mbaʼe ijetuʼúva
Job osufrieterei vaʼekue ha upéicha rupi ou opensa Ñandejárape nointeresaiha voi haʼépa iñeʼẽrendu chupe térãpa nahániri.
Oñeñandu vaieterei rupi noñemoĩri kuri opensa mbaʼérepa añetehápe osufri.
Oñeñandu vaietereíramo jepe, Job heʼi umi mbohapy iñamígo guaʼúpe mbaʼeichaitépa haʼe ohayhu Jehovápe.